Jizzax viloyati hokimining qarori, 31.07.2013 yildagi 170-son
Кучга кириш санаси
31.07.2013
Рус
Ўзб
O’zb
O‘zb|Рус
|
Jizzax viloyati hokimining Qarori Jizzax viloyatining 2013-yilgi asosiy makroiqtisodiy koʻrsatkichlari prognozi va mahalliy budjetning parametrlari toʻgʻrisida Oʻzbekiston Respublikasi Oliy Majlisi Qonunchilik palatasining “Oʻzbekiston Respublikasining 2013-yilgi Davlat budjeti toʻgʻrisida”gi 2012-yil 16-noyabrdagi 576-II-sonli qarori (Oʻzbekiston Respublikasi Oliy Majlisi palatalarining Axborotnomasi, 2012-y., 11-son, 309-modda), Oʻzbekiston Respublikasi Oliy Majlisi Senatining “Oʻzbekiston Respublikasining 2013-yilgi Davlat budjeti toʻgʻrisida”gi 2012-yil 6-dekabrdagi SQ-343-II-sonli qarori (Oʻzbekiston Respublikasi Oliy Majlisi palatalarining Axborotnomasi, 2012-y., 12-son, 345-modda) va Oʻzbekiston Respublikasi Prezidentining 2012-yil 25-dekabrdagi “Oʻzbekiston Respublikasining 2013-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-1887-sonli qarori (Oʻzbekiston Respublikasi qonun hujjatlari toʻplami, 2012-y., 52-son, 587-modda) ijrosini taʼminlash maqsadida qaror qilaman: 1. Oʻzbekiston Respublikasi Prezidentining 2012-yil 25-dekabrdagi “Oʻzbekiston Respublikasining 2013-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi PQ-1887-sonli qarori rahbarlik va ijro uchun qabul qilinsin. 2. 2013-yil uchun: viloyatni rivojlantirishning asosiy makroiqtisodiy koʻrsatkichlari prognozi 1-ilovaga muvofiq; viloyatning mahalliy budjeti asosiy parametrlari 2-ilovaga muvofiq; viloyat budjeti, Jizzax shahri va tumanlar mahalliy budjetlarining daromadlar va xarajatlar hajmlari, viloyat budjetidan maqsadli subvensiyalarning cheklangan miqdorlari 3-ilovaga muvofiq; Jizzax shahri va tumanlar mahalliy budjetlariga umumdavlat soliqlar tushumlaridan ajratmalar normativlari 4-ilovaga muvofiq; viloyat budjeti, Jizzax shahri va tumanlar mahalliy budjetlari aylanma kassa mablagʻining yoʻl qoʻyiladigan eng kam miqdorlari 5-ilovaga muvofiq; tadbirkorlik faoliyati ayrim turlari boʻyicha yuridik va jismoniy shaxslarga belgilab qoʻyilgan soliqlar stavkalari 6-ilovaga muvofiq; yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslar (yakka tartibdagi tadbirkorlar)ga belgilab qoʻyilgan soliq stavkalari 7-ilovaga muvofiq; mahalliy soliqlar va yigʻimlar stavkalari 8-ilovaga muvofiq; savdo va umumiy ovqatlanish korxonalariga, shuningdek shu sohaga tegishli mikrofirmalar va kichik korxonalar uchun yagona soliq toʻlovi stavkalari 9-ilovaga muvofiq tasdiqlansin. 3. 2013-yil uchun viloyat mahalliy budjetining zaxira jamgʻarmasi 729,8 mln. soʻm miqdorida belgilansin. 4. Oʻzbekiston Respublikasi Prezidentining mazkur qaroridagi tegishli ilovalari bilan: qoʻshilgan qiymat soligʻi stavkalari 20 foiz miqdorida; yuridik shaxslardan olinadigan foyda soligʻi stavkalari; jismoniy shaxslardan olinadigan daromad soligʻi stavkalari; yagona soliq toʻlovi stavkalari; Oʻzbekiston Respublikasi rezidentlariga dividentlar va foizlar tarzida toʻlanadigan daromad soligʻi stavkalari 10 foiz miqdorda; Oʻzbekiston Respublikasida ishlab