1-modda. Oʻzbekiston Respublikasining 1991-yil 15-fevralda qabul qilingan “Oʻzbekiston Respublikasida jamoat birlashmalari toʻgʻrisida”gi 223-XII-sonli Qonuni (Oʻzbekiston Respublikasi Oliy Kengashining Axborotnomasi, 1991-yil, № 4, 76-modda; 1992-yil, № 9, 363-modda; Oʻzbekiston Respublikasi Oliy Majlisining Axborotnomasi, 1997-yil, № 4-5, 126-modda; 1998-yil, № 3, 38-modda; 2004-yil, № 1-2, 18-modda, № 5, 90-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2008-yil, № 12, 640-modda; 2009-yil, № 9, 330-modda) 11-moddasining beshinchi qismidagi “ikki oy muddatda” degan soʻzlar “bir oy muddatda” degan soʻzlar bilan almashtirilsin.

3-modda. 1993-yil 7-mayda qabul qilingan 863-XII-sonli Oʻzbekiston Respublikasining Havo kodeksiga (Oʻzbekiston Respublikasi Oliy Kengashining Axborotnomasi, 1993-yil, № 6, 247-modda; Oʻzbekiston Respublikasi Oliy Majlisining Axborotnomasi, 1998-yil, № 3, 38-modda; 2000-yil, № 5-6, 153-modda; 2003-yil, № 5, 67-modda; Oʻzbekiston Respublikasi Oliy Majlisi palatalarining Axborotnomasi, 2008-yil, № 7, 350-modda; 2012-yil, № 9/2, 246-modda; 2013-yil, № 4, 98-modda; 2014-yil, № 5, 130-modda, № 9, 244-modda) quyidagi oʻzgartishlar kiritilsin:

1) 36-moddaning ikkinchi qismidagi “Oʻzbekiston Respublikasi Vazirlar Mahkamasi” degan soʻzlar “Davlatlararo aviatsiya qoʻmitasi” degan soʻzlar bilan almashtirilsin;

2) 38-moddaning:

birinchi qismi quyidagi tahrirda bayon etilsin:

“Havo kemasi turining sertifikati havo kemasi turining tuzilishini belgilaydigan va uning fuqaro havo kemalarining uchishga yaroqlilik normalariga muvofiqligini tasdiqlaydigan Davlatlararo aviatsiya qoʻmitasi tomonidan beriladigan hujjatdir”;

ikkinchi qismi chiqarib tashlansin;

uchinchi qismi ikkinchi qism deb hisoblansin.

4-modda. Oʻzbekiston Respublikasining 1993-yil 28-dekabrda qabul qilingan “Metrologiya toʻgʻrisida”gi 1004-XII-sonli Qonuniga (Oʻzbekiston Respublikasi Oliy Kengashining Axborotnomasi, 1994-yil, № 2, 48-modda; Oʻzbekiston Respublikasi Oliy Majlisining Axborotnomasi, 2000-yil, № 5-6, 153-modda; 2003-yil, № 5, 67-modda; Oʻzbekiston Respublikasi Oliy Majlisi palatalarining Axborotnomasi, 2013-yil, № 4, 98-modda) quyidagi oʻzgartish va qoʻshimchalar kiritilsin:

1) 1-modda:

beshinchi xatboshisidagi “fizik” degan soʻz chiqarib tashlansin;

oʻninchi xatboshisi “kalibrlash laboratoriyasi” degan soʻzlardan keyin “(markazi)” degan soʻz bilan toʻldirilsin;

oʻn ikkinchi va oʻn uchinchi xatboshilari quyidagi tahrirda bayon etilsin:

“metrologiya xizmatlari, markazlari, laboratoriyalarini akkreditatsiya qilish” — metrologiya xizmatlari, markazlari, laboratoriyalarining belgilangan akkreditatsiya qilish sohasida oʻlchovlarning yagona birligini taʼminlash boʻyicha ishlarni bajarishga vakolatli ekanligining rasmiy jihatdan tasdiqlanishi;

“yuridik shaxslarning metrologiya xizmatlarini, oʻlchov vositalarini kalibrlash boʻyicha kalibrlash laboratoriyalarini (markazlarini) akkreditatsiya qilish” — yuridik shaxslar metrologiya xizmatlarining, kalibrlash laboratoriyalarining (markazlarining) belgilangan sohada oʻlchov vositalarini kalibrlash boʻyicha ishlarni bajarishga vakolatli ekanligining rasmiy jihatdan tasdiqlanishi”;

quyidagi mazmundagi oʻn oltinchi va oʻn yettinchi xatboshilar bilan toʻldirilsin:

“sinov vositalarini metrologik attestatsiya qilish” — sinov vositalarining normalangan texnik tavsiflari texnik jihatdan tartibga solish sohasidagi normativ hujjatlar talablariga muvofiqligini aniqlash;

“sinov vositasi” — sinovlar oʻtkazish uchun moʻljallangan, normalangan texnik tavsiflari boʻlgan texnik qurilma, modda va (yoki) material”;

2) 4-modda ikkinchi qismining oltinchi xatboshisi quyidagi tahrirda bayon etilsin:

“metrologiya masalalari boʻyicha normativ-huquqiy hujjatlarni va normativ hujjatlarni qabul qilish, shu jumladan davlatning boshqa boshqaruv organlari bilan hamkorlikda qabul qilish”;

3) II boʻlimning nomidagi “FIZIK” degan soʻz chiqarib tashlansin;

4) 5-moddaning nomidagi, birinchi va uchinchi qismlaridagi “Fizik”, “fizik” degan soʻzlar chiqarib tashlansin;

5) 6-moddaning nomidagi va birinchi qismidagi “Fizik” degan soʻz chiqarib tashlansin;

6) 7-moddaning:

nomi “va sinov vositalari” degan soʻzlar bilan toʻldirilsin;

birinchi qismi “oʻlchov vositalari” degan soʻzlardan keyin “va sinov vositalari” degan soʻzlar bilan toʻldirilsin;

ikkinchi qismi quyidagi tahrirda bayon etilsin:

