Oʻzbekiston Respublikasi Hukumati va Vyetnam Sotsialistik Respublikasi Hukumati,

daromadlarga ikkiyoqlama soliq solinishining oldini olish hamda daromad soliqlarini toʻlashdan bosh tortishni bartaraf qilish toʻgʻrisida Bitim tuzish istagini bildirib,

quyidagilar haqida ahdlashib oldilar:

Mazkur Bitim Ahdlashuvchi Davlatlarning biri yoki har ikkisining rezidenti boʻlgan shaxslarga nisbatan qoʻllanadi.

1. Mazkur Bitim Ahdlashuvchi Davlatlar yoki ular mahalliy hokimiyatlari nomidan olinayotgan daromad soliqlariga nisbatan, ularni undirish uslubidan qatʼi nazar, tatbiq etiladi.

2. Daromad soliqlariga umumiy daromaddan yoki daromadning bir qismidan olinadigan barcha soliqlar, shu jumladan, koʻchar va koʻchmas mulkni sotishdan olingan daromadlardan hamda korxonalar tomonidan toʻlanadigan ish haqi yoki mukofotlarning umumiy miqdoridan olinadigan soliqlar, shuningdek sarmoya qiymatining oshishidan olingan daromadlardan undiriladigan soliqlar kiradi.

3. Ushbu Bitim qoʻllanadigan amaldagi soliqlarga xususan quyidagilar kiradi:

a) Oʻzbekiston Respublikasiga nisbatan:

(i) korxonalar, birlashmalar va tashkilotlar daromadlaridan (foydasidan) olinadigan soliq;

(ii) daromad soligʻi;

(bundan keyin “Oʻzbekiston soliqlari” deb ataladi).

b) Vyetnamga nisbatan:

(i) jismoniy shaxslardan olinadigan daromad soligʻi;

(ii) foyda soligʻi; va

(iii) foydaning oʻtkazilishidan olinadigan soliq;

(bundan keyin “Vyetnam soliqlari” deb ataladi).

4. Ushbu Bitim Ahdlashuvchi Davlatlarning har biri tomonidan ushbu Bitim imzolangandan soʻng kelajakda olinadigan amaldagi soliqlarga qoʻshimcha yoki ular oʻrniga kiritilgan har qanday munosib yoki oʻxshash soliqlarga nisbatan ham qoʻllanadi. Ahdlashuvchi Davlatlarning vakolatli tashkilotlari oʻz soliq qonunchiligida boʻlgan barcha tub oʻzgarishlar haqida bir-birlariga xabar beradilar.

1. Ushbu Bitimning maqsadlari uchun, agar matnning mazmunidan oʻzga maʼno chiqmasa:

a) “Oʻzbekiston” atamasi Oʻzbekiston Respublikasini bildiradi va jugʻrofiy maʼnoda qoʻllanganda xalqaro qonunchilik hamda Oʻzbekiston Respublikasi qonunlariga muvofiq yer osti boyliklari va tabiiy resurslardan foydalanishga nisbatan Oʻzbekiston Respublikasi oʻz huquqlarini amalga oshirishi mumkin boʻlgan zona hisoblanadigan hududini, ichki suv havzalarini, ular tepasidagi havo kengligini anglatadi;

b) “Vyetnam” atamasi Vyetnam Sotsialistik Respublikasini anglatadi va jugʻrofiy maʼnoda qoʻllanganida uning butun milliy hududini, shu jumladan, hududiy suvlarini, shuningdek Vyetnam qonunlariga muvofiq va xalqaro huquqqa binoan Vyetnam dengiz tubidagi, dengiz tubining yer ostidagi tabiiy resurslarga nisbatan oʻzining mustaqil huquqlarini amalga oshirishi mumkin boʻlgan uning hududiy suvlaridan tashqarida joylashgan har qanday hududini anglatadi;

c) “Ahdlashuvchi Davlat” va “ikkinchi Ahdlashuvchi Davlat” atamalari matnda ishlatilish oʻrniga qarab Oʻzbekistonni yoki Vyetnamni anglatadi;

d) “shaxs” atamasi jismoniy shaxsni, kompaniya yoki shaxslarning har qanday boshqa uyushmasini anglatadi;

e) “kompaniya” atamasi korporativ birlashma hisoblangan har qanday shaxsni yoki soliqqa tortish maqsadlarida shunday korporativ birlashma sifatida oʻz maqomiga ega boʻlgan Ahdlashuvchi Davlatlar qonunlariga muvofiq koʻrib chiqiladigan har qanday qoʻshma korxona yoki boshqa tuzilmalarni anglatadi;

f) “Ahdlashuvchi Davlatning korxonasi” va “ikkinchi Ahdlashuvchi Davlatning korxonasi” atamalari oʻrni bilan Ahdlashuvchi Davlat rezidenti boshqaruvi ostida ish yuritayotgan korxonani va ikkinchi Ahdlashuvchi Davlatning rezidenti boshqaruvi ostida ish yuritayotgan korxonani anglatadi;

g) “milliy shaxslar” atamasi:

i) Ahdlashuvchi Davlat fuqaroligiga ega boʻlgan hamma jismoniy shaxslarni;

ii) Ahdlashuvchi Davlatning amaldagi qonunlariga muvofiq oʻz maqomini olgan hamma huquqiy shaxslarni, hamjamiyat va assotsiatsiyalarni anglatadi;

h) “xalqaro tashish” atamasi Ahdlashuvchi Davlatning korxonasi tomonidan foydalaniladigan dengiz yoki havo kemasida har qanday tashishni anglatadi; dengiz yoki havo kemasining ikkinchi Ahdlashuvchi Davlat hududida joylashgan punktlar oʻrtasida foydalanilishi bundan mustasno;

e) “vakolatli idora” atamasi:

Oʻzbekiston Respublikasiga nisbatan — Oʻzbekiston Respublikasi Davlat soliq qoʻmitasining Raisini yoki uning vakolatli vakilini anglatadi; va

Vyetnamga nisbatan — Moliya Vazirini yoki uning vakolatli vakilini anglatadi.

2. Ushbu Bitimni Ahdlashuvchi Davlat qoʻllaganda har qanday unda belgilanmagan ibora, agar matn mazmuni oʻzga maʼnoni talab qilmasa, qaysi Ahdlashuvchi Davlatning soliqlariga nisbatan ushbu Bitim qoʻllanayotgan boʻlsa, oʻsha Davlatning qonunlariga muvofiq maʼnoni anglatadi.

1. Ushbu Bitimning maqsadlari yuzasidan “Ahdlashuvchi Davlatning rezidenti” atamasi mazkur Davlatning qonunchiligi boʻyicha oʻzining turar joyi, doimiy istiqomat qilish joyi, boshqaruv idorasining qayerda joylashgani, huquqiy shaxs sifatida tashkil topgan joyi, roʻyxatdan oʻtgan joyi yoki oʻzga asl mazmunda shunga oʻxshash mezonlarga koʻra mazkur Davlatda soliq toʻlovchi hisoblangan har qanday shaxsni anglatadi. Biroq mazkur atama ushbu Davlatda faqat mazkur Davlatda joylashgan manbalardan yoki sarmoyadan daromad olayotgani uchun soliqqa tortiladigan har qanday shaxsni oʻz ichiga qamramaydi.

2. Agar 1-band qoidalariga muvofiq shaxs Ahdlashuvchi Davlatlar har ikkisining rezidenti boʻlsa, uning maqomi quyidagi tarzda belgilanadi:

a) bu shaxs toʻsiqsiz yashashi mumkin boʻlgan doimiy uyi joylashgan Ahdlashuvchi Davlatning rezidenti hisoblanadi; agar u har ikki Ahdlashuvchi Davlatda toʻsiqsiz yashashi mumkin boʻlgan doimiy uyga ega boʻlsa, shaxsiy va iqtisodiy aloqalari eng chuqur boʻlgan (hayotiy manfaatlar markazi) Ahdlashuvchi Davlatning rezidenti hisoblanadi;

b) agar uning hayotiy manfaatlar markazi joylashgan Davlatni aniqlab boʻlmasa yoki Ahdlashuvchi Davlatlarning hech birida toʻsiqsiz yashashi mumkin boʻlgan doimiy uyi boʻlmasa, u odatda yashaydigan Davlatining rezidenti hisoblanadi;

c) agar shaxs odatda har ikki Ahdlashuvchi Davlatda yashasa yoki ularning hech birida yashamasa, u Ahdlashuvchi Davlatlardan qay birining milliy shaxsi boʻlsa, oʻsha Ahdlashuvchi Davlatning rezidenti hisoblanadi;

d) agar shaxs Ahdlashuvchi Davlatlar har ikkisining milliy shaxsi deb qaralsa yoki Ahdlashuvchi Davlatlardan hech birining milliy shaxsi boʻlmasa, Ahdlashuvchi Davlatlarning vakolatli tashkilotlari bu masalani oʻzaro kelishuv yoʻli bilan hal qiladilar.