chiqariladigan va roʻyxat boʻyicha chetdan keltiriladigan aksiz soligʻiga tortiladigan tovarlarga aksiz soligʻi stavkalari; suv resurslaridan foydalanganlik uchun soliq stavkalari; yer qaʼridan foydalanganlik uchun soliq stavkalari; imzolanadigan bonus va tijoratbop topilma bonusi; ayrim turdagi mahsulotlar boʻyicha qoʻshimcha foyda soligʻi stavkalari; yuridik va jismoniy shaxslarning mol-mulkiga solinadigan soliq stavkalari; yuridik va jismoniy shaxslardan olinadigan yer soligʻi stavkalari; yagona yer soligʻi stavkalari; Oʻzbekiston Respublikasi Moliya vazirligi huzuridagi Respublika yoʻl jamgʻarmasiga majburiy ajratmalar va yigʻimlar stavkalari tasdiqlanganligi maʼlumot uchun qabul qilinsin. Belgilangan soliqqa tortish obyektlaridan Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga majburiy ajratmalar stavkalari 1,6 foiz, Oʻzbekiston Respublikasi Moliya vazirligi huzuridagi Respublika yoʻl jamgʻarmasiga majburiy ajratmalar stavkalari 1,4 foiz va Oʻzbekiston Respublikasi Moliya vazirligi huzuridagi budjetdan tashqari Taʼlim va sogʻliqni saqlash muassasalarini rekonstruksiya qilish, mukammal taʼmirlash va jihozlash jamgʻarmasiga majburiy ajratmalar stavkalari 0,5 foiz miqdorida; mablagʻlarni budjetdan tashqari Pensiya jamgʻarmasi, Bandlikka koʻmaklashish davlat jamgʻarmasi va Oʻzbekiston Kasaba uyushmalari Federatsiyasi Kengashi oʻrtasida Oʻzbekiston Respublikasi Prezidentining mazkur qarorining 24-ilovasida keltirilgan normativlarga muvofiq taqsimlangan holda yagona ijtimoiy toʻlov stavkasi 25 foiz miqdorida; fuqarolarning Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasiga majburiy sugʻurta badallari stavkasi 6,0 foiz miqdorida; turar joyini ijaraga beruvchi jismoniy shaxslar uchun ijara haqi stavkasi 10-ilovada belgilangan miqdorlarda tasdiqlanganligi maʼlumot uchun qabul qilinsin. Yuridik shaxslar uchun koʻchmas mulkni ijaraga topshirishdan tushadigan daromadlarni soliqqa tortishning amaldagi tartibi saqlab qolinganligi, unga muvofiq mazkur daromadlar shartnoma boʻyicha oʻrnatilgan ijara haqi summasidan kelib chiqqan holda belgilanishi, ammo davlat koʻchmas mulkidan foydalanganlik uchun toʻlanadigan ijara haqining eng kam stavkalari boʻyicha hisoblab chiqilgan miqdordan past boʻlmasligi kerakligi maʼlumot uchun qabul qilinsin. 5. 2013-yilning 1-yanvaridan boshlab: yagona soliq toʻlovini toʻlovchi barcha shaxslar uchun (chakana savdo korxonalari bundan mustasno) yagona soliq toʻlovining eng kam miqdorini hisoblash uchun yagona baza — ular egallab turgan yer uchastkasi maydonidan kelib chiqqan holda hisoblanadigan yer soligʻining uch karra miqdoridagi summasi belgilanganligi hamda bunda chakana savdo korxonalari uchun aynan shu turdagi faoliyatni amalga oshiruvchi yakka tartibdagi tadbirkorlar tomonidan toʻlanadigan belgilab qoʻyilgan soliq summasidan kelib chiqqan holda yagona soliq toʻlovining eng kam miqdorini hisoblash tartibi saqlab qolinganligi; ixtisoslashtirilgan “Sharobsavdo” hududiy bazalari uchun chakana va ulgurji tovar aylanmasi boʻyicha yagona soliq toʻlovi stavkasi 5 foiz miqdorida