“Texnika vositalarini oʻlchov vositalari va sinov vositalari jumlasiga kiritish mezonlarini “Oʻzstandart” agentligi belgilaydi”;

7) 13-modda:

quyidagi mazmundagi toʻrtinchi xatboshi bilan toʻldirilsin:

“sinov vositalari”;

toʻrtinchi — yettinchi xatboshilari tegishincha beshinchi — sakkizinchi xatboshilar deb hisoblansin;

8) 14-moddaning ikkinchi qismidagi “Oʻzbekiston Respublikasining normativ hujjatlariga” degan soʻzlar “Oʻzbekiston Respublikasining qonun hujjatlariga” degan soʻzlar bilan almashtirilsin;

9) 15-modda:

birinchi qismining:

uchinchi xatboshisi quyidagi tahrirda bayon etilsin:

“oʻlchov vositalarini, sinov vositalarini va oʻlchovlarning bajarilish uslubiyotlarini metrologik attestatsiya qilish”;

beshinchi xatboshisi “oʻlchov vositalarini” degan soʻzlardan keyin “sinov vositalarini” degan soʻzlar bilan toʻldirilsin:

oltinchi xatboshisi “oʻlchovlarning” degan soʻzdan keyin “sinovlarning” degan soʻz bilan toʻldirilsin;

ikkinchi qismining ikkinchi xatboshisidagi “fizik” degan soʻz chiqarib tashlansin;

10) 16-moddaning toʻrtinchi qismi quyidagi tahrirda bayon etilsin:

“Oʻzbekiston Respublikasi hududidan tashqarida oʻtkazilgan oʻlchov vositalarini sinash va metrologik attestatsiya qilish natijalarini Oʻzbekiston Respublikasida eʼtirof etish Oʻzbekiston Respublikasi Vazirlar Mahkamasi tomonidan belgilangan tartibda, Oʻzbekiston Respublikasining xalqaro shartnomalari hisobga olingan holda amalga oshiriladi”;

11) 17-moddaning uchinchi qismi quyidagi tahrirda bayon etilsin:

“Oʻzbekiston Respublikasi hududidan tashqarida oʻtkazilgan oʻlchov vositalarini tekshiruvdan oʻtkazish natijalarini Oʻzbekiston Respublikasida eʼtirof etish Oʻzbekiston Respublikasi Vazirlar Mahkamasi tomonidan belgilangan tartibda, Oʻzbekiston Respublikasining xalqaro shartnomalari hisobga olingan holda amalga oshiriladi”;

12) 17¹-modda:

ikkinchi qismidagi “yuridik shaxslarning akkreditatsiya qilingan metrologiya xizmatlariga” degan soʻzlar “yuridik shaxslarning akkreditatsiya qilingan metrologiya xizmatlariga, akkreditatsiya qilingan kalibrlash laboratoriyalariga (markazlariga)” degan soʻzlar bilan almashtirilsin;

uchinchi qismi quyidagi tahrirda bayon etilsin:

“Yuridik shaxslarning metrologiya xizmatlarini, kalibrlash laboratoriyalarini (markazlarini) oʻlchov vositalarini kalibrlash boʻyicha ishlarni bajarish uchun akkreditatsiya qilish tartibi va kalibrlashni oʻtkazish tartibi “Oʻzstandart” agentligi tomonidan belgilanadi”;

quyidagi mazmundagi toʻrtinchi qism bilan toʻldirilsin:

“Oʻzbekiston Respublikasi hududidan tashqarida oʻtkazilgan oʻlchov vositalarini kalibrlash natijalarini Oʻzbekiston Respublikasida eʼtirof etish Oʻzbekiston Respublikasi Vazirlar Mahkamasi tomonidan belgilangan tartibda, Oʻzbekiston Respublikasining xalqaro shartnomalari hisobga olingan holda amalga oshiriladi”;

13) 18¹-modda quyidagi tahrirda bayon etilsin:

Texnik jihatdan tartibga solish sohasidagi normativ hujjatlarning metrologik ekspertizasini, ushbu Qonunning 14-moddasida nazarda tutilgan sohada qoʻllanilishi va foydalanilishi mumkin boʻlgan oʻlchov vositalarining, sinov vositalarining, oʻlchovlar bajarilishi uslubiyotlarining metrologik attestatsiyasini oʻtkazish, oʻlchov vositalarini tekshiruvdan oʻtkazish, kalibrlash, sinash huquqiga ega boʻlishi uchun yuridik shaxslarni akkreditatsiya qilish belgilangan tartibda “Oʻzstandart” agentligi tomonidan amalga oshiriladi.

Texnik jihatdan tartibga solish sohasidagi normativ hujjatlarning metrologik ekspertizasini, ushbu Qonunning 14-moddasida nazarda tutilgan sohada qoʻllanilishi va foydalanilishi mumkin boʻlgan oʻlchov vositalarining, sinov vositalarining, oʻlchovlar bajarilishi uslubiyotlarining metrologik attestatsiyasini, oʻlchov vositalarini tekshiruvdan oʻtkazishni, kalibrlashni, sinashni amalga oshiruvchi akkreditatsiya qilingan metrologiya xizmatlari, markazlari, laboratoriyalari faoliyatining inspeksiya nazorati belgilangan tartibda “Oʻzstandart” agentligi tomonidan amalga oshiriladi”;

14) 20-moddaning:

oltinchi xatboshisidagi “normativ hujjatlarni” degan soʻzlar “normativ-huquqiy hujjatlarni va normativ hujjatlarni” degan soʻzlar bilan almashtirilsin;

toʻqqizinchi xatboshisidagi “fizik” degan soʻz chiqarib tashlansin;

15) 21-moddaning matni quyidagi tahrirda bayon etilsin:

“Oʻlchov vositalarini sinash, tekshiruvdan oʻtkazish, oʻlchovlar bajarilishining uslubiyotlarini attestatsiya qilish, texnik jihatdan tartibga solish sohasidagi normativ hujjatlarni metrologik ekspertiza qilish, texnik jihatdan asosliligi hamda belgilangan metrologiya normalari va qoidalariga muvofiqligini baholash, oʻlchovlar va sinovlar bajarilishining sifatini baholashga doir metrologiya ishlari hamda yuridik va jismoniy shaxslarga koʻrsatilayotgan xizmatlar, shuningdek metrologiya faoliyatining davlat tomonidan moliyalashtirish sohasiga kirmaydigan boshqa turlari uchun haq tuziladigan shartnomalar shartlariga muvofiq manfaatdor shaxslar tomonidan toʻlanadi”.