3. Agar 1-band qoidalariga muvofiq jismoniy shaxs boʻlmagan shaxs Ahdlashuvchi Davlatlar har ikkisining rezidenti boʻlsa, unda u huquqiy shaxs sifatida tashkil topgan joyi joylashgan Ahdlashuvchi Davlatning rezidenti hisoblanadi.

1. Mazkur Bitim maqsadlari uchun “doimiy muassasa” atamasi doimiy faoliyat joyini bildiradi, korxona ana shu joy orqali toʻliq yoki qisman tadbirkorlik faoliyatini amalga oshiradi.

2. “Doimiy muassasa” atamasi, jumladan, quyidagilarni oʻz ichiga oladi:

a) boshqaruv joyi;

b) boʻlim;

c) ofis;

d) fabrika;

e) ustaxona;

f) shaxta, neft va gaz koni, karyer yoki tabiiy resurslar qazib olinadigan har qanday boshqa joy;

g) tabiiy resurslarni qidirish uchun foydalaniladigan inshoot yoki uskuna.

3. “Doimiy muassasa” atamasi yana quyidagilarni ham oʻz ichiga oladi:

a) qurilish maydonchasi yoki yigʻilma yoki yigʻish obyekti yoki ushbu obyektlar bilan bogʻliq boʻlgan boshqaruvchilik faoliyati, agar ular 6 oydan koʻproq vaqt mavjud boʻlib tursa;

b) taʼminotchilik xizmatlari, shu jumladan, korxonaning shu maqsad uchun jalb qilingan oʻz xizmatchilari yoki boshqa xodimlar orqali koʻrsatadigan konsalting xizmatlari, agar faqat bunda shu xildagi (shuning uchun yoki u bilan bogʻliq obyektning) faoliyat Davlat hududida 12 oylik davr mobaynida jami 6 oydan oshmaydigan muddat davomida amalga oshiriladigan boʻlsa.

4. Ushbu moddaning avvalgi qoidalariga qaramay, quyidagi faoliyat turlarini “doimiy muassasa” atamasi oʻz ichiga olmaydi:

a) inshootlardan shu korxonaga tegishli tovarlar yoki mahsulotlarni faqat saqlash, namoyish qilish maqsadlarida foydalanish;

b) shu korxonaga tegishli tovarlar yoki mahsulotlar zaxirasining faqat saqlash, namoyish qilish maqsadlarida ushlab turilishi;

c) shu korxonaga tegishli tovarlar yoki mahsulotlar zaxirasini faqat boshqa korxona tomonidan qayta ishlash maqsadlarida ushlab turilishi;

d) doimiy faoliyat joyining faqat tovarlar yoki mahsulotlar sotib olish yoki mazkur korxona uchun axborot yigʻish maqsadlari uchun ushlab turilishi;

e) doimiy faoliyat joyining ushbu korxona uchun faqat boshqa har qanday tayyorgarlik yoki yordamchi xarakterdagi faoliyatni amalga oshirish maqsadlari yoʻlida ushlab turilishi.

5. 1- va 2-bandlardagi qoidalariga qaramay, agar 7-bandda koʻrsatilgan mustaqil maqomli agentdan oʻzga shaxs Ahdlashayotgan Davlatlarning birida oʻzga Ahdlashayotgan Davlatdagi korxona nomidan ish yuritsa bu korxona birinchi eslatilgan Ahdlashayotgan Davlatda ushbu shaxs korxona uchun amalga oshiradigan har qanday faoliyatga nisbatan doimiy muassasaga ega deb hisoblanadi, agar ushbu shaxs:

a) ushbu Davlatda korxona nomidan kontraktlar tuzish vakolatiga ega boʻlsa va uni amalga oshirsa, bunda agar ana shu shaxsning faoliyati 4-bandda koʻrsatilgan faoliyat bilan cheklanib qolsa, yaʼni agar shu bandning qoidalariga koʻra, doimiy faoliyati joyi orqali amalga oshirilsa, ana shu doimiy faoliyat joyidan doimiy muassasa sifatida foydalanmasa; va

b) bunday huquqqa ega emas, lekin doimo birinchi aytib oʻtilgan Davlatda gʻamlangan tovar va mahsulotlarga egaki, ulardan doimiy ravishda korxona nomidan tovar va mahsulotlar yetkazib turadi.

6. Mazkur moddaning bundan oldingi qoidalariga qaramay, Ahdlashuvchi Davlatning sugʻurta korxonasi, takroriy sugʻurta hollaridan tashqari, agar u ikkinchi Davlat hududida sugʻurta mukofotlarini yigʻsa yoki 7-bandga taalluqli mustaqil mavqeli agentdan oʻzga shaxs orqali u yerda boʻlishi mumkin xatardan sugʻurta qilsa, ikkinchi Ahdlashuvchi Davlatda doimiy muassasaga ega deb hisoblanadi.

7. Korxona, agar u ikkinchi Ahdlashuvchi Davlatda broker, komissioner yoki har qanday boshqa mustaqil maqomli agent orqali tadbirkorlik faoliyatini amalga oshirsa, bu shaxslar oʻzining odatdagi faoliyati chegarasida ish yuritgan taqdirda, ikkinchi Ahdlashuvchi Davlatda doimiy muassasaga ega deb qaralmaydi. Biroq bunday agentning faoliyati toʻliq yoki qariyb toʻliq holida ushbu korxona nomidan bagʻishlanadigan boʻlsa, unda u mazkur band qoidalari doirasida mustaqil maqomga ega agent deb qaralmaydi.

8. Ahdlashuvchi Davlatlardan birining rezidenti boʻlgan kompaniya ikkinchi Ahdlashuvchi Davlatning rezidenti boʻlgan kompaniya tomonidan nazorat qilinishi yoki ikkinchi Davlat kompaniyasi ustidan nazoratni yuritishi yoki mazkur kompaniya ikkinchi Davlatda tijorat faoliyatini amalga oshirish (doimiy muassasa orqali yoki boshqa tarzda) faqti oʻz-oʻzidan bu kompaniyalarning birini boshqasi uchun doimiy muassasaga aylantirib qoʻymaydi.

1. Ahdlashuvchi Davlatlardan birining rezidenti tomonidan ikkinchi Ahdlashuvchi Davlatda joylashgan koʻchmas mulkdan olingan daromad (qishloq va oʻrmon xoʻjaligidan olinadigan daromad ham shu jumlaga kiradi) shu ikkinchi Davlatda soliqqa tortilishi mumkin.

2. “Koʻchmas mulk” atamasi koʻrib chiqilayotgan mulk joylashgan Ahdlashuvchi Davlat qonunchiligida ifodalangan tushuncha boʻyicha qabul qilinadi. Har qanday holda ham ushbu atama yer ustidagi mulk haqidagi umumiy qonunchilikning qoidalari bilan haq-huquqi belgilangan koʻchmas mulkka tegishli boʻlgan mulkni, chorva mollari, qishloq xoʻjaligi va oʻrmon xoʻjaligi vositalari, koʻchmas mulk natijasi boʻlgan atrof mulkni (uzufrukt), ishlatganlik uchun badal sifatida toʻlanadigan oʻzgaruvchan va qatʼiy belgilangan toʻlovlarga boʻlgan huquq yoki maʼdanlar joylashgan yerga va boshqa tabiiy resurslarni ishlashga boʻlgan huquqni oʻz ichiga qamraydi; kemalar va havo kemalari koʻchmas mulk sifatida qaralmaydi.

3. Yuqoridagi 1-band qoidalari koʻchmas mulkdan toʻgʻridan toʻgʻri foydalanish, ijaraga berish yoki oʻzga har qanday shaklda foydalanib olingan daromadga nisbatan qoʻllanadi.

4. Yuqoridagi 1- va 3-band qoidalari korxonaning koʻchmas mulkdan olgan daromadiga va mustaqil xususiy xizmatlarni amalga oshirishda ishlatiladigan koʻchmas mulkdan olgan daromadlariga ham qoʻllanadi.