belgilanganligi; undirishni soliq toʻlovchilarning mulkiga qaratish uchun soliq qarzdorligining eng kam miqdorlari 11-ilovaga muvofiq belgilanganligi; mobil aloqa xizmati koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlov haqi mablagʻlarni Oʻzbekiston Respublikasi Prezidentining mazkur qarorining 27-ilovasiga muvofiq taqsimlangan holda, oyiga 500 soʻm miqdorida belgilanganligi; “Oʻztransgaz” aksiyadorlik kompaniyasi avtomobil gaz toʻldirgich kompressor stansiyalariga (shu jumladan oʻz balansida avtomobil gaz toʻldirgich kompressor stansiyalari boʻlgan yuridik shaxslarga) sotadigan tabiiy gazning ulgurji-sotish narxiga qoʻshimcha ravishda har bir kub metri uchun 200 soʻm miqdorda soliqqa tortilmaydigan maxsus investitsiya ustama haqi belgilanganligi maʼlumot uchun qabul qilinsin. 6. Yagona soliq toʻlovi tushumlari Oʻzbekiston Respublikasi Davlat budjeti, budjetdan tashqari Pensiya jamgʻarmasi, Respublika yoʻl jamgʻarmasi hamda budjetdan tashqari Taʼlim va sogʻliqni saqlash muassasalarini rekonstruksiya qilish, mukammal taʼmirlash va jihozlash jamgʻarmasi oʻrtasida Oʻzbekiston Respublikasi Moliya vazirligi tomonidan belgilanadigan miqdorlarda taqsimlanishi maʼlumot uchun qabul qilinsin. 7. 2013-yilning 1-yanvaridan boshlab: “Oʻzneftmahsulot” AK neft bazalari tomonidan ajratilgan limitlarga muvofiq avtomobil benzini va dizel yonilgʻisini sotish budjet mablagʻlari hisobidan moliyalashtiriladigan tashkilotlarga chakana narxlarda, avtomashinalarga yonilgʻi quyish shoxobchalariga esa — chegirmani hisobga olgan holda chakana narxlarda amalga oshirilishi belgilanganligi; benzin va dizel yonilgʻisining chakana hamda ulgurji narxlari oʻrtasida neft bazalarining qoʻshimcha narxlari va chegirma miqdori chiqarib tashlanganda hosil boʻladigan tafovut benzin va dizel yonilgʻisini avtomashinalarga yonilgʻi quyish shoxobchalariga sotilganida belgilangan tartibda neftni qayta ishlash zavodlariga oʻtkazilishi maʼlumot uchun qabul qilinsin. 8. Mahalliy davlat hokimiyati va davlat boshqaruvi organlarining barcha darajalardagi mahalliy budjetlar daromadlari va xarajatlarini shakllantirishdagi roli, mustaqilligi va masʼuliyatini oshirish, mahalliy budjetlarning Davlat budjetidagi ulushini koʻpaytirish maqsadida quyidagi umumdavlat soliqlari va boshqa daromadlar: suv resurslaridan foydalanganlik uchun soliq; yuridik shaxslar va yakka tartibdagi tadbirkorlarning tadbirkorlik faoliyati ayrim turlari boʻyicha qatʼiy belgilangan soliq; yuridik shaxs boʻlmasdan tadbirkorlik faoliyati bilan shugʻullanuvchi jismoniy shaxslar (yakka tartibdagi tadbirkor)dan olinadigan qatʼiy belgilangan soliq; viloyatda ishlab chiqariladigan oʻsimlik moyi va pivo mahsulotining aksiz soligʻi; davlat bojlari, yigʻimlar va jarimalar 12-ilovaga muvofiq toʻliq hajmda viloyat, shahar va tumanlarning mahalliy budjetlar daromadlariga oʻtkazilsin. 