5-modda. Oʻzbekiston Respublikasining 1993-yil 28-dekabrda qabul qilingan “Mahsulotlar va xizmatlarni sertifikatlashtirish toʻgʻrisida”gi 1006-XII-sonli Qonuniga (Oʻzbekiston Respublikasi Oliy Kengashining Axborotnomasi, 1994-yil, № 2, 50-modda; Oʻzbekiston Respublikasi Oliy Majlisining Axborotnomasi, 2000-yil, № 7-8, 217-modda; 2003-yil, № 5, 67-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 4, 157-modda, № 10, 536-modda; 2013-yil, № 10, 263-modda) quyidagi qoʻshimcha va oʻzgartishlar kiritilsin:

1) muqaddima “boshqa obyektlarni” degan soʻzlardan keyin “shu jumladan ishlab chiqarish jarayonlarini, menejment tizimlarini, muvofiqlikni baholash sohasida xodimlar sifatida ishtirok etishga talabgor mutaxassislarni” degan soʻzlar bilan toʻldirilsin;

2) 1-moddaning:

oltinchi xatboshisidagi “bir turdagi” degan soʻzlar chiqarib tashlansin;

yettinchi — oʻninchi xatboshilari quyidagi mazmundagi yettinchi, sakkizinchi va toʻqqizinchi xatboshilar bilan almashtirilsin:

“sifat boʻyicha ekspert-auditor” — qonun hujjatlarida belgilangan tartibda attestatsiyadan oʻtkazilgan, muvofiqlikni baholash sohasidagi ishlarni olib borish uchun tegishli malakaga ega boʻlgan mutaxassis;

“sertifikatlashtirish boʻyicha inspeksiya organi” — qonun hujjatlarida belgilangan tartibda akkreditatsiya qilingan, sertifikatlashtirilgan mahsulotlar ustidan sertifikatlashtirish organlarining topshirigʻiga koʻra inspeksiya nazoratini amalga oshiruvchi yuridik shaxs;

“sertifikatlashtirilgan mahsulotlar ustidan inspeksiya nazorati” — sertifikatlashtirilgan mahsulotlarning sertifikatlashtirilayotganda belgilangan talablarga muvofiqligini tasdiqlash maqsadida amalga oshiriladigan sertifikatlashtirilgan mahsulotlarni davriy takroriy baholash tartib-taomili”;

3) 5-modda:

ikkinchi qismining oltinchi — toʻqqizinchi xatboshilari quyidagi mazmundagi oltinchi, yettinchi va sakkizinchi xatboshilar bilan almashtirilsin:

“sertifikatlashtirilgan mahsulotlarning, attestatsiyadan oʻtkazilgan sifat boʻyicha ekspert-auditorlarning davlat reyestrlarini yuritadi;

majburiy sertifikatlashtirish talablariga rioya etilishi ustidan davlat nazoratini amalga oshiradi;

sertifikatlashtirish toʻgʻrisidagi qonun hujjatlari normalari buzilganligi uchun muvofiqlik sertifikatlarining va muvofiqlik belgilarining amal qilishini toʻxtatib turadi hamda ularni bekor qiladi”;

uchinchi qismidagi “davlat budjeti” degan soʻzlar “Oʻzbekiston Respublikasining Davlat budjeti” degan soʻzlar bilan almashtirilsin;

toʻrtinchi qismining birinchi va ikkinchi xatboshilaridagi “Bir turdagi” va “bir turdagi” degan soʻzlar chiqarib tashlansin;

beshinchi qismi chiqarib tashlansin;

oltinchi va yettinchi qismlari tegishincha beshinchi va oltinchi qismlar deb hisoblansin;

oltinchi qismidagi “bir turdagi” degan soʻzlar chiqarib tashlansin;

4) 6-moddaning birinchi va ikkinchi qismlari quyidagi tahrirda bayon etilsin:

“Mahsulotlar, shu jumladan dasturiy va boshqa ilmiy-texnikaviy mahsulotlar sertifikatlashtirish obyektidir.

“Oʻzstandart” agentligi, akkreditatsiya qilingan sertifikatlashtirish organlari, sinov laboratoriyalari (markazlari), sertifikatlashtirish boʻyicha inspeksiya organlari, sifat boʻyicha ekspert-auditorlar, muvofiqlikni baholash faoliyatida ishtirok etadigan xodimlar, shuningdek mahsulotlari sertifikatlashtirilishi lozim boʻlgan yuridik va jismoniy shaxslar sertifikatlashtirish subyektlaridir”;

5) 7-moddaning:

ikkinchi qismidagi “akkreditatsiya qilinganlik toʻgʻrisidagi guvohnomalarning” degan soʻzlar chiqarib tashlansin;

beshinchi qismidagi “hamda sertifikatlashtirish organlari va sinov laboratoriyalarining (markazlarining) akkreditatsiya qilinganlik toʻgʻrisidagi guvohnomalarini” degan soʻzlar chiqarib tashlansin

6) 8-moddaning birinchi qismidagi “Bir turdagi” degan soʻzlar chiqarib tashlansin;

