LexUZ sharhi
Mazkur qaror O‘zbekiston Respublikasi Davlat bojxona qo‘mitasining 2021-yil 4-maydagi 01-02/13-19-sonli ““Tovarlar O‘zbekiston Respublikasi bojxona hududiga amalda olib kelinishi paytigacha bojxona organlariga dastlabki bojxona deklaratsiyasini taqdim etish tartibi to‘g‘risidagi nizomni tasdiqlash haqida”gi qarorni, shuningdek unga o‘zgartirish va qo‘shimchalarni o‘z kuchini yo‘qotgan deb topish to‘g‘risida”gi qaroriga (ro‘yxat raqami 2418-5, 04.05.2021-y.) asosan 2021-yil 5-avgustdan o‘z kuchini yo‘qotadi.
O‘zbekiston Respublikasi Bojxona kodeksi, O‘zbekiston Respublikasi Prezidentining 2012-yil 18-iyuldagi PF-4455-son “Ishbilarmonlik muhitini yanada tubdan yaxshilash va tadbirkorlikka yanada keng erkinlik berish chora-tadbirlari to‘g‘risida”gi Farmoni hamda O‘zbekiston Respublikasi Vazirlar Mahkamasining 2012-yil 30-dekabrdagi 379-son “Tashqi savdo operatsiyalarini amalga oshirish bilan bog‘liq tartibotlarni liberallashtirishga doir qo‘shimcha chora-tadbirlar to‘g‘risida”gi qaroriga muvofiq O‘zbekiston Respublikasi Davlat bojxona qo‘mitasi qaror qiladi:
(muqaddima O‘zbekiston Respublikasi Davlat bojxona qo‘mitasining 2018-yil 31-maydagi 01-02/12-42-sonli qarori (ro‘yxat raqami 2418-4, 18.06.2018-y.) tahririda — Qonun hujjatlari ma’lumotlari milliy bazasi, 19.06.2018-y., 10/18/2418-4/1365-son)
1. Tovarlar O‘zbekiston Respublikasi bojxona hududiga amalda olib kelinishi paytigacha bojxona organlariga dastlabki bojxona deklaratsiyasini taqdim etish tartibi to‘g‘risida nizom ilovaga muvofiq tasdiqlansin.
O‘zbekiston Respublikasi Davlat bojxona qo‘mitasining 2013-yil 28-yanvardagi 01-02/12-9-son qaroriga
ILOVA
ILOVA
Mazkur Nizom O‘zbekiston Respublikasi Bojxona kodeksi, O‘zbekiston Respublikasi Prezidentining 2012-yil 18-iyuldagi PF-4455-son “Ishbilarmonlik muhitini yanada tubdan yaxshilash va tadbirkorlikka yanada keng erkinlik berish chora-tadbirlari to‘g‘risida”gi va 2018-yil 12-apreldagi PF-5414-son “O‘zbekiston Respublikasi Davlat bojxona xizmati organlari faoliyatini tubdan takomillashtirish chora-tadbirlari to‘g‘risida”gi farmonlariga hamda O‘zbekiston Respublikasi Vazirlar Mahkamasining 2012-yil 30-dekabrdagi 379-son “Tashqi savdo operatsiyalarini amalga oshirish bilan bog‘liq tartibotlarni liberallashtirishga doir qo‘shimcha chora-tadbirlar to‘g‘risida”gi qaroriga muvofiq dastlabki bojxona deklaratsiyasini taqdim etgan holda “erkin muomalaga chiqarish” (keyingi o‘rinlarda — import deb yuritiladi) bojxona rejimiga joylashtiriladigan tovarlarni deklaratsiyalash tartibini belgilaydi.
(muqaddima O‘zbekiston Respublikasi Davlat bojxona qo‘mitasining 2018-yil 31-maydagi 01-02/12-42-sonli qarori (ro‘yxat raqami 2418-4, 18.06.2018-y.) tahririda — Qonun hujjatlari ma’lumotlari milliy bazasi, 19.06.2018-y., 10/18/2418-4/1365-son)
1. Dastlabki bojxona deklaratsiyasi (keyingi o‘rinlarda — DBD deb yuritiladi) tovarlarni bojxona hududiga yetib kelguniga qadar deklaratsiyalash bo‘lib, u deklarantning xohishiga ko‘ra qo‘llanilishi mumkin.
(1-band O‘zbekiston Respublikasi Davlat bojxona qo‘mitasining 2013-yil 22-iyundagi 01-02/12-11-sonli qarori (ro‘yxat raqami 2418-1, 27.06.2013-y.) tahririda — O‘R QHT, 2013-y., 26-son, 347-modda)
Agar xavfni aniqlashda foydalaniladigan dasturiy ta’minot tomonidan xavf aniqlanmaganda, tovarlarni bevosita chegara o‘tkazish punktlarida tashqi iqtisodiy faoliyat ishtirokchilariga ushbu tovarlarni erkin muomalaga