9. Viloyat hokimligi Moliya boshqarmasiga mahalliy budjetlarga budjetdan subvensiyalar va ssudalar (daromadlar va xarajatlar oʻrtasidagi vaqtinchalik kassa tafovutlarini qoplash uchun) ajratishda ularning miqdorlarini hududlar boʻyicha barcha soliqlar va boshqa majburiy toʻlovlarning toʻliq tushishidan, shuningdek ish haqi (yagona ijtimoiy toʻlov bilan birga), nafaqalar va ularga tenglashtirilgan toʻlovlar boʻyicha mahalliy budjetning xarajatlarini birinchi navbatda soʻzsiz moliyalashtirish zarurligidan kelib chiqqan holda aniqlashtirish huquqi berilsin. 10. 2013-yil uchun viloyat mahalliy budjeti mablagʻlari hisobidan moliyalashtiriladigan bolalar maktabgacha taʼlim muassasalarida bolalarni joylashtirish uchun olinadigan ota-onalar toʻlovi miqdori 13-ilovaga muvofiq tasdiqlansin. 11. Oʻzbekiston Respublikasi Prezidentining 2009-yil 22-dekabrdagi “Oʻzbekiston Respublikasining 2010-yilgi asosiy makroiqtisodiy koʻrsatgichlari prognozi va Davlat budjeti parametrlari toʻgʻrisida”gi PQ-1245-sonli qarori 24-bandining amal qilishi 2014-yilning 1-yanvarigacha uzaytirilgani maʼlumot uchun qabul qilinsin. 12. Viloyat hokimligi Moliya boshqarmasining 2012-yilgi viloyat mahalliy budjetining asosiy koʻrsatkichlarini aniqlashtirish toʻgʻrisidagi taklifi maʼqullansin. Viloyat Moliya va Gʻaznachilik boshqarmalari viloyat Markaziy banki Bosh boshqarmasi bilan birgalikda 2013-yilning yanvar oyida oʻtkazilgan operatsiyalarni 2012-yilgi viloyat mahalliy budjet ijrosi toʻgʻrisidagi hisobotida aks ettirgan holda, 2013-yilgi viloyat mahalliy budjet ijrosi boʻyicha qonun hujjatlarida belgilangan tartibda yakuniy operatsiyalar oʻtkazsinlar. 13. “Jizzax haqiqati” va “Djizakskaya pravda” gazetalari tahririyati (B. Nazarov) mazkur qarorning toʻliq matnini gazetada chop etilishini taʼminlasin. 14. Mazkur qaror xalq deputatlari viloyat Kengashi tasdigʻiga kiritilsin. 15. Ushbu qarorning bajarilishini nazorat qilish viloyat hokimining oʻrinbosari R. Kenjayev zimmasiga yuklatilsin. Hokim S. ISMAILOV Jizzax sh., 2013-yil 31-iyul, 170-son Viloyat hokimining 2013-yil 31-iyuldagi 170-sonli qaroriga 1-ILOVA Jizzax viloyatining 2013-yilgi asosiy makroiqtisodiy koʻrsatkichlari
Viloyat hokimining 2013-yil 31-iyuldagi 170-sonli qaroriga 2-ILOVA Jizzax viloyati mahalliy budjetining 2013-yilgi ASOSIY PARAMETRLARI
Viloyat hokimining 2013-yil 31-iyuldagi 170-sonli qaroriga 3-ILOVA 2013-yil uchun Jizzax viloyati tumanlari va Jizzax shahar mahalliy budjetlari daromadlari, xarajatlari, maqsadli subvensiyalari HAJMLARI
Viloyat hokimining 2013-yil 31-iyuldagi 170-sonli qaroriga 4-ILOVA 2013-yilda Jizzax viloyati tumanlari va Jizzax shahar mahalliy budjetlariga umumdavlat soliqlar tushumlaridan ajratmalar NORMATIVLARI
Viloyat hokimining 2013-yil 31-iyuldagi 170-sonli qaroriga 5-ILOVA Jizzax viloyati tumanlari va Jizzax shahar mahalliy budjeti aylanma kassa mablagʻining eng kam zarur MIQDORLARI
Viloyat hokimining 2013-yil 31-iyuldagi 170-sonli qaroriga 6-ILOVA Tadbirkorlik faoliyati ayrim turlar boʻyicha belgilangan soliqlarning bazaviy stavkalari hamda ularga tuzatuvchi koeffitsiyentlar