7) 11-moddaning birinchi qismidagi “nazorat yoʻsinidagi tekshiruvni va sertifikatlashtirilgan mahsulot ustidan nazoratni” degan soʻzlar “sertifikatlashtirilgan mahsulotlar ustidan inspeksiya nazoratini” degan soʻzlar bilan almashtirilsin;

8) 15-moddaning yettinchi xatboshisi quyidagi tahrirda bayon etilsin:

“majburiy sertifikatlashtirish talablariga rioya etilishi ustidan davlat nazoratini amalga oshirish ishlari davlat tomonidan moliyalashtirilishi kerak”;

9) 16-modda quyidagi tahrirda bayon etilsin:

Majburiy sertifikatlashtirish talablariga tayyorlovchilar (tadbirkorlar, sotuvchilar, ijrochilar) tomonidan rioya etilishi ustidan davlat nazoratini qonun hujjatlarida belgilangan tartibda “Oʻzstandart” agentligining davlat inspektorlari amalga oshiradi”;

10) 16¹-moddaning matni quyidagi tahrirda bayon etilsin:

“Sertifikatlashtirilgan mahsulotlar ustidan inspeksiya nazorati muvofiqlik sertifikatini bergan sertifikatlashtirish organlari yoki sertifikatlashtirish boʻyicha inspeksiya organlari tomonidan amalga oshiriladi”.

6-modda. Oʻzbekiston Respublikasining 1994-yil 5-mayda qabul qilingan “Bankrotlik toʻgʻrisida”gi 1054-XII-sonli Qonuniga (Oʻzbekiston Respublikasining 2003-yil 24-aprelda qabul qilingan 474-II-sonli Qonuni tahririda) (Oʻzbekiston Respublikasi Oliy Majlisining Axborotnomasi, 2003-yil, № 5, 63-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 12, 414-modda; 2008-yil, № 12, 640-modda; 2009-yil, № 1, 1-modda, № 4, 133-modda, № 9, 330-modda; 2010-yil, № 9, 337-modda; 2011-yil, № 10, 270-modda; 2012-yil, № 12, 334-modda; 2014-yil, № 5, 130-modda, № 9, 244-modda) quyidagi oʻzgartishlar va qoʻshimcha kiritilsin:

1) 103-modda toʻrtinchi qismining ikkinchi jumlasidagi “oltinchi” degan soʻz “toʻrtinchi” degan soʻz bilan almashtirilsin;

2) 133-modda:

quyidagi mazmundagi uchinchi qism bilan toʻldirilsin:

“Garovga qoʻyilgan mol-mulkni (garov narsasini) realizatsiya qilish boʻyicha ochiq kimoshdi savdosi va (yoki) takroriy ochiq kimoshdi savdosi amalga oshmagan deb topilgan taqdirda, mazkur mol-mulk talablari garov bilan taʼminlangan kreditorlarga belgilangan tartibda qabul qilish uchun taklif etiladi. Agar qabul qilingan garovga qoʻyilgan mol-mulkning (garov narsasining) qiymati kreditorlarning garov bilan taʼminlangan talablaridan koʻp boʻlsa, bunda yuzaga kelgan farq mazkur mol-mulkni qabul qilayotgan kreditorlar tomonidan pul shaklida qoplanadi”;

uchinchi qismi toʻrtinchi qism deb hisoblansin;

3) 134-moddaning matni quyidagi tahrirda bayon etilsin:

“Navbatdan tashqari — sud xarajatlari, sud boshqaruvchilariga haq toʻlash bilan bogʻliq xarajatlar, joriy kommunal toʻlovlar va foydalanish toʻlovlari, qarzdorning mol-mulkini sugʻurta qilish xarajatlari qoplanadi, shuningdek qarzdorning bankrotlik toʻgʻrisida ish qoʻzgʻatilganidan keyin yuzaga kelgan majburiyatlar boʻyicha talablar hamda qarzdor qaysi fuqaroning hayotiga yoki sogʻligʻiga zarar yetkazilganligi uchun qonun hujjatlariga muvofiq javobgar boʻlsa, shu fuqaroning talablari qondiriladi.

Birinchi navbatda — ish haqi toʻlash uchun pul mablagʻlari berilishini nazarda tutuvchi toʻlov (ijro) hujjatlari boʻyicha, alimentlar undirish toʻgʻrisidagi talablarni qondirish uchun hisobvaraqdan pul mablagʻlarini oʻtkazishni yoki berishni nazarda tutuvchi ijro hujjatlari boʻyicha, mualliflik shartnomalari yuzasidan haq toʻlash boʻyicha, qarzdorning mehnatga oid munosabatlardan va ularga tenglashtirilgan huquqiy munosabatlardan kelib chiquvchi toʻlovlar hamda talablar boʻyicha majburiyatlari teng darajada bajarilishini taʼminlaydigan talablar, shuningdek fuqarolarning jinoyat yoki maʼmuriy huquqbuzarlik oqibatida oʻz mol-mulkiga yetkazilgan zararning oʻrnini qoplashga doir talablari qondiriladi.

Ikkinchi navbatda — majburiy toʻlovlar boʻyicha, majburiy sugʻurta boʻyicha, banklarning kreditlari va bank kreditlari sugʻurtasi boʻyicha talablar, shuningdek kreditorlarning garov bilan taʼminlangan talablarining garovga qoʻyilgan mol-mulkni (garov narsasini) sotishdan tushgan summa yetarli boʻlmaganligi oqibatida qoplanmay qolgan qarzdorlikka taalluqli qismi hamda kreditorlarning garov bilan taʼminlanmagan talablari qondiriladi.

Uchinchi navbatda — aksiyalar egalarining hisoblangan dividendlar boʻyicha talablari qondiriladi.

Toʻrtinchi navbatda — qolgan barcha talablar qondiriladi.

Har qaysi keyingi navbat boʻyicha talablar oldingi navbat talablari toʻla qanoatlantirilganidan keyin qondiriladi.

