Samarqand viloyat hokimining 2014-yil 3-iyuldagi 129-Q-sonli “Oʻzbekiston Respublikasi Prezidentining 2014-yil 27-iyundagi PQ-2194-sonli “Respublika iqtisodiyoti tarmoqlarini 2014/2015-yillar kuz-qish davrida barqaror ishlashga tayyorlashni taʼminlash chora-tadbirlari toʻgʻrisida”gi qarori haqida”gi qarori ijrosini taʼminlash maqsadida qaror qilaman:

1. Samarqand viloyat hokimining 2014-yil 3-iyuldagi 129-Q-sonli “Oʻzbekiston Respublikasi Prezidentining 2014-yil 27-iyundagi PQ-2194-sonli “Respublika iqtisodiyoti tarmoqlarini 2014/2015-yillar kuz-qish davrida barqaror ishlashga tayyorlashni taʼminlash chora-tadbirlari toʻgʻrisida”gi qarori haqida”gi qarori rahbarlik va ijro uchun qabul qilinsin.

2. Oʻzbekiston Respublikasi Prezidentining mazkur qarori bilan:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, vazirliklar, idoralar, korxona va tashkilotlar — masʼul ijrochilar umuman respublika iqtisodiyot tarmoqlarini 2013/2014-yillar kuz-qish davrida barqaror ishlashga tayyorlash boʻyicha tasdiqlangan tashkiliy-texnik chora-tadbirlarni oʻz vaqtida va toʻliq hajmda amalga oshirdilar. Qabul qilingan chora-tadbirlar asosan korxona va tashkilotlarning barqaror ishlashini, aholini yoqilgʻi-energetika resurslari va kommunal xizmatlar bilan uzluksiz taʼminlash imkonini berganligi;

shu bilan birga, “Oʻztransgaz” AK va “Oʻzbekenergo” DAKning ayrim korxona va tashkilotlari tomonidan, shuningdek Buxoro, Qashqadaryo, Samarqand, Surxondaryo va Toshkent viloyatlarining bir qator shahar va tumanlarida kuz-qish davrida iqtisodiyot tarmoqlarining normal ishlashini taʼminlaydigan zarur chora-tadbirlar qabul qilinmaganligi, koʻrsatib oʻtilgan kamchiliklarga asosan ayrim rahbarlarning qishga tayyorgarlik masalalariga masʼuliyatsizlik bilan taʼminlash masalalarini oʻz vaqtida yechmaganliklari sabab boʻlganligi;

Respublika iqtisodiyot tarmoqlarini 2013/2014-yillar kuz-qish davrida barqaror ishlashga tayyorlash borasidagi ishlarni muvofiqlashtirish boʻyicha Respublika komissiyasi tomonidan 2013/2014-yillar kuz-qish davrida barqaror ishlashga tayyorlash masalalarining oʻz vaqtida yechilishiga masʼuliyatsizlik bilan qaragan va yoʻl qoʻyilgan kamchiliklar uchun bir qator xoʻjalik birlashmalari, korxona, muassasa va tashkilotlarning, shuningdek viloyat, shahar va tumanlar hokimliklarining rahbarlariga nisbatan qattiq maʼmuriy va intizomiy jazo choralari qoʻllanilganligi belgilab qoʻyilganligi;

2014-yilning 1-martida Oʻzbekiston Respublikasi Vazirlar Mahkamasi tomonidan Bosh vazir oʻrinbosarlari rahbarligida uchta ishchi guruhning tarkibi quyidagi yoʻnalishlar boʻyicha tasdiqlanganligi maʼlumot uchun qabul qilinganligi:

koʻp xonadonli uylarni kuz-qish mavsumida ishlashga tayyorlash, umumiy foydalanish joylarini, lift uskunalarini tartibga keltirish va tegishli holda saqlash, mahalla hududida sanitariya holatini taʼminlash, obodonlashtirish ishlarini tashkil etish boʻyicha ishchi guruhi (B.I. Zakirov);

ijtimoiy soha obyektlarini, iqtisodiyot tarmoqlari va aholini yonilgʻi-energetika resurslari: tabiiy gaz, elektr va issiqlik energiyasi bilan oʻz vaqtida taʼminlash ishlarini tashkil etish boʻyicha ishchi guruhi (Gʻ.I. Ibragimov);

kuz-qish davrida ijtimoiy soha obyektlarini barqaror ishlashga tayyorlashni tashkil etish, obyektlarning sanitariya holatini va obodonlashtirish ishlarini taʼminlash boʻyicha ishchi guruhi (A.I. Ikramov);

