LexUZ sharhi
Mazkur qaror O‘zbekiston Respublikasi Vazirlar Mahkamasining 2014-yil 20-oktabrdagi 290-sonli “Biologik resurslardan foydalanishni tartibga solish va tabiatdan foydalanish sohasida ruxsat berish tartib-taomillaridan o‘tish tartibi to‘g‘risida”gi qaroriga asosan o‘z kuchini yo‘qotgan.
Maxsus ruxsatnomalar olish tartibotini yanada soddalashtirish, tadbirkorlik faoliyati uchun qulay shart-sharoitlar yaratish, shuningdek o‘simlik dunyosi obyektlaridan oqilona foydalanish va ularni O‘zbekiston Respublikasi tashqarisiga olib chiqish yuzasidan nazoratni amalga oshirish tartibini takomillashtirish maqsadida Vazirlar Mahkamasi qaror qiladi:
1. Yuridik va jismoniy shaxslarga, ular tomonidan O‘zbekiston Respublikasining yalang‘och qizilmiya ildizi ekstrakti ishlab chiqaradigan qayta ishlovchi tashkilotlari bilan g‘amlangan yalang‘och qizilmiyani yetkazib berish yuzasidan shartnomalar tuzilgan taqdirda, maxsus foydalanish uchun ruxsatnoma olmasdan yalang‘och qizilmiyani g‘amlash (to‘plash)ga ruxsat etilsin.
yalang‘och qizilmiya xomashyosini (TIF TN kodi 1211 90850 0) chetga olib chiqishga ruxsatnoma berish uchun — 1 (bir) tonna uchun 225 AQSh dollari miqdorida;
yalang‘och qizilmiyani qayta ishlashdan olingan mahsulotni (TIF TN kodi 1302 12000 0) chetga olib chiqish uchun — 1 (bir) tonna uchun 100 AQSh dollari miqdorida to‘lov belgilansin.
yalang‘och qizilmiyani chetga olib chiqishga ruxsatnoma berish uchun hamda yalang‘och qizilmiyani qayta ishlashdan olingan mahsulotni chetga olib chiqish uchun to‘lovlar O‘zbekiston Respublikasi Markaziy bankining to‘lov kunidagi kursi bo‘yicha milliy valyutada amalga oshiriladi;
ko‘rsatib o‘tilgan to‘lovlar summasi Vazirlar Mahkamasining “Biologiya resurslaridan oqilona foydalanish, ularni O‘zbekiston Respublikasiga olib kirish va uning tashqarisiga olib chiqish ustidan nazoratni kuchaytirish to‘g‘risida” 2004-yil 28-oktabrdagi 508-son qaroriga 3-ilovada nazarda tutilgan tartibda taqsimlanadi;
yalang‘och qizilmiyani g‘amlash (to‘plash) va chetga olib chiqish, shuningdek uni qayta ishlashdan olingan mahsulotlarni chetga olib chiqish 1-ilovaga muvofiq sxema bo‘yicha amalga oshiriladi.
4. O‘zbekiston Respublikasi Davlat bojxona qo‘mitasi O‘zbekiston Respublikasi Davlat tabiatni muhofaza qilish qo‘mitasining ruxsatnomalari asosida chetga olib chiqilayotgan o‘simlik dunyosi obyektlarining bojxonada rasmiylashtirilishini amalga oshirsin.
5. Vazirlar Mahkamasining 2004-yil 28-oktabrdagi 508-son qarori (O‘zbekiston Respublikasi QT, 2004-y., 10-son, 102-modda) bilan tasdiqlangan O‘simlik dunyosi obyektlaridan foydalanish, ularni O‘zbekiston Respublikasiga olib kirish va uning tashqarisiga olib chiqish tartibi to‘g‘risidagi Nizomga 2-ilovaga muvofiq qo‘shimcha va o‘zgartirish kiritilsin.
