Oʻzbekiston Respublikasi Prezidentining “Chet tillarni oʻrganish tizimini yanada takomillashtirish chora-tadbirlari toʻgʻrisida” 2012-yil 10-dekabrdagi PQ-1875-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Vazirliklar va idoralar bir oy muddatda oʻz idoraviy normativ-huquqiy hujjatlarini ushbu qarorga muvofiqlashtirsinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov hamda Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.

1. Vazirlar Mahkamasining “2005—2009-yillarda umumtaʼlim maktablari uchun darsliklar va oʻquv-metodik qoʻllanmalar nashr etish dasturi toʻgʻrisida” 2004-yil 22-noyabrdagi 548-son qarorida (Oʻzbekiston Respublikasi QT, 2004-yil, 11-son, 107-modda):

a) 3-bandda:

ikkinchi xatboshiga “tanlov asosida” soʻzlaridan keyin “yoki Oʻzbekiston Respublika tovar-xomashyo birjasi tomonidan tashkil etiladigan elektron savdolar vositasida” soʻzlari qoʻshilsin;

uchinchi xatboshiga “komplekslarni” soʻzlaridan keyin “(xorijiy tillar boʻyicha darsliklar va oʻquv-metodik komplekslar bundan mustasno)” soʻzlari qoʻshilsin;

quyidagi mazmundagi xatboshi qoʻshilsin:

“umumiy oʻrta va oʻrta maxsus, kasb-hunar taʼlimi taʼlim muassasalari uchun xorijiy tillar boʻyicha darsliklar va oʻquv-metodik qoʻllanmalarni xarid qilish va yetkazib berish Oʻzbekiston Respublikasi Moliya vazirligi huzuridagi Respublika maqsadli kitob fondining aylanma mablagʻlari hisobidan Oʻzbekiston Respublikasi Xalq taʼlimi vazirligi hamda Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi yoki uning hududiy boshqarmalari tomonidan amalga oshiriladi”;

b) 4-bandning birinchi xatboshidagi “(R.S. Qosimov)” soʻzlari “(A.I. Ikramov)” soʻzlari bilan almashtirilsin;

v) 6-band quyidagi tahrirda bayon qilinsin:

“6. Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi umumtaʼlim maktablari uchun darsliklar va oʻquv-metodik qoʻllanmalarni nashr etish va qayta nashr qilishga tender (tanlov) savdolari oʻtkazishda raqobat toʻgʻrisidagi qonun hujjatlari talablariga rioya qilinishi ustidan nazoratni kuchaytirsin”;

g) quyidagi mazmundagi 6¹-band qoʻshilsin:

“6¹. Oʻzbekiston Respublikasi Moliya vazirligi:

umumtaʼlim maktablari uchun darsliklar va oʻquv-metodik qoʻllanmalarni yetkazib berish xizmatlari narxlarining, shuningdek Oʻzbekiston Respublikasi Hukumatining qarorlarida narxlarini tartibga solish nazarda tutilgan oʻquv adabiyotlari ayrim turlarining narxlarini deklaratsiyalashda ularning sunʼiy ravishda oshirib yuborilishiga yoʻl qoʻyilmasligi ustidan nazorat oʻrnatsin;

oʻquv adabiyotlarini yangilashda ularga narxlar dinamikasi monitoringini olib borsin hamda ular yuzasidan maʼlumotlarni Uzluksiz taʼlim tizimi uchun yangi oʻquv dasturlari, darsliklar va oʻquv qoʻllanmalari yaratish va ularni qayta koʻrib chiqish boʻyicha Hukumat komissiyasiga kiritsin”;

d) 8-band quyidagi tahrirda bayon qilinsin:

“8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov va Oʻzbekiston Respublikasi Bosh vazirining oʻrinbosari A.I. Ikramov zimmasiga yuklansin.”;

e) 3-ilovada (Umumiy oʻrta va oʻrta maxsus, kasb-hunar taʼlimi taʼlim muassasalari uchun darsliklar va oʻquv-metodik komplekslarni ishlab chiqish uchun mualliflar tarkibini tanlab olish va tasdiqlash tartibi toʻgʻrisida Nizom):

2-band quyidagi tahrirda bayon qilinsin:

“2. Oʻquv adabiyotlarini ishlab chiqish uchun mualliflar tarkibi tanlov asosida tanlab olish yoʻli bilan aniqlanadi, xorijiy tillar boʻyicha darsliklar va oʻquv-metodik qoʻllanmalar bundan mustasno.

