Bundan keyin Tomonlar deb ataluvchi Oʻzbekiston Respublikasi Hukumati va Slovakiya Respublikasi Hukumati,

ikki mamlakat oʻrtasida doʻstona munosabatlarni yanada rivojlanishiga koʻmaklashishni istab, quyidagilar toʻgʻrisida kelishib oldilar:

Oʻzbekiston Respublikasining haqiqiy diplomatik pasportlari bor va Slovakiya Respublikasi hududida uzogʻi bilan 90 kun boʻlishni niyat qilgan fuqarolari va Slovakiya Respublikasining haqiqiy diplomatik va xizmat pasportlari bor va Oʻzbekiston Respublikasi hududida uzogʻi bilan 90 kun boʻlishni niyat qilgan fuqarolari boshqa Tomon davlati hududiga vizasiz kiradilar.

1. Bir Tomon davlatining haqiqiy diplomatik yoki xizmat pasportlari bor va oʻzlarining boshqa Tomon davlati hududida joylashgan diplomatik vakolatxona va konsullik muassasalari, rasmiy vakolatxonalari va shuningdek xalqaro tashkilotlari xodimlari hisoblangan fuqarolari boshqa Tomon hududiga butun xizmat muddati davomida vizasiz kiradilar, chiqadilar va boʻladilar.

2. Ushbu moddaning 1-bandidagi qoidalar unda zikr etilgan shaxslarning haqiqiy diplomatik yoki xizmat pasportlari bor oila aʼzolariga ham daxldordir.

Ikkala Tomon davlatlarining ushbu Bitim amaliga daxldor fuqarolari xalqaro passajir yoʻllari uchun moʻljallangan oʻtkazish punktlari orqali Tomonlardan birining davlati hududiga kirishlari, chiqishlari va tranzit oʻtib ketishlari mumkin.

1. Har bir Tomon fuqarolari boshqa Tomon davlat hududida boʻlish muddatida ushbu Tomon davlatining qonun va qoidalarini, shuningdek xorijiy fuqarolari uchun oʻrnatilgan registratsiya, boʻlish va harakat qilish qoidalariga rioya qiladilar.

2. Ushbu Bitim Tomonlarni ularning hududlarida boʻlishi nomaqbul hisoblanadigan fuqarolarning boshqa Tomon davlati hududiga kirishini ta'qiqlash yoki boʻlish muddatini cheklash huquqidan mahrum qilmaydi.

Tomonlar milliy xavfsizlikni saqlash, jamoat tartibini yoki fuqarolar sogʻligʻini muhofaza qilish sabablariga koʻra ushbu Bitim amalini vaqtincha, butunlay yoki qisman toʻxtatib qoʻyish huquqini oʻzlarida qoldiradilar. Ushbu Bitim amalini toʻxtatib qoʻyish va shuningdek uni tiklash toʻgʻrisidagi qarorni Tomonlar zudlik bilan bir-biriga diplomatik yoʻllar orqali xabar qiladilar.

Tomonlar diplomatik yoʻllar orqali bir-biriga yangi yoki oʻzgartirilgan diplomatik va xizmat pasportlar namunalarini, ularni amaliyotga kiritishdan kamida 1 (bir) oy ilgari beradilar.

1. Ushbu Bitim noaniq davrga tuzilgan. Agar Tomonlardan birida ushbu Bitimning amalini toʻxtatish niyati bor boʻlgan holda, mazkur Tomon ushbu toʻgʻrisida yozma shaklda diplomatik yoʻllari orqali boshqa Tomonni xabar qiladi. Ushbu holda Bitimning amal qilishi mazkur xabarnomani olgan kundan keyin 30-kuni oʻz kuchini yoʻqotadi.

2. Ushbu Bitimga Tomonlar oʻrtasida kelishib olingan barcha qoʻshimcha va oʻzgartishlar, mazkur qoʻshimcha va oʻzgartishlarni maqullangani toʻgʻrisidagi notalar bilan almashish yoʻli orqali, kuchga kiradi.

Ushbu Bitim imzolangan kundan boshlab 30-kunda kuchga kiradi.

Bratislava shahrida 1997-yil 17-yanvarda ikki nusxada, har biri oʻzbek, slovak va rus tillarida imzolandi, barcha matnlar bir xil kuchga ega. Ushbu Bitim qoidalarini talqin qilish maqsadida rus tilidagi matn asos qilib olinadi.