Izoh: 1. Qatʼiy belgilangan soliq stavkalari 2013-yil 1-yanvar holatiga belgilangan eng kam ish haqi miqdoridan kelib chiqib hisoblanadi hamda eng kam ish haqining yil davomidagi oʻzgarishi davomida qayta koʻrib chiqilmaydi. 2. Qatʼiy belgilangan soliq hisob-kitoblari taqdim etilganda hisobga olinmagan birlik koʻrsatgichlari aniqlanganda bu holat soliqqa tortiluvchi obyektni yashirish deb hisoblanadi. Viloyat hokimining 2013-yil 31-iyuldagi 170-sonli qaroriga 7-ILOVA Yuridik shaxsni tashkil etmasdan tadbirkorlik faoliyati bilan shugʻullanadigan jismoniy shaxslardan olinadigan qatʼiy soliqlarning bazaviy stavkalari (yakka tartibdagi tadbirkorlar)
* Dehqon xoʻjaligida parvarishlangan, ham tirik koʻrinishda, ham ularni soʻyib, xom va qayta ishlangan koʻrinishdagi mahsulotlari sifatida chorva mollari, quyonlar, nutriyalar, baliq, parrandani, shuningdek natura va qayta ishlangan koʻrinishda asalarichilik va dehqonchilik (gulchilikdan tashqari) mahsulotlarini sotish bundan mustasno. Etishtirilgan qishloq xoʻjaligi mahsulotlar uchun fuqarolar tomonidan unga yoki oilasiga ajratilgan yer maydonida ishlab chiqarilganligini joydagi Davlat hokimiyati organi, oʻzini oʻzi boshqarish organi, bogʻdorchilik boshqaruvi, bogʻdorchilik-polizchilik uyushmalari tomonidan berilgan tegishli shakldagi tasdiqlovchi hujjatlar taqdim etilganda soliq toʻlovidan ozod etiladi. Izoh: 1. Qatʼiy belgilangan soliq stavkalari 2013-yil 1-yanvar holatiga belgilangan eng kam ish haqi miqdoridan kelib chiqib hisoblanadi hamda eng kam ish haqining yil davomidagi oʻzgarishi davomida qayta koʻrib chiqilmaydi. 1. Jismoniy shaxs: a) bir necha faoliyat turi bilan shugʻullansa har bir faoliyat turi uchun alohida soliq toʻlaydi; b) tadbirkorlik faoliyatini ijaraga olingan uskunalar va binoda amalga oshirsa, yashash joyidagi davlat soliq xizmati organiga ijaraga beruvchi toʻgʻrisida maʼlumotnoma (axborot) taqdim etishi shart. v) davlat roʻyxatidan oʻtmagan hududda tadbirkorlik faoliyati bilan shugʻullangan taqdirda, soliq hududlar stavkalari oʻrtasidagi ijobiy farqini olgan holda toʻlanadi. Shunda stavkalar oʻrtasidagi ijobiy farq tadbirkorning davlat roʻyxatidan oʻtgan hududga toʻlanadi. 2. Jismoniy shaxslar tomonidan Davlat roʻyxatidan oʻtmasdan turib alohida yakka tartibdagi tadbirkorlik faoliyati bilan shugʻullanganligi aniqlangan taqdirda, hududiy davlat soliq xizmati organlari tomonidan faoliyat turiga belgilangan qatʼiy soliq stavkalari boʻyicha bir yillik miqdorida soliq undiriladi, ammo jismoniy shaxs yakka tartibdagi tadbirkor sifatida Davlat roʻyxatidan oʻtmasdan turib alohida yakka tartibdagi tadbirkorlik faoliyati bilan shugʻullanganligi aniqlangan vaqtdan 30 kun ichida belgilangan tartibda roʻyxatdan oʻtgan xollar bundan mustasno. Bunday jismoniy shaxsga qatʼiy belgilangan soliqning bir yillik miqdorini Moliya vazirligi va Davlat soliq qoʻmitasi tomonidan tasdiqlangan tartibga muvofiq shu davrdagi qatʼiy soliq boʻyicha majburiyatlar hisobidan 12 oy davomida toʻlash huquqi beriladi. 3. Jismoniy shaxslarning mol-mulkni ijaraga berishdan olgan daromadlariga Oʻzbekiston Respublikasi Prezidentining 2012-yil 25-dekabrdagi PQ–1887-sonli qarorining 8-ilovasida koʻrsatilgan stavkalar (yaʼni jismoniy shaxslardan olinadigan daromadlar) boʻyicha soliq solinadi. Viloyat hokimining 2013-yil 31-iyuldagi 170-sonli qaroriga 8-ILOVA Jizzax viloyati hududida joriy qilingan mahalliy soliqlar va yigʻimlar MEʼYoRIY STAVKALARI
