O‘zbekiston Respublikasi Vazirlar Mahkamasining 2014-yil 20-oktabrdagi 290-son “Biologik resurslardan foydalanishni tartibga solish va tabiatdan foydalanish sohasida ruxsat berish tartib-taomillaridan o‘tish tartibi to‘g‘risida”gi qaroriga muvofiq, O‘zbekiston Respublikasi Tabiatni muhofaza qilish davlat qo‘mitasi, Ichki ishlar vazirligi qaror qiladi:
1. O‘zbekiston Respublikasi Tabiatni muhofaza qilish davlat qo‘mitasi, Ichki ishlar vazirligining 2012-yil 18-maydagi 5, 18-son qarori (ro‘yxat raqami 2373, 2012-yil 21-iyun) (O‘zbekiston Respublikasi qonun hujjatlari to‘plami, 2012-y., 25-son, 282-modda) bilan tasdiqlangan Aholi punktlarida yovvoyi hayvonlarni saqlash qoidalariga ilovaga muvofiq o‘zgartirishlar kiritilsin.
O‘zbekiston Respublikasi Tabiatni muhofaza qilish davlat qo‘mitasi, Ichki ishlar vazirligining 2014-yil 31-dekabrdagi 3, 45-sonli qaroriga
ILOVA
ILOVA
“Mazkur Qoidalar O‘zbekiston Respublikasi Vazirlar Mahkamasining 2011-yil 8-iyuldagi 202-son “Qarovsiz qolgan hayvonlarni tutish va saqlash bilan bog‘liq xizmatlar faoliyatini takomillashtirish chora-tadbirlari to‘g‘risida”gi hamda 2014-yil 20-oktabrdagi 290-son “Biologik resurslardan foydalanishni tartibga solish va tabiatdan foydalanish sohasida ruxsat berish tartib-taomillaridan o‘tish tartibi to‘g‘risida”gi qarorlariga muvofiq epizootik holatlarga qarshi tadbirlarni kuchaytirish, fuqarolarning hayoti, sog‘lig‘ini va atrof muhitni muhofaza qilish, sanitariya-gigiyena, veterinariya qoidalari va normalariga rioya qilinishini ta’minlash maqsadida aholi punktlarida yovvoyi hayvonlarni saqlash tartibini belgilaydi.”.
“tutqunlikda saqlash — yovvoyi hayvonlarga ular tor (to‘silgan) joyda yashaydigan sharoitlar yaratish (qafasda, temir panjarali joyda, bog‘langan holda saqlash va hokazo) va ularning yashash jarayoni insonga to‘liq bog‘liq bo‘lishi;”.
“5. Boshqa mamlakatlardan O‘zbekistonga olib kelingan, tabiatda tutilgan (ovlangan), zoologiya do‘konlaridan, zooparklardan sotib olingan, ov yoki baliq ovlashda va boshqa hollarda tutilganligi uchun hujjatlar mavjud bo‘lsa yovvoyi hayvonlar qonunchilikka muvofiq ravishda sotib olingan, deb hisoblanadi.
Belgilangan tartibda berilgan ov va baliq tutishga ruxsatnoma, O‘zbekiston hududiga hayvonlarni olib kirishga ruxsatnoma, kassa cheklari, yo‘l varaqalari va boshqalar yovvoyi hayvonlarni qonunga muvofiq sotib olinganligini tasdiqlovchi hujjatlar bo‘lishi mumkin.”.
“7. Yovvoyi hayvonlar Vazirlar Mahkamasining 2014-yil 20-oktabrdagi 290-son qarori bilan tasdiqlangan Hayvonot dunyosi obyektlaridan foydalanish va hayvonot dunyosi obyektlaridan foydalanish sohasida ruxsat berish tartib-taomillaridan o‘tish tartibi to‘g‘risidagi nizomga muvofiq berilgan ruxsatnomalar asosida tutqunlikda yoki pitomnikda saqlanishi mumkin.”.
5. 8-banddan “hayot faoliyati mahsulotlarini olish maqsadida” degan so‘zlar “tutqunlikda va yarim” degan so‘zlar bilan almashtirilsin.
“9. Yovvoyi hayvonlarni saqlash va ko‘paytirish bo‘yicha pitomniklar, shu jumladan yarim tutqun sharoitda, shuningdek Yo‘q bo‘lib ketish xavfi ostidagi yovvoyi fauna va flora turlari bilan xalqaro savdo to‘g‘risidagi Konvensiya (CITES)ning obyekti bo‘lgan hayvonlar tabiatni muhofaza qilish organlarida davlat hisobiga olinadi. Yovvoyi hayvonlarni saqlash va ko‘paytirish bo‘yicha pitomniklarni ro‘yxatga olish guvohnomasi pitomnikning davlat hisobiga olinganligi to‘g‘risidagi hujjat hisoblanadi.
10. Yovvoyi hayvonlarni tutqunlikda yoki pitomnikda saqlashga ruxsatnoma berilgan shaxslar har yili 1-yanvargacha, ruxsatnoma bergan organlarga hayvonlarning soni, tur tarkibi va holati to‘g‘risida axborot berishi shart.”.
7. Mazkur o‘zgartirishlar O‘zbekiston Respublikasi Qishloq va suv xo‘jaligi vazirligi, Sog‘liqni saqlash vazirligi, Fanlar akademiyasi bilan kelishilgan.