Oʻzbekiston Respublikasi “Davlat bojxona xizmati toʻgʻrisida”gi Qonunining (Oʻzbekiston Respublikasi Oliy Majlisining Axborotnomasi, 1997-y., 9-son, 230-modda) 6-moddasi, Oʻzbekiston Respublikasi Prezidentining 2012-yil 18-iyuldagi PF-4455-son “Ishbilarmonlik muhitini yanada tubdan yaxshilash va tadbirkorlikka yanada keng erkinlik berish chora-tadbirlari toʻgʻrisida”gi Farmoni (Oʻzbekiston Respublikasi qonun hujjatlari toʻplami, 2012-y., 29-son, 328-modda) va Oʻzbekiston Respublikasi Vazirlar Mahkamasining 2013-yil 13-apreldagi 106-son “Oʻzbekiston Respublikasida tovarlar va transport vositalarini vaqtinchalik chetdan olib kelish (chetga olib chiqish) shartlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2013-yil, 16-son, 217-modda) muvofiq Oʻzbekiston Respublikasi Davlat bojxona qoʻmitasi, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi va Oʻzbekiston standartlashtirish, metrologiya va sertifikatlashtirish agentligi qaror qiladi:

1. Oʻzbekiston Respublikasi Davlat bojxona qoʻmitasi, Tashqi iqtisodiy aloqalar, investitsiyalar va savdo vazirligi, Iqtisodiyot vazirligi va Oʻzbekiston standartlashtirish, metrologiya va sertifikatlashtirish agentligining 2010-yil 5-apreldagi 01-02/12-32, EG-01/10-240, 92, 06-282-son qarori (roʻyxat raqami 2097, 2010-yil 19-aprel) (Oʻzbekiston Respublikasi qonun hujjatlari toʻplami, 2010-yil, 16-son, 126-modda) bilan tasdiqlangan Qandim kon guruhi uchastkasi, Xauzak va Shodi uchastkalari, shuningdek Qoʻngʻirot uchastkalariga oid mahsulotni taqsimlash haqidagi 2004-yil 16-iyundagi Bitim doirasida va Oʻzbekiston Respublikasi Janubiy-Gʻarbiy Hisor va Ustyurt mintaqasi hududlaridagi konlar boʻyicha 2007-yil 23-yanvardagi mahsulot taqsimotiga oid Bitim doirasida Oʻzbekiston Respublikasi bojxona chegarasi orqali olib oʻtiladigan tovarlarning bojxona rasmiylashtiruvi qoidalariga ilovaga muvofiq oʻzgartirish va qoʻshimchalar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 2-band quyidagi tahrirda bayon qilinsin:

“2. Operator tomonidan tuzilgan tovarlarni yetkazib berish (olib kirish) shartnomalari (kontraktlari) belgilangan tartibda Oʻzbekiston Respublikasi vakolatli bankida hisobga qoʻyilishi lozim.

Tovarlarni yetkazib berish (olib kirish) shartnomalari (kontraktlari) eksport mamlakatniki kabi import mamlakatning ham tashqi iqtisodiy faoliyat tovarlar nomenklaturasi boʻyicha kodiga shartli havolaga ega boʻlishi mumkin.

Tashqi iqtisodiy faoliyat tovarlar nomenklaturasi boʻyicha yakuniy kod kelib tushgan tovarni bojxona rasmiylashtiruvini amalga oshirish paytida aniqlanishi lozim.

Bunda, agar tashqi iqtisodiy faoliyat tovarlar nomenklaturasi boʻyicha tovarlarning kodi dastlabki oltita belgi darajasida oʻzgarmasa shartnomalarga oʻzgartirish kiritilmagan holda bojxona rasmiylashtiruvi amalga oshiriladi.

Investor bilan Oʻzbekiston Respublikasi norezidentlari tomonidan tuzilgan tovarlarni yetkazib berish (olib kirish) shartnomalari (kontraktlari) Oʻzbekiston Respublikasi vakolatli bankida va bojxona organlarida hisobga qoʻyilmaydi.”.

