Shahar yo‘lovchi tashish transportini tashkil etish tizimini yanada takomillashtirish, yo‘lovchilar tashish xavfsizligi va sifatini oshirish, qulay va shinam avtobuslardan oqilona va samarali foydalanishni ta’minlash, transport tashkilotlarining moliyaviy-iqtisodiy holatini mustahkamlash, yo‘lovchilar tashishni boshqarishga zamonaviy axborot-kommunikatsiya texnologiyalarini keng joriy etish maqsadida:
1. Quyidagilar shahar yo‘lovchi tashish transportini tashkil etish tizimini yanada takomillashtirishning eng muhim vazifalari va yo‘nalishlari deb hisoblansin:
yo‘lovchilar tashishni tashkil qilish samaradorligini oshirish, avtobus yo‘nalishlarini yanada optimallashtirish, harakatlanadigan tarkibning ratsional miqdorini aniqlash maqsadida Toshkent shahar jamoat transportining barcha turlarida yo‘lovchilar oqimini tizimli asosda o‘rganib chiqish;
sutkaning turli vaqtlarida yo‘lovchilar oqimi oz-ko‘pligiga qarab bitta yo‘nalishda katta va o‘rtacha sig‘imli avtobuslardan samarali foydalanishni nazarda tutuvchi harakatlanadigan tarkibdan foydalanishning prinsipial yangi tizimini joriy etish;
shahar atrofi yo‘nalishlarining oxirgi to‘xtash punktlarini Toshkent halqa avtomobil yo‘li bo‘ylab joylashtirgan holda yo‘lovchilarning shahar atrofi yo‘nalishlaridan shahar yo‘nalishlariga chiqib o‘tirishlari uchun eng qulay bo‘lgan joylarda yo‘lovchi tashish avtostansiyalarini qurish va shahar atrofida qatnovchi liniyadagi taksilarning to‘xtash joylari uchun maydonchalar barpo etish asosida shahar va shahar atrofi yo‘nalishlari sxemalarini maqbullashtirish;
shahar yo‘lovchi tashish transporti tizimiga shahar yo‘lovchilarini tashishni boshqarish, jamoat transporti qatnovi grafiklari va intervallariga qat’iy rioya etishni ta’minlaydigan zamonaviy axborot-kommunikatsiya texnologiyalarini, harakatlanadigan tarkibning qatnovi ustidan “on-layn” tartibida masofadan turib nazorat qiladigan (GPS) tizimlarini joriy etish;
shahar jamoat transporti korxonalari moliya-xo‘jalik faoliyatining samaradorligi va rentabelligini oshirish, ishlab chiqarish va noishlab chiqarish sarf-xarajatlarini qisqartirish, yonilg‘i-moylash materiallaridan samarali foydalanish, transport vositalarining o‘zini o‘zi qoplashini ta’minlash;
bazaviy tarif stavkasiga nisbatan rag‘batlantiruvchi to‘lovlar ulushini oshirishga qaratilgan transport korxonalari xodimlari mehnatini moddiy rag‘batlantirish tizimini takomillashtirish.
O‘zbekiston Respublikasi Vazirlar Mahkamasi bir oy muddatda 2014-2015-yillardagi davrda Toshkent shahrida yo‘lovchi tashish transportini tashkil qilish tizimini yanada takomillashtirish bo‘yicha kompleks chora-tadbirlar dasturini qabul qilsin.
liniyalardagi avtobuslar va yo‘nalishli taksilar o‘z yo‘nalishlari bo‘yicha bir-birini takrorlab qatnashiga yo‘l qo‘yilmaydi;
avtobus saroylari tarkibida yo‘lovchilarni yo‘nalishli taksilarda tashish bo‘yicha ixtisoslashtirilgan avtokolonnalar barpo etiladi, ular malakali haydovchi xodimlar bilan va yo‘lovchilar tashish xavfsizligi talablariga mos keladigan zamonaviy harakatlanadigan tarkib bilan ta’minlanadi;
jismoniy shaxslardan ijara shartlari asosida jalb qilingan avtotransport vositalari (avtobuslar va mikroavtobuslar)dan shaharda yo‘lovchilar tashishda foydalanish taqiqlanadi;
yo‘lovchilarni xususiy yo‘nalishli taksilarda tashishning zarur bo‘lgan tizimi va tartibini ta’minlashga, birinchi navbatda yo‘lovchilar tashish xavfsizligining qat’iy texnik talablariga javob beradigan transport vositalari bilan ta’minlanishiga, shuningdek ularning saqlanishiga, avtobus saroylarida texnik xizmat ko‘rsatish va ta’mirlash ishlari o‘z vaqtida o‘tkazilishiga, avtotransport vositalari qatnovga chiqishdan oldin texnik ko‘rikdan va haydovchilar tibbiy ko‘rikdan majburiy o‘tkazilishiga alohida e’tibor qaratilishi lozim.
