Oʻzbekiston Respublikasi “Aholini ish bilan taʼminlash toʻgʻrisida”gi Qonunning 17-moddasi va Oʻzbekiston Respublikasi Vazirlar Mahkamasining 1998-yil 1-dekabrdagi 504-sonli va 2008-yil 20-avgustdagi “Ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisida”gi 186-sonli qarori asosida tasdiqlangan Nizomga asosan qaror qilaman:

1. Oʻzbekiston Respublikasi “Aholini ish bilan taʼminlash toʻgʻrisida”gi Qonunining 17-moddasiga asosan ijtimoiy muhofazaga muhtoj va ish topishda qiynalayotgan shaxslarni ishga joylashtirish uchun ish joylarining eng kam miqdori jami xodimlarning roʻyxat boʻyicha oʻrtacha sonidan 4148 kishini tashkil etadigan 7 foiz miqdorida, shu jumladan:

oʻn toʻrt yoshga toʻlmagan bolalari, nogiron bolalari boʻlgan yolgʻiz va koʻp bolali ota-onalar uchun 12 ta oʻrin;

taʼlim muassasalarini tamomlagan yoshlar uchun 161 ta oʻrin;

nogironlar uchun 3 foiz 8 ta oʻrin;

bandlikka koʻmaklashish va aholini ijtimoiy muhofaza qilish markazida ish qidiruvchi sifatida hisobda turgan pensiya yoshiga yaqinlashib qolgan shaxslar uchun 7 ta oʻrin;

muddatli harbiy xizmatdan boʻshatilganlar uchun ta oʻrin;

jazoni ijro etish muassasalaridan ozod qilingan, jazoni oʻtayotgan yoki sud qarori bilan tibbiy xarakterdagi majburiy choralar koʻrilgan shaxslar uchun 6,5 ta oʻrin:

2. Ushbu toifa shaxslar uchun ish oʻrinlari xodimlar tomonidan oʻzgalar mehnat majburiyatlarini toʻsiqlarsiz bajarishini taʼminlaydigan sanitariya-gigiyena normalari va mehnat sharoitlariga muvofiq boʻlishi kerak, shu jumladan yuqorida koʻrsatilgan barcha toifalar uchun mos sharoitlar yaratilsin.

Har chorakda tuman Bandlikka koʻmaklashish va aholini ijtimoiy muhofaza qilish markazlariga ish oʻrinlarini tashkil etilganligi, qancha fuqaro ushbu oʻrinlarga ishga joylashganligi toʻgʻrisidagi maʼlumotni oʻz vaqtida har oyning 25-kunigacha topshirilsin.

Ijtimoiy muhofazaga muhtoj boʻlgan toifadagi kishilarga maxsus ish joylari ajrata olmagan korxona va muassasalar ish joylarini ijaraga sotib olish yoki boshqa korxonalar bilan hamkorlikda tashkil etilsin.

Korxona va tashkilotlar maʼmuriyatini ushbu korxonada 2014-yil uchun ish joylarining eng kam miqdori (kvota) boʻyicha ish oʻrinlarini tashkil qilinishi majbur ekanligi haqida yil boshiga 3 oy qolganda ogohlantirilsin.

3. Ish oʻrinlari band qilib qoʻyiladigan kasblar va lavozimlar:

Qarorning 1-bandi 3-xatboshidan koʻrsatilgan talablarga javob beradigan kasb va mutaxassisliklar boʻyicha korxonalar kesimidagi ish oʻrinlari koʻrsatilgan xolda.

4. Tashkilotlarning rahbarlari Oʻzbekiston Respublikasi Vazirlar Mahkamasining 2008-yil 20-avgustdagi 186-sonli qarori bilan tasdiqlangan “Ijtimoiy muhofazaga muhtoj va ish topishda qiynaladigan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisida”gi nizomga muvofiq ijtimoiy muhofazaga muhtoj va ish topishda qiynaladigan shaxslar uchun koʻrsatilgan ish oʻrinlarini belgilangan muddatlarda va tartibda barpo etilishini taʼminlasinlar.

5. Ushbu qaror bajarilmagan taqdirda tashkilotning mansabdor shaxslariga “Ijtimoiy muhofazaga muhtoj va ish topishda qiynaladigan shaxslarni ishga joylashtirish uchun ish oʻrinlarini band qilib qoʻyish tartibi toʻgʻrisida”gi nizomning 15-bandiga muvofiq maʼmuriy va moliyaviy jarima solinadi.

6. Ushbu qarorda belgilangan ijtimoiy muhofazaga muhtoj va ish topishda qiynalayotgan shaxslar uchun ish oʻrinlarini band qilib qoʻyish sonidan ortiqcha ish oʻrinlari tashkil etilganda tashkilot uchun quyidagi imtiyozlar belgilanadi:

nogironlar uchun band qilib quyiladigan ish oʻrinlarini belgilangan sonidan ortiqcha tashkil etgan tashkilotlar qonun hujjatlarida belgilangan tartibda imtiyoz olishi;

mutasaddi tashkilot, korxona va muassasalar oʻz vakolatlari doirasida ijtimoiy muhofazaga muhtoj va ish qidirishda qiynalayotgan shaxslar uchun belgilangan koʻrsatgichdan ortiqcha, shu jumladan ish uchastkalari (sexlar) tashkil etish uchun turar joy boʻlmagan binolarni birlamchi navbatda ajratish yoʻli bilan band qilib qoʻyiladigan ish oʻrinlari tashkil etgan tashkilotlar uchun imtiyozlar belgilanishi;

ijtimoiy muhofazaga muhtoj va ish qidirishda qiynalayotgan shaxslar uchun band qilib qoʻyiladigan ish oʻrinlari tuman hokimi tomonidan belgilangan miqdordan ortiqcha tashkil etgan tashkilotlar ushbu ish oʻrinlarini tashkil etishga sarflangan mablagʻlarning bir qismini tuman Bandlikka koʻmaklashish va aholini ijtimoiy muhofaza qilish markazi bilan tuzilgan shartnoma asosida Bandlikka koʻmaklashish jamgʻarmasi hisobidan qoplash huquqiga egadir.

7. Xovos tuman Bandlikka koʻmaklashish va aholini ijtimoiy muhofaza qilish markazi (R. Otaqulov) ga bir hafta muddat ichida mazkur qarorning 1-bandida va ilovada* koʻrsatilgan korxona va tashkilotlar rahbarlari eʼtiboriga yetkazsin va ijrosini taʼminlanishi ustidan nazoratni taʼminlasin.

8. Ushbu qaror ijrosining nazorati tuman hokimining oʻrinbosari O. Karimov zimmasiga yuklatilsin.

9. Mazkur qaror rasmiy nashrda eʼlon qilingan kundan eʼtiboran qonuniy kuchga kiradi.