1. Korxona oʻz tadbirkorlik faoliyatini ikkinchi Ahdlashuvchi Davlatda u yerda joylashgan doimiy muassasa orqali amalga oshirayotgan boʻlsa, Ahdlashuvchi Davlat korxonasi tomonidan ikkinchi Ahdlashuvchi Davlatda olingan foyda ana shu ikkinchi Ahdlashuvchi Davlatda soliqqa tortiladi. Agar korxona oʻz faoliyatini yuqorida aytilganidek amalga oshirayotgan boʻlsa, korxonaning daromadi ikkinchi Ahdlashuvchi Davlatda soliqqa tortiladi, ammo quyidagilarga tegishli boʻlgan sohalardagina soliqqa tortiladi:

a) agar bu foyda ushbu doimiy muassasaning faoliyatiga tegishli boʻlsa;

b) doimiy muassasa orqali sotilayotgan tovar yoki mahsulotlar bilan bir xil yoki bir-biriga oʻxshash tovarlar va mahsulotlarning ushbu ikkinchi Davlatdagi savdosiga tegishli boʻlsa;

c) ushbu ikkinchi Davlatda amalga oshirilayotgan faoliyat doimiy muassasa orqali amalga oshirilayotgan faoliyat bilan bir xil yoki bir-biriga oʻxshash boshqa tijorat faoliyatiga tegishli boʻlsa.

2. 3-band qoidalariga muvofiq agar Ahdlashuvchi Davlatning korxonasi tijorat faoliyatini ikkinchi Ahdlashuvchi Davlatda u yerda joylashgan doimiy muassasa orqali amalga oshirayotgan boʻlsa, daromad har bir Ahdlashuvchi Davlatda bunday doimiy muassasaga oʻtkaziladi. Ushbu daromadni, doimiy muassasa alohida va mustaqil korxona sifatida xuddi shunday yoki shunga oʻxshash faoliyatni amalga oshirayotgan boʻlsa, xuddi shunday yoki shunga oʻxshash shartlar asosida va korxonadan mutlaqo mustaqil ravishda ish koʻrsa va u doimiy muassasa hisoblansa, olishi mumkin.

3. Doimiy muassasa daromadini aniqlashda mazkur doimiy muassasa faoliyati maqsadlari uchun sarflangan xarajatlarni chiqarib tashlashga yoʻl qoʻyiladi, doimiy muassasa joylashgan Davlatda yoki har qanday oʻzga yerda faoliyati maqsadlari uchun sarflangan boshqaruv va umumiy maʼmuriy xarajatlar ham shunga kiradi. Biroq doimiy muassasa tomonidan korxonaning bosh muassasasi yoki boshqa muassasadan istalgan bittasiga patent yoxud boshqa huquqlardan foydalanganlik uchun royalti, yigʻim yoki shunga oʻxshash boshqa toʻlovlar toʻlash yoʻli bilan, yoki koʻrsatilgan aniq xizmatlar yoki menejmentlik uchun komission toʻlovlar toʻlash yoʻli bilan, bu korxona bankka tegishli boʻlgan hollardan tashqari yoki ushbu doimiy muassasaga berilgan qarz miqdoriga foizlar toʻlash yoʻli bilan toʻlangan (amaldagi xarajatlar oʻrnini toʻldirishdan tashqari) summalarni, agar ular umuman boʻlsa, chegirib tashlanishiga yoʻl qoʻyilmaydi. Shu tarzda doimiy muassasa tomonidan korxonaning bosh ofisiga yoki boshqa ofislardan istalgan bittasiga patent yoxud boshqa huquqlardan foydalanganlik uchun royalti, qalam haqi yoki shunga oʻxshash boshqa toʻlovlarni toʻlash yoʻli bilan yoki koʻrsatilgan aniq xizmatlar yoki menejmentlik uchun komission toʻlovlar toʻlash yoʻli bilan, bankka doir korxona hollaridan tashqari yoki korxonaning bosh ofisiga yoki boshqa ofislardan istalgan bittasiga berilgan qarz summasiga foizlar toʻlash yoʻli bilan toʻlangan summalardan doimiy muassasaning foydalarini aniqlash eʼtiborga olinmaydi.

4. Daromadning doimiy muassasaga tegishli qismini aniqlash uchun shu davlatning vakolatli idorasiga maʼlum boʻladigan axborotlar yetarlicha boʻlmagan hollarda Ahdlashuvchi Davlatning shaxsning soliq toʻlovlarini aniqlashga taalluqli har qanday qonunni qoʻllashga, bunda ushbu qonundan vakolatli idoraga maʼlum boʻladigan axborot imkon beradigan darajada foydalanish va ushbu modda tamoyillari bilan kelishish sharti bilan, ushbu moddada hech narsa xalaqit bermaydi.

5. Ahdlashuvchi Davlatda korxona foydasining umumiy miqdorini uning turli boʻlinmalariga mutanosib tarzda taqsimlash negizida doimiy muassasaga tegishli foydani belgilash oddiy hol ekanligi uchun 2-banddagi hech narsa Ahdlashuvchi Davlatga soliqqa tortiladigan foydani shunday taqsimot vositasida aniqlashga xalaqit bermaydi; tanlangan taqsimot uslubi ushbu moddaga tegishli tamoyillarga munosib natijalar berishi lozim.

6. Avvalgi bandlar maqsadlari uchun doimiy muassasaga mansub daromad, agar boshqasi uchun salmoqli va yetarli sabablar boʻlmasa, har yili bir xil uslubda aniqlanadi.

7. Agar daromad, mazkur Shartnomaning boshqa moddalarida alohida aytib oʻtilgan daromad turlarini qamrab oladigan boʻlsa, mazkur moddalar qoidalariga ushbu modda qoidalari taʼsir etmaydi.

1. Ahdlashuvchi Davlatlardan biri korxonasining xalqaro tashishlarda kemalar, samolyotlardan foydalanishdan olgan daromadiga faqat shu Davlatda soliq solinadi.

2. 1-band qoidalari naqliyot vositalaridan foydalanish boʻyicha xalqaro tashkilotlarda yoki qoʻshma tijorat faoliyatida, umumiy jamgʻarmada ishtirok etishdan olgan foydalariga ham qoʻllanadi.

1. Agar:

a) Ahdlashuvchi Davlatning korxonasi ikkinchi Ahdlashuvchi Davlat korxonasini boshqarishda, nazorat qilishda yoki uning sarmoyasida bevosita yoki bilvosita qatnashsa; yoki

b) oʻsha shaxslar Ahdlashuvchi Davlatlar unisining ham korxonasini, bunisining ham korxonasini boshqarishda, nazorat qilishda yoki uning kapitalida bevosita yoki bilvosita qatnashsa, ikki korxona oʻrtasida ularning tijorat va moliyaviy munosabatlarida mutlaqo mustaqil boʻlgan korxonalar oʻrtasida boʻladigandan farqli sharoitlar vujudga keltirilsa yoki belgilansa, ularning birortasiga hisoblanishi mumkin boʻlgan, lekin yuqoridagi sharoitlar tufayli hisoblanmagan har qanday foyda Ahdlashuvchi Davlat tomonidan ushbu korxona foydasiga qoʻshilishi va tegishli ravishda soliqqa tortilishi mumkin.

1. Ahdlashuvchi Davlatlardan birining rezidenti boʻlgan kompaniya tomonidan ikkinchi Ahdlashuvchi Davlat rezidentiga toʻlangan dividendlar ana shu ikkinchi Davlat tomonidan soliqqa tortilishi mumkin.

2. Biroq bunday dividendlar ularni toʻlayotgan kompaniya qaysi Ahdlashuvchi Davlatning rezidenti boʻlsa, oʻsha Davlatning qonunlariga binoan ham soliqqa tortilishi mumkin, ammo dividendlarni oluvchi daromadli dividendlar egasi boʻlsa, soliqning miqdori bunday dividendlar jami miqdorining 15 foizidan ortiq boʻlmasligi kerak.

Bu band dividendlar toʻlanadigan foyda masalasida kompaniyani soliqqa tortishga taalluqli emas.

3. “Dividendlar” iborasi mazkur moddada qoʻllanganda, aksiyalardan yoki foydada ishtirok etish huquqini beruvchi boshqa huquqlardan olinadigan daromadni, shuningdek foydani taqsimlovchi kompaniya rezident boʻlgan Davlatning qonunlariga muvofiq, aksiyalardan olinadigan daromad kabi, soliqlarni tartibga solishga taalluqli boʻlgan boshqa korporativ huquqlardan olinadigan daromadni anglatadi.

