Oʻzbekiston Respublikasining “Odamning immunitet tanqisligi virusi keltirib chiqaradigan kasallik (OIV infeksiyasi) tarqalishiga qarshi kurashish toʻgʻrisida”gi Qonuni va Oʻzbekiston Respublikasi Vazirlar Mahkamasining 2014-yil 10-sentabrdagi 256-son “Odamning immunitet tanqisligi virusi keltirib chiqaradigan kasallik (OIV infeksiyasi) tarqalishiga qarshi kurashish toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida”gi qaroriga muvofiq buyuraman:

1. Oʻzbekiston Respublikasi moliya vazirining 2009-yil 24-fevraldagi 27-son “Bolalikdan nogironlarga nafaqalar toʻlash boʻyicha xarajatlarni moliyalashtirish tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 1927, 2009-yil 27-mart) (Oʻzbekiston Respublikasi qonun hujjatlari toʻplami, 2009-y., 13-son, 151-modda) ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. Buyruqda:

a) nomi quyidagi tahrirda bayon etilsin:

b) 1-band quyidagi tahrirda bayon etilsin:

“1. Bolalikdan nogironlarga va oʻn sakkiz yoshga toʻlmagan OIV infeksiyasiga chalingan shaxslarga nafaqalar toʻlash boʻyicha xarajatlarni moliyalashtirish tartibi toʻgʻrisidagi nizom ilovaga muvofiq tasdiqlansin.”.

2. Nizomda:

a) nomi quyidagi tahrirda bayon etilsin:

b) muqaddima “bolalikdan nogironlarga” degan soʻzlardan keyin “va oʻn sakkiz yoshga toʻlmagan OIV infeksiyasiga chalingan shaxslarga” degan soʻzlar bilan toʻldirilsin;

v) 3-band quyidagi tahrirda bayon etilsin:

“3. Oʻzbekiston Respublikasi respublika budjetidan mablagʻlar Jamgʻarmaning gʻaznachilik hisobvaragʻiga gʻaznachilik memorial orderi asosida quyidagi tartibda oʻtkazilib beriladi:

joriy toʻlov oyining 15-kunigacha — oʻtgan oyning ehtiyoji hisob-kitobidan kelib chiqib, 50 foiz miqdoridagi summa;

joriy toʻlov oyining 27-kunigacha — amaldagi ehtiyojning taqdim etilgan miqdoridan qolgan summa.”;

g) 5-band “Bolalikdan nogironlarga” degan soʻzlardan keyin “va oʻn sakkiz yoshga toʻlmagan OIV infeksiyasiga chalingan shaxslarga” degan soʻzlar bilan toʻldirilsin;

d) 6-banddagi “10” raqami “15” raqami bilan almashtirilsin;

e) 7 — 10-bandlar oʻz kuchini yoʻqotgan deb hisoblansin;

j) ilovaning ilova belgisi quyidagi tahrirda bayon etilsin:

3. Mazkur oʻzgartirish va qoʻshimchalar Oʻzbekiston Respublikasi Mehnat va aholini ijtimoiy muhofaza qilish vazirligi bilan kelishilgan.