Ushbu masala yuzasidan Vazirlar Mahkamasi xususiy yo‘nalishli taksilarda yo‘lovchilar tashish to‘g‘risida maxsus nizom qabul qilsin.
O‘zbekiston Respublikasi Ichki ishlar vazirligi Toshkent shahar hokimligi va boshqa manfaatdor tuzilmalar bilan birgalikda 2014-yilning 1-yanvariga qadar muddatda yo‘lovchilar tashish xavfsizligi bo‘yicha texnik talablarni tanqidiy qayta ko‘rib chiqsin va yana ham qattiqroq talablar o‘rnatsin, harakatlanadigan tarkibning texnik holati ustidan nazoratni kuchaytirsin.
Oldingi tahrirga qarang.
(3-band O‘zbekiston Respublikasi Prezidentining 2018-yil 28-avgustdagi PF-5525-sonli Farmoniga asosan o‘z kuchini yo‘qotgan)
4. Yo‘lovchi tashish bo‘yicha “Toshshahartransxizmat” uyushmasi va uning tarkibiga kiruvchi “Toshavtobustrans” va “Toshpasremservis” aksiyadorlik kompaniyalari, “Toshelektrotrans” davlat kompaniyasi tugatilsin.
5. Tugatilayotgan “Toshshahartransxizmat” uyushmasi, aksiyadorlik va unitar transport tashkilotlari negizida “Toshshahartransxizmat” aksiyadorlik kompaniyasi 2-ilovaga* muvofiq tashkil qilinsin.
Keyingi tahrirga qarang.
* 2-ilova rus tilidagi matnda berilgan.
Belgilab qo‘yilsinki, “Toshshahartransxizmat” aksiyadorlik kompaniyasi “Toshshahartransxizmat” uyushmasining, “Toshavtobustrans”, “Toshpasremservis” aksiyadorlik kompaniyalarining hamda “Toshelektrotrans” davlat kompaniyasining huquqlari va majburiyatlari bo‘yicha huquqiy voris hisoblanadi.
Keyingi tahrirga qarang.
6. Boshqaruv xodimlarining cheklangan soni 41 kishidan iborat bo‘lgan “Toshshahartransxizmat” aksiyadorlik kompaniyasi ijro etuvchi apparatining tuzilmasi 3-ilovaga* muvofiq ma’qullansin.
Keyingi tahrirga qarang.
* 3-ilova rus tilidagi matnda berilgan.
“Toshshahartransxizmat” aksiyadorlik kompaniyasi raisiga, Toshkent shahar hokimligi bilan kelishilgan holda, zarurat tug‘ilganda kompaniyaning ijro etuvchi apparati tuzilmasiga xodimlarning belgilangan cheklangan soni doirasida o‘zgartishlar kiritish huquqi berilsin.
Keyingi tahrirga qarang.
Keyingi tahrirga qarang.
7. O‘zbekiston Respublikasi Vazirlar Mahkamasi ikki hafta muddatda “Toshshahartransxizmat” aksiyadorlik kompaniyasi faoliyatini tashkil etish, mazkur qarorda nazarda tutilgan chora-tadbirlarni amalga oshirish yuzasidan qaror qabul qilsin.
8. Toshkent shahar hokimligi manfaatdor idoralar va tuzilmalar bilan birgalikda bir oy muddatda “Toshshahartransxizmat” aksiyadorlik kompaniyasining ta’sis yig‘ilishi o‘tkazilishi hamda uning nizomi qabul qilinishini ta’minlasin.
9. Belgilansinki, “Toshshahartransxizmat” aksiyadorlik kompaniyasi tarkibiga kirgan tashkilotlarning balansida bo‘lgan binolar va inshootlarni sotishdan tushgan mablag‘lar obyektlarni baholash va sotish bilan bog‘lik xarajatlarni chiqarib tashlagan holda O‘zbekiston Respublikasi Tiklanish va taraqqiyot jamg‘armasining “Mercedes-Benz Conecto Low Floor” rusumli 400 ta avtobusni sotib olish uchun jalb etilgan kreditlarini qaytarishga yo‘naltiriladi.
Keyingi tahrirga qarang.
Keyingi tahrirga qarang.
10. O‘zbekiston Respublikasi Prezidentining ayrim qarorlariga va O‘zbekiston Respublikasi Hukumatining qarorlariga 4-ilovaga muvofiq o‘zgartish va qo‘shimchalar kiritilsin.