4. Agar dividendlarining benefitsiar Ahdlashuvchi Davlatning rezidenti boʻlgani holda dividendlarni toʻlayotgan birlashma rezidenti boʻlgan ikkinchi Ahdlashuvchi Davlatda oʻz faoliyatini unda joylashgan doimiy muassasasi orqali amalga oshirsa yoki ushbu ikkinchi Davlatda u yerda joylashgan doimiy bazadan mustaqil ravishda xususiy xizmatlar koʻrsatsa va xolding (dividendlar unga nisbatan toʻlanadi) aslida shu doimiy muassasa yoki doimiy baza bilan bogʻliq boʻlsa, mazkur moddaning 1- va 2-bandlaridagi qoidalar qoʻllanmaydi. Bunday holda, sharoitga qarab, mazkur Shartnomaning 7-moddasi yoki 15-moddasi qoidalari qoʻllanadi.

5. Agar Ahdlashuvchi Davlatning rezidenti boʻlgan kompaniya ikkinchi Ahdlashuvchi Davlatdan foyda yoki daromad olayotgan boʻlsa, bu ikkinchi Ahdlashuvchi Davlat kompaniya toʻlayotgan dividendlardan soliq olmasligi mumkin, ana shu ikkinchi Davlat rezidentiga toʻlanadigan bunday dividendlar yoki xolding (dividendlar unga nisbatan toʻlanadi) shu ikkinchi Ahdlashuvchi Davlatda joylashgan doimiy muassasa yoki doimiy baza bilan haqiqatan bogʻliq boʻlsa, shuningdek, kompaniyaning taqsimlanmagan foydasidan soliqlar olinmaydi, hattoki, toʻlanayotgan dividendlar yoki taqsimlanmagan foyda ana shu ikkinchi Davlatda toʻla yoki qisman hosil boʻlgan foyda yoki daromaddan tashkil topgan boʻlsa ham.

1. Ahdlashuvchi Davlatlarning birida hosil boʻlgan va ikkinchi Ahdlashuvchi Davlatning rezidentiga toʻlanadigan foizlar ana shu ikkinchi Davlatda soliqqa tortilishi mumkin.

2. Ammo bunday foizlar hosil boʻlgan mazkur Ahdlashuvchi Davlatda shu Davlatning qonunlariga binoan ham soliqqa tortilishi mumkin, ammo dividendlarni oluvchi benefitsiar boʻlsa, soliqning miqdori foizlar yalpi miqdorining 10 foizidan oshmasligi kerak. Ahdlashuvchi Davlatlarning vakolatli tashkilotlari oʻzaro kelishuvga muvofiq bunday cheklashlarni qoʻllash usulini taʼsis qiladilar.

3. Mazkur moddaning 2-bandi qoidalariga qaramay, Ahdlashuvchi Davlatda vujudga keladigan foizlar shu Ahdlashuvchi Davlatda soliqdan ozod qilinadi, qachonki:

a) ikkinchi Ahdlashuvchi Davlat Hukumati yoki mahalliy hokimiyat idoralari yoxud ushbu Hukumatning yoki uning mahalliy hokimiyatlarining har qanday boshqa idoralari benefitsiar boʻlsa;

b) ikkinchi Ahdlashuvchi Davlat rezidenti benefitsiar hisoblansa, foiz esa ushbu ikkinchi Davlat yoki ushbu ikkinchi Davlatning vakil qilingan boʻlinmasi tomonidan “maʼlum muddatga” berilgan va kafolatlangan yoki sugʻurta qilingan qarz majburiyatlariga nisbatan toʻlansa.

4. “Foizlar” iborasi mazkur Bitimda qoʻllanganda qarzdor foydasida qatnashishga huquq beradigan yoki bermaydigan, badal bilan taʼminlangan yoki taʼminlanmagan har qanday turdagi qarz talablaridan olinadigan daromadni va, xususan, hukumat qimmatbaho qogʻozlari, obligatsiyalar va qarz majburiyatlaridan olinadigan daromadni, shu jumladan, ushbu qimmatbaho qogʻozlar, obligatsiyalar va qarz majburiyatlari boʻyicha olinadigan mukofotlar va yutuqlarni bildiradi. Oʻz vaqtida toʻlanmagan toʻlovlar uchun jarimalar ushbu modda maqsadlarida foizlar sifatida koʻrib chiqilmaydi.

5. Agar foizlar benefitsiari Ahdlashuvchi Davlatlardan birining rezidenti boʻla turib, doimiy muassasa orqali foizlar hosil boʻlayotgan ikkinchi Ahdlashuvchi Davlatda tijorat faoliyati olib borayotgan boʻlsa, yoki mazkur oʻzga Davlatda joylashgan doimiy bazasidan mustaqil shaxsiy xizmatlar koʻrsatgan yoki koʻrsatayotgan boʻlsa va foizlar toʻlanayotgan qarz talabnomalari shunday doimiy muassasaga (a) yoki doimiy bazaga yoki (s) kichik bandida eslatib oʻtilgan tijorat faoliyatiga (b) haqiqatan mansub boʻlsa, 1- va 2-band qoidalari qoʻllanmaydi. Bu holda mazkur Shartnomaning 7-moddasi yoki 15-moddasi qoidalari vaziyatga qarab qoʻllanadi.

6. Foizlarni toʻlovchi Ahdlashuvchi Davlatning rezidenti yoki shu Davlatning oʻzi, mahalliy hokimiyat boʻlsa, foizlar mazkur Davlatda hosil boʻlgan deb hisoblanadi. Lekin foizlarni toʻlovchi shaxs, Ahdlashuvchi Davlatning rezidenti boʻlishi yoki boʻlmasligidan qatʼi nazar, Ahdlashuvchi Davlatda doimiy muassasaga yoki doimiy bazaga ega boʻlib, shu tufayli foizlarni toʻlash majburiyati vujudga kelgan boʻlsa va bu foizlar doimiy muassasa yoki doimiy baza tomonidan toʻlanadigan boʻlsa, bunday holda foizlar doimiy muassasa yoki doimiy baza joylashgan Ahdlashuvchi Davlatda vujudga kelgan, deb hisoblanadi.

7. Agar toʻlovchi va amalda benefitsiar oʻrtasida yoki ular ikkalasi va qandaydir oʻzga shaxs oʻrtasidagi alohida munosabatlar oqibatida qarz talabnomasiga nisbatan toʻlanayotgan foizlar miqdori toʻlovchi va amalda foizlar huquqiga ega shaxs oʻrtasida kelishilgan miqdordan oshiq boʻlsa, bunday munosabatlar yoʻq boʻlgan taqdirda mazkur modda qoidalari faqat oxirgi eslatilgan miqdorga nisbatan qoʻllanadi. Bunday holda toʻlovning ortiqcha qismidan mazkur Shartnomaning boshqa qoidalari inobatga olingan holda, har bir Ahdlashuvchi Davlat qonunchiligiga muvofiq yana soliq olinadi.

1. Ahdlashuvchi Davlatlardan birida hosil boʻladigan va oʻzga Ahdlashuvchi Davlatning rezidentiga shaxsan toʻlanadigan royaltilar ushbu ikkinchi Ahdlashuvchi Davlatda soliqqa tortilishi mumkin.

2. Biroq bunday royaltilar ular hosil boʻlgan Ahdlashuvchi Davlatda va shu Davlat qonunlariga muvofiq soliqqa tortilishi mumkin, ammo bu daromadlarni oluvchi daromadlarning benefitsiar egasi boʻlsa, shu tarzda olinadigan soliq royaltilar yalpi miqdorining 15 foizidan oshib ketmasligi lozim. Ahdlashuvchi Davlatlarning vakolatli tashkilotlari oʻzaro kelishuvga muvofiq bunday cheklashlarni qoʻllash usulini taʼsis qiladilar.

3. “Royalti” iborasi mazkur Bitimda qoʻllanganda har qanday adabiyot, sanʼat va fan asarlarini, xususan, kinofilmlar hamda radioeshittirish va televideniye yozuvlari va videokassetalar, har qanday patent, tovar belgisi, chizma yoki model, sxema, kompyuter dasturi, maxfiy formula yoki jarayon mualliflik huquqidan foydalanganlik yoki shu huquqidan foydalanish huquqi uchun yoki sanoat, tijorat yoki ilmiy asbob-uskunalardan foydalanish huquqidan foydalanganlik yoki shu huquqni berganlik uchun yoki sanoat, tijorat yoki ilmiy tajribaga mansub axborot uchun mukofot tarzida olingan har qanday koʻrinishdagi toʻlovlarni bildiradi.

