Maxsus avtotransport (axlat tashigichlar, agʻdarma mashinalar)ni oʻz vaqtida ishlab chiqarish va yetkazib berishni taʼminlash, mahalliy davlat hokimiyati organlari bilan kelishgan holda yetkazib berish jadvallarini tasdiqlash.

Sanitariya jihatidan tozalashning ixtisoslashtirilgan korxonalariga maxsus texnika sotib olish uchun qaytarish muddati kamida 5 yil boʻlgan imtiyozli kreditlar ajratilishini tijorat banklari tomonidan taʼminlash.

Tumanlar va shaharlarda maxsus avtotransport vositalari (axlat tashigichlar, buldozerlar, yuk ortgichlar, agʻdarma mashinalar) va asbob-uskunalar (avtotarozilar) xarid qilinishini taʼminlash.

2014-2015-yillarda axlat toʻplash shoxobchalari, qattiq maishiy chiqindilarning yangi poligonlarini tashkil etish va ularni tegishli ravishda jihozlash dasturlariga muvofiq qattiq maishiy chiqindilar bilan ishlashning quyidagilarni nazarda tutuvchi sxemalarini ishlab chiqish:
‎1) axlat toʻplash maydonchalari va konteynerlarni joylashtirish;
‎2) yangidan tashkil etiladigan poligonlarni joylashtirish;
‎3) quyidagilarda:
‎tuman markazlarida, tuman markazidan 25 kilometrgacha radiusda joylashgan shahar posyolkalari va qishloq aholi punktlarida, bir haftada kamida ikki marta;
‎tuman markazidan 25 kilometrdan 80 kilometrgacha masofadagi qishloq aholi punktlarida — bir haftada kamida bir marta aholi punktlari hududlarini izchil qamrab olish va maxsus avtotransport harakatlanishi yoʻnalishlari hisobga olingan holda shaharlarda sanitariya jihatidan tozalash boʻyicha ixtisoslashtirilgan tashkilotlar tomonidan va tumanlarda obodonlashtirish boshqarmalari tomonidan tuzilgan qattiq maishiy chiqindilarni tashib ketishning kundalik reja- jadvalini tuzish.
‎Yaqin joylashgan qishloq aholi punktlarida, biroq tuman markazidan 80 kilometrdan ortiq uzoqlikda yashaydigan aholiga xizmat koʻrsatish uchun ayrim tumanlarda (asosan Qoraqalpogʻiston Respublikasi, Navoiy, Qashqadaryo, Jizzax va Toshkent viloyatlarida) tuman obodonlashtirish boshqarmalarining qattiq maishiy chiqindilar filiallarga biriktirilgan hududlarga tashib ketilishini taʼminlaydigan filiallari tashkil etiladi.

Quyidagilarni taʼminlash:
‎axlat toʻplash maydonchalari va qattiq maishiy chiqindilar poligonlari uchun yer ajratish;
‎poligonlar uchun tegishli sanitariya-ekologiya xulosalarini va kadastr hujjatlarini rasmiylashtirish;
‎tegishli texnik talablarga javob beradigan maxsus avtotransport vositalarini saqlash joylarini (garajlarni) tashkil etish (transport vositalari uchun yopiq toʻxtash joylari, haydovchilarni har kuni koʻrikdan oʻtkazish uchun tibbiyot punktlari, transportni texnik koʻrikdan oʻtkazish, qoʻriqlash joylari, taʼmirlash ustaxonalari);
‎sanitariya jihatidan tozalash boʻyicha ixtisoslashtirilgan tashkilotlarining sanitariya jihatidan tozalash xizmati va obodonlashtirish boshqarmalarining xodimlarini maxsus kiyim-bosh (rasmiy kiyim) bilan taʼminlash.

Quyidagi hisob-kitoblardan kelib chiqib qoʻshimcha axlat toʻplash shoxobchalari qurish:
‎shaharlarda — 5 ta koʻp kvartirali uy uchun 1 ta axlat toʻplash shoxobchasi, har bir punktni 4 ta konteyner bilan jihozlagan holda (hisoblab chiqilgani boʻyicha 1480 ta axlat toʻplash shoxobchasi, 8389 ta konteyner);
‎tuman markazlarida — 5 ta koʻp kvartirali uy uchun bitta axlat toʻplash shoxobchasi, har bir punktni 2 ta konteyner bilan jihozlagan holda (hisoblab chiqilgani boʻyicha 2044 ta axlat toʻplash shoxobchasi, 4088 ta konteyner);
‎shahar posyolkalari va qishloq aholi punktlarida — 100 ta uy xoʻjaligiga bitta axlat toʻplash shoxobchasi (hisoblab chiqilgani boʻyicha 49268 ta axlat toʻplash shoxobchasi).