Bunda, iqtisodiyot tarmoqlarini 2013/2014-yillar kuz-qish davrida barqaror ishlashga tayyorlash boʻyicha bajarilgan ishlarning samaradorligini tanqidiy tahlil qilish asosida:

kelgusi 2014/2015-yillar kuz-qish davrida iqtisodiyot tarmoqlari, ijtimoiy soha obyektlari va uy-joy fondining barqaror faoliyat yuritishi uchun har bir ishchi guruhining aniq vazifalari belgilanganligi;

har bir hudud doirasida, shu jumladan respublikaning 28 ta yirik shaharlari va tumanlarida qabul qilingan dasturlarni amalga oshirish boʻyicha chora-tadbirlar kompleksi, tarmoq jadvallari belgilangan tartibda ishlab chiqilib tasdiqlanganligi, masʼul ijrochilar — vazirliklar, idoralar, tijorat banklari rahbarlari ularga biriktirib qoʻyilganligi maʼlumot uchun qabul qilinsin.

3. Tuman iqtisodiyot tarmoqlarini 2014/2015-yillar kuz-qish davrida barqaror ishlashga tayyorlash boʻyicha tadbirlar 1-ilovaga* muvofiq;

tumandagi asosiy muhandislik kommunikatsiyalari va texnologik uskunalarni, shuningdek ijtimoiy soha obyektlarini 2014/2015-yillar kuz-qish davrida barqaror ishlashga tayyorlash hamda kapital va joriy taʼmirlash topshiriqlari 2 va 3-ilovalarga* muvofiq;

tumanda 2014/2015-yillar kuz-qish davri uchun koʻmir va suyultirilgan gazni yetkazib berish topshiriqlari 4-ilovaga* muvofiq;

tuman iqtisodiyoti tarmoqlarini 2014/2015-yillar kuz-qish davrida barqaror ishlashga tayyorlash borasidagi ishlarni muvofiqlashtirish boʻyicha tuman komissiyasi tarkibi 5-ilovaga* muvofiq tasdiqlansin.

4. Tumandagi davlat va xoʻjalik boshqaruvi organlari, boshqa tashkilot rahbarlari zimmasiga iqtisodiyot tarmoqlarining 2014/2015-yillar kuz-qish davrida barqaror ishlashiga yoʻnaltirilgan tadbirlar hamda ishlarning oʻz vaqtida va sifatli bajarilishi yuzasidan shaxsiy javobgarligi yuklansin.

5. Tuman iqtisodiyoti tarmoqlarini 2014/2015-yillar kuz-qish davrida barqaror ishlashga tayyorlash borasidagi ishlarni muvofiqlashtirish boʻyicha tuman komissiyasi:

kommunal soha tashkilotlari, qozonxonalar, koʻp xonadonli turar-joy binolari, maktabgacha tarbiya muassasalari, umum taʼlim maktablari, oʻrta maxsus kasb-hunar taʼlimi, sogʻliqni saqlash muassasalari hamda boshqa ijtimoiy soha obyektlarini 2014/2015-yillar kuz-qish davrida barqaror ishlashga tayyorlash boʻyicha joylardagi ishlarning ahvolini tanqidiy oʻrganib chiqsin;

oʻrganib chiqish natijalari boʻyicha ushbu qaror bilan tasdiqlangan tadbirlarni amalga oshirish borasidagi tashkiliy chora-tadbirlar kompleksini, shuningdek tuman iqtisodiyot tarmoqlari va ijtimoiy soha muassasalarini 2014/2015-yillar kuz-qish davrida barqaror ishlashga tayyorlash va taʼminlash boʻyicha topshiriqlarning oʻz vaqtida bajarilishini taʼminlasin.

6. Tuman hokimining oʻrinbosarlari (Sh. Sindorov, B. Latirov) mazkur qaror ijrosini oʻz vaqtida va sifatli bajarilishi yuzasidan shaxsan javobgar ekanligi qayd qilinsin.

7. Ushbu qarorning bajarilishi har chorakda tuman hokimligi yigʻilishlarida tanqidiy koʻrib chiqilsin.

8. Mazkur qaror rasmiy eʼlon qilingan kundan boshlab kuchga kiradi.