“Uy-joy mulkdorlari shirkatlari toʻgʻrisida”gi, “Isteʼmolchilarning huquqlarini himoya qilish toʻgʻrisida”gi Oʻzbekiston Respublikasi qonunlari, Vazirlar Mahkamasining 1998-yil 3-noyabrdagi 461-son qarori, Kommunal xizmatlari vazirligining 1999-yil 30-yanvardagi 17-sonli buyrugʻi (roʻyxat raqami 647, 1999-yil 20-fevral) bilan tasdiqlangan “Qattiq va suyuq maishiy chiqindilarning olib ketish kommunal xizmatlari taqdim etish toʻgʻrisida”gi qoidalari, “Oʻzkommunxizmat” agentligining 2002-yil 12-avgustdagi 68-sonli (roʻyxat raqami 1173, 2002-yil 13-sentabr) buyrugʻi bilan tasdiqlangan “Oʻzbekiston Respublikasi shaharlari va aholi yashaydigan punktlarida uy-joy fondini saqlash va taʼmirlash, kommunal xizmatlarni koʻrsatish bilan bogʻliq boʻlgan xarajatlarni toʻlash toʻgʻrisida”gi nizomlari asosida hamda Navoiy kon-metallurgiya kombinati davlat korxonasining 2011-yil 13-apreldagi 5-22/5461-sonli va viloyat moliya boshqarmasining 2011-yil 5-maydagi 01-02-02-233 vx-sonli xulosalarini inobatga olib qaror qilaman:

1. Quyidagilar:

Navoiy kon-metallurgiya kombinati davlat korxonasi tomonidan Navoiy, Zarafshon va Uchquduq shaharlari turar joy fondini saqlash, unga texnik xizmat koʻrsatish tariflari 1-ilovaga*;

Navoiy, Zarafshon va Uchquduq shaharlarida istiqomat qilayotgan aholidan qattiq maishiy chiqindilarni toʻplash va olib ketish tariflari 2-ilovaga* muvofiq tasdiqlansin hamda 2011-yil 1-iyuldan joriy etilsin.

2. Navoiy kon-metallurgiya kombinati davlat korxonasi tizimidagi uy-joy fondini saqlash va unga texnik xizmat koʻrsatish korxonalari aholiga oʻz vaqtida sifatli xizmat koʻrsatilishini taʼminlasinlar.

3. Mazkur qaror qabul qilinishi munosabati bilan viloyat hokimining 2010-yil 21 maydagi 137-Q-sonli qarorining 2-ilovasi 3-ilova deb oʻqilsin va 1-, 3-ilovalari oʻz kuchini yoʻqotgan deb hisoblansin.

4. Ushbu qarorning bajarilishini nazorat qilish viloyat hokimining oʻrinbosari A. Eshonqulov zimmasiga yuklatilsin.