Undirib olinayotgan summa bir navbatning barcha talablarini toʻla qondirish uchun yetarli boʻlmasa, bu talablar har bir undiruvchi olishi lozim boʻlgan summaga mutanosib ravishda qondiriladi.

Oxirgi toʻlov amalga oshirilganligi toʻgʻrisida rasmiy nashrda maxsus xabar eʼlon qilinadi.

Mol-mulk qiymatining kreditorlar talablari qondirilganidan va bankrotlik toʻgʻrisidagi ish yuritish xarajatlari toʻlanganidan keyingi qoldigʻini, shuningdek tugatish jarayonida sotilmay qolgan mol-mulkni tugatilayotgan qarzdorning muassislari (ishtirokchilari) yoki tugatilayotgan qarzdor mol-mulkining egasi oladi, ushbu Qonunning 143-moddasida nazarda tutilgan hollar bundan mustasno.

Mol-mulk yetmaganligi uchun qondirilmagan qarz majburiyatlari qanoatlantirilgan deb hisoblanadi”;

4) 142-modda ikkinchi qismining beshinchi xatboshisidagi “142¹ va 143-moddalarida” degan soʻzlar “143-moddasida” degan soʻz bilan almashtirilsin;

5) 142¹-modda chiqarib tashlansin;

6) 143-moddaning ikkinchi qismidagi “majburiy toʻlovlar va moliyaviy sanksiyalar boʻyicha qarzdorligi boʻlmagan” degan soʻzlar chiqarib tashlansin;

7) 183-moddaning ikkinchi qismi quyidagi tahrirda bayon etilsin:

“Kreditorlarning talablari quyidagi navbat boʻyicha qondiriladi:

birinchi navbatda — aliment undirish toʻgʻrisidagi talablar, shuningdek mehnatga haq toʻlashga oid va mualliflik shartnomalari boʻyicha haq toʻlashga oid hisob-kitoblar nazarda tutilgan talablar;

ikkinchi navbatda — majburiy toʻlovlar boʻyicha talablar, kreditorlarning garov bilan taʼminlangan talablarining garovga qoʻyilgan mol-mulkni (garov narsasini) sotishdan tushgan summa yetarli boʻlmaganligi oqibatida qoplanmay qolgan qarzdorlikka taalluqli qismi va kreditorlarning garov bilan taʼminlanmagan talablari;

uchinchi navbatda boshqa kreditorlar bilan hisob-kitoblar amalga oshiriladi”.

7-modda. Oʻzbekiston Respublikasining 1994-yil 22-sentabrda qabul qilingan 2012-XII-sonli Qonuni bilan tasdiqlangan Oʻzbekiston Respublikasining Jinoyat kodeksi (Oʻzbekiston Respublikasi Oliy Kengashining Axborotnomasi, 1995-yil, № 1, 3-modda; Oʻzbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda; 2001-yil, № 1-2, 23-modda, № 9-10, 165-modda; 2002-yil, № 9, 165-modda; 2003-yil, № 1, 8-modda, № 9-10, 149-modda; 2004-yil, № 1-2, 18-modda, № 9, 171-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 314-modda, № 12, 417, 418-moddalar; 2006-yil, № 6, 261-modda, № 12, 656-modda; 2007-yil, № 4, 158, 166-moddalar, № 6, 248-modda, № 9, 416, 422-moddalar, № 12, 607-modda; 2008-yil, № 4, 187, 188, 189-moddalar, № 7, 352-modda, № 9, 485, 487, 488-moddalar, № 12, 640, 641-moddalar; 2009-yil, № 1, 1-modda, № 4, 128-modda, № 9, 329, 334, 335, 337-moddalar, № 12, 470-modda; 2010-yil, № 5, 176, 179-moddalar, № 9, 341-modda, № 12, 471, 477-moddalar; 2011-yil, № 1, 1-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda) 144-moddasi quyidagi tahrirda bayon etilsin:

Jismoniy va yuridik shaxslarning murojaatlarini qabul qilish va koʻrib chiqishni qonunga xilof ravishda rad etish, ularni koʻrib chiqish muddatlarini uzrli sabablarsiz buzish, yozma yoxud elektron shaklda javob yubormaslik, jismoniy va yuridik shaxslarning murojaatlari toʻgʻrisidagi qonun hujjatlariga zid qaror qabul qilish, jismoniy va yuridik shaxslarning buzilgan huquqlari tiklanishini, murojaat munosabati bilan qabul qilingan qarorning bajarilishini taʼminlamaganlik yoki jismoniy shaxslarning shaxsiy hayoti toʻgʻrisidagi yoxud yuridik shaxslarning faoliyati toʻgʻrisidagi maʼlumotlarni ularning roziligisiz oshkor etish, xuddi shuningdek jismoniy va yuridik shaxslarning murojaatlari toʻgʻrisidagi qonun hujjatlarini boshqacha tarzda buzish jismoniy va yuridik shaxslarning huquqlariga, erkinliklariga yoki qonun bilan qoʻriqlanadigan manfaatlariga yoxud jamiyat va davlat manfaatlariga jiddiy ziyon yetkazilishiga sabab boʻlsa, –

eng kam oylik ish haqining yigirma besh baravarigacha miqdorda jarima yoki ikki yilgacha axloq tuzatish ishlari yoxud olti oygacha qamoq bilan jazolanadi.

Jismoniy shaxsni, uning vakilini, ularning oila aʼzolarini, yuridik shaxsni, uning vakilini va yuridik shaxs vakilining oila aʼzolarini ular davlat organiga, davlat muassasasiga yoki fuqarolarning oʻzini oʻzi boshqarish organlariga murojaat qilganligi munosabati bilan yoxud bildirilgan fikri va murojaatidagi tanqid uchun, xuddi shuningdek boshqacha shaklda tanqid qilganligi uchun mansabdor shaxs tomonidan taʼqib etish, –

eng kam oylik ish haqining yigirma besh baravaridan ellik baravarigacha miqdorda jarima yoki ikki yildan uch yilgacha axloq tuzatish ishlari yoxud uch yilgacha ozodlikdan mahrum qilish bilan jazolanadi”.

