LexUZ sharhi
Mazkur qaror O‘zbekiston Respublikasi Vazirlar Mahkamasining 2005-yil 7-noyabrdagi 244-sonli “Ayrim respublika komissiyalari va kengashlari tarkibiga o‘zgartirishlar kiritish to‘g‘risida”gi qaroriga muvofiq o‘z kuchini yo‘qotgan.
O‘zbekiston Respublikasi Prezidentining “Korxonalar bankrotligi va sanatsiyasi masalalari bo‘yicha Hukumat komissiyasi to‘g‘risida” 2003-yil 31-yanvardagi PF-3204-son Farmonini bajarish yuzasidan Vazirlar Mahkamasi qaror qiladi:
1. Korxonalar bankrotligi va sanatsiyasi masalalari bo‘yicha Hukumat komissiyasi to‘g‘risidagi Nizom 1-ilovaga muvofiq tasdiqlansin.
2. Quyidagilar Korxonalar bankrotligi va sanatsiyasi masalalari bo‘yicha Hukumat komissiyasining asosiy vazifalari faoliyat yo‘nalishlari etib belgilansin:
mulkida davlat ulushi bo‘lgan korxonalarning hamda yirik korxonalarning (keyingi o‘rinlarda korxonalar deb ataladi) moliyaviy nobarqarorligiga va bankrotligiga olib keladigan omillarni ularning moliyaviy ahvoli monitoringi asosida aniqlash;
Vazirlar Mahkamasiga korxonalar bankrotligi sohasidagi qonun hujjatlarini takomillashtirish, bankrotlikning oldini olish maqsadida korxonalarning moliya-xo‘jalik faoliyati uchun qulay qonunchilik, makroiqtisodiy va investitsiya muhitini shakllantirish bo‘yicha takliflar kiritish;
korxonalar bankrotligini bartaraf etish ishlarini amalga oshirish, ularni tarkibiy o‘zgartirish va moliyaviy sog‘lomlashtirish bo‘yicha kompleks chora-tadbirlarni ko‘rib chiqish va kelishish;
rivojlanish istiqboliga ega bo‘lgan qishloq xo‘jaligi kooperativlari (shirkat xo‘jaliklari) va fermer xo‘jaliklari bankrotligini suddan oldin sanatsiyalash chog‘ida ularga nisbatan davlat tomonidan qo‘llab-quvvatlash choralarini qo‘llanish orqali bartaraf etish chora-tadbirlarini ko‘rish.
3. Korxonalar bankrotligi va sanatsiyasi masalalari bo‘yicha Hukumat komissiyasi ikki hafta muddatda Korxonalar bankrotligi va sanatsiyasi masalalari bo‘yicha hududiy komissiya to‘g‘risidagi Nizomni, shuningdek tegishli hududiy komissiyalar tarkibini tasdiqlasin.
4. O‘zbekiston Respublikasi Hukumatining 2-ilovaga muvofiq ayrim qarorlariga o‘zgartirishlar kiritilsin.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari R.S. Azimov zimmasiga yuklansin.
1. Korxonalar bankrotligi va sanatsiyasi masalalari bo‘yicha Hukumat komissiyasi (keyingi o‘rinlarda Komissiya deb ataladi) O‘zbekiston Respublikasi Prezidentining 2003-yil 31-yanvardagi PF-3204-son Farmoniga muvofiq tuzilgan.
2. Komissiya o‘z faoliyatida O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisi qarorlariga, O‘zbekiston Respublikasi Prezidentining farmonlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, shuningdek ushbu Nizomga amal qiladi.
3. Komissiyaning o‘z vakolatlari doirasida qabul qilgan qarorlari davlat boshqaruvi organlari va xo‘jalik yurituvchi subyektlar tomonidan bajarilishi majburiydir.
Oldingi tahrirga qarang.
4. O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi Komissiyaning ishchi organi hisoblanadi.
(4-band O‘zbekiston Respublikasi Vazirlar Mahkamasining 2005-yil 12-avgustdagi 196-son qarori tahririda —O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
5. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari huzurida korxonalar bankrotligi va sanatsiyasi masalalari bo‘yicha hududiy komissiyalar (keyingi o‘rinlarda hududiy komissiyalar deb ataladi) tuziladi.