Xorijiy tillarni oʻrganish uchun oʻquv adabiyotlari yaratish va ularni modernizatsiya qilish boʻyicha mualliflar guruhlari (taʼlim turlari, xorijiy tillar predmetlari, sinflar, kurslar va shu kabilar boʻyicha) Oʻzbekiston Respublikasi Xalq taʼlimi vazirligi hamda Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi tomonidan shakllantiriladi va koʻrib chiqish uchun xorijiy tillarni oʻrganishni yanada rivojlantirish boʻyicha Muvofiqlashtiruvchi kengashning ishchi organiga taqdim etiladi.

Mualliflik guruhlarini tasdiqlash toʻgʻrisidagi qaror xorijiy tillarni oʻrganishni yanada rivojlantirish boʻyicha Muvofiqlashtiruvchi kengash tomonidan qabul qilinadi”;

7-bandda:

beshinchi xatboshidagi “Moliya vazirligi” soʻzlari chiqarib tashlansin;

sakkizinchi xatboshi quyidagi tahrirda bayon qilinsin:

“Buyurtmachining rahbari yoki uning oʻrinbosarlaridan biri tanlov komissiyasi raisi hisoblanadi”;

quyidagi mazmundagi 17¹—17³-bandlar qoʻshilsin:

“17¹. Quyidagi hollarda tanlab olish boʻlib oʻtmagan deb eʼlon qilinadi:

tanlab olishga uchtadan kam boʻlgan qatnashchilarning takliflari taqdim etilganda;

uchtadan kam qatnashchilarning tanlov takliflari tanlov hujjatlarida belgilangan talablarga muvofiq boʻlganda.

17². Tanlov asosida tanlab olish boʻlib oʻtmagan deb eʼtirof etilgan taqdirda, tanlov komissiyasi takroriy tanlov asosida tanlab olishni oʻtkazish toʻgʻrisida qaror qabul qiladi.

Takroriy tanlov asosida tanlab olish oʻtkazilganda takliflarni taqdim etish shartlari va muddatlarini qayta koʻrib chiqishga yoʻl qoʻyiladi.

Takroriy tanlov boʻlib oʻtmagan deb eʼtirof etilgan taqdirda, tanlov komissiyasi taʼlim muassasasiga yoki ilmiy tashkilotga oʻquv adabiyotini ishlab chiqarishni topshiradi.

17³. Tanlov asosida tanlab olish jarayonida va u tugallangandan keyin mualliflar — ishlab chiquvchilar oʻz tarkibini olimlar, metodistlar va tajribali amaliyotchi oʻqituvchilar bilan toʻldirishi mumkin”;

j) 4-ilovada (Umumiy oʻrta va oʻrta maxsus, kasb-hunar taʼlimi taʼlim muassasalari uchun darsliklar va oʻquv-metodik komplekslarni tanlov asosida tanlab olish tartibi toʻgʻrisida Nizom):

3-bandning birinchi xatboshiga birinchi jumladan keyin “(oʻrganish va tasdiqlash xorijiy tillarni oʻrganishni yanada rivojlantirish boʻyicha Muvofiqlashtiruvchi kengash tomonidan amalga oshiriladigan oʻquv adabiyotlari bundan mustasno)” soʻzlari qoʻshilsin;