8-modda. Oʻzbekiston Respublikasining 1994-yil 22-sentabrda qabul qilingan 2015-XII-sonli Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksiga (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2005-yil, № 9, 312-modda, № 12, 413, 417, 418-moddalar; 2006-yil, № 6, 261-modda, № 9, 498-modda, № 10, 536-modda, № 12, 656, 659-moddalar; 2007-yil, № 4, 158, 159, 164, 165-moddalar, № 9, 416, 421-moddalar, № 12, 596, 604, 607-moddalar; 2008-yil, № 4, 181, 189, 192-moddalar, № 9, 486, 488-moddalar, № 12, 640, 641-moddalar; 2009-yil, № 1, 1-modda, № 9, 334, 335, 337-moddalar, № 10, 380-modda, № 12, 462, 468, 470, 472, 474-moddalar; 2010-yil, № 5, 175, 179-moddalar, № 6, 231-modda, № 9, 335, 339, 341-moddalar, № 10, 380-modda, № 12, 468, 473, 474-moddalar; 2011-yil, № 1, 1-modda, № 4, 104, 105-moddalar, № 9, 247, 252-moddalar, № 12/2, 365-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda) quyidagi oʻzgartishlar kiritilsin:

1) 43-modda quyidagi tahrirda bayon etilsin:

Jismoniy va yuridik shaxslarning murojaatlarini qabul qilish va koʻrib chiqishni qonunga xilof ravishda rad etish, ularni koʻrib chiqish muddatlarini uzrli sabablarsiz buzish, yozma yoxud elektron shaklda javob yubormaslik, jismoniy va yuridik shaxslarning murojaatlari toʻgʻrisidagi qonun hujjatlariga zid qaror qabul qilish, jismoniy va yuridik shaxslarning buzilgan huquqlari tiklanishini, murojaat munosabati bilan qabul qilingan qarorning bajarilishini taʼminlamaganlik –

mansabdor shaxslarga eng kam ish haqining bir baravaridan uch baravarigacha miqdorda jarima solishga sabab boʻladi”;

2) 241¹-moddaning matni quyidagi tahrirda bayon etilsin:

“Qonuniy tadbirkorlik faoliyatiga toʻsqinlik qilish, yaʼni tadbirkorlik faoliyati subyektini davlat roʻyxatidan oʻtkazish, davlat xizmati koʻrsatishning qonun hujjatlarida belgilangan tartibini va muddatlarini buzish, tadbirkorlik faoliyati subyektini davlat roʻyxatidan oʻtkazishni gʻayriqonuniy ravishda rad etish yoki uni davlat roʻyxatidan oʻtkazishdan boʻyin tovlash, davlat xizmati koʻrsatishni gʻayriqonuniy ravishda rad etish yoxud uni koʻrsatishdan boʻyin tovlash, xoʻjalik yurituvchi subyektlarning moliya-xoʻjalik faoliyatini tekshirish va taftish qilishning belgilangan tartibini buzish, tadbirkorlik faoliyati subyektining huquqlari va qonuniy manfaatlarini cheklash, qonun hujjatlarida nazarda tutilmagan statistika, moliya, soliq hisobotini va boshqa hisobotlarni, shuningdek oʻzga hujjatlarni talab qilib olish yoxud nazarda tutilgan hisobotni taqdim etishning belgilangan muddatlari va tartibiga zid ravishda talab qilib olish, xuddi shuningdek uning mustaqilligini boshqacha tarzda cheklash yoki uning faoliyatiga boshqacha tarzda qonunga xilof ravishda aralashish, –

mansabdor shaxslarga eng kam ish haqining oʻn baravaridan yigirma baravarigacha miqdorda jarima solishga sabab boʻladi.

Xuddi shunday huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, –

mansabdor shaxslarga eng kam ish haqining yigirma baravaridan oʻttiz baravarigacha miqdorda jarima solishga sabab boʻladi”;

3) 241²-moddaning sanksiyasi quyidagi tahrirda bayon etilsin:

“fuqarolarga eng kam ish haqining ikki baravaridan besh baravarigacha, mansabdor shaxslarga esa yigirma baravaridan oltmish baravarigacha miqdorda jarima solishga sabab boʻladi”.

9-modda. Oʻzbekiston Respublikasining 1995-yil 21-dekabrda qabul qilingan “Oʻzbekiston Respublikasining Markaziy banki toʻgʻrisida”gi 154-I-sonli Qonuni (Oʻzbekiston Respublikasi Oliy Majlisining Axborotnomasi, 1995-yil, № 12, 247-modda; 1998-yil, № 9, 181-modda; 1999-yil, № 5, 124-modda; 2001-yil, № 1-2, 23-modda; 2003-yil, № 1, 8-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 9, 496-modda; 2007-yil, № 12, 608-modda; 2009-yil, № 4, 133-modda, № 9, 330, 337-moddalar, № 12, 470-modda; 2012-yil, № 4, 105-modda, № 12, 336-modda; 2014-yil, № 5, 130-modda) 40-moddasi ikkinchi qismining uchinchi xatboshisidagi “banklar, boshqa yuridik va jismoniy shaxslarga” degan soʻzlar “banklarga” degan soʻz bilan almashtirilsin.