Izoh: * koʻrsatib oʻtilgan stavkalar hajmi Jizzax viloyatining barcha hududlarida yagona hisoblanadi. Yuridik va jismoniy shaxslarga benzin, dizel yonilgʻisi va gazning yonilgʻi quyish shoxobchalari orqali sotilganda transport vositalari uchun benzin, dizel yonilgʻisi va gazning narxi soliq, toʻlovi bilan hisobga olinadi. ** yigʻim yagona hisob raqamga tushib, undan keyin Moliya vazirligi tomonidan belgilangan tartibga asosan budjetga va hokimliklarning budjetdan tashqari (maxsus) hisob raqamlariga taqsimlanadi. *** yigʻim miqdori viloyat markazida eng kam ish haqining 3 barovaridan, boshqa aholi punktlarida eng kam ish haqining 2 barovaridan kam boʻlmagan miqdorda belgilanishi lozim. Viloyat hokimining 2013-yil 31-iyuldagi 170-sonli qaroriga 9-ILOVA Savdo va umumiy ovqatlanish korxonalaridan yagona soliq toʻlovi stavkalari mikrofirmalar va kichik korxonalar qoʻshilgan holda
* Agarda ulgurji savdo korxonalarining boshqa hududlarda alohida mustaqil yuridik maqomiga ega boʻlmagan savdo shoxobchalari mavjud boʻlsa, ushbu korxonalar xar bir savdo shoxobchalar boʻyicha alohida tovar aylanmasi hisob-kitobini olib, ushbu shoxobchalar joylashgan hududiga belgilangan yagona soliq stavkasini toʻlaydilar ** Borishi qiyin va togʻli aholi punktlari Oʻzbekiston Respublikasi Adliya vazirligidan 2008-yil 11-noyabrda roʻyxatdan utgan № 1868-sonli Yoʻriqnoma asosida va Jizzax viloyati Yer resurslari va Davlat kadastri boshqarmasi “Yer tuzish va koʻchmas mulk kadastr xizmati Davlat unitar korxonasi” tomonidan taqdim etilgan roʻyxatda belgilanadi Viloyat hokimining 2013-yil 31-iyuldagi 170-sonli qaroriga 10-ILOVA Turar joylarni ijaraga beruvchi jismoniy shaxslar uchun belgilangan ijara toʻlovi STAVKALARI
Izoh: ushbu stavkalar turar joylarni ijaraga berishdan olingan daromadlarni soliqqa tortish uchun qoʻllaniladi. Viloyat hokimining 2013-yil 31-iyuldagi 170-sonli qaroriga 11-ILOVA Undirishni soliq toʻlovchilarning mulkiga qaratish uchun soliq qarzdorligining eng kam miqdorlari
Viloyat hokimining 2013-yil 31-iyuldagi 170-sonli qaroriga 12-ILOVA Mahalliy budjetlar daromadlariga oʻtkaziladigan davlat bojlari, yigʻimlari va jarimalari
Izoh: Davlat bojlari, yigʻimlar va jarimalar tushumlarining mahalliy budjet va vazirlik hamda idoralarning budjetdan tashqari jamgʻarmalari oʻrtasidagi taqsimoti belgilangan tartibda amalga oshiriladi. Viloyat hokimining 2013-yil 31-iyuldagi 170-sonli qaroriga 13-ILOVA Davlat budjeti mablagʻlari hisobidan moliyalashtiriladigan maktabgacha taʼlim muassasalarida bolalarni saqlash uchun ota-onalar badali MIQDORI
|
Решение Хокима Джизакской области О прогнозе основных макроэкономических показателей и параметрах местного бюджета Джизакской области на 2013 год Текст акта приводится на узбекском языке. Хоким С. ИСМАИЛОВ г. Джизак, 31 июля 2013 г., № 170 |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||