5-bandda:

yettinchi xatboshidagi “shuningdek Oʻzbekiston Respublikasi Moliya vazirligi” soʻzlari chiqarib tashlansin;

quyidagi mazmundagi xatboshi qoʻshilsin:

“Buyurtmachining rahbari yoki uning oʻrinbosarlaridan biri tanlov komissiyasi raisi hisoblanadi”;

z) 5-ilovada (Umumiy va oʻrta maxsus kasb-hunar taʼlimi taʼlim muassasalari uchun darsliklar va oʻquv-metodik komplekslarni nashr etish yuzasidan tender savdolari oʻtkazish tartibi toʻgʻrisida Nizom):

ilova nomidagi “nashr etish” soʻzlaridan keyin “va qayta nashr qilish” soʻzlari qoʻshilsin;

1-bandga quyidagi mazmundagi xatboshi qoʻshilsin:

“Darsliklar, qoʻshimcha oʻquv, metodik adabiyotlar va ish daftarlari darsliklar va oʻquv-metodik komplekslar (keyingi oʻrinlarda oʻquv adabiyotlari deb ataladi) sifatida qaraladi”;

quyidagi mazmundagi 1¹-band qoʻshilsin:

“1¹. Ushbu Nizomda quyidagi tushunchalar qoʻllaniladi:

oʻquv adabiyoti maketi — nashriyot tomonidan tasdiqlangan bosma sahifada polosalar joylashtirilgan holda nashr polosalarini verstka va montaj qilish uchun oʻquv adabiyoti etaloni;

oʻquv adabiyotining asl nusxasi-maketi — har bir sahifasi boʻlgʻusi nashrning tegishli sahifasiga toʻliq muvofiq boʻlgan oʻquv adabiyotining asl nusxasi;

nashr — oʻxshash nusxalarning muayyan soni bilan oʻquv adabiyotining birlamchi chop etilishi;

qayta nashr qilish — oldin chiqarilgan oʻquv adabiyotini takroran nashr qilish. Qayta nashr qilish stereotip, yaʼni biror-bir tuzatishlarsiz, yoki tuzatilgan, toʻldirilgan, qayta ishlangan boʻlishi mumkin”;

2-bandda:

birinchi xatboshidagi “darsliklar va oʻquv-metodik komplekslar (keyingi oʻrinlarda oʻquv adabiyotlari deb yuritiladi)” soʻzlari “oʻquv adabiyotlari” soʻzlari bilan almashtirilsin;

ikkinchi xatboshi chiqarib tashlansin;

3-bandda:

ikkinchi xatboshiga “tanlash yoʻli bilan” soʻzlaridan keyin “yoki Oʻzbekiston tovar-xomashyo birjasi tomonidan tashkil etiladigan elektron savdolar vositasida” soʻzlari qoʻshilsin;

quyidagi mazmundagi xatboshi qoʻshilsin:

“Istisno hollarda Oʻzbekiston Respublikasi Prezidenti va Oʻzbekiston Respublikasi Hukumatining qarorlari asosida oʻquv adabiyotlarini nashr etish va qayta nashr qilishda kontraktlar tender (tanlov) savdolari oʻtkazilmasdan tuzilishi mumkin”;

5-bandning ikkinchi va uchinchi xatboshi quyidagi tahrirda bayon qilinsin:

“Nashr qilish va qayta nashr qilishga tender savdolari faqat Hukumat komissiyasining qarori va huquq egalari (mualliflar va mualliflar jamoalari)ning roziligi mavjud boʻlgan oʻquv adabiyotlariga eʼlon qilinishi mumkin. Oʻquv adabiyotlarini qayta nashr qilishda oʻquv adabiyotlarining asl nusxasi-maketiga huquqlarga ega boʻlgan nashriyotlarning roziligi ham zarurdir.

