LexUZ sharhi
Mazkur qaror O‘zbekistan Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Rus shoiri Aleksandr Sergeyevich Pushkinning jahon madaniyati rivojiga qo‘shgan buyuk hissasini nazarda tutib, Vazirlar Mahkamasi qaror qiladi:
1. O‘zbekiston Fanlar akademiyasi va ijodiy uyushmalarning A. S. Pushkin tavalludining 200 yilligiga bag‘ishlab 1999-yil iyun oyida yubiley tadbirlari o‘tkazish haqidagi taklifi qabul qilinsin.
2. Yubiley tadbirlariga tayyorgarlik ko‘rish va uni o‘tkazish bo‘yicha tashkiliy qo‘mita tarkibi ilovaga muvofiq tasdiqlansin.
3. Fanlar akademiyasi Madaniyat ishlari vazirligi, Yozuvchilar uyushmasi, Baynalmilal madaniy markazi, “Ma’naviyat va ma’rifat” jamoatchilik markazi bilan birga A. S. Pushkin yubileyiga bag‘ishlangan ilmiy-amaliy konferensiya o‘tkazsin.
4. Toshkent shahar hokimligi tashkiliy qo‘mita bilan birgalikda yubileyni o‘tkazish bilan bog‘liq tadbirlar rejasini ishlab chiqsin.
5. O‘zbekiston davlat matbuot qo‘mitasi A. S. Pushkinning bir jildli asarlar to‘plamini nashr etishni ta’minlasin.
6. Ommaviy axborot vositalariga A. S. Pushkin yubileyiga tayyorgarlik ko‘rish va uni o‘tkazishni keng yoritish tavsiya etilsin.
7. Mazkur qaror ijrosini nazorat qilish O‘zbekiston Respublikasi Bosh vazirining o‘rinbosari H. S. Karomatov zimmasiga yuklansin.
Karomatov H. S. | — | O‘zbekiston Respublikasi Bosh vazirining o‘rinbosari, Tashkiliy qo‘mita raisi |
Jo‘rayev N. Q. | — | O‘zbekiston Respublikasi Prezidentining Davlat maslahatchisi (kelishuv asosida) |
Oripov A. | — | Yozuvchilar uyushmasi raisi |
Jo‘rayev T. J. | — | Fanlar akademiyasi prezidenti |
Boliyev A. | — | O‘zbekiston Milliy axborot agentligi bosh direktori |
Jo‘rayev X. R. | — | Madaniyat ishlari vaziri |
G‘ulomov S. S. | — | Oliy va o‘rta maxsus ta’lim vaziri |
Yo‘ldoshev J. G‘. | — | Xalq ta’limi vaziri |
Shog‘ulomov R. Sh. | — | Davlat matbuot qo‘mitasi raisi |
Zinin S. I. | — | Rus madaniy markazi raisi |
Aminov N. | — | Respublika “Ma’naviyat va ma’rifat” jamoatchilik markazi rahbari |
Abdullayev Sh. Y. | — | Moliya vazirining o‘rinbosari |
Abdullayev R. | — | Bastakorlar uyushmasi raisi |
Ko‘chimov A. | — | “O‘zteleradio” kompaniyasi raisi |
Qo‘ziyev A. | — | Badiiy akademiya raisi |
Pukemov A. | — | “Pravda Vostoka” gazetasi bosh muharriri |
Yunusov T. | — | “O‘zbekkino” kompaniyasi raisi |
Abduqunduzov M. | — | “O‘zbekteatr” bosh direktori |
Rasulov K. R. | — | Baynalminal milliy-madaniy markaz direktori |