10-modda. Oʻzbekiston Respublikasining 1995-yil 21-dekabrda qabul qilingan 163-I-sonli va 1996-yil 29-avgustda qabul qilingan 256-I-sonli qonunlari bilan tasdiqlangan Oʻzbekiston Respublikasining Fuqarolik kodeksi (Oʻzbekiston Respublikasi Oliy Majlisining Axborotnomasi, 1996-yil, 2-songa ilova, № 11-12; 1997-yil, № 2, 56-modda, № 9, 241-modda; 1998-yil, № 5-6, 102-modda; 1999-yil, № 1, 20-modda, № 9, 229-modda; 2001-yil, № 1-2, 23-modda, № 9-10, 182-modda; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda; 2004-yil, № 1-2, 18-modda, № 5, 90-modda, № 9, 171-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 4, 154-modda, № 9, 494, 498-moddalar; 2007-yil, № 1, 3, 5-moddalar, № 4, 156, 164-moddalar, № 8, 367-modda, № 9, 416-modda, № 12, 598, 608-moddalar; 2008-yil, № 4, 192-modda, № 12, 640-modda; 2009-yil, № 9, 337-modda; 2010-yil, № 9, 335, 337, 340-moddalar; 2011-yil, № 12/2, 363, 364, 365-moddalar; 2012-yil, № 4, 106, 109-moddalar, № 12, 336-modda; 2013-yil, № 10, 263-modda; 2014-yil, № 5, 130-modda) 53-moddasi ikkinchi qismining uchinchi xatboshisi “dehqon va fermer xoʻjaliklari” degan soʻzlardan keyin “nodavlat notijorat tashkilotlari” degan soʻzlar bilan toʻldirilsin.

11-modda. Oʻzbekiston Respublikasining 1997-yil 24-aprelda qabul qilingan “Tabiiy monopoliyalar toʻgʻrisida”gi 398-I-sonli Qonuni (Oʻzbekiston Respublikasining 1999-yil 19-avgustda qabul qilingan 815-I-sonli Qonuni tahririda) (Oʻzbekiston Respublikasi Oliy Majlisining Axborotnomasi, 1999-yil, № 9, 212-modda; Oʻzbekiston Respublikasi Oliy Majlisi palatalarining Axborotnomasi, 2006-yil, № 10, 536-modda; 2007-yil, № 12, 591-modda; 2010-yil, № 12, 466-modda; 2013-yil, № 4, 98-modda, № 10, 263-modda) 9-moddasining matni quyidagi tahrirda bayon etilsin:

“Tabiiy monopoliya subyektlari faoliyati ustidan davlat nazorati monopoliyaga qarshi davlat organi tomonidan amalga oshiriladi.

Monopoliyaga qarshi davlat organi:

isteʼmolchilarga realizatsiya qilinadigan tovarlarning hajmlari boʻyicha shartnomalarga rioya etilishi ustidan;

tovarlar narxini belgilash hamda narxlarni (tariflarni) qoʻllash tartibiga rioya etilishi ustidan;

tabiiy monopoliya subyektlarining tashkil etilishi, qayta tashkil etilishi va tugatilishi ustidan nazoratni amalga oshiradi”.

14-modda. Oʻzbekiston Respublikasining 1999-yil 14-aprelda qabul qilingan “Nodavlat notijorat tashkilotlari toʻgʻrisida”gi 763-I-sonli Qonuniga (Oʻzbekiston Respublikasi Oliy Majlisining Axborotnomasi, 1999-yil, № 5, 115-modda; 2004-yil, № 5, 90-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 12, 608-modda; 2008-yil, № 12, 640-modda; 2012-yil, № 4, 106-modda) quyidagi oʻzgartishlar kiritilsin:

1) 22-moddaning toʻrtinchi qismidagi “notarial tartibda tasdiqlangan” degan soʻzlar chiqarib tashlansin;

2) 23-moddaning matnidagi “ikki oylik muddat” degan soʻzlar “bir oylik muddat” degan soʻzlar bilan almashtirilsin.

15-modda. Oʻzbekiston Respublikasining 2000-yil 25-mayda qabul qilingan “Tadbirkorlik faoliyati erkinligining kafolatlari toʻgʻrisida”gi 69-II-sonli Qonuniga (Oʻzbekiston Respublikasining 2012-yil 2-mayda qabul qilingan OʻRQ-328-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2012-yil, № 5, 133-modda; 2013-yil, № 4, 98-modda, № 10, 263-modda) quyidagi oʻzgartish va qoʻshimchalar kiritilsin:

1) 5-modda birinchi qismi 3-bandining:

ikkinchi xatboshisi quyidagi mazmundagi ikkinchi va uchinchi xatboshilar bilan almashtirilsin:

“qonun hujjatlarida nazarda tutilgan yengil, oziq-ovqat sanoatidagi va qurilish materiallari sanoatidagi, band boʻlgan xodimlarining oʻrtacha yillik soni koʻpi bilan ikki yuz kishi;

metallga ishlov berish va asbobsozlik, yogʻochsozlik, mebel sanoatidagi, shuningdek qonun hujjatlarida nazarda tutilgan boshqa sanoat-ishlab chiqarish sohalaridagi, band boʻlgan xodimlarining oʻrtacha yillik soni koʻpi bilan yuz kishi”;

uchinchi va toʻrtinchi xatboshilari tegishincha toʻrtinchi va beshinchi xatboshilar deb hisoblansin;

2) quyidagi mazmundagi 18¹-modda bilan toʻldirilsin:

Tadbirkorlik faoliyatini amalga oshirish tartib-taomilining murakkablashtirilishini va tadbirkorlik faoliyati subyektlari zimmasiga yangi majburiyatlar yuklatilishini nazarda tutadigan, shuningdek ularning javobgarligiga oid yangi choralarni belgilaydigan qonun hujjatlari rasmiy eʼlon qilingan kundan eʼtiboran kamida uch oydan keyin kuchga kiradi.

Ushbu moddaning birinchi qismida nazarda tutilgan qonun hujjatlarida ularning (yoki ular qismlarining) kuchga kirish muddati koʻrsatilishi kerak”;

3) 30-modda:

quyidagi mazmundagi ikkinchi qism bilan toʻldirilsin:

“Vazirliklar, davlat qoʻmitalari va idoralari, mahalliy davlat hokimiyati organlari tomonidan qabul qilingan, tadbirkorlik faoliyati subyektlari bilan oʻzaro munosabatlar masalalarini tartibga soladigan, ularning rasmiy veb-saytlarida Internet jahon axborot tarmogʻi orqali eʼlon qilinmagan normativ-huquqiy hujjatlar va boshqa hujjatlarning talablarini buzganlik uchun tadbirkorlik faoliyati subyektlariga nisbatan javobgarlik choralari qoʻllanilmaydi”;

ikkinchi, uchinchi va toʻrtinchi qismlari tegishincha uchinchi, toʻrtinchi va beshinchi qismlar deb hisoblansin.