6. Hududiy komissiyalar to‘g‘risidagi Nizom va hududiy komissiyalar tarkibi Komissiya tomonidan tasdiqlanadi.
mulkida davlat ulushi bo‘lgan korxonalarning hamda yirik korxonalarning (keyingi o‘rinlarda korxonalar deb ataladi) moliyaviy nobarqarorligiga va bankrotligiga olib keladigan omillarni ularning moliyaviy ahvoli monitoringi asosida aniqlash;
Vazirlar Mahkamasiga korxonalar bankrotligi sohasidagi qonun hujjatlarini takomillashtirish, bankrotlikning oldini olish maqsadida korxonalarning moliya-xo‘jalik faoliyati uchun qulay qonunchilik, makroiqtisodiy va investitsiya muhitini shakllantirish bo‘yicha takliflar kiritish;
korxonalar bankrotligini bartaraf etish ishlarini amalga oshirish, ularni tarkibiy o‘zgartirish va moliyaviy sog‘lomlashtirish bo‘yicha kompleks chora-tadbirlarni ko‘rib chiqish va kelishish;
rivojlanish istiqboliga ega bo‘lgan qishloq xo‘jaligi kooperativlari (shirkat xo‘jaliklari) va fermer xo‘jaliklari bankrotligini suddan oldin sanatsiyalash chog‘ida ularga nisbatan davlat tomonidan qo‘llab-quvvatlash choralarini qo‘llanish orqali bartaraf etish chora-tadbirlarini ko‘rish.
suddan oldin sanatsiyalashni amalga oshirish davrida zarar ko‘rib ishlayotgan, to‘lovga qodir bo‘lmagan va iqtisodiy nochor korxonalarni qonun hujjatlarida nazarda tutilgan shakllarda davlat tomonidan qo‘llab-quvvatlash to‘g‘risida qarorlar qabul qilish;
sanatsiya qilinayotgan qishloq xo‘jaligi korxonalariga, shu jumladan fermer xo‘jaliklariga budjetga va budjetdan tashqari jamg‘armalarga qarzlar bo‘yicha penyalarni to‘lash muddatini kechiktirish (bo‘lib-bo‘lib to‘lash) va hisobdan chiqarish to‘g‘risida, shuningdek sanatsiya qilinayotgan qishloq xo‘jaligi korxonalarining pul majburiyatlariga, soliqlar, yig‘imlar va boshqa majburiy to‘lovlariga moratoriy joriy etish to‘g‘risida qarorlar qabul qilish;
davlat tomonidan yordam olgan korxonalarni suddan oldin sanatsiyalash muddatini uzaytirish va muddatidan oldin to‘xtatish to‘g‘risida qarorlar qabul qilish;
Komissiya qaroriga ko‘ra tarkibi o‘zgartirilayotgan va sanatsiya qilinayotgan korxonalarning ishlab chiqarish quvvatlarini va qurilishi tugallanmagan obyektlarini belgilangan tartibda konservatsiya qilish to‘g‘risida qarorlar qabul qilish;
Komissiya qaroriga ko‘ra tarkibi o‘zgartirilayotgan va sanatsiya qilinayotgan korxonalarning ijtimoiy infratuzilma obyektlarini joylardagi davlat hokimiyati organlari balansiga belgilangan tartibda berish to‘g‘risida qarorlar qabul qilish;
Vazirlar Mahkamasiga to‘lovga qodir bo‘lmagan, zarar ko‘rib ishlayotgan va iqtisodiy nochor qishloq xo‘jaligi kooperativlari (shirkat xo‘jaliklari) hamda jamoa xo‘jaliklarini fermer xo‘jaliklariga aylantirish to‘g‘risida takliflar kiritish;
iqtisodiy nochor korxonalarga nisbatan bankrotlik tartibotini boshlash to‘g‘risida qarorlar qabul qilish;
davlat yordamini olishgan yoxud mulkida davlat ulushi bo‘lgan sanatsiya qilinayotgan korxonalar rahbarlarining va tashqi boshqaruvchilarining hisobotlarini eshitish;
xo‘jalik sudlariga tashqi boshqaruv rejalari bajarilmaganligi munosabati bilan tashqi boshqaruvni to‘xtatish va tugatish ishlarini amalga oshirish to‘g‘risida takliflar kiritish;
Oldingi tahrirga qarang.