Oʻquv adabiyotlarini qayta nashr qilish boʻyicha tender savdolari gʻoliblariga muallifni taqdirlash toʻlovini va oʻquv adabiyotlarining asl nusxasi-maketini tayyorlashga tasdiqlangan sarf-xarajatlarni huquq egasi boʻlgan nashriyotga qoplash uchun mablagʻlarni toʻlash Oʻzbekiston matbuot va axborot agentligi, Xalq taʼlimi vazirligi, Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi tomonidan Oʻzbekiston Respublikasi Moliya vazirligi bilan birgalikda belgilanadigan tartibda amalga oshiriladi”;

10-bandda:

uchinchi xatboshidagi “boshlangʻich” soʻzi “maksimal” soʻzi bilan almashtirilsin;

quyidagi mazmundagi beshinchi xatboshi qoʻshilsin:

“tender savdolarini tayyorlash va oʻtkazish bilan bogʻliq xarajatlarni amalga oshiradi”;

beshinchi va oltinchi xatboshilar tegishli ravishda oltinchi va yettinchi xatboshilar deb hisoblansin;

oltinchi xatboshidagi “tender hujjatlari ishlab chiqilishini taʼminlaydi” soʻzlari “tender hujjatlari ishlab chiqilishini nazorat qiladi” soʻzlari bilan almashtirilsin;

11-bandda:

ikkinchi xatboshidagi “apparatining” soʻzlari “Ijro etuvchi apparatining” soʻzlari bilan almashtirilsin;

quyidagi mazmundagi oltinchi va yettinchi xatboshilar qoʻshilsin:

“Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi;

Oʻzbekiston Respublikasi Sogʻliqni saqlash vazirligi”;

oltinchi — sakkizinchi xatboshilar tegishli ravishda sakkizinchi — oʻninchi xatboshilar deb hisoblansin;

12-bandda:

yettinchi xatboshidagi “baholash guruhi” soʻzlari “baholash guruhlari” soʻzlari bilan almashtirilsin;

sakkizinchi xatboshi quyidagi tahrirda bayon qilinsin:

“tender savdolari natijalarini tasdiqlash uchun Hukumat komissiyasiga kiritadi”;

13-bandda:

ikkinchi va uchinchi xatboshilar quyidagi tahrirda bayon qilinsin:

“buyurtmachi bilan kelishgan holda tender hujjatlarini ishlab chiqadi va tasdiqlangandan keyin uni talabgorlarga taqdim etadi;

tender oʻtkazish toʻgʻrisidagi eʼlonni ommaviy axborot vositalarida eʼlon qiladi va maxsus axborot portalida joylashtiradi hamda potensial talabgorlarga taklifnomalar joʻnatilishini taʼminlaydi”;

quyidagi mazmundagi oltinchi xatboshi qoʻshilsin:

“talabgorlarning malakaviy tanlovini oʻtkazadi”;

oltinchi va yettinchi xatboshilar tegishli ravishda yettinchi va sakkizinchi xatboshilar deb hisoblansin;

15—18-bandlar quyidagi tahrirda bayon qilinsin:

“15. Baholash guruhlarining shaxsiy tarkibi tender komissiyasi tomonidan tasdiqlanadi va tender savdolari tugallangunga qadar maxfiy axborot hisoblanadi.

16. Baholash guruhlari:

tender takliflarini oʻrganadi, tahlil qiladi va koʻrib chiqadi;

tender hujjatlarida koʻrsatilgan mezonlarga muvofiq ballar qoʻyadi;

eng yaxshi tender taklifini aniqlaydi hamda savdolar gʻolibini aniqlash va tasdiqlash uchun tender komissiyasiga xulosa kiritadi.

17. Noshirlik faoliyatida tajribaga ega boʻlgan ham mahalliy, ham xorijiy yuridik shaxslar oferentlar — tender savdolari qatnashchilari boʻlishlari mumkin.