6. Mazkur qarorning bajarilishini nazorat qilish O‘zbekiston Respublikasi Vazirlar Mahkamasining Qishloq va suv xo‘jaligi, qishloq xo‘jaligi mahsulotlarini qayta ishlash hamda iste’mol tovarlari masalalari axborot-tahlil departamentiga yuklansin.
a) yalang‘och qizilmiya ildizi ekstraktini ishlab chiqaruvchi qayta ishlaydigan tashkilotlar bilan yetkazib berish yuzasidan shartnoma tuzmasdan xomashyo g‘amlash.
Vazirlar Mahkamasining 2004-yil 28-oktabrdagi 508-son qarori bilan tasdiqlangan O‘simlik dunyosi obyektlaridan foydalanish, ularni O‘zbekiston Respublikasiga olib kirish va uning tashqarisiga olib chiqish tartibi to‘g‘risidagi Nizomga muvofiq;
b) yalang‘och qizilmiya ildizi ekstraktini ishlab chiqaradigan qayta ishlovchi tashkilotlar bilan yetkazib berish yuzasidan shartnoma tuzgan holda xomashyo g‘amlash.
ekstrakt ishlab chiqaruvchi bilan yalang‘och qizilmiya yetkazib berish yuzasidan majburiy tartibda shartnoma tuzish;
g‘amlash (to‘plash)ga Davlat tabiatni muhofaza qilish qo‘mitasining ruxsatnomasini olish talab qilinmaydi.
chetga olib chiqishga ruxsatnoma berish uchun Davlat tabiatni muhofaza qilish qo‘mitasiga murojaat qilish;
Vazirlar Mahkamasining 2004-yil 28-oktabrdagi 508-son qarori bilan tasdiqlangan O‘simlik dunyosi obyektlaridan foydalanish, ularni O‘zbekiston Respublikasiga olib kirish va uning tashqarisiga olib chiqish tartibi to‘g‘risidagi Nizomga kiritilayotgan qo‘shimcha va o‘zgartirish
“Yalang‘och qizilmiyani g‘amlash (to‘plash) yuridik va jismoniy shaxslar tomonidan, ular O‘zbekiston Respublikasining yalang‘och qizilmiya ildizi ekstrakti ishlab chiqaradigan qayta ishlovchi tashkilotlari bilan g‘amlangan yalang‘och qizilmiyani yetkazib berish yuzasidan shartnomalar tuzishgan taqdirda, maxsus foydalanish uchun ruxsatnoma olmasdan amalga oshiriladi”.
“22. O‘simlik dunyosi obyektlarini chetga chiqarishga ruxsatnoma berish uchun quyidagi miqdorlarda to‘lov undiriladi:
O‘zbekiston Respublikasining Qizil kitobiga kiritilgan o‘simlikning bir donasi, shuningdek o‘simliklarning ushbu turlaridan botanika kolleksiyalari uchun - mazkur turdagi o‘simliklarni terishga ruxsatnoma qiymatining 5 foizi miqdorida;
O‘zbekiston Respublikasining Qizil kitobiga kiritilmagan yovvoyi o‘simliklar xomashyosining bir kilogrammi uchun (O‘zbekiston Respublikasi fuqarolari - yuridik va jismoniy shaxslar uchun yalang‘och qizilmiyadan tashqari) - o‘simlikning mazkur turini g‘amlashga ruxsatnoma qiymatining 10 foizi miqdorida;
yalang‘och qizilmiya xomashyosining (TIF TN kodi 121190850 0) 1 tonnasi uchun - O‘zbekiston Respublikasi fuqarolari - yuridik va jismoniy shaxslarga yalang‘och qizilmiyani chetga olib chiqish uchun ruxsatnoma berishga O‘zbekiston Respublikasi Markaziy bankining to‘lov kunidagi kursi bo‘yicha 225 AQSh dollari miqdorida.
O‘simlik dunyosi obyektlarini chetdan olib kirishga ruxsatnoma berilganligi uchun to‘lov undirilmaydi”.