Oʻzbekiston Respublikasi Soliq kodeksiga muvofiq (Oʻzbekiston Respublikasi qonun hujjatlari toʻplami, 2007-yil, 52 (I)-son) Oʻzbekiston Respublikasi Moliya vazirligi, Iqtisodiyot vazirligi va “Oʻzkommunxizmat” agentligi qaror qiladi:

1. Oʻzbekiston Respublikasi Moliya vazirligi, Iqtisodiyot vazirligi va “Oʻzkommunxizmat” agentligining 2011-yil 19-yanvardagi 1, 2 va 01-88 sonli qarori (roʻyxat raqami 2198, 2011-yil 19-fevral) (Oʻzbekiston Respublikasi qonun hujjatlari toʻplami, 2011-y., 7-8-son, 76-modda) bilan tasdiqlangan Kommunal xizmatlarga tariflarni shakllantirish va rentabellikning cheklangan darajasini joriy etish boʻyicha nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 6-bandning ikkinchi — oltinchi xatboshilari chiqarib tashlansin.

2. 9-band quyidagi tahrirda bayon etilsin:

“9. Oʻzbekiston Respublikasi Soliq kodeksining 313, 317 va 325²-moddalariga muvofiq kommunal xoʻjalik tizimining issiqlik, suv taʼminoti tashkilotlari uchun budjetdan tashqari Pensiya jamgʻarmasi, Respublika yoʻl jamgʻarmasi va budjetdan tashqari Umumtaʼlim maktablari, kasb-hunar kollejlari, akademik litseylar va tibbiyot muassasalarini rekonstruksiya qilish, mukammal taʼmirlash va jihozlash jamgʻarmasiga majburiy ajratmalarning soliq solinadigan bazasi etib, mahsulotlarning (ishlarning, xizmatlarning) qoʻshilgan qiymat soligʻi va tegishincha issiqlik taʼminoti tashkilotlari uchun issiqlik energiyasining, suv taʼminoti tashkilotlari uchun suvning xarid qiymati chegirib tashlangan holda realizatsiya qilingan hajmi hisoblanadi.”.

3. 16-band oʻz kuchini yoʻqotgan deb topilsin.

4. 23-bandning ikkinchi xatboshisi chiqarib tashlansin.

5. Mazkur oʻzgartirishlar Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi bilan kelishilgan.