Oʻzbekiston Respublikasi Prezidentining 2013-yil 9-oktabrdagi PQ-2048-son “Toshkent shahrida yoʻlovchi tashish transportini tashkil etish tizimini yanada takomillashtirish chora-tadbirlari toʻgʻrisida”gi qarori (Oʻzbekiston Respublikasi qonun hujjatlari toʻplami, 2013-y., 41-son, 545-modda) va Oʻzbekiston Respublikasi Vazirlar Mahkamasining 2013-yil 13-noyabrdagi 308-son “Shahar yoʻlovchi tashish transporti tizimini yanada takomillashtirishga doir tashkiliy chora-tadbirlar toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2013-y., 46-son, 604-modda) muvofiq Oʻzbekiston Respublikasi Ichki ishlar vazirligi, Oliy va oʻrta maxsus taʼlim vazirligi va Vazirlar Mahkamasi huzuridagi Davlat test markazi qaror qiladi:

1. Oʻzbekiston Respublikasi Ichki ishlar vazirligi, Oliy va oʻrta maxsus taʼlim vazirligi va Vazirlar Mahkamasi huzuridagi Davlat test markazining 2011-yil 29-iyuldagi 7, 316 va 89-01-2090-son qarori (roʻyxat raqami 2271, 2011-yil 30-sentabr) (Oʻzbekiston Respublikasi qonun hujjatlari toʻplami, 2011-y., 40-son, 416-modda) bilan tasdiqlangan Avtomototransport vositalari va shahar elektr transporti vositalari haydovchilarini tayyorlash va qayta tayyorlash bilan shugʻullanuvchi taʼlim muassasalari oʻquvchilarining bilimini baholash uchun test savollarini tuzish va test sinovlarini oʻtkazish tartibi toʻgʻrisidagi nizom muqaddimasining ikkinchi xatboshisidagi “Toshshahartransxizmat” uyushmasi” degan soʻzlar “Toshshahartransxizmat” aksiyadorlik kompaniyasi” degan soʻzlar bilan almashtirilsin.

2. Mazkur qaror rasmiy eʼlon qilingan kundan eʼtiboran kuchga kiradi.