18. Talabgorlarning malakaviy tanlovida savdolarda qatnashishga quyidagi yuridik shaxslar qoʻyilmaydi:

tender savdolari eʼlon qilingan sanada davlat roʻyxatidan oʻtkazilgan paytdan boshlab oʻz faoliyatini 6 oydan kam amalga oshirayotgan;

buyurtmachi bilan oldin tuzilgan kontraktlar boʻyicha zimmasiga qabul qilingan majburiyatlarni zarur tarzda bajarmagan;

qayta tashkil etish, tugatish yoki bankrotlik bosqichidagi;

buyurtmachi bilan sud muhokamasi holatidagi;

tender komissiyasi aʼzolaridan kimgadir bevosita tashkiliy-huquqiy yoki moliyaviy qaram boʻlgan;

malakaviy tanlov uchun barcha zarur hujjatlarni belgilangan muddatlarda taqdim etmagan.

Buyurtmachi bilan oldin tuzilgan kontraktlar boʻyicha oʻz zimmasiga olingan majburiyatlarni zarur tarzda bajarmagan oferentlar toʻgʻrisidagi maʼlumotlar tender komissiyasiga taqdim etiladi”;

19-band oʻz kuchini yoʻqotgan deb hisoblansin;

20-bandda:

birinchi xatboshidagi “Tender savdolari qatnashchilari” soʻzlari “Oferentlar” soʻzlari bilan almashtirilsin;

toʻrtinchi xatboshidagi “oʻz manbalaridan” soʻzlari “oʻz manbalari hisobidan” soʻzlari bilan almashtirilsin;

21-band quyidagi tahrirda bayon qilinsin:

“21. Tender hujjatlari ishlab chiqilishini tender komissiyasi tashkil etadi, tender savdolari tashkilotchisi esa amalga oshiradi. Tender hujjatlari quyidagilarni oʻz ichiga oladi:

oferentlar uchun yoʻriqnoma;

talabgorlarga qoʻyiladigan malaka talablari;

nashr etiladigan oʻquv adabiyotlari roʻyxati, texnik talablar va spetsifikatsiya;

tender taklifi shakli, shu jumladan tender takliflarini oʻrash va markirovka qilishga qoʻyiladigan talablar, takliflarni texnik va moliyaviy baholash mezonlari;

kontraktning taxminiy koʻrinishi”;

22-bandda:

birinchi xatboshidagi “tender savdolari qatnashchilari” soʻzlari “oferentlar” soʻzlari bilan almashtirilsin;

toʻrtinchi xatboshidagi “soniga” soʻzlari “nusxalar soni toʻgʻrisidagi koʻrsatmalarga” soʻzlari bilan almashtirilsin;

toʻqqizinchi xatboshi quyidagi tahrirda bayon qilinsin:

“qayd etilgan vaqt mobaynida oferent taklifi qaytarib olinmasligini kafolatlovchi tender taklifiga pul kafolati miqdori, uni qoʻyish tartibi va qaytarish tartibi”;

quyidagi mazmundagi oʻninchi xatboshi qoʻshilsin:

“buyurtmachining xohishiga koʻra — tender savdolari natijasi boʻyicha tuzilgan kontraktni zarur tarzda ijro etish boʻyicha pul kafolati (garov shaklida) miqdori, uni qoʻyish va qaytarish tartibi”;

oʻninchi — oʻn uchinchi xatboshilar tegishli ravishda oʻn birinchi — oʻn toʻrtinchi xatboshilar deb hisoblansin;

oʻn birinchi xatboshidagi “savdo qatnashchilari” soʻzlari “oferentlar” soʻzi bilan almashtirilsin;

23-bandda:

ikkinchi xatboshidagi “qatnashchining” soʻzi “talabgorning” soʻzi bilan almashtirilsin;

toʻrtinchi xatboshi quyidagi tahrirda bayon qilinsin:

“davlat buyurtmasining talabgorlik qilinayotgan hajmini bajarish uchun zarur mehnat resurslari va malakali mutaxassislar, oʻz ishlab chiqarish bazasi yoki oʻquv adabiyotlarining talabgorlik qilinayotgan hajmi nusxalarini koʻpaytirish toʻgʻrisidagi shartnoma mavjudligi”;

yettinchi xatboshi chiqarib tashlansin;

sakkizinchi xatboshi yettinchi xatboshi deb hisoblansin;