4. Ahdlashuvchi Davlatlardan birining rezidenti boʻlib, royaltiga nisbatan amalda huquqqa ega boʻlgan shaxsga nisbatan agar shaxs royalti hosil boʻlayotgan ikkinchi Ahdlashuvchi Davlatda u yerda joylashgan doimiy muassasa yoki baza orqali tijorat faoliyatini yuritayotgan boʻlsa yoki ushbu oʻzga Davlatda u yerda joylashgan doimiy baza orqali xususiy xizmatlarni amalga oshirsa va royalti toʻlanayotgan huquq yoki mulk amalda shunday doimiy muassasa yoki doimiy bazaga (a) yoki 7-moddaning 1-bandida (s) eslatib oʻtilgan tijorat faoliyati (b) bilan bogʻliq boʻlsa, 1- va 2-bandlarning qoidalari qoʻllanmaydi. Bunday holda mazkur Bitimning 7- yoki 15-moddalari qoidalari vaziyatga qarab qoʻllanadi.

5. Agar toʻlovchi Ahdlashuvchi Davlatning oʻzi yoki mahalliy hokimiyat idorasi yoki rezidenti boʻlsa, royalti shu Ahdlashuvchi Davlatda hosil boʻlgan, deb hisoblanadi. Biroq, agar royaltini toʻlovchi shaxs Ahdlashuvchi Davlatning rezidentimi-yoʻqmi, bundan qatʼi nazar, Ahdlashuvchi Davlatda royaltini toʻlash majburiyati zimmasiga tushgan doimiy muassasaga ega boʻlsa va bu doimiy muassasa yoki doimiy baza toʻlov xarajatlarini toʻlasa, bunday royalti .doimiy muassasa yoki doimiy baza joylashgan shu Ahdlashuvchi Davlatda hosil boʻlgan, deb hisoblanadi.

6. Agar toʻlovchi va amalda royalti huquqiga ega shaxs oʻrtasidagi yoki ularning ikkovi va boshqa shaxs oʻrtasidagi alohida munosabatlar oqibatida royaltining toʻlangan miqdori toʻlovchi va amaldagi shu daromadlar huquqiga ega shaxs oʻrtasida kelishilgan miqdordan oshiq boʻlsa, bunday munosabatlar yoʻq boʻlgan taqdirda, mazkur modda qoidalari faqat oxirgi eslatilgan miqdorga nisbatan qoʻllanadi. Bunday holda toʻlovning ortiqcha qismiga mazkur Bitimning boshqa qoidalari inobatga olingan holda, har bir Ahdlashuvchi Davlat qonunchiligiga muvofiq avvalgidek soliq solinadi.

7. Agar royalti toʻlanadigan huquqlarni yaratish yoki oʻzgaga oʻtkazish bilan bogʻliq boʻlgan har qanday shaxsning asosiy maqsadi yoki asosiy maqsadlaridan biri mazkur moddadan huquqlarni yaratish yoki oʻzgaga oʻtkazish orqali naf orttirish boʻlsa, mazkur moddaning qoidalari qoʻllanmaydi.

1. Ahdlashuvchi Davlatlardan birida vujudga keladigan texnikaviy xizmatlar uchun mukofotlarga va ikkinchi Ahdlashuvchi Davlat rezidentiga toʻlanadigan mukofotga oʻsha ikkinchi Ahdlashuvchi Davlatda soliq solinishi mumkin.

2. Biroq texnikaviy xizmatlar uchun bunday mukofotlar ular vujudga keladigan Ahdlashuvchi Davlatda ham soliqqa tortilishi mumkin va oʻsha Davlatning qonuniga muvofiq soliq texnikaviy xizmatlar uchun mukofot umumiy miqdorining 15 foizidan oshib ketmasligi kerak.

3. Ushbu moddadan foydalanganda “texnikaviy xizmatlar uchun mukofotlari” iborasi istalgan shaxsga bu toʻlovchi xodimlaridan tashqari, texnikaviy, boshqaruv yoki konsalting xizmatlari uchun toʻlanadigan har qanday toʻlov turini bildiradi.

4. Texnikaviy xizmatlar uchun mukofotlanuvchi benefitsiar Ahdlashuvchi Davlatlardan birining rezidenti texnikaviy xizmatlar uchun mukofotlash vaziyati boʻladigan ikkinchi Ahdlashuvchi Davlatda u yerda joylashgan doimiy muassasalar orqali tijorat faoliyati bilan shugʻullanayotgan boʻlsa yoki ushbu ikkinchi Davlatda mustaqil xususiy xizmatlar koʻrsatsa, ushbu Modda 1- va 2-bandlarining qoidalari texnikaviy xizmatlar uchun mukofotlar haqiqatan ham shunday doimiy muassasa yoki shunday xizmatlar bilan bogʻliq boʻlsa, qoʻllanmaydi. Bunday xolda mazkur Bitimning 7- yoki 15-moddalarining qoidalari vaziyatga qarab qoʻllanadi.

5. Texnikaviy xizmatlar uchun mukofotlarni toʻlovchi Ahdlashuvchi Davlatning oʻzi, uning mahalliy hokimiyati yoki shu Davlat rezidenti boʻlsa, texnikaviy xizmatlar uchun mukofotlar Ahdlashuvchi Davlatda hosil boʻlgan, deb hisoblanadi. Lekin texnikaviy xizmatlar uchun mukofotlarni toʻlovchi shaxs, Ahdlashuvchi Davlatning rezidenti boʻlishi yoki boʻlmasligidan qatʼi nazar, Ahdlashuvchi Davlatda doimiy muassasaga yoki doimiy bazaga ega boʻlib, shu tufayli texnikaviy xizmatlar uchun mukofotlarni toʻlash majburiyati vujudga kelgan boʻlsa va bu mukofotlar doimiy muassasa yoki doimiy baza tomonidan toʻlanadigan boʻlsa, bunday holda texnikaviy xizmatlar uchun mukofotlar doimiy muassasa yoki doimiy baza joylashgan Ahdlashuvchi Davlatda vujudga kelgan, deb hisoblanadi.

6. Agar toʻlovchi va benefitsiar oʻrtasida yoki ular ikkalasi boshqa shaxs oʻrtasidagi alohida munosabatlar oqibatida texnikaviy xizmatlar uchun toʻlangan mukofotlar summasi istalgan sabab bilan toʻlovchi bilan benefitsiar oʻrtasida kelishilgan miqdordan ortiq boʻlsa, bunday munosabatlar yoʻq boʻlgan taqdirda mazkur modda qoidalari faqat oxirgi eslatilgan miqdorga nisbatan qoʻllanadi. Bunday holda toʻlovning ortiqcha qismidan mazkur Bitimning boshqa qoidalari inobatga olingan holda, har bir Ahdlashuvchi Davlat qonunchiligiga muvofiq soliq solinadi.

1. Ahdlashuvchi Davlatlardan birining rezidenti 6-moddada eslatib oʻtilgan ikkinchi Ahdlashuvchi Davlatda boʻlgan koʻchmas mulkni begonalashtirishdan olinadigan daromadlarga oʻsha ikkinchi Ahdlashuvchi Davlatda soliq solinishi mumkin.

2. Ahdlashuvchi Davlatlardan birining korxonasi ikkinchi Ahdlashuvchi Davlatda ega boʻlgan doimiy muassasa tadbirkorlik mulkining qismi tashkil etuvchi koʻchmas mulkni begonalashtirishdan olingan yoki Ahdlashuvchi Davlatlardan birining rezidenti ikkinchi Ahdlashuvchi Davlatda mustaqil shaxsiy xizmatlarni amalga oshirishida bemalol foydalanishi mumkin boʻlgan doimiy bazaga taalluqli koʻchma mulkni begonalashtirishdan olingan daromadlarga, bunga shu doimiy bazani begonalashtirishdan olingan daromadni ham qoʻshib ana shu ikkinchi Davlatda soliq solinishi mumkin.

3. Ahdlashuvchi Davlatlardan birining rezidenti Ahdlashuvchi Davlat korxonasi xalqaro yuk tashishlarda foydalanadigan kema yoki samolyot yoki temir yoʻl yoki avtomobil naqliyoti vositalarini sotishdan olgan daromadlari yoki mana shu naqliyot vositalarini ishlatishda foydalaniladigan koʻchmas mulkni begonalashtirishdan daromadlariga faqat ana shu Ahdlashuvchi Davlatdagina soliq solinishi mumkin.

