Oʻzbekiston Respublikasi Mehnat kodeksi (Oʻzbekiston Respublikasi Oliy Majlisining Axborotnomasi, 1996-y., 1-songa ilova), Oʻzbekiston Respublikasining “Kasaba uyushmalari, ularning huquqlari va faoliyatining kafolatlari toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1992-y., 9-son, 344-modda), Oʻzbekiston Respublikasi Prezidentining 2012-yil 25-dekabrdagi PQ-1887-son “Oʻzbekiston Respublikasining 2013-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2012-y., 52-son, 587-modda) muvofiq Oʻzbekiston Respublikasi Moliya vazirligi, Mehnat va aholini ijtimoiy muhofaza qilish vazirligi, Davlat soliq qoʻmitasi va Markaziy bank Boshqaruvi qaror qiladilar:

1. Oʻzbekiston Respublikasi Moliya vazirligi, Mehnat va aholini ijtimoiy muhofaza qilish vazirligi, Davlat soliq qoʻmitasi va Markaziy bank Boshqaruvining 2007-yil 15-maydagi 56, M-23, 2007-14 va 287-V-son qarori (roʻyxat raqami 1690, 2007-yil 14-iyun) (Oʻzbekiston Respublikasi qonun hujjatlari toʻplami, 2007-y., 24-son, 257-modda) bilan tasdiqlangan Kasaba uyushmalari organlarining xodimlar va ularning oila aʼzolarini sogʻlomlashtirish uchun yoʻnaltirilgan mablagʻlarni sarflash tartibi toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 2-bandning ikkinchi xatboshisidagi “(roʻyxat raqami 1080, 2001-yil 10-noyabr, Oʻzbekiston Respublikasi vazirliklari, davlat qoʻmitalari va idoralarining meʼyoriy hujjatlari axborotnomasi, 2001-yil 21-son)” degan soʻzlar “(roʻyxat raqami 1948, 2009-yil 27-aprel) (Oʻzbekiston Respublikasi qonun hujjatlari toʻplami, 2009-y., 18-son, 229-modda)” degan soʻzlar bilan almashtirilsin.

2. 3-bandda:

ikkinchi xatboshi quyidagi tahrirda bayon etilsin:

“20212 “Nodavlat notijorat tashkilotlarining talab qilib olingungacha depozitlari” balans hisobvaragʻida ijtimoiy sugʻurta boʻyicha, ijtimoiy sugʻurta mablagʻlari hisobiga olingan yoʻllanmalarni sotib olishdan tushgan mablagʻlarni ham oʻz ichiga olgan ijtimoiy sugʻurta mablagʻlarini, ular belgilangan tartibda taqsimlanguniga qadar — 30 foizi Oʻzbekiston kasaba uyushmalari Federatsiyasiga, 70 foizi hududiy birlashmalarga yoʻnaltiriladi, hisobga olish tranzit hisobvaraqlari ochiladi;”;

uchinchi xatboshidagi “80 foiz miqdordagi” degan soʻzlar “70 foiz miqdordagi” degan soʻzlar bilan almashtirilsin;

beshinchi xatboshidagi “80 foizi, Oʻzbekiston kasaba uyushmalari Federatsiyasi Kengashi ixtiyoriga kelib tushgan 20” degan soʻzlar “70 foizi, Oʻzbekiston kasaba uyushmalari Federatsiyasi Kengashi ixtiyoriga kelib tushgan 30” degan soʻzlar bilan almashtirilsin.

3. 4-band oʻz kuchini yoʻqotgan deb hisoblansin.

4. 5-bandning sakkizinchi xatboshisidagi “smetasi” degan soʻz “smetasi, qurilish” degan soʻzlar bilan almashtirilsin.

5. 6-bandning “d” kichik bandi quyidagi tahrirda bayon etilsin:

“d) tasdiqlangan smetaga muvofiq ijtimoiy sugʻurta mablagʻlaridan BOʻSMlarni taʼminlash uchun dotatsiyalar, BOʻSMlarni moliyalashtirish uchun ochilgan ijtimoiy sugʻurta boʻyicha joriy hisobvaraqlariga oʻtkaziladi;”.

6. 10-banddagi “yagona ijtimoiy toʻlovning hisoblanishi va toʻlanishi haqidagi, davlat ijtimoiy sugʻurtasiga majburiy ajratmalar va badallar haqidagi yigʻma hisobotlar nusxalarini” degan soʻzlar “yagona ijtimoiy toʻlovning hisoblanishi va toʻlanishi haqidagi maʼlumotlarni elektron tarzda” degan soʻzlar bilan almashtirilsin.

7. Mazkur oʻzgartirishlar Oʻzbekiston kasaba uyushmalari Federatsiyasi Kengashi bilan kelishilgan.