25-bandda:

quyidagi mazmundagi ikkinchi xatboshi qoʻshilsin:

“talabgorning tender savdolarida qatnashish uchun malaka talablariga muvofiqligini tasdiqlaydigan maʼlumotlar”;

ikkinchi — oltinchi xatboshilar tegishli ravishda uchinchi — yettinchi xatboshilar deb hisoblansin;

26-band oʻz kuchini yoʻqotgan deb hisoblansin;

29-banddagi “qatnashchilariga” soʻzi “talabgorlariga” soʻzi bilan almashtirilsin;

32-bandda “eʼlon qilinadi” soʻzlaridan keyin “hamda maxsus axborot portalida joylashtiriladi” soʻzlari qoʻshilsin;

33-bandda:

toʻrtinchi xatboshidagi “va nusxasi” soʻzlari “nusxasi va maksimal qiymati” soʻzlari bilan almashtirilsin;

yettinchi xatboshidagi “qatnashchisi” soʻzi “talabgori” soʻzi bilan almashtirilsin;

34-bandning ikkinchi xatboshidagi “tender hujjatlarini ishlab chiqish, nusxasini koʻpaytirish va tarqatish boʻyicha mehnatga haq toʻlash qiymatidan kelib chiqib belgilanadi” soʻzlari “uning tender savdolarini tashkil etish va oʻtkazish bilan bogʻliq kutilayotgan xarajatlaridan kelib chiqib belgilanadi” soʻzlari bilan almashtirilsin;

35-36-bandlar quyidagi tahrirda bayon qilinsin:

“35. Tender takliflari tender hujjatlariga qoʻyiladigan talablarga muvofiq ishlab chiqiladi va bir paketga solingan ikki konvertda taqdim etiladi.

Paketda talabgorning malaka talablariga muvofiqligini va moliyaviy holatini tasdiqlaydigan hujjatlar, kafolat (tender komissiyasi tomonidan nashr etiladigan oʻquv adabiyoti maksimal qiymati (narxi)ning 1 foizidan 5 foizigacha belgilanadigan miqdorda) qoʻyilganligini tasdiqlaydigan bank hujjatlari, yoki ekvivalent summaga xizmat koʻrsatuvchi bankning kafolat xati taqdim etiladi.

Birinchi konvert texnik taklif hisoblanadi va unda oʻquv adabiyoti maketi, taklif etilayotgan jadval hamda oʻquv adabiyotini nashr etish va qayta nashr etish muddatlari koʻrsatilgan boʻladi.

Ikkinchi konvert tijorat taklifi hisoblanadi va unda narx takliflari, boʻlishi mumkin boʻlgan chegirmalar mavjud boʻladi.

36. Paketda talabgorning nomi va manzili, tender savdolari tashkilotchisining nomi va manzili yozilgan boʻlishi kerak. Konvertlarda talabgorning nomi va manzili, tender savdolari tashkilotchisining nomi va manzili, nashr etish va qayta nashr etish uchun taklif qilinayotgan oʻquv adabiyotlari nomi va, zaruriyat boʻlganda, taklifnoma raqami koʻrsatiladi”;

38-band quyidagi tahrirda bayon qilinsin:

“38. Tender taklifining amal qilish muddati tender hujjatlari bilan belgilanadi.

Talabgorlar oʻz tender takliflarini ularni taqdim etishning oxirgi kuni va vaqti tamom boʻlgunga qadar chaqirib olishlari mumkin.