4. Ahdlashuvchi Davlatda joylashgan va mol-mulki asosan bevosita va bilvosita koʻchmas mulkdan iborat boʻlgan kompaniya hissadorlik sarmoyasi paylarini begonalashtirishdan olinadigan daromadlarga shu Davlatda soliq solinishi mumkin.

5. 4-bandda eslatilganlardan farqli oʻlaroq Ahdlashuvchi Davlat rezidenti boʻlgan kompaniyada 15 foizi ishtirok etgan paylarni sotishdan olingan daromadlarga bu Davlatda soliq solinishi mumkin.

6. Mazkur moddaning 1-, 2-, 3-, 4- va 5-bandlarida aytib oʻtilmagan istalgan boshqa mulkni sotishdan olinadigan daromadlarga mulkni sotuvchi shaxs qaysi Ahdlashuvchi Davlatning rezidenti boʻlsa, shu Ahdlashuvchi Davlatdagina soliq solinishi mumkin.

1. Ahdlashuvchi Davlatlardan birining rezidenti kasb xizmatlarini koʻrsatish yoki boshqa mustaqil faoliyatlardan olgan daromadiga faqat mana shu Davlatdagina soliq solinishi kerak, ikkinchi Ahdlashuvchi Davlatda ham bunday daromadlar soliqqa tortilishi mumkin boʻlgan quyidagi holatlar bundan mustasno:

a) agar u oʻz faoliyati maqsadlari uchun ikkinchi Ahdlashuvchi Davlatda oʻzi uchun doimiy qulay boʻlgan doimiy bazaga ega boʻlsa bunday hollarda uning daromadi ana shu ikkinchi Ahdlashuvchi Davlatda faqat shunday bazaga taalluqli qismidan soliqqa tortiladi; yoki

b) agar u ikkinchi Ahdlashuvchi Davlatda jami 12 oylik davr mobaynidagi maʼlum bir davr yoki taqvimiy yilda umumiy miqdorda 90 kundan ortiq yashayotgan boʻlsa, u holda bunday daromad ham ikkinchi Ahdlashuvchi Davlatda soliqqa tortiladi.

2. “Mustaqil shaxsiy xizmatlar” iborasi, jumladan, ilmiy, adabiy, artistlik, maʼrifiy yoki oʻqituvchilik faoliyatlarini, shuningdek, vrachlar, yuristlar, muhandislar, meʼmorlar, stomatologlar va buxgaltyerlar faoliyatini qamrab oladi.

1. Mazkur Bitimning 17-, 19-, 20-, 21- va 22-moddalari qoidalarini hisobga olib Ahdlashuvchi Davlatlardan birining rezidentining yoʻllash boʻyicha oladigan maoshi, ish haqi va yoʻllash munosabati bilan olingan taqdirlash miqdoriga ana shu ikkinchi Ahdlashuvchi Davlatda soliq solinishi mumkin. Agar yoʻllanma ish shu tariqa bajariladigan boʻlsa, unda shu munosabat bilan olingan ragʻbatlantirish puliga ana shu ikkinchi Davlatda soliq solinishi mumkin.

2. 1-bandning qoidalariga qaramay, Ahdlashuvchi Davlatlardan birining rezidenti ikkinchi Ahdlashuvchi Davlatdan amalga oshiradigan yoʻllash boʻyicha ish munosabatida oladigan taqdirlash pullariga faqat eslatilgan birinchi Davlatda soliq solinadi, bunda:

a) taqdirlash puli oluvchi ikkinchi Ahdlashuvchi Davlatda koʻrib chiqilayotgan moliyaviy yil davomida jami 183 kundan oshmaydigan davr yoki davrlar mobaynida boʻlsa; va

b) taqdirlash puli yoʻllovchi tomonidan yoki ikkinchi Ahdlashuvchi Davlat rezidenti boʻlmagan yoʻllovchi nomidan toʻlanadi; va

c) taqdirlash puli boʻyicha xarajatlarni yoʻllovchi ikkinchi Ahdlashuvchi Davlatda ega boʻlgan doimiy muassasa yoki doimiy baza zimmasiga olmaydi.

3. Mazkur moddaning avvalgi qoidalariga qaramay, Ahdlashuvchi Davlat rezidenti boʻlgan korxona tomonidan xalqaro yuk tashishlarda foydalaniladigan dengiz yoki havo kemalari vositasida amalga oshiriladigan yoʻllanma ish uchun olinadigan taqdirlashlarga ushbu Davlatda soliq solinishi mumkin.

Direktorlarning gonorarlari va Ahdlashuvchi Davlat rezidentining ikkinchi Ahdlashuvchi Davlat rezidenti boʻlgan kompaniyaning Direktorlar Kengashi aʼzosi sifatida oladigan shu kabi toʻlovlari ushbu Ahdlashuvchi Davlatda soliqqa tortilishi mumkin.

1. Mazkur Bitimning 15- va 16-moddalari qoidalariga qaramay, Ahdlashuvchi Davlatlardan birining rezidenti boʻlmish teatr, kino, radio yoki televideniye artisti yoki musiqachi kabi sanʼat xodimi sifatida yoki sportchi sifatida ikkinchi Ahdlashuvchi Davlatdagi shaxsiy faoliyati tufayli oladigan daromadiga shu ikkinchi Ahdlashuvchi Davlatda soliq solinishi mumkin.

2. Sanʼat xodimi yoki sportchi amalga oshirgan shaxsiy faoliyatiga daromad sanʼat xodimi yoki sportchining oʻziga emas, boshqa shaxsga yozilsa, mazkur Bitimning 7-, 15- va 16-moddalari qoidalariga qaramay, ushbu daromadga sanʼat xodimi yoki sportchi faoliyat koʻrsatgan oʻsha Ahdlashuvchi Davlatda soliq solinishi mumkin.

3. Agar sanʼat xodimlari yoki sportchilarning Ahdlashuvchi Davlatda boʻlishi bir yoki ikkala Ahdlashuvchi Davlatning jamoat jamgʻarmalaridan yoki mahalliy hokimiyatlari tomonidan mablagʻ bilan taʼminlanayotgan boʻlsa, unda ularning Ahdlashuvchi Davlatdagi faoliyatidan oladigan daromadlariga 1- va 2-bandlarning qoidalari tegishli boʻlmaydi. Bunday holda ularning daromadlariga mazkur sanʼat xodimi yoki sportchi rezident sanalgan Ahdlashuvchi Davlatdagina soliq solinadi.

1. 20-moddaning 2-bandi qoidalariga qaramay, Ahdlashuvchi Davlatning rezidentiga uning ilgarigi yollanish boʻyicha ishlagan ishi uchun tovon sifatida toʻlanadigan pensiyalar va boshqa shu singari ragʻbatlantirish haqlariga faqat ushbu Ahdlashuvchi Davlatda soliq solinadi.

2. Ahdlashuvchi Davlatda vujudga keladigan va boshqa Ahdlashuvchi Davlat rezidentiga toʻlanadigan alimentlar va boshqa shu kabi miqdorlarga (shu jumladan, bolalarni boqish uchun toʻlanadigan toʻlovlarga) faqat ana shu Ahdlashuvchi Davlatda soliq solinadi.

1. a) Ahdlashuvchi Davlatlardan biri yoki uning mahalliy hokimiyatlari tomonidan jismoniy shaxsga mana shu Ahdlashuvchi Davlatga yoki uning mahalliy hokimiyatlariga koʻrsatgan xizmatlari uchun toʻlanadigan taqdirlash puliga, pensiya bundan mustasno, faqat mana shu Davlatdagina soliq solinadi.

b) Biroq bunday taqdirlash puliga agarda xizmatlar mana shu ikkinchi Ahdlashuvchi Davlatda amalga oshirilsa va jismoniy shaxs shu ikkinchi Ahdlashuvchi Davlatning rezidenti; yaʼni:

(i) shu Davlatning milliy shaxsi boʻlsa, yoki

(ii) faqatgina xizmat koʻrsatish maqsadlarida shu Davlatning rezidenti boʻlmagan boʻlsa, faqat ana shu ikkinchi Ahdlashuvchi Davlatdagina soliq solinadi.

2. a) Ahdlashuvchi Davlat yoki hokimiyatning mahalliy idoralari tomonidan yoki ular tuzgan jamgʻarmalardan shu Davlatga yoki uning mahalliy hokimiyat idoralariga koʻrsatgan xizmatlariga nisbatan jismoniy shaxsga toʻlanadigan har qanday pensiyaga faqat ana shu Ahdlashuvchi Davlatdagina soliq solinadi.

b) Biroq agar jismoniy shaxs shu Ahdlashuvchi Davlat rezidenti va milliy shaxsi boʻlsa, bunday pensiyaga faqat ikkinchi Ahdlashuvchi Davlatda soliq solinadi.

