LexUZ sharhi
Mazkur qaror O‘zbekiston Respublikasi Vazirlar Mahkamasining 2016-yil 2-maydagi 132-sonli “Umumiy o‘rta va o‘rta maxsus, kasb-hunar ta’limi muassasalarida sog‘lom ovqatlanishni tashkil etishni yanada takomillashtirish chora-tadbirlari to‘g‘risida”gi qaroriga asosan o‘z kuchini yo‘qotgan.
Oliy ta’lim muassasalarida sog‘lom ovqatlanish tizimini yanada takomillashtirish maqsadida Vazirlar Mahkamasi qaror qiladi:
1. Vazirlar Mahkamasining “Ta’lim muassasalarida sog‘lom ovqatlanish shart-sharoitlarini yaxshilash bo‘yicha chora-tadbirlar to‘g‘risida” 2010-yil 20-avgustdagi 184-son qaroriga quyidagi qo‘shimchalar kiritilsin:
a) 3-bandning birinchi xatboshidagi “ta’lim muassasalarida” so‘zlaridan keyin “(oliy ta’lim muassasalari bundan mustasno)” so‘zlari qo‘shilsin;
b) Ta’lim muassasalarida sog‘lom ovqatlanishni tashkil etish to‘g‘risidagi Nizomning I bo‘limiga quyidagi mazmundagi 51-band qo‘shilsin:
“51. Oliy ta’lim muassasalarida ovqatlanishni tashkil etish mazkur muassasalar tomonidan amalga oshirilganda ularga nisbatan ushbu Nizomning 6—22-bandlari qoidalari tatbiq etilmaydi”.
2. Vazirliklar va idoralar bir oy muddatda o‘z idoraviy normativ-huquqiy hujjatlarini ushbu qarorga muvofiqlashtirsinlar.
3. Ushbu qarorning bajarilishini nazorat qilish O‘zbekiston Respublikasi Bosh vazirining o‘rinbosari A.I. Ikramov zimmasiga yuklansin.