Quyidagi hollarda tender taklifi koʻrib chiqilmaydi va konvertlar ochilmasdan talabgorga qaytariladi:

tender hujjati uni taqdim etish muddati tamom boʻlgandan keyin tushganda;

talabgor tender savdolari malaka talablariga muvofiq boʻlmaganda”;

40-band quyidagi tahrirda bayon qilinsin:

“40. Tender takliflarini berishning belgilangan muddati tamom boʻlgandan keyin, tender komissiyasi belgilangan kun va soatda talabgorning malaka talablariga muvofiqligini va moliyaviy holatini tasdiqlaydigan hujjatlar, bank hujjatlari, texnik va tijorat takliflari mavjud boʻlgan konvertlar bor boʻlgan konvertni ochadi.

Texnik va tijorat takliflari bildirilgan konvertlar muhrlangan shaklda qoladi hamda navbatdagi majlisgacha tender savdolari tashkilotchisining poʻlat sandigʻida saqlanadi. Tender savdolari tashkilotchisi birinchi va ikkinchi konvertlardagi hujjatlarning saqlanishi uchun javob beradi”;

quyidagi mazmundagi 40¹-band qoʻshilsin:

“40¹. Talabgorning malaka talablariga muvofiqligini va moliyaviy holatini tasdiqlaydigan hujjatlar, bank hujjatlari tenderda qatnashish uchun qoʻyiladigan talabgorlarni malakali tanlab olish uchun tender savdolari tashkilotchisiga beriladi.

Tanlab olingan oferentlar roʻyxati tender komissiyasi tomonidan tasdiqlanadi.

Tenderda qatnashishga qoʻyilmagan talabgorlarning tender hujjatlari texnik va tijorat takliflari bildirilgan konvertlar ochilmasdan talabgorlarga qaytariladi”;

41-band quyidagi tahrirda bayon qilinsin:

“41. Texnik takliflar bildirilgan konvertlar qatnashish istagini bildirgan oferentlar yoki ularning vakolatli vakillari ishtirokida ochiladi.

Birinchi konvert ochilgandan keyin oferentlar nomlari oʻqiladi, savdolar shartlari va tartib-qoidalariga rioya etish, tegishli hujjatlar mavjudligi tekshiriladi”;

42, 43, 46 — 50, 57 va 62-bandlarda “qatnashchiga”, “qatnashchilari”, “qatnashchilarga”, “qatnashchining”, “qatnashchilar”, “qatnashchi”, “qatnashchini” soʻzlari tegishli ravishda “oferentga”, “oferentlari”, “oferentlarga”, “oferentning”, “oferentlar”, “oferent”, “oferentni” soʻzlari bilan almashtirilsin;

45-banddan “qatnashchining malakasi” soʻzlari chiqarib tashlansin;

51 va 52-bandlar quyidagi tahrirda bayon qilinsin:

“51. Ikkinchi paketga solingan barcha talab etiladigan hujjatlar mavjud boʻlgan taqdirda, tender komissiyasi ularni baholash uchun tijorat asosida baholash boʻyicha baholash guruhiga beradi.

52. Tijorat asosida baholash boʻyicha baholash guruhi taqqoslash usuli bilan oferentlar tomonidan taklif etilayotgan oʻquv adabiyotlari qiymatini (narxini), chegirmalar miqdorlarini va oferentlarning moliyaviy-iqtisodiy koʻrsatkichlarini koʻrib chiqadi”;

55-bandning birinchi va ikkinchi jumlalaridagi “baholash guruhi” soʻzlari “baholash guruhlari” soʻzlari bilan almashtirilsin;

56-bandning ikkinchi xatboshidagi “talabgorga” soʻzi “oferentga” soʻzi bilan almashtirilsin;

58-banddagi “baholash guruhining xulosalari natijalariga va tender komissiyasi aʼzolarining yakka tartibdagi xulosasiga” soʻzlari “baholash guruhlarining xulosalari natijalariga” soʻzlari bilan almashtirilsin;

59-bandning birinchi xatboshi quyidagi tahrirda bayon qilinsin:

