Oʻzbekiston Respublikasi Prezidentining “Oʻzbekiston Respublikasining Milliy axborot-kommunikatsiya tizimini yanada rivojlantirish chora-tadbirlari toʻgʻrisida” 2013-yil 27-iyundagi PQ-1989-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Oʻzbekiston Respublikasi Vazirlar Mahkamasining 2005-yil 24-oktabrdagi 478-f-son farmoyishi oʻz kuchini yoʻqotgan deb hisoblansin.

3. Vazirliklar va idoralar oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

4. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Axborot tizimlari va telekommunikatsiyalar masalalari axborot-tahlil departamentiga hamda Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasining raisi X.M. Mirzaxidov zimmasiga yuklansin.

1. Vazirlar Mahkamasining 2012-yil 19-dekabrdagi 355-son qarori (Oʻzbekiston Respublikasi QT, 2012-y., 12-son, 86-modda) bilan tasdiqlangan Oʻzbekiston Respublikasi Aloqa, axborotlashtirish va telekommunikatsiya texnologiyalari davlat qoʻmitasi toʻgʻrisidagi nizom 17-bandining beshinchi xatboshi quyidagi tahrirda bayon qilinsin:

“Ommaviy kommunikatsiyalar vositalari monitoringi markazi, Respublika axborot-kutubxona markazi, “Fan-texnika va marketing tadqiqotlari markazi — UNICON.UZ” DUK huzurida faoliyat koʻrsatadigan Aloqa obyektlari davlat kadastri xizmati, Tayanch standartlashtirish tashkiloti, Tayanch metrologiya xizmati, Elektron raqamli imzolar kalitlarini roʻyxatga olish xizmati, Atamashunoslik va lugʻatlar xizmati, ZiyoNet tarmogʻi resurs markazi, Milliy axborot tizimini shakllantirish va rivojlantirish departamenti, “Oʻzinfokom” kompyuter va axborot texnologiyalarini rivojlantirish va joriy etish markazi huzurida faoliyat koʻrsatadigan Oʻzbekiston Respublikasi Hukumat portalini axborot jihatidan taʼminlash va rivojlantirish guruhi, “Elektron hukumat” tizimini rivojlantirish markazi, Axborot xavfsizligini taʼminlash markazining taʼminoti Axborot-kommunikatsiya texnologiyalarini rivojlantirish jamgʻarmasi mablagʻlaridan moliyalashtiriladi”.

2. Vazirlar Mahkamasining 2013-yil 25-yanvardagi 18-son qarori (Oʻzbekiston Respublikasi QT, 2013-y., 1-son, 4-modda) bilan tasdiqlangan Axborot-kommunikatsiya texnologiyalarini joriy qilish va rivojlantirish boʻyicha loyihalarni amalga oshirish uchun davlat buyurtmasini shakllantirish va moliyalashtirish tartibi toʻgʻrisida nizomda:

a) 1-banddagi, 2-bandning beshinchi xatboshidagi “Kompyuterlashtirish va axborot-kommunikatsiya texnologiyalarini rivojlantirish boʻyicha muvofiqlashtiruvchi kengash tomonidan” soʻzlari “2013 — 2020-yillarda Oʻzbekiston Respublikasi Milliy axborot-kommunikatsiya tizimini rivojlantirish kompleks dasturini amalga oshirishni muvofiqlashtirish boʻyicha respublika komissiyasi tomonidan” soʻzlari bilan almashtirilsin;

b) 8-banddagi “Kompyuterlashtirish va axborot-kommunikatsiya texnologiyalarini rivojlantirish boʻyicha muvofiqlashtiruvchi kengash (keyingi oʻrinlarda Muvofiqlashtiruvchi kengash deb ataladi)” soʻzlari “2013 — 2020-yillarda Oʻzbekiston Respublikasi Milliy axborot-kommunikatsiya tizimini rivojlantirish kompleks dasturini amalga oshirishni muvofiqlashtirish boʻyicha respublika komissiyasi (keyingi oʻrinlarda Respublika komissiyasi deb ataladi)” soʻzlari bilan almashtirilsin;

v) 9-banddagi “Muvofiqlashtiruvchi kengash” soʻzlari “Respublika komissiyasi” soʻzlari bilan almashtirilsin;

g) 22-banddagi, 28-bandning birinchi xatboshidagi “Muvofiqlashtiruvchi kengash” soʻzlari “Respublika komissiyasi” soʻzlari bilan almashtirilsin;

d) 25-bandda:

toʻqqizinchi xatboshidagi “Muvofiqlashtiruvchi kengash” soʻzlari “Respublika komissiyasi” soʻzlari bilan almashtirilsin;

oʻninchi xatboshidagi “Muvofiqlashtiruvchi kengash” soʻzlari “Respublika komissiyasi” soʻzlari bilan almashtirilsin;

e) 26 va 37-bandlardagi “Muvofiqlashtiruvchi kengashga” soʻzlari “Respublika komissiyasiga” soʻzlari bilan almashtirilsin;

j) ilovada:

“Tadbirlar” ustunining 5 va 6-bosqichlaridagi “Muvofiqlashtiruvchi kengashga” soʻzlari tegishli ravishda “Respublika komissiyasiga” soʻzlari bilan almashtirilsin;

“Masʼullar” ustunining 5 va 6-bosqichlaridagi “Muvofiqlashtiruvchi kengash” soʻzlari “Respublika komissiyasi” soʻzlari bilan almashtirilsin.

3. Vazirlar Mahkamasining 2013-yil 29-martdagi 90-son qarori bilan tasdiqlangan “2013-yil uchun oldindan kelishilgan hamda donor mamlakatlar, xalqaro va xorijiy hukumat va nohukumat tashkilotlari bilan ishlab chiqilayotgan begʻaraz texnik koʻmak (grantlar) loyihalari roʻyxatining 91-bandidagi “Ijro etuvchi agentlik” ustunida:

“Iqtisodiyot vazirligi” soʻzlari chiqarib tashlansin;

“Oʻzinfokom” agentligi” soʻzlari “Elektron hukumat” tizimini rivojlantirish markazi” soʻzlari bilan almashtirilsin.