3. Mazkur Bitimning 16-, 17- va 19-moddalari qoidalari Ahdlashuvchi Davlat yoki uning mahalliy hokimiyatlari amalga oshiradigan tadbirkorlik faoliyati munosabati bilan koʻrsatiladigan xizmatlarga nisbatan toʻlanadigan taqdirlash pullari va pensiyalariga nisbatan qoʻllanadi.

1. Ahdlashuvchi Davlatga kelgunga qadar ikkinchi Ahdlashuvchi Davlatning hozirda rezidenti hisoblanib turgan yoki boʻlgan va birinchi eslatilgan Davlatda faqat oʻqish yoki maʼlumot olish maqsadlaridagina yashab turgan talaba yoki praktikantning yashash, oʻqish va maʼlumot olish uchun moʻljallangan oladigan toʻlovlari mana shu birinchi eslatilgan Davlatda, agarda bunday toʻlovlar shu Davlat hududidan tashqaridagi manbalardan olib toʻlanadigan boʻlsa, soliq solinmaydi.

2. 1-bandda aytib oʻtilgan talabalar yoki praktikantlar oladigan, 1-bandda qamrab olinmagan sovgʻalar, stipendiyalar va ragʻbatlantirish haqlariga nisbatan qoʻshimcha ravishda taʼlim olish yoki praktika davomida u boradigan Davlatning rezidenti oʻz soliqlari uchun ega boʻlgan ozod qilishlar, yengilliklar yoki skidkalarni olish huquqi beriladi.

Ahdlashuvchi Davlatga kelgunga qadar ikkinchi Ahdlashuvchi Davlatning hozirda rezidenti hisoblanib turgan yoki boʻlgan va birinchi eslatilgan Davlatda faqat oʻquv yurtlarida yoki ilmiy-tadqiqot institutlarida oʻqitish, leksiyalar oʻqish yoki tadqiqotlar oʻtkazish maqsadlaridagina yashab turgan birinchi eslatilgan Davlatning Hukumati tomonidan akkreditatsiya qilingan oʻqituvchilar, professorlar yoki tadqiqotchilarga beriladigan toʻlovlari mana shu birinchi eslatilgan Davlatda ushbu Davlatga kelgan paytidan boshlab ikki yil mobaynida soliqqa tortilmasligi kerak.

1. Ahdlashuvchi Davlatlardan biri rezidentining mazkur Bitimning oldingi moddalarida tilga olinmagan daromad turlaricha, daromadlarning qayerda paydo boʻlishidan qatʼi nazar, faqat mana shu Davlatdagina soliq solinadi.

2. Mazkur modda 1-bandining qoidasi koʻchmas mulkdan olingan daromad hisoblanmaydigan 6-moddaning 2-bandida belgilangani singari daromadga nisbatan, agarda bunday daromadni oluvchi Ahdlashuvchi Davlat rezidenti boʻla turib, ikkinchi Ahdlashuvchi Davlatda doimiy muassasasini joylashtirish orqali faoliyatni amalga oshirsa yoki u yerda doimiy bazani joylashtirib, mustaqil shaxsiy xizmatlarni amalga oshirsa va daromad toʻlanadigan huquq yoki mulk haqiqatan ham bunday doimiy muassasa yoki baza bilan bogʻlangan boʻlsa, qoʻllanmaydi. Bu holatda mazkur Shartnomaning 7- yoki 15-moddalari qoidalari qoʻllanadi.

3. 1- va 2-bandlarning qoidalariga qaramasdan, bir Ahdlashuvchi Davlat rezidentining ushbu Bitimning oldingi moddalarida aytib oʻtilmagan va ikkinchi Ahdlashuvchi Davlatda vujudga keladigan daromad turlariga ushbu boshqa Davlatda soliq solinishi mumkin.

1. Ahdlashuvchi Davlatlardan birining rezidenti mazkur Bitimning qoidalariga muvofiq va ikkinchi Ahdlashuvchi Davlatning qonunlariga binoan ana shu ikkinchi Davlatda soliqqa tortilishi mumkin boʻlgan daromad eki foyda olganida birinchi eslatilgan Davlat ikkinchi Davlatda toʻlangan soliqqa teng summani uning daromad yoki foyda soligʻi hisobidan chiqarib tashlashga imkon berishi kerak. Biroq hisobdan chiqarib tashlanadigan summa birinchi eslatilgan Davlatning soliq qonunlariga binoan hisoblab chiqilgan daromad yoki foyda soligʻi summasidan oshib ketmasligi lozim.

2. Ahdlashuvchi Davlatning rezidenti olgan daromad yoki foyda mazkur Bitimning qaysidir bir qoidasiga binoan ushbu Davlatda soliqqa tortishdan chiqarib tashlangan boʻlsa, unda bu Davlat bu rezidentning daromadi yoki foydasining qolgan qismiga soliq summasini hisob-kitob qilishda, baribir, daromad yoki foydani soliqqa tortishdan chiqarib tashlangan summani hisobga olishi kerak.

3. Mazkur moddaning 1- va 2-bandlari maqsadlarida Ahdlashuvchi Davlatlardan birining rezidenti olgan va mazkur Bitimga koʻra ikkinchi Ahdlashuvchi Davlatda soliq solinishi mumkin boʻlgan foyda yoki daromad shu ikkinchi Ahdlashuvchi Davlatdagi manbalardan olingan, deb hisoblanadi.

4. Bir Ahdlashuvchi Davlatning rezidenti boʻlgan kompaniyaning ikkinchi Ahdlashuvchi Davlatning dividendlarni toʻlaydigan kompaniyaning hal qiluvchi ovozlarining kamida 10 foizini nazorat qiladigan rezidentiga dividendlar toʻlaganida 1-bandda eslatib oʻtilgan hisobdan chiqarish birinchi eslatib oʻtilgan Davlatda dividendlarni toʻlagan kompaniyaning foyda yoki daromadga nisbatan toʻlangan soliqni hisobga olishi kerak.

5. Ahdlashuvchi Davlatning ichki qonunlariga muvofiq beriladigan muayyan maxsus imtiyozli choralarga binoan soliqqa tortishdan ozod qilingan yoki kamaytirilgan soliq miqdori Ahdlashuvchi Davlatda toʻlangan deb hisoblanadi va u ikkinchi Ahdlashuvchi Davlatdagi soliqdan chiqarib tashlanishi kerak boʻladi.

6. Mazkur moddaning 1-bandi maqsadlari uchun Ahdlashuvchi Davlat tomonidan 10-moddaning 2-bandi tegishli boʻlgan dividendlardan, 11-moddaning 2-bandi tegishli boʻlgan foizlardan, 12-moddaning 2-bandi tegishli boʻlgan royaltidan undiriladigan soliq bunday dividendlar, foizlar va royaltining umumiy miqdorining 15 foiziga teng deb hisoblanadi.

1. Ahdlashuvchi Davlatlardan birining milliy shaxslari ikkinchi Ahdlashuvchi Davlatda ikkinchi Davlat milliy shaxslariga ayni bir xil sharoitlarda yoki solinishi mumkin boʻlgandan ortiq har qanday soliq yoki unga aloqador majburiyatlarga, soliq solishdan koʻra mushkulroq yoki unga aloqador holatlarga duchor qilinmaydilar.

2. Ahdlashuvchi Davlatlardan birining korxonasi ikkinchi Ahdlashuvchi Davlatdagi doimiy muassasasiga soliq solish ushbu Ahdlashuvchi boshqa aynan shunday faoliyatini amalga oshiruvchi korxonalariga solinadigan soliqdan oshiq boʻlmaydi. Mazkur Qoida har bir Ahdlashuvchi Davlatni ikkinchi Ahdlashuvchi Davlat rezidentiga soliq solish maqsadlarida oʻz rezidentlariga ularning fuqarolik mavqeyi yoki oilaviy sharoiti asosida beradigan har qanday yakka tartibdagi imtiyozlar, ozod qilishlar yoki chegirishlarga majburlovchi tarzda talqin qilinmasligi lozim.