Tadbirkorlikni qo‘llab-quvvatlash va korxonalarni tarkibiy jihatdan o‘zgartirish jamg‘armasi mablag‘laridan foydalanish to‘g‘risida belgilangan tartibda qarorlar qabul qilish;
(8-bandning o‘n birinchi xatboshisi O‘zbekiston Respublikasi Vazirlar Mahkamasining 2005-yil 12-avgustdagi 196-son qarori tahririda —O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
bankrotlikka olib kelgan noqonuniy xatti-harakatlarni sodir etgan shaxslarning javobgarligini ko‘rib chiqish va bu to‘g‘rida qarorlar qabul qilish;
zarar ko‘rib ishlayotgan, to‘lovga qodir bo‘lmagan va iqtisodiy nochor korxonalar bankrotligi va sanatsiyasi masalalariga taalluqli normativ hujjatlarni belgilangan tartibda va o‘z vakolatlari doirasida tasdiqlash;
vazirliklar, idoralar, yuridik shaxslar birlashmalari, mulkida davlat ulushi bo‘lgan korxonalar, tijorat banklari, joylardagi davlat hokimiyati organlaridan Komissiyaga yuklangan vazifalarni bajarish uchun zarur bo‘lgan axborotlarni so‘rab olish, ularning Komissiya qarorlarining bajarilishi, tasarrufidagi korxonalarning zarar ko‘rib ishlashiga va iqtisodiy nochorligiga olib kelgan sabablar to‘g‘risidagi hisobotlarini eshitish;
qishloq xo‘jaligi kooperativlari (shirkat xo‘jaliklari)ni va fermer xo‘jaliklarini sanatsiyalash bo‘yicha o‘z vakolatlarining bir qismini hududiy komissiyalarga berish;
9. Komissiyani rais boshqaradi, u ishlarga rahbarlik qiladi, Komissiya majlislarini olib boradi, majlislar protokollarini, Komissiyaning ish dasturini va boshqa hujjatlarini tasdiqlaydi.
10. Komissiya majlislari ish dasturiga muvofiq, lekin har chorakda kamida bir marta o‘tkaziladi. Komissiya raisi tomonidan navbatdan tashqari majlislar chaqirilishi mumkin.
11. Komissiyaning ko‘rib chiqilayotgan masalalar bo‘yicha qarori, uning uchun majlisda qatnashayotgan Komissiya a’zolarining oddiy ko‘pchiligi ovoz bergan taqdirda qabul qilingan hisoblanadi. Komissiyaning har bir a’zosi qabul qilinayotgan qarorlar yuzasidan o‘z fikrini yozma ravishda bildirish huquqiga ega.
12. Majlisda obyektiv sabablarga ko‘ra qatnashmayotgan Komissiya a’zolari o‘rniga ularning vakolatli vakillari ovoz berish huquqisiz qatnashishi mumkin.
13. Qarorlarni tezkorlik bilan qabul qilish maqsadida Komissiya raisi Komissiyaning Komissiya a’zolari bilan kelishilgan alohida masalalar bo‘yicha qarorlarini so‘rov yo‘li bilan tasdiqlashi mumkin.
14. Komissiya majlisini o‘tkazish sanasi, vaqti va joyi to‘g‘risidagi xabar, shuningdek Komissiya majlisiga materiallar Komissiya a’zolariga kotib tomonidan majlisdan kamida ikki kun oldin jo‘natiladi.
15. Komissiya majlisiga materiallar ishchi organ tomonidan vazirliklar, idoralar, yuridik shaxslar birlashmalari, korxonalar, shuningdek ularni tayyorlash uchun mas’ul bo‘lgan Komissiya a’zolari bilan birgalikda Komissiya ish rejasiga muvofiq tayyorlanadi.
Oldingi tahrirga qarang.