11. Mazkur qarorning ijrosini nazorat qilish O‘zbekiston Respublikasining Bosh vaziri Sh.M. Mirziyoyev zimmasiga yuklansin.
1. O‘zbekiston Respublikasi Prezidentining “Toshshahartransxizmat” uyushmasi hamda Toshkent shahar hokimligi yo‘lovchi transportining barcha turlari harakatini litsenziyalash va muvofiqlashtirish departamenti faoliyatini tashkil etish to‘g‘risida” 2006-yil 18-yanvardagi PQ–262-son qarorining 1-bandi va qarorga 1 — 5-ilovalar o‘z kuchini yo‘qotgan deb hisoblansin.
2. O‘zbekiston Respublikasi Prezidentining “Toshavtobustrans” aksiyadorlik kompaniyasi korxonalarining davlatga qarashli aksiyalari paketlarini xususiy mulk etib sotish to‘g‘risida” 2006-yil 3-iyuldagi PQ–396-son qarorining 6-bandidagi “(A.H. To‘xtayev) va “Toshshahartransxizmat” uyushmasi raisi (Sh.Sh. Muhamedjanov)” so‘zlari “va “Toshshahartransxizmat” aksiyadorlik kompaniyasi boshqaruvi raisi” so‘zlari bilan almashtirilsin.
Keyingi tahrirga qarang.
Oldingi tahrirga qarang.
(3-band O‘zbekiston Respublikasi Prezidentining 2021-yil 30-apreldagi PF-6218-sonli Farmoniga asosan o‘z kuchini yo‘qotgan — Qonunchilik ma’lumotlari milliy bazasi, 30.04.2021-y., 06/21/6218/0398-son)
4. O‘zbekiston Respublikasi Prezidentining “Toshkent shahrini yo‘lovchi tashish avtobuslari bilan ta’minlashga doir qo‘shimcha chora-tadbirlar to‘g‘risida” 2009-yil 6-maydagi PQ–1109-son qarorida:
2-bandning uchinchi xatboshidagi “Toshshahartransxizmat” uyushmasi mablag‘lari, shuningdek oladigan avtobuslar miqdoriga mutanosib ravishda “Toshavtobustrans” aksiyadorlik kompaniyasi va” so‘zlari “Toshshahartransxizmat” aksiyadorlik kompaniyasi mablag‘lari, shuningdek oladigan avtobuslar miqdoriga mutanosib ravishda” so‘zlari bilan almashtirilsin;
“10. Belgilansinki, “Toshshahartransxizmat” aksiyadorlik kompaniyasi tomonidan tarkibiy bo‘linmalarga “EvoBus GmbX” (Germaniya) firmasi bilan tuzilgan shartnoma bo‘yicha “Mercedes-Benz Conecto Low Floor” rusumli 200 ta shahar yo‘lovchi tashish avtobuslarini, ularga ehtiyot qismlarni, shu jumladan avtobuslardan foydalanishning kafolatli muddati davrida ishdan chiqqan qismlar o‘rniga yetkazib beriladigan ehtiyot qismlar va materiallar qo‘shilgan qiymat solig‘i solish obyekti hisoblanmaydi”.
5. O‘zbekiston Respublikasi Prezidentining “Toshkent shahrining yo‘lovchi avtobuslari saroylarini yanada yangilash chora-tadbirlari to‘g‘risida” 2012-yil 5-martdagi PQ-1721-son qarorining 9-bandidagi “uyushma” so‘zi “aksiyadorlik kompaniyasi” so‘zlari bilan almashtirilsin.
6. Vazirlar Mahkamasining “Toshkent shahrida yo‘lovchi transporti tizimini yanada takomillashtirish chora-tadbirlari to‘g‘risida” 2006-yil 31-yanvardagi 11-son qarorida (O‘zbekiston Respublikasi QT, 2006-y., 1-son, 6-modda):
1-bandning to‘rtinchi va beshinchi xatboshi hamda qarorga 4 va 5-ilovalar o‘z kuchini yo‘qotgan deb hisoblansin;
4-bandning birinchi xatboshidagi “Toshavtobustrans” so‘zi “Toshshahartransxizmat” so‘zi bilan almashtirilsin;
“yo‘lovchi tashuvchilar tomonidan yo‘lovchilar tashish qoidalariga rioya etilishini ta’minlash bo‘yicha yo‘nalishda nazoratni amalga oshirish”;
oltinchi — o‘n uchinchi xatboshilar tegishli ravishda yettinchi — o‘n to‘rtinchi xatboshilar deb hisoblansin.