1) 14-modda:

birinchi qismining toʻrtinchi xatboshisi quyidagi tahrirda bayon etilsin:

“litsenziyalovchi organ litsenziya daʼvogarining arizasini koʻrib chiqishi uchun litsenziya daʼvogari qonun hujjatlarida nazarda tutilgan hollarda yigʻim toʻlaganligini tasdiqlovchi hujjat”;

uchinchi qismi quyidagi tahrirda bayon etilsin:

“Litsenziya olish uchun zarur boʻlgan hujjatlar litsenziya daʼvogari tomonidan litsenziyalovchi organga bevosita, pochta aloqasi vositalari orqali yoki elektron shaklda, ular olinganligi haqida xabardor qilingan holda taqdim etiladi. Elektron shaklda taqdim etilgan hujjatlar litsenziya daʼvogarining elektron raqamli imzosi bilan tasdiqlanadi”;

2) quyidagi mazmundagi 14¹-modda bilan toʻldirilsin:

Litsenziyalovchi organ faoliyatning ayrim turlarini litsenziyalashi uchun boshqa tashkilotlar tomonidan beriladigan hujjatlarni olishi talab qilingan hollarda, faoliyatning ayrim turlarini litsenziyalash soddalashtirilgan tartibda “bir darcha” prinsipi boʻyicha amalga oshiriladi, bunda litsenziyalovchi organ mazkur hujjatlarni mustaqil ravishda, tadbirkorlik subyektining ishtirokisiz oladi”;

3) 15-moddaning birinchi qismi quyidagi tahrirda bayon etilsin:

“Litsenziyalovchi organ litsenziya daʼvogarining arizasini koʻrib chiqqanligi uchun qonun hujjatlarida nazarda tutilgan hollarda yigʻim undiriladi”;

4) 20-moddaning uchinchi qismi quyidagi tahrirda bayon etilsin:

“Hujjatlar litsenziat tomonidan litsenziyalovchi organga bevosita, pochta aloqasi vositalari orqali yoki elektron shaklda, ular olinganligi haqida xabardor qilingan holda taqdim etiladi. Elektron shaklda taqdim etilgan hujjatlar litsenziatning elektron raqamli imzosi bilan tasdiqlanadi”.

17-modda. Oʻzbekiston Respublikasining 2000-yil 31-avgustda qabul qilingan “Qishloq xoʻjalik oʻsimliklarini zararkunandalar, kasalliklar va begona oʻtlardan himoya qilish toʻgʻrisida”gi 116-II-sonli Qonuni (Oʻzbekiston Respublikasi Oliy Majlisining Axborotnomasi, 2000-yil, № 7-8, 208-modda) 8-moddasi birinchi qismining toʻrtinchi xatboshisi quyidagi tahrirda bayon etilsin:

“oʻsimliklarni himoya qilish vositalarining yaroqsizlarini, chiqindilarni va idishlarni koʻmib tashlash jarayonida ishtirok etadi”.

18-modda. Oʻzbekiston Respublikasining 2000-yil 14-dekabrda qabul qilingan “Normativ-huquqiy hujjatlar toʻgʻrisida”gi 160-II-sonli Qonunining (Oʻzbekiston Respublikasining 2012-yil 24-dekabrda qabul qilingan OʻRQ-342-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2012-yil, № 12, 333-modda) 24-moddasi quyidagi mazmundagi oʻn birinchi qism bilan toʻldirilsin:

“Qonunda nazarda tutilgan hollarda normativ-huquqiy hujjatda uning (yoki uning qismlarining) kuchga kirish muddati koʻrsatilishi kerak”.

1) oʻttiz birinchi xatboshisidagi “boshqa yuridik va jismoniy shaxslar” degan soʻzlar chiqarib tashlansin;

2) elliginchi xatboshisi quyidagi tahrirda bayon etilsin:

“Konsert-tomosha faoliyatini amalga oshirish”;

3) ellik birinchi xatboshisi chiqarib tashlansin;

ellik ikkinchi — ellik toʻqqizinchi xatboshilar tegishincha ellik birinchi — ellik sakkizinchi xatboshilar deb hisoblansin.

20-modda. Oʻzbekiston Respublikasining 2007-yil 2-oktabrda qabul qilingan “Avtomobil yoʻllari toʻgʻrisida”gi OʻRQ-117-sonli Qonuni (Oʻzbekiston Respublikasi Oliy Majlisi palatalarining Axborotnomasi, 2007-yil, № 10, 472-modda) 14-moddasining uchinchi qismi quyidagi tahrirda bayon etilsin:

“Agar umumiy foydalanishdagi avtomobil yoʻli bilan tutashgan yoki kesishgan avtomobil yoʻli shaharsozlik normalari va qoidalari buzilgan holda qurilgan boʻlsa, maxsus vakolatli organ yoki uning tegishli hududiy boʻlinmasi uni qayta qurish haqida yoxud hududni dastlabki holatiga keltirish toʻgʻrisida qaror qabul qilishga haqli”.

1) 22-moddaning uchinchi qismidagi “uch ish kunidan” degan soʻzlar “bir ish kunidan” degan soʻzlar bilan almashtirilsin;

2) 23-moddaning beshinchi qismidagi “uch kundan” degan soʻzlar “bir ish kunidan” degan soʻzlar bilan almashtirilsin.

23-modda. Ushbu Qonun rasmiy eʼlon qilingan kundan eʼtiboran kuchga kiradi.

Ushbu Qonunning 6-moddasi 2015-yil 1-yanvardan eʼtiboran amalga kiritiladi.