Oʻzbekiston Respublikasi Prezidentining “Oliy malakali ilmiy va ilmiy-pedagog kadrlar tayyorlash va attestatsiyadan oʻtkazish tizimini yanada takomillashtirish toʻgʻrisida” 2012-yil 24-iyuldagi PF-4456-sonli Farmoni, shuningdek mazkur Farmonni ijro etish yuzasidan qabul qilingan Vazirlar Mahkamasining 2014-yil 16-apreldagi qaroriga muvofiq:

1. Oʻzbekiston Respublikasi Prezidentining ayrim hujjatlariga ilovaga muvofiq oʻzgartishlar kiritilsin.

2. Ushbu Farmon ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

1. Oʻzbekiston Respublikasi Prezidentining “Oʻzbekiston Respublikasi Vazirlar Mahkamasi huzurida Oliy attestatsiya komissiyasini (Oʻzbekiston Respublikasi OAK) tashkil etish toʻgʻrisida” 1992-yil 31-martdagi PF-371-sonli Farmonining 2-bandi oʻz kuchini yoʻqotgan deb hisoblansin.

2. Oʻzbekiston Respublikasi Prezidentining “Oʻzbekistonning oʻquvchi yoshlarini ragʻbatlantirish choralari toʻgʻrisida” 1993-yil 5-fevraldagi PF-555-sonli Farmonida:

a) 1-bandi quyidagi tahrirda bayon etilsin:

“1. Tadqiqotchilik faoliyatini muvaffaqiyatli amalga oshirayotgan va butun oʻqish davrini aʼlo baholarga oʻqigan oxirgi oʻquv yili talabalari uchun Oʻzbekiston Respublikasi Prezidentining Davlat stipendiyalari taʼsis etilsin. Ularning soni 10 ta boʻlib, har biri talaba oʻrtacha stipendiyasining uch barobari miqdorida belgilansin”;

b) 4-bandidagi “kirish imtihonlarisiz aspiranturaga qabul qilinadilar hamda” soʻzlari chiqarib tashlansin.

3. Oʻzbekiston Respublikasi Prezidentining “Oʻzbekiston Respublikasida pasport tizimini takomillashtirish toʻgʻrisida” 1999-yil 26-fevraldagi PF-2240-sonli Farmoni bilan tasdiqlangan Oʻzbekiston Respublikasida pasport tizimi toʻgʻrisidagi Nizom 34-bandining oʻn uchinchi xatboshidagi “aspirantlar, doktorantlar, adyunktlar” soʻzlari “katta ilmiy xodim-izlanuvchilar” soʻzlari bilan almashtirilsin.

4. Oʻzbekiston Respublikasi Prezidentining “Oʻzbekiston Respublikasida yuridik jurnallar tizimini yanada rivojlantirish chora-tadbirlari toʻgʻrisida” 2005-yil 18-oktabrdagi PQ-203-sonli qarorida:

a) 1-ilovasida:

1-bandining oltinchi xatboshi quyidagi tahrirda bayon etilsin:

“Fuqarolik jamiyati shakllanishini monitoring qilish mustaqil instituti, Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti, Oʻzbekiston Respublikasi Prezidenti huzuridagi Davlat boshqaruvi akademiyasi, Toshkent davlat yuridik universiteti, Oʻzbekiston Respublikasi Prezidenti huzuridagi amaldagi qonun hujjatlari monitoringi instituti jurnal taʼsischilaridir. Jurnal har chorakda bir marta oʻzbek, rus va ingliz tillarida 15 ming nusxada nashr etiladi”;

4- bandining sakkizinchi xatboshida va 5-bandining yettinchi xatboshida “aspirantlarga” soʻzlari “katta ilmiy xodim - izlanuvchilarga” soʻzlari bilan almashtirilsin”;

b) 2-ilovasida:

1-bandining “Jurnalning bosh taʼsischilari” ustuni quyidagi tahrirda bayon etilsin:

“Fuqarolik jamiyati shakllanishini monitoring qilish mustaqil instituti, Oʻzbekiston Respublikasi Prezidenti huzuridagi Strategik va mintaqalararo tadqiqotlar instituti, Oʻzbekiston Respublikasi Prezidenti huzuridagi Davlat boshqaruvi akademiyasi, Toshkent davlat yuridik universiteti, Oʻzbekiston Respublikasi Prezidenti huzuridagi amaldagi qonun hujjatlari monitoringi instituti”;

5-bandining “Jurnalning bosh taʼsischilari” ustunidagi “Advokatlar assotsiatsiyasi” soʻzlari “Advokatlar palatasi” soʻzlari bilan almashtirilsin.

