LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
O‘zbekiston Respublikasining “Vijdon erkinligi va diniy tashkilotlar to‘g‘risida”gi Qonuniga binoan, mamlakatimiz musulmonlaridan tushayotgan ko‘plab arizalar, xohish va istaklarni inobatga olgan holda, 1994-yil Saudiya Arabistoniga muborak haj safarini tashkil etish maqsadida Vazirlar Mahkamasi qaror qiladi:
1. Movarounnahr musulmonlari idorasining 1994-yil haj ziyoratini tashkil etish to‘g‘risidagi taklifi qabul qilinsin.
2. 1994-yil haj ziyoratini uyushtirish bo‘yicha respublika tashkiliy qo‘mitasi tarkibi ilovaga muvofiq tasdiqlansin hamda mazkur qo‘mita haj ziyoratini tashkil etish yuzasidan zarur chora-tadbirlarni ishlab chiqib, ularni joriy qilishga kirishsin.
3. Qoraqalpog‘iston Respublikasi Vazirlar Kengashi, Toshkent shahri va barcha viloyat hokimliklari joylarda tashkiliy qo‘mitalar tuzib, musulmonlarning hajga borishlarini tashkil etish bilan bog‘liq barcha masalalarni Vazirlar Mahkamasi huzuridagi Diniy ishlar qo‘mitasi bilan birgalikda hal etsinlar.
ziyoratchilarni 1994-yil may oyining boshlarida har ikkala tomonning texnik imkoniyatlarini hisobga olgan holda Jidda (Saudiya Arabistoni) shahriga olib borish va qaytarib olib kelish;
ziyoratchilar uchun qulay sharoitlar yaratish, ularning xarajatlarini qisqartirish maqsadida samolyotlar bilan jo‘nash va qaytishning Toshkent, Samarqand va Farg‘ona shaharlaridagi punktlarini tashkil etish topshirilsin.
5. O‘zbekiston Respublikasi Ichki ishlar vazirligi (Z. Almatov), Tashqi ishlar vazirligi (S. Saidqosimov), Davlat soliq qo‘mitasi Bojxona Bosh boshqarmasi (Y. Sheraliyev) Diniy ishlar qo‘mitasining taqdimiga ko‘ra ziyoratchilarning safar hujjatlarini belgilangan muddatga rasmiylashtirishni ta’minlasinlar.
6. O‘zbekiston Respublikasi Sog‘liqni saqlash vazirligi (Sh. Karimov) ziyoratchilarni Saudiya Arabistonining iqlimiy sharoitini hisobga olgan holda tibbiy ko‘rikdan o‘tkazib, tegishli xulosa berishni va haj mavsumida tibbiy yordam ko‘rsatishni tashkil etsin.
7. Milliy xavfsizlik xizmati (G‘. Aliyev) ziyoratchilarning umumiy xavfsizligini ta’minlash bo‘yicha chora-tadbirlar belgilasin.
8. “O‘zbeksavdo” davlat uyushmasi (U. Nabiyev) Toshkent shahri va viloyatlar tashkiliy qo‘mitalarining buyurtmalariga binoan joylarda ziyoratchilar uchun kerakli buyumlar savdosini tashkil qilsin.
9. O‘zbekiston Respublikasi Tashqi iqtisodiy faoliyat milliy banki (R. Azimov) ga Vazirlar Mahkamasi huzuridagi Diniy ishlar qo‘mitasi va Movarounnahr musulmonlari idorasi bilan birgalikda tasdiqlangan O‘zbekiston Respublikasidan haj ziyoratiga boruvchilarning ro‘yxati asosida har bir ziyoratchi uchun 500 AQSh dollarini imtiyoz bilan (8 ming so‘m-kuponga 1 AQSh dollari hisobida) almashtirib berishni tashkil etish topshirilsin.
O‘zbekiston Respublikasi Moliya vazirligi (B. Hamidov) Tashqi iqtisodiy faoliyat milliy bankiga respublika valyuta jamg‘armasidan 2,0 mln AQSh dollari ajratsin.
Ziyoratchilarga AQSh dollari sotishdan tushgan so‘m-kuponlarning Tashqi iqtisodiy faoliyat milliy bankidagi Moliya vazirligining maxsus hisobiga o‘tkazilishi belgilab qo‘yilsin.
10. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari M. Qoraboyev zimmasiga yuklatilsin.
Qoraboov M.Q. | O‘zbekiston Respublikasi Bosh vazirining o‘rinbosari, qo‘mita raisi | |
Abdullayev A. | Vazirlar Mahkamasi huzuridagi Diniy ishlar qo‘mitasining raisi, qo‘mita raisining o‘rinbosari | |
Abdullayev M. | Movarounnahr musulmonlari idorasi raisi, muftiy, qo‘mita raisining o‘rinbosari | |
Mahmudov M. | O‘zbekiston Respublikasi Prezident devonining yetakchi maslahatchisi, mas’ul kotib | |
Tashkiliy qo‘mita a’zolari: | ||
Uvatov U. | Vazirlar Mahkamasi huzuridagi Diniy ishlar qo‘mitasi raisining birinchi o‘rinbosari | |
Almatov Z. | O‘zbekiston Respublikasi Ichki ishlar vaziri | |
Aliyev G‘. | Milliy xavfsizlik xizmatining raisi | |
Azimov R. | Tashqi iqtisodiy faoliyat milliy bankining raisi | |
Karimov Sh. | Sog‘liqni saqlash vaziri | |
Rafiqov G.M. | “O‘zbekiston havo yo‘llari” milliy aviakompaniyasining direktori | |
Rasulov Z.S. | Vazirlar Mahkamasining mas’ul xodimi | |
Saidqosimov S.S. | Tashqi ishlar vaziri | |
Temirov Sh. | “Mahalla” hayriya jamg‘armasining raisi | |
Nabiyev U. | “O‘zbeksavdo” davlat uyushmasi raisining o‘rinbosari | |
Alimaxsumov O. | O‘zbekiston xalq hofizi, mahalla oqsoqollari vakili |