Тизимнинг ушбу имкониятидан фойдаланиш учун Сиз авторизация қилинишингиз керак!
Рўйхатдан ўтишни хоҳлайсизми? Ёки тизимга ўз логинингиз билан кирасизми?

Авторизация қилиш Рўйхатдан ўтиш

O‘zbekiston Respublikasining “Axborot-kutubxona faoliyati to‘g‘risida”gi Qonuni va O‘zbekiston Respublikasi Prezidentining 2012-yil 20-martdagi PQ-1729-son “Alisher Navoiy nomidagi O‘zbekiston Milliy kutubxonasi — axborot resurs markazi faoliyatini tashkil etish chora-tadbirlari to‘g‘risida”gi qaroriga muvofiq O‘zbekiston Respublikasi Aloqa, axborotlashtirish va telekommunikatsiya texnologiyalari davlat qo‘mitasi qaror qiladi:
Mazkur Nizom O‘zbekiston Respublikasining “Axborot-kutubxona faoliyati to‘g‘risida”gi Qonuni va O‘zbekiston Respublikasi Prezidentining 2012-yil 20-martdagi PQ-1729-sonli “Alisher Navoiy nomidagi O‘zbekiston Milliy kutubxonasi — axborot resurs markazi faoliyatini tashkil etish chora-tadbirlari to‘g‘risida”gi qaroriga muvofiq, Alisher Navoiy nomidagi O‘zbekiston Milliy kutubxonasi — axborot resurs markazi (bundan buyon matnda Milliy kutubxona deb yuritiladi) tomonidan axborot-kutubxona muassasalarining tashkiliy-metodik faoliyatini muvofiqlashtirish va ular bilan o‘zaro aloqani ta’minlash tartibini belgilaydi.
Respublika metodik kengashi — O‘zbekiston Respublikasi Prezidentining 2012-yil 20-martdagi PQ-1729-sonli “Alisher Navoiy nomidagi O‘zbekiston Milliy kutubxonasi — axborot resurs markazi faoliyatini tashkil etish chora-tadbirlari to‘g‘risida”gi qaroriga muvofiq Milliy kutubxona huzurida tashkil etilgan, axborot-kutubxona muassasalari faoliyatini takomillashtirish bo‘yicha metodik tavsiyalar ishlab chiquvchi idoralararo kollegial organ;
2. O‘zbekiston Respublikasi “Axborot-kutubxona faoliyati to‘g‘risida”gi Qonunining 10-moddasiga muvofiq, Milliy kutubxona kutubxonashunoslik, bibliografiyashunoslik va kitobshunoslik sohasida ilmiy-tadqiqot hamda ilmiy-metodik faoliyatni amalga oshiradi va muvofiqlashtiradi, yig‘ma elektron katalogni shakllantiradi va yuritadi, shuningdek axborot-kutubxona resurslaridan o‘zaro foydalanish uchun shart-sharoitlar yaratadi.
3. Vazirlar Mahkamasining 2012-yil 4-apreldagi 98-sonli qarori bilan tasdiqlangan Alisher Navoiy nomidagi O‘zbekiston Milliy kutubxonasi — axborot resurs markazi huzuridagi Respublika metodik kengashi to‘g‘risidagi nizomga muvofiq, Respublika metodik kengashi axborot-kutubxona muassasalariga idoralararo tashkiliy-metodik rahbarlikni amalga oshiradi, ular faoliyatining barcha yo‘nalishlari bo‘yicha rivojlantirish ishlarini muvofiqlashtiradi hamda axborot-kutubxona muassasalari xodimlarini tayyorlash, qayta tayyorlash va ularning malakasini oshirishning metodologik asoslarini tashkil etadi.
5. O‘zbekiston Respublikasi “Axborot-kutubxona faoliyati to‘g‘risida”gi Qonunining 11-moddasiga muvofiq, axborot-kutubxona markazlari tegishli hududda axborot-kutubxona muassasalari faoliyatini muvofiqlashtiradi va ularni tashkiliy-metodik jihatdan ta’minlashni amalga oshiradi.

Hujjatda xato topganingizda, uni belgilab Ctrl+Enter ni bosing.

© O‘zbekiston Respublikasi Adliya vazirligi qoshidagi “Adolat” milliy huquqiy axborot markazi davlat muassasasi