5. Oʻzbekiston Respublikasi Prezidentining 2006-yil 14-yanvardagi PQ-257-sonli qarori bilan tasdiqlangan Oʻzbekiston Respublikasi fuqarolarining harbiy xizmatni oʻtash tartibi toʻgʻrisidagi nizomda:

a) 145-bandining “a” kichik bandidagi “adyunktura, doktoranturaga” soʻzlari “katta ilmiy xodim-izlanuvchilar institutiga” soʻzlari bilan almashtirilsin;

b) 292-bandidagi “adyunktura, harbiy doktoranturaga” soʻzlari “katta ilmiy xodim-izlanuvchilar institutiga” soʻzlari bilan almashtirilsin;

v) 293-bandida:

birinchi — toʻrtinchi xatboshilar quyidagi mazmunda birinchi va ikkinchi xatboshilar bilan almashtirilsin:

“293. Katta ilmiy xodim-izlanuvchilar institutiga kirish imtihonini topshirishga tayyorgarlik koʻrish va topshirishga ruxsat berilgan harbiy xizmatchilarga 30 sutka davom etadigan oʻquv taʼtili beriladi.

Katta ilmiy xodim-izlanuvchilar institutiga kirish imtihonlarisiz qabul qilingan harbiy xizmatchilarga oʻquv taʼtili berilmaydi”.

beshinchi xatboshi uchinchi xatboshi deb hisoblansin;

g) 295 va 296-bandlari quyidagi tahrirda bayon etilsin:

“295. Kontrakt asosida xizmat qilayotgan, mustaqil ravishda fan doktori ilmiy darajasini olishga daʼvogar boʻlgan harbiy xizmatchiga dam olish va bayram kunlaridan tashqari haftasiga bir marta boʻsh kun beriladi. Berilayotgan boʻsh kunlar harbiy qism komandirining buyrugʻi bilan rasmiylashtiriladi.

296. Kontrakt asosida xizmat qilayotgan, mustaqil ravishda fan doktori darajasini olishga daʼvogar boʻlgan harbiy xizmatchiga, agarda xizmat faoliyati ilmiy ishi bilan muvaffaqiyatli qoʻshib olib borilayotgan boʻlsa, u mustaqil izlanuvchilik ishini olib borayotgan taʼlim yoki ilmiy- tadqiqot muassasasi ilmiy kengashining tavsiyanomasiga koʻra harbiy qism qoʻmondonligi tomonidan vazirlik rahbariyati belgilagan tartibda doktorlik dissertatsiyasini nihoyasiga yetkazish uchun olti oygacha boʻlgan muddatga ijodiy taʼtillar beriladi”.

6. Oʻzbekiston Respublikasi Prezidentining “Fan va texnologiyalar rivojlanishini muvofiqlashtirish va boshqarishni takomillashtirish chora-tadbirlari toʻgʻrisida” 2006-yil 7-avgustdagi PQ-436-sonli qarorida:

a) 7-bandi quyidagi tahrirda bayon etilsin:

“7. Belgilab qoʻyilsinki, katta ilmiy xodim-izlanuvchilar institutiga har yilgi qabul kvotalari Qoʻmita tomonidan Oliy va oʻrta maxsus taʼlim vazirligi, Fanlar akademiyasi, oʻz boshqaruvida oliy taʼlim hamda ilmiy-tadqiqot muassasalari mavjud boʻlgan vazirliklar va idoralarning takliflari asosida Moliya vazirligi tomonidan ushbu maqsadlarga maxsus ajratiladigan mablagʻlar doirasida Moliya vazirligi va Iqtisodiyot vazirligi bilan kelishilgan holda tasdiqlanadi”;

b) 8-bandining birinchi xatboshida:

“aspirantlar va” soʻzlari chiqarib tashlansin;

“1993-yil 25-martdagi 157- va 2001-yil 17-avgustdagi 344” soʻzlari “2001-yil 17-avgustdagi 344- va 2008-yil 13-oktabrdagi 266” soʻzlari bilan almashtirilsin.

7. Oʻzbekiston Respublikasi Prezidentining “Oliy malakali ilmiy va ilmiy-pedagogik kadrlar tayyorlash tizimini yanada takomillashtirish chora-tadbirlari toʻgʻrisida” 2010-yil 2-noyabrdagi PQ-1426-sonli qarorida:

a) 1 va 5-bandlari oʻz kuchini yoʻqotgan deb hisoblansin.

b) 4-bandida:

birinchi xatboshidagi “stajyor-tadqiqotchi-izlanuvchi va katta ilmiy xodim-izlanuvchi lavozimlariga” soʻzlari “katta ilmiy xodim-izlanuvchi lavozimiga” soʻzlari bilan almashtirilsin;

ikkinchi xatboshi chiqarib tashlansin.