Ishlab turgan qattiq maishiy chiqindilar poligonlarini:
‎145,5 ming p.m uzunlikdagi perimetr boʻyicha atrofini oʻrash;
‎ularni buldozerlar, avtoyuklagichlar, agʻdarma mashinalar (469 ta) va avtotarozilar (175 ta) bilan jihozlash.

Qattiq maishiy chiqindilarning yangi poligonlarini qurish:
‎Buxoro shahri ehtiyojlari uchun 10 ga maydonda 1 ta poligon;
‎Andijon, Buloqboshi, Zafarobod, Yangiobod, Muborak, Namangan, Oqoltin, Xovos, Boʻstonliq, Oqqoʻrgʻon, Ohangaron, Chinoz, Qoʻshtepa, Toshloq, Uchkoʻprik va Hazorasp tumanlari ehtiyojlari uchun har birining maydoni 2 ga boʻlgan 16 ta poligon;
‎tuman markazlaridan (80 kilometrdan 300 kilometrgacha) va qattiq maishiy chiqindilarni koʻmish poligonlaridan (40 kilometrdan ortiq) ancha yiroq masofada joylashgan qishloq aholi punktlarida sanitariya qoidalari va normalari yoʻl qoʻyadigan minimal masofada (0,5 — 1,0 km) 0,5-1 ga maydonli 107 ta mini-poligon (1-ilova*);
‎tashkil etilayotgan yangi poligonlarning 30,5 ming p.m uzunlikda perimetr boʻyicha atrofini oʻrash; shaharlar va tumanlar ehtiyojlari uchun tashkil etilayotgan yangi poligonlarni buldozerlar, avtoyuklagichlar va agʻdarma mashinalar (51 ta) va avtotarozilar bilan jihozlash.

Buxoro shahrida (Buxoro viloyati) va Buloqboshi (Andijon viloyati), Boʻstonliq va Ohangaron (Toshkent viloyati) tumanlarida qattiq maishiy chiqindilarning toʻlgan poligonlarini toʻliq yopish.

Qattiq maishiy chiqindilarning egasiz poligonlarini tuman obodonlashtirish boshqarmalariga berish (2-ilova*).

Qattiq maishiy chiqindilarni sortlarga ajratish va qayta ishlash boʻyicha tijorat tuzilmalarini tashkil etishni, ular oʻrtasida kooperatsiya aloqalari oʻrnatilishini nazarda tutuvchi transportda tashish xarajatlarini qisqartirish maqsadida qattiq maishiy chiqindilarni, keyinchalik chiqitsiz qayta ishlashni hisobga olgan holda, sortlarga ajratish va utilizatsiya qilish boʻyicha kompleks tadbirlarni ishlab chiqish.

Sanitariya jihatidan tozalash boʻyicha ixtisoslashtirilgan tashkilotlar, obodonlashtirish boshqarmalarining xoʻjalik hisobidagi uchastkalari va poligonlar foydalanishga topshirilishiga qarab qoʻshimcha ish oʻrinlari tashkil etish (boshqaruv va ishlab chiqarish xodimlari: uchastkalar boshliqlari, operatorlar, mexaniklar, chilangar-taʼmirlovchilar, haydovchilar, yuk ortuvchilar va shu kabilar) (hisoblab chiqilgani boʻyicha 4 853 nafar).

Sanitariya jihatidan tozalash boʻyicha ixtisoslashtirilgan tashkilotlarni va obodonlashtirish boshqarmalari xizmatlaridan foydalanuvchi jismoniy va yuridik shaxslarni quyidagi bosqichlarda yalpi xatlovdan oʻtkazish:

1-bosqich. Qarorga 9-10-ilovalarga muvofiq tegishli mutaxassislar tarkibida viloyat hokimining alohida qarori asosida ishchi guruhlar tashkil etish.

2-bosqich. Qattiq maishiy chiqindilarni tashib ketish xizmatlaridan amalda foydalanuvchi aholi sonini aniqlash.

3-bosqich. Xatlov natijasida aniqlangan aholi sonini shahar va tuman ichki ishlar boshqarmalarining fuqarolarning kirishi-chiqishi va rasmiylashtirish boʻlimlari, fuqarolarning oʻzini oʻzi boshqarish organlari, statistika boshqarmalari, oilaviy poliklinikalar hamda suv, issiqlik, gaz va elektr taʼminoti boʻyicha kommunal xizmat koʻrsatish korxonalarining maʼlumotlari bilan taqqoslash.

4-bosqich. Shahardagi mavjud yuridik shaxslarni xatlovdan oʻtkazish va xatlov natijasida olingan maʼlumotlarni statistika boshqarmalari va soliq organlarining maʼlumotlari bilan taqqoslash.

5-bosqich. Sanitariya jihatidan tozalash boʻyicha ixtisoslashtirilgan korxonalar va obodonlashtirish boshqarmalarining xatlov natijasida aniqlangan isteʼmolchilar bilan shartnomalar tuzishi.

6-bosqich. Sanitariya jihatidan tozalash boʻyicha tashkilotlarning abonent bazasini shakllantirish.

Shartnomaviy-huquqiy ishlarni takomillashtirish:
‎jismoniy va yuridik shaxslar uchun sanitariya jihatidan tozalash boʻyicha xizmatlar koʻrsatish uchun namunaviy shartnomani ishlab chiqish;
‎mavjud qarzdorlikni fuqarolik sudlari va xoʻjalik sudlari orqali undirib olish yuzasidan zarur chora-tadbirlar koʻrish.

“Billing” kompyuterlashtirilgan dasturini joriy etish yoʻli bilan sanitariya jihatidan tozalash boʻyicha ixtisoslashtirilgan tashkilotlar va obodonlashtirish boshqarmalarining xoʻjalik hisobidagi boʻlinmalari tomonidan koʻrsatiladigan xizmatlar hajmini va ularning abonentlarini hisobga olish tizimini avtomatlashtirish.

Maxsus avtotransport vositalarini “GPS” uzoqda turib nazorat qilishning avtomatlashtirilgan tizimi bilan jihozlash hisobiga ulardan samarali foydalanishni taʼminlash.

Sanitariya jihatidan tozalash boʻyicha ixtisoslashtirilgan tashkilotlar va obodonlashtirish boshqarmalarining xoʻjalik hisobidagi boʻlinmalari tomonidan qoʻllaniladigan amaldagi tariflarning iqtisodiy asoslanganligini oʻrganish va oʻrganib chiqish yakunlari boʻyicha tuman (shahar) hokimliklari tomonidan qattiq maishiy chiqindilarni tashib ketish xizmatlariga tariflarning yangi darajalarini tasdiqlash toʻgʻrisida takliflar kiritish.

Obodonlashtirish boshqarmalarining xoʻjalik hisobidagi boʻlinmalari uchun Gʻaznachilikning hududiy boʻlinmalarida alohida shaxsiy hisob raqamlari ochish. Obodonlashtirish boshqarmalarining xoʻjalik hisobidagi boʻlinmalari tomonidan daromad va xarajatning alohida hisobi yuritilishini, yuqori moliya organiga hisobotlar topshirilishini taʼminlash.

Obodonlashtirish boshqarmalarining sanitariya jihatidan tozalash boʻlinmalari uchun xodimlarning maqbul sonini aniqlash va shtat jadvalini belgilangan tartibda kelishish.

Sanitariya jihatidan tozalash boʻyicha ixtisoslashtirilgan tashkilotlar va obodonlashtirish boshqarmalarining xoʻjalik hisobidagi boʻlinmalari tomonidan abonentlar toʻliq qamrab olinishi, daromadlar tushishi toʻliqligi, debitorlik-kreditorlik qarzlarning holati, hisob va hisobot yuritilishi ustidan doimiy ravishda monitoring olib borish.

IV. Qattiq maishiy chiqindilarni tashib ketishning tashkil etilishini nazorat qilish va monitoringini olib borish

Quyidagilar yoʻli bilan chiqindilar bilan ishlash masalalarida aholining huquqiy va sanitariya-ekologik savodxonligini oshirish maqsadida aholi oʻrtasida keng koʻlamli tushuntirish ishlarini tashkil etish:
‎chiqindilarni toʻgʻri toʻplash va tashib ketishning sanitariya-ekologik ahamiyatini ommaviy axborot vositalari orqali keng yoritish;
‎sanitariya jihatidan tozalash hamma joyda tashkil etilishini ommaviylashtiruvchi radioeshittirishlar va telekoʻrsatuvlarni, respublika matbuotida va mahalliy matbuotda maqolalar eʼlon qilinishini muntazam ravishda tashkil etish;
‎sanitariya jihatidan tozalash tashkilotlariga reklama roliklarini joylashtirish uchun imtiyozli efir daqiqalarini belgilangan tartibda berish, qattiq maishiy chiqindilarni tashib ketish xizmatlari koʻrsatish tartibi va qoidalarini namoy�sh qilish.

Qattiq maishiy chiqindilarni tashib ketish va koʻmib tashlashni tashkil etish va nazorat qilish modeliga (3-ilova) muvofiq har bir shahar va tuman boʻyicha aholi punktlarini sanitariya jihatidan tozalashni tashkil etish tadbirlari rejasini ishlab chiqish.

Mintaqalarda sanitariya jihatidan tozalashni tashkil etish masalalari boʻyicha Qoraqalpogʻiston Respublikasi Vazirlar Kengashi Raisining va viloyatlar hokimlari oʻrinbosarlarining, Oʻzbekiston Respublikasi Tabiatni muhofaza qilish davlat qoʻmitasi, Davlat statistika qoʻmitasi, Sogʻliqni saqlash vazirligi va “Oʻzavtosanoat” AK rahbarlarining hisobotlarini Oʻzbekiston Respublikasi Vazirlar Mahkamasi Prezidiumi majlislarida koʻrib chiqish.