7. Vazirlar Mahkamasining 2006-yil 2-avgustdagi 156-son qarori bilan tasdiqlangan Avtomototransport vositalari hamda shahar elektr transporti vositalari haydovchilarini tayyorlash va qayta tayyorlash tartibi to‘g‘risidagi nizomning 4-bandidagi “uyushma” so‘zi “aksiyadorlik kompaniyasi” so‘zlari bilan almashtirilsin.
8. Vazirlar Mahkamasining “O‘zbekiston Respublikasi Vazirlar Mahkamasi huzurida Transport va transport kommunikatsiyalari masalalari bo‘yicha maxsus komissiya tashkil etish to‘g‘risida” 2009-yil 6-martdagi 57-son qaroriga 1-ilovadagi “Muxamedjonov Sh.Sh. — “Toshshahartransxizmat” uyushmasi raisi” so‘zlari “lavozimiga ko‘ra — “Toshshahartransxizmat” aksiyadorlik kompaniyasining raisi” so‘zlari bilan almashtirilsin.
9. Vazirlar Mahkamasining “Mercedes-Benz Conecto Low Floor” rusumli 200 ta shahar yo‘lovchi tashish avtobuslarini sotib olishning texnik-iqtisodiy hisob-kitobini tasdiqlash to‘g‘risida” 2009-yil 28-iyuldagi 215-son qarorida:
2-bandning birinchi va to‘rtinchi xatboshidagi “uyushma” so‘zi “aksiyadorlik kompaniyasi” so‘zlari bilan almashtirilsin;
“4. “Toshshahartransxizmat” aksiyadorlik kompaniyasi raisi va avtobus saroylari rahbarlari zimmasiga jalb etiladigan kredit bo‘yicha majburiyatlar o‘z vaqtida bajarilishi uchun shaxsiy javobgarlik yuklansin”.
Keyingi tahrirga qarang.
10. Vazirlar Mahkamasining “Shahar yo‘lovchi tashish elektr transportining harakatlanadigan tarkibi saroyini yangilash chora-tadbirlari to‘g‘risida” 2009-yil 26-oktabrdagi 281-son qarorining 2 va 10-bandlaridagi “uyushma” so‘zi “aksiyadorlik kompaniyasi” so‘zlari bilan almashtirilsin.
Keyingi tahrirga qarang.
11. Vazirlar Mahkamasining “Vazirlar Mahkamasining “O‘zbekiston Respublikasida avtomototransport vositalarini boshqarish huquqini berish, haydovchilarni tayyorlash va qayta tayyorlash tartibini takomillashtirish choralari to‘g‘risida” 2006-yil 2-avgustdagi 156-son qaroriga o‘zgartirish va qo‘shimchalar kiritish haqida (O‘zbekiston Respublikasi Prezidentining 2010-yil 19-avgustdagi PQ–1392-son qarori)” 2010-yil 31-dekabrdagi 325-son qarorining (O‘zbekiston Respublikasi QT, 2010-y., 12-son, 76-modda) 2-bandi birinchi xatboshidagi va 3-bandidagi “Toshshahartransxizmat” uyushmasi” so‘zlari “Toshshahartransxizmat” aksiyadorlik kompaniyasi” so‘zlari bilan almashtirilsin.
12. Vazirlar Mahkamasining 2012-yil 17-sentabrdagi 273-son qarori bilan tasdiqlangan O‘zbekiston Respublikasida cheklangan tariflar bo‘yicha aholiga xizmatlar ko‘rsatish munosabati bilan shaharda yo‘lovchilarni muntazam tashish bilan band bo‘lgan tashuvchilar ko‘radigan zararlarni moliyalashtirish va qoplash tartibi to‘g‘risidagi nizomning 4-bandi yettinchi xatboshi (O‘zbekiston Respublikasi QT, 2012-y., 9-son, 69-modda) quyidagi tahrirda bayon qilinsin:
“tushumlarning to‘liq yig‘ilishini ta’minlash, shuningdek ko‘rsatiladigan xizmatlar tannarxini pasaytirish tadbirlarini hisobga olgan holda, cheklangan tariflar bo‘yicha yo‘lovchilar va bagajni tashish bo‘yicha xizmatlar ko‘rsatilishi munosabati bilan shahar yo‘lovchi tashish transporti tashuvchilari ko‘radigan zararlarni qoplash”.
13. Vazirlar Mahkamasining “Toshkent shahar yo‘lovchi avtobuslari parklarini yanada yangilash chora-tadbirlari to‘g‘risida” 2013-yil 3-maydagi 119-son qarorining 10-bandidagi “uyushma” so‘zi “aksiyadorlik kompaniyasi” so‘zlari bilan almashtirilsin.