Oʻzbekiston Respublikasi Vazirlar Mahkamasining 1997-yil 31-martdagi “Tovar bozorlarida monopolistik faoliyatni cheklash va raqobat toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida”gi 165-sonli qarori ijrosini taʼminlash maqsadida hamda Navoiy kon-metallurgiya kombinati davlat korxonasining 2010-yil 20-apreldagi 5-22/6281-sonli va viloyat moliya boshqarmasining 2010-yil 30-apreldagi 07-97/661-sonli xatlarini inobatga olib, qaror qilaman:

1. Quyidagilar:

Navoiy kon-metallurgiya kombinati davlat korxonasi tomonidan Navoiy, Zarafshon shaharlari va Uchquduq tumanidagi turar joy fondini hamda noturar joy maqsadida foydalanilayotgan turar joylarni saqlash, unga texnik xizmat koʻrsatish tariflari 1- va 2- ilovalarga;

Navoiy, Zarafshon shaharlari va Uchquduq tumanida istiqomat qilayotgan aholidan qattiq holdagi maishiy chiqindilarni toʻplash va olib ketish xizmati tariflari 3-ilovaga muvofiq tasdiqlansin. 2010-yil 1-iyundan joriy etilsin.

2. Navoiy kon-metallurgiya kombinati davlat korxonasi tizimidagi uy-joy fondini saqlash va unga texnik xizmat koʻrsatish korxonalari aholiga oʻz vaqtida sifatli xizmat koʻrsatilishini taʼminlasinlar.

3. Mazkur qaror qabul qilinishi munosabati bilan viloyat hokimining 2009-yil 27-avgustdagi 206-Q-sonli qarori oʻz kuchini yoʻqotgan deb hisoblansin.

4. Ushbu qarorning bajarilishini nazorat qilish viloyat hokimining birinchi oʻrinbosari A.Eshonqulov zimmasiga yuklatilsin.