“Oʻzekspomarkaz” milliy koʻrgazma kompleksi” ochiq aksiyadorlik jamiyatini yanada rivojlantirishni va uning tomonidan koʻrsatilayotgan koʻrgazma-yarmarka xizmatlari samaradorligini oshirishni taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Vazirlar Mahkamasining “Oʻzekspomarkaz” milliy koʻrgazma kompleksi” ochiq aksiyadorlik jamiyati obyektlarini qurish va rekonstruksiya qilishni davom ettirish chora-tadbirlari toʻgʻrisida” 2007-yil 27-iyuldagi 152-son qaroriga ilovaga muvofiq oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Qarorning nomidagi “milliy koʻrgazma kompleksi” soʻzlari “milliy koʻrgazma kompaniyasi” soʻzlari bilan almashtirilsin.

2. 4-band quyidagi tahrirda bayon qilinsin:

“4. Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi Tashqi iqtisodiy aloqalar, investitsiyalar va savdo vazirligi bilan birgalikda, aksiyalarning qoʻshimcha emissiyasini bozor qiymati boʻyicha Oʻzbekiston Respublikasi Tashqi iqtisodiy aloqalar, investitsiyalar va savdo vazirligining tashqi savdo kompaniyalari oʻrtasida ularning investitsiya majburiyatlariga mutanosib ravishda joylashtirgan holda, “Oʻzekspomarkaz” milliy koʻrgazma kompaniyasi” ochiq aksiyadorlik jamiyatining ustav fondini koʻpaytirishni belgilangan tartibda taʼminlasin”.