“Tender komissiyasining yakuniy bayonnomasida gʻolib va zaxira oferentlar, tender komissiyasi tarkibi, baholash guruhlarining xulosalari, oferentlarning tender takliflari yigʻma jadvali va gʻolib bilan kontraktni imzolashning moʻljallanayotgan muddatlari toʻgʻrisidagi maʼlumotlar mavjud boʻladi”;

64-band quyidagi tahrirda bayon qilinsin:

“64. Tender savdolari quyidagi hollarda boʻlib oʻtmagan deb eʼlon qilinadi:

tender takliflarini taqdim etishning oxirgi muddatiga kelib bir lot boʻyicha uchtadan kam taklif tushganda;

barcha tender takliflari tender hujjatlariga qoʻyiladigan talablarga muvofiq boʻlmaganda;

barcha tender takliflarida tender hujjatlari shartlari talab etadigan hujjatlar mavjud boʻlmaganda;

oʻquv adabiyotining maksimal qiymati doirasida ikkitadan kam boʻlgan oferentning narx taklifi taqdim etilganda;

malakaviy tanlov shartlariga uchtadan kam boʻlgan talabgorning takliflari muvofiq boʻlganda”;

66-bandga “tender hujjatlari shartlarini” soʻzlaridan keyin “va tender komissiyasining qarori boʻyicha uni taqdim etish muddatlarini” soʻzlari qoʻshilsin;

67-bandga quyidagi mazmundagi beshinchi xatboshi qoʻshilsin:

“tender savdolari boʻlib oʻtmagan deb eʼlon qilingan taqdirda”;

beshinchi xatboshi oltinchi xatboshi deb hisoblansin.

2. Vazirlar Mahkamasining “2009—2013-yillarda oʻrta maxsus, kasb-hunar taʼlimi muassasalari uchun darsliklar va oʻquv qoʻllanmalarini nashr etish dasturi toʻgʻrisida” 2009-yil 20-martdagi 80-son qarorida:

a) 8-band quyidagi tahrirda bayon qilinsin:

“8. Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi oʻrta maxsus, kasb-hunar taʼlimi muassasalari uchun darsliklar va oʻquv qoʻllanmalarini nashr etish va qayta nashr etishga tanlov (tender) savdolari oʻtkazishda raqobat toʻgʻrisidagi qonun hujjatlari talablariga rioya qilish ustidan nazorat qilishni kuchaytirsin”;

b) quyidagi mazmundagi 8.1-band qoʻshilsin:

“8.1. Oʻzbekiston Respublikasi Moliya vazirligi:

oʻrta maxsus, kasb-hunar taʼlimi muassasalari uchun darsliklar va oʻquv qoʻllanmalarini yetkazib berish xizmatlariga narxlar, shuningdek oʻquv adabiyotlariga deklaratsiya toʻldirishda uni tartibga solish Oʻzbekiston Respublikasi Hukumatining qarorlarida nazarda tutilgan oʻquv adabiyotlarining ayrim turlariga narxlar sunʼiy ravishda oshirib yuborilishiga yoʻl qoʻymaslik ustidan nazorat oʻrnatsin;

oʻquv adabiyotlarini yangilashda ularning narxlari dinamikasi monitoringini olib borsin hamda ular boʻyicha maʼlumotlarni Uzluksiz taʼlim tizimi uchun yangi oʻquv dasturlari, darsliklar yaratish va ularni qayta koʻrib chiqish boʻyicha Hukumat komissiyasiga kiritsin”.

3. Vazirlar Mahkamasining 2011-yil 24-avgustdagi 241-son qarori (Oʻzbekiston Respublikasi QT, 2011-yil, 8-son, 72-modda) bilan tasdiqlangan Budjetdan mablagʻ oluvchilarning xarid qilishda 15 foizdan ortiq miqdorda avans toʻlashi mumkin boʻlgan tovarlar (ishlar, xizmatlar)ning turlari roʻyxatiga quyidagi mazmundagi 22-satr qoʻshilsin: