Davlatimiz mustaqilligi, iqtisodiy, siyosiy, ilmiy-taʼlim, madaniy, maʼnaviy salohiyati va mudofaa qudratini mustahkamlash, uning sarhadlari xavfsizligi va daxlsizligini taʼminlash, mamlakatimizni demokratik yangilash va modernizatsiyalash, Vatanimizning munosib yosh avlodini tarbiyalash ishiga katta hissasi uchun, shuningdek Oʻzbekiston Mustaqilligining 20 yilligi bayram qilinishi munosabati bilan Vazirlar Mahkamasi qaror qiladi:

Oʻzbekiston Respublikasi Prezidentining “Oʻzbekiston Respublikasi mustaqilligiga 20 yil esdalik nishonini taʼsis etish toʻgʻrisida” 2011-yil 17-maydagi PF-4306-son Farmoniga hamda Oʻzbekiston Respublikasi Prezidentining “Oʻzbekiston Respublikasi mustaqilligiga 20 yil” esdalik nishoni bilan mukofotlash toʻgʻrisida 2011-yil 15-avgustdagi PQ-1597-son qaroriga muvofiq davlat va xoʻjalik boshqaruvi, mahalliy davlat hokimiyati organlari, jamoat tashkilotlari va birlashmalari tomonidan taqdim etilgan “Oʻzbekiston Respublikasi mustaqilligiga 20 yil” esdalik nishoni bilan taqdirlanadigan ziyolilar, fan va sanʼat arboblari, ishchi va xizmatchilar, tadbirkorlar, fermerlar, mehnat faxriylari, harbiy xizmatchilar, huquqni muhofaza qiluvchi idoralar xodimlari va boshqa shaxslar roʻyxatlari ilovaga* muvofiq tasdiqlansin.