3. Ahdlashuvchi Davlatlarning korxonalari, agar ularning mol-mulklari toʻliq yoki qisman ikkinchi Ahdlashuvchi Davlatga tegishli boʻlsa yoxud bir yoki bir necha rezidentlari tomonidan bevosita yoki bilvosita nazorat qilinsa, birinchi eslatilgan Davlatda Ahdlashuvchi birinchi eslatilgan Davlatning shunday korxonalariga solinadigan har qanday soliq yoki unga aloqador holatlar boshqa yoki soliq solishdan koʻra mushkulroq holatlarga duchor qilinmaydi.

4. Ushbu moddaning 2 va 3-bandlari qoidalari Ahdlashuvchi Davlatning foydaning oʻtkazilishidan oladigan soliqlariga nisbatan qoʻllanilmaydi.

5. Bu moddadagi hech qanday qoida har qanday Ahdlashuvchi Davlatni bu Ahdlashuvchi Davlatning rezidentlari boʻlmagan jismoniy shaxslarga u rezidentlari boʻlgan jismoniy shaxslarga soliqqa tortish borasida beradigan har qanday yakka tartibdagi imtiyozlar, ozod qilishlar yoki chegirishlarga majburlovchi tarzda talqin qilinmasligi lozim.

6. Mazkur moddaning qoidalari faqat ushbu Bitim tegishli boʻladigan soliqlarga nisbatan qoʻllaniladi.

1. Agarda Ahdlashuvchi Davlat rezidenti Davlatlardan biri yoki har ikkalasining faoliyati unga mazkur Bitimda nazarda tutilganga muvofiq kelmaydigan soliq solinishiga olib keladi yoki olib kelishi mumkin, deb hisoblasa yoki agarda uning holati mazkur Bitimning 25-moddasi 1-bandiga muvofiq kelsa, u mazkur Davlatlarning ichki qonunchiligida nazarda tutilgan himoya vositalaridan qatʼi nazar oʻz arizasini oʻzi rezident boʻlgan Ahdlashuvchi Davlatning vakolatli idorasiga taqdim etishi mumkin. Ariza mazkur Bitim qarorlariga nomuvofiq soliq solinishiga olib keluvchi harakatlar toʻgʻrisida birinchi bor bildirilgan vaqtdan boshlab uch yil mobaynida berilishi kerak.

2. Bir Ahdlashuvchi Davlatning vakolatli idorasi uning arizasini asosli, deb topsa va uning oʻzi arizasini qoniqtiradigan qarorga kela olmasa, masalani Bitimga muvofiq kelmaydigan soliq solinishidan qochish maqsadlarida ikkinchi Ahdlashuvchi Davlatning vakolatli idorasi bilan oʻzaro kelishib hal etishga harakat qiladi. Erishilgan har qanday kelishuv, Ahdlashuvchi Davlat ichki qonunchiligida nazarda tutilgan har qanday vaqtincha cheklashlardan qatʼi nazar, bajarilishi kerak.

3. Ahdlashuvchi Davlatning vakolatli idoralari Bitimni talqin qilish yoki qoʻllashda yuzaga keladigan har qanday qiyinchilik va ikkilanishlarni oʻzaro kelishuv asosida hal etishga harakat qiladilar. Ular mazkur Bitimda nazarda tutilmagan holatlarda ham ikki tomonlama soliq solinishiga yoʻl qoʻymaslik maqsadlarida bir-birlari bilan maslahatlashishlari mumkin.

4. Ahdlashuvchi Davlatlarning vakolatli idoralari oldingi bandlar maʼnolarini tushunishida hamfikrlikka erishish maqsadlarida bir-birlari bilan bevosita aloqada boʻlib turadilar. Agar kelishuvga erishish uchun ogʻzaki fikr almashishni tashkil qilish maqsadga muvofiq boʻlsa, unda bunday fikr almashuv Ahdlashuvchi Davlatlarning vakolatli idoralari vakillaridan iborat komissiyaning majlisi doirasida oʻtkazilishi mumkin.

1. Ahdlashuvchi Davlatlarning vakolatli idoralari mazkur Bitim qoidalarini qoʻllash uchun yoki mazkur Bitim tatbiq etiladigan Ahdlashuvchi Davlatlarning soliqlarga tegishli ichki qonunchiligi ushbu qonunchilikdan mazkur Bitimga zid tushmaydigan darajada foydalanish uchun zarur axborotlar almashlab turadilar. Ahdlashuvchi Davlat olayotgan har qanday axborot mazkur Davlatning ichki qonunlari haqida olingan maʼlumot kabi maxfiy hisoblanadi hamda faqat aniqlash, olib qoʻyish, majburiy chora koʻrish bilan bogʻliq yoki Bitim tatbiq etiladigan soliqlarga nisbatan qarorlarni ijro etuvchi shaxslar va idoralargagina, xususan, sudlar va maʼmuriy idoralargagina ochiladi. Bu shaxslar yoki idoralar axborotdan faqat shunday maqsadlarda foydalanadilar. Ular ushbu axborotni ochiq sud majlisida yoki huquqiy qarorlar qabul qilish chogʻida oshkor qilishlari.

2. Hech qanday holatda ham mazkur moddaning 1-bandi qoidasi Ahdlashuvchi Davlatlar vakolatli idoralari zimmasiga quyidagi majburiyatlarni yuklovchi qoida sifatida talqin qilinmaydi:

a) u yoki bu Ahdlashuvchi Davlat qonunchiligi yoki maʼmuriy amaliyotiga zid maʼmuriy choralar oʻtkazish:

b) u yoki bu Ahdlashuvchi Davlat qonunchiligiga koʻra yoki odatdagi maʼmuriy amaliyotga muvofiq olinishi mumkin boʻlmagan axborotni taqdim etish; yoki

c) savdo, sanoat, tijorat yoki xizmat siri yoki savdo jarayonini fosh etuvchi axborotni yoki oshkor etilishi davlat siyosatiga zid keluvchi axborotni taqdim etish.

Mazkur Bitimning hech bir qoidasi diplomatik vakolatxonalar xodimlari va konsullik muassasalari xizmatchilariga xalqaro huquq umumiy meʼyorlari yoki har ikki Ahdlashuvchi Davlat oʻrtasidagi maxsus Bitim qoidalariga muvofiq belgilab qoʻyilgan soliq imtiyozlariga daxl qilmaydi.

1. Ahdlashuvchi Davlatlar har biri mazkur Bitimning kuchga kirishi uchun talab qilinadigan zarur ichki davlat tartiblarining tugaganligi toʻgʻrisida bir-birlariga diplomatik yoʻl orqali maʼlum qiladilar. Mazkur Bitim aytib oʻtilgan ogohlantirish berilgan sanadan boshlab kuchga kiradi va shundan keyin:

a) mazkur Bitim kuchga kirgan yildan keyingi yilning birinchi yanvaridan boshlab olinadigan daromadlar manbalaridan undiriladigan soliqlarga nisbatan;

b) Bitim kuchga kirgan yildan keyingi taqvimiy yilning birinchi yanvari va bundan keyingi sanadan boshlab har bir soliq solinadigan yil uchun undiriladigan boshqa daromad soliqlariga nisbatan qoʻllanadi.

Mazkur Bitim Ahdlashayotgan Davlatlardan biri uning amal qilishini toʻxtatmaguncha oʻz kuchida qoladi. Har bir Ahdlashayotgan Davlat Bitimning amal qilishini Bitim kuchga kirgan kundan keyin besh yil oʻtgach boshlanadigan istalgan kalendarʼ yilning tugashidan kamida 6 oy oldin diplomatik yoʻl orqali xabar berib toʻxtatishi mumkin. Mazkur holatda Bitimning amal qilishi:

a) Bitimni bekor qilish toʻgʻrisidagi bildirish berilgan yildan keyingi taqvimiy yilning birinchi yanvaridan boshlab olinadigan daromadlar manbalaridan undiriladigan soliqlarga nisbatan;

b) Bitimni bekor qilish toʻgʻrisidagi bildirish berilgan yildan keyingi taqvimiy yilning birinchi yanvari va bundan keyingi sanadan boshlab har bir soliq solinadigan yil uchun undiriladigan boshqa daromad soliqlariga nisbatan toʻxtatiladi.

Oʻzlarining hurmatli Hukumatlari tomonidan tegishli tartibda vakolat berilgan quyidagi imzo chekuvchilar shunga guvohlik berib mazkur Bitimni imzoladilar.

Xanoy shahrida 1996-yil 28-martda ikki nusxada, har biri oʻzbek, vyetnam va ingliz tillarida tuzildi, bunda barcha matnlar bir xil kuchga ega. Mazkur Bitim qoidalarini talqin qilishda kelishmovchiliklar vujudga kelsa, ingliz tilidagi matn asos qilib olinadi.