2. 4-bandda:

a) “v” kichik banddagi “Operator,” soʻzidan keyin “norezident —” soʻzi qoʻshilsin;

b) quyidagi mazmundagi “g” kichik band bilan toʻldirilsin:

“g) rezident — pudratchilar tomonidan Oʻzbekiston Respublikasi bojxona chegarasi orqali olib oʻtiladigan tovarlarning hisobi qonun hujjatlariga muvofiq pudratchiga berilgan uning KTUT kodiga asosan yuritiladi.”;

3. 9-band quyidagi tahrirda bayon etilsin:

“9. Ekspertiza oʻtkazish va eksport qilinayotgan tabiiy gaz, qayta ishlash mahsulotlari va boshqa uglevodorod mahsulotlari uchun mahsulot kelib chiqish davlat sertifikatining berilishi Tovarlarning kelib chiqishini sertifikatlashni oʻtkazish tartibi toʻgʻrisidagi nizomga (roʻyxat raqami 2131, 2010-yil 13-avgust) (Oʻzbekiston Respublikasi qonun hujjatlari toʻplami, 2010-y., 33-son, 279-modda) Marketing kompaniyasi yoki Marketing kompaniyasining vakolatli shaxsi arizasiga muvofiq amalga oshiriladi.”.

4. 10-bandning “g” kichik bandi oʻz kuchini yoʻqotgan deb hisoblansin.

5. 11-bandda:

“va uning hududidan olib chiqish” soʻzlari chiqarib tashlansin;

quyidagi mazmundagi xatboshi bilan toʻldirilsin:

“Erkin muomalaga chiqarish (import)” rejimiga muvofiq bojxona rasmiylashtiruvi amalga oshirilayotgan tovarlarga nisbatan shartli chiqarish muvofiqlik sertifikati mavjud boʻlmagan hollarda qoʻllanilishi mumkin.”.

6. 14-banddagi “2004-yil 17-avgustdagi 399-son “Oʻzbekiston Respublikasi hududiga tovarlar va transport vositalarini chetdan vaqtinchalik olib kelish shartlari toʻgʻrisida” (Oʻzbekiston Respublikasi qonun hujjatlari toʻplami, 2004-y., 33-son, 372-modda) qarori va “Vaqtinchalik olib kirish (olib chiqish) bojxona rejimi toʻgʻrisidagi nizom” (2004-yil 14-oktabr, roʻyxat raqami 1418) (Oʻzbekiston Respublikasi qonun hujjatlari toʻplami, 2004-y., 40-41-son, 444-modda)” soʻzlari “2013-yil 13-apreldagi 106-son “Oʻzbekiston Respublikasida tovarlar va transport vositalarini vaqtinchalik chetdan olib kelish (chetga olib chiqish) shartlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2013-yil, 16-son, 217-modda)” soʻzlari bilan almashtirilsin.

7. 17-banddagi “2004-yil 17-avgustdagi 399-son “Oʻzbekiston Respublikasi hududiga tovarlar va transport vositalarini chetdan vaqtinchalik olib kelish shartlari toʻgʻrisida” (Oʻzbekiston Respublikasi qonun hujjatlari toʻplami, 2004-y., 33-son, 372-modda) qarori va “Vaqtinchalik olib kirish (olib chiqish) bojxona rejimi toʻgʻrisida”gi nizomga (2004-yil 14-oktabr, roʻyxat raqami 1418) (Oʻzbekiston Respublikasi qonun hujjatlari toʻplami, 2004-y., 40-41-son, 444-modda)” soʻzlari “2013-yil 13-apreldagi 106-son “Oʻzbekiston Respublikasida tovarlar va transport vositalarini vaqtinchalik chetdan olib kelish (chetga olib chiqish) shartlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2013-yil, 16-son, 217-modda)” soʻzlari bilan almashtirilsin.

8. 24-banddan “hududiy bojxona boshqarmasi boshligʻining ruxsati bilan” soʻzlari chiqarib tashlansin.

9. 25-bandning “z” kichik bandi oʻz kuchini yoʻqotgan deb hisoblansin.

10. 31-bandning “g” kichik bandi oʻz kuchini yoʻqotgan deb hisoblansin.

11. 40-bandning ikkinchi xatboshisi quyidagi tahrirda bayon qilinsin:

“Bunday namuna va nusxalarni Oʻzbekiston Respublikasi iqtisodiy manfaatlariga ziyon yetkazilishi va boshqa maqsadlarda foydalanilishiga yoʻl qoʻymaydigan miqdorda olib chiqish BYuD taqdim qilmagan holda tovarga ilova qilingan hujjatlar asosida amalga oshiriladi.”.

12. Mazkur oʻzgartirish va qoʻshimchalar Oʻzbekiston Respublikasi Moliya vazirligi, Markaziy banki va Operator bilan kelishilgan.