«2014-yilda yangi ish joylari yaratish va aholi bandligini taʼminlash dasturi», shuningdek 2013-yil yangi ish joylarini yaratish tuman dasturining 12 oylik ijrosi yuzasidan tuman Bandlikka koʻmaklashish va aholini ijtimoiy muhofaza qilish markazi direktori M. Mirsoatovaning hisoboti eshitilib va muhokama qilinib, Xalq deputatlari tuman Kengashi XXV-sessiyasi qaror qiladi:

1. «2013-yilda yangi ish joylari yaratish va aholi bandligini taʼminlash dasturi»ni ijrosi boʻyicha tuman hududiy ishchi komissiyasining hisoboti maʼlumot uchun qabul qilinsin.

2. Tumanda 2014-yilda yangi ish joylari yaratish va aholi bandligini taʼminlash dasturi hamda uning asosiy yoʻnalishlari 1 — 4-ilovalarga* asosan tasdiqlansin.

3. Tumandagi barcha qishloq va mahalla fuqarolar yigʻinlari raislariga:

tumanda 2014-yilda yangi ish joylari yaratish va aholi bandligini taʼminlash dasturining barcha yoʻnalishlari boʻyicha bajarilishini taʼminlasinlar.

Bunda:

Dasturga kiritilgan tashkilot, korxona rahbarlariga yangi ish oʻrinlarining yaratilishi bilan bogʻliq muammoli (yer maydonlari ajratilishi, tijorat banklari tomonidan oʻz vaqtida kredit mablagʻlarining ajratilishi va boshqa) masalalarni hal etilishida amaliy yordam koʻrsatsinlar.

4. Tuman Bandlikka koʻmaklashish va aholini ijtimoiy muhofaza qilish markazi (M. Mirsoatova):

dasturda belgilangan prognoz parametrlarning bajarilishini hududlar va korxonalar kesimida tahlil qilib, har chorak yakuni boʻyicha xalq deputatlari tuman Kengashi qoshidagi doimiy ishlovchi komissiya aʼzolariga tegishli axborotlar taqdim etilishini taʼminlasin.

5. Mazkur qaror rasman eʼlon qilingan kundan eʼtiboran kuchga kiradi.

6. Mazkur qarorning ijrosini nazorat qilish Xalq deputatlari tuman Kengashi ijtimoiy-madaniy rivojlantirish boʻyicha doimiy komissiyasi zimmasiga yuklatilsin.