Oʻzbekiston Respublikasi “Mahalliy davlat hokimiyati toʻgʻrisida”gi Qonunining 6-moddasiga (Oʻzbekiston Respublikasi Oliy Kengashining Axborotnomasi, 1993-y., 9-son 320-modda), Oʻzbekiston Respublikasining “Chiqindilar toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 2002-y., 4-5-son, 72-modda; 2003-y., 5-son, 67-modda, 9-10-son, 149-modda; Oʻzbekiston Respublikasi qonun hujjatlari toʻplami, 2007-y., 50-51-son, 512-modda; 2011-y., 1-2-son, 1-modda, 36-son, 365-modda) va Oʻzbekiston Respublikasi Vazirlar Mahkamasining 2010-yil 28-oktabrdagi Tovarlar (ishlar, xizmatlar)ga tartibga solinadigan narxlar (tariflar)ni deklaratsiya qilish (tasdiqlash) va belgilash tartibini yanada takomillashtirish chora-tadbirlari toʻgʻrisidagi qarori (Oʻzbekiston Respublikasi qonun hujjatlari toʻplami, 2010-y., 42-43-son) ijrosini taʼminlash maqsadida hamda Guliston tumani obodonlashtirish boshqarmasining 2013-yil 16-martdagi 25-sonli “Sanitar tozalik boʻyicha reja koʻrsatkichlarini bajarish, tuman atrof muhitini tozalash va tozalikni saqlash uchun (QMCh) qattiq maishiy chiqindisi (SMCh) suyuq maishiy chiqindisi va aholidan bir kishi uchun yangi narxga oʻtish hisobini tasdiqlash toʻgʻrisida”gi xatini koʻrib chiqib, qaror qilaman:

1. Guliston tuman obodonlashtirish boshqarmasining 2013-yil 16-martdagi 25-sonli Guliston tumanida tozalash va tozalikni saqlash maqsadida chiqindi narxlarini yangi stavkalarini belgilash toʻgʻrisidagi xati inobatga olinsin.

2. Guliston tuman obodonlashtirish boshqarmasida tozalash va tozalikni saqlash boʻlimi rejalarini bajarish uchun quyidagi yangi narxda tasdiqlansin.

a) 1 kub metr (QMCh) qattiq maishiy chiqindi — 5668,89 soʻm;

b) 1 kub metr (SMCh) suyuq maishiy chiqindi — 9437,10 soʻm;

v) Aholidan bir kishi uchun — 865,62 soʻm;

3. Ushbu qarorni bajarilishini nazorat qilish tuman hokimining birinchi oʻrinbosari S. Abdunazarov zimmasiga yuklatilsin.

4. Mazkur qaror rasmiy nashrda eʼlon qilingan kundan eʼtiboran kuchga kiradi.