16. Suddan oldin sanatsiyalashda davlat tomonidan qo‘llab-quvvatlash yoki sanatsiya muddatini uzaytirish to‘g‘risidagi qarorlar loyihalariga O‘zbekiston Respublikasi Moliya vazirligi, Davlat soliq qo‘mitasi, Mehnat va aholini ijtimoiy muhofaza qilish vazirligi, O‘zbekiston Respublikasi Monopoliyadan chiqarish, raqobat va tadbirkorlikni qo‘llab-quvvatlash davlat qo‘mitasi, shuningdek Qishloq va suv xo‘jaligi vazirligi (qishloq xo‘jaligi korxonalari bo‘yicha) xulosalari (yoki protokol loyihasida ijobiy vizalar) ilova qilinishi kerak.
(16-band O‘zbekiston Respublikasi Vazirlar Mahkamasining 2005-yil 12-avgustdagi 196-son qarori tahririda —O‘zbekiston Respublikasi Qonun hujjatlari to‘plami, 2005-y., 32-33-son, 251-modda)
17. Komissiya majlisining kun tartibidagi har bir masala hujjatlarida qaror qabul qilish uchun zarur bo‘lgan materiallar (tahliliy ma’lumotnomalar, jadvallar, moliyaviy sog‘lomlashtirish biznes-rejalari, ekspert xulosalari, iltimosnomalar va shu kabilar) hamda Komissiya qarorining loyihasi bo‘lishi kerak.
Komissiyaning navbatdagi majlisiga zarur bo‘lgan barcha hujjatlarning o‘z vaqtida tayyorlanishini ta’minlaydi va vazirliklar, idoralar, yuridik shaxslar birlashmalari, joylardagi davlat hokimiyati organlari, tijorat banklari, korxonalar va Komissiya a’zolaridan zarur materiallarni va ekspert xulosalarini olish huquqiga ega bo‘ladi;
sanatsiyalash davrida davlat tomonidan qo‘llab-quvvatlashni so‘rayotgan korxonalarni moliyaviy sog‘lomlashtirish biznes-rejalarini ekspertizaga jo‘natadi;
majlislarni o‘tkazishni va korxonalarni, shirkat va fermer xo‘jaliklarini tarkibiy o‘zgartirish va sanatsiyalash chora-tadbirlarini ko‘rib chiqish uchun Komissiya qaroriga ko‘ra tuzilgan ekspert komissiyasi xulosalarini tayyorlashni tashkil qiladi;
suddan oldin sanatsiyalash jarayonlari hamda Komissiya tomonidan qabul qilingan qarorlar bo‘yicha bankrotlik tartibotlari monitoringi axborot va tahliliy materiallarini ko‘rib chiqish uchun Komissiyaga taqdim etadi;
Komissiya qarorlarining bajarilishi monitoringini yuritadi va uning natijalarini Komissiya majlisiga taqdim etadi;
hududiy komissiyalar faoliyatini va Komissiya qarorlari bajarilishini joylarga borgan holda o‘rganadi;
Komissiya a’zolarini va taklif qilingan shaxslarni, tegishli materiallarni jo‘natgan holda, majlisning o‘tkazilish sanasi, vaqti, joyi to‘g‘risida xabardor qiladi;
Komissiya protokollarini rasmiylashtiradi hamda tasdiqlangan protokollarni Komissiya a’zolariga va manfaatdor vazirliklar, idoralar, yuridik shaxslar birlashmalari, joylardagi davlat hokimiyati organlari, korxonalarga jo‘natadi;
1. O‘zbekiston Respublikasi Vazirlar Mahkamasining “Qishloq xo‘jaligi korxonalarini sanatsiya qilish bo‘yicha me’yoriy hujjatlarni tasdiqlash to‘g‘risida” 1998-yil 14-yanvardagi 21-son qarorining 2-bandi o‘z kuchini yo‘qotgan deb hisoblansin.
Oldingi tahrirga qarang.
(2-band O‘zbekiston Respublikasi Vazirlar Mahkamasining 2004-yil 18-fevraldagi 77-sonli qaroriga muvofiq o‘z kuchini yo‘qotgan — O‘zbekiston Respublikasi Qonun hujjatlari to‘plami, 2005-y., 45-son, 341-modda)