Oʻzbekiston Respublikasining «Geografik obyektlarning nomlari toʻgʻrisida»gi Qonuni (Oʻzbekiston Respublikasi qonun hujjatlari toʻplami, 2011 y., 41-son, 448-modda) va Vazirlar Mahkamasining 2012-yil 16-oktyabrdagi «Geografik obyektlarning nomlari toʻgʻrisida»gi Oʻzbekiston Respublikasi Qonuniga muvofiq geografik obyektlarning nomlari sohasidagi ishlarni tartibga solish chora-tadbirlari haqida»gi 295-sonli qarori hamda Geografik obyektlarni nomlash va qayta nomlash masalalari boʻyicha viloyat komissiyasining 2013-yil 4-dekabrdagi 1/8-4-4562-sonli bayonnomasi ijrosini taʼminlash maqsadida, xalq deputatlari Oʻrtachirchiq tuman Kengashining yigirma uchinchi sessiyasi qaror qiladi:

1. Geografik obyektlarni nomlash va qayta nomlash masalalari boʻyicha viloyat komissiyasining 2013-yil 4-dekabrdagi 1/8-4-4562-sonli bayonnomasi ijro uchun qabul qilinsin.

2. Geografik obyektlarni nomlash va qayta nomlash masalalari boʻyicha viloyat komissiyasining tumandagi ayrim geografik obyektlar nomlarini qayta nomlash boʻyicha xulosasi 1-ilovaga* muvofiq, Geografik obyektlarni nomlash va qayta nomlash masalalari boʻyicha viloyat komissiyasining tumandagi geografik obyektlarni oʻz nomida qoldirish boʻyicha xulosasi 2-ilovaga* muvofiq tasdiqlansin.

3. Mazkur qaror rasmiy eʼlon qilingan kundan eʼtiboran kuchga kiradi.

4. Ushbu qarorning ijrosini nazorat qilish tuman hokimining oʻrinbosari Sh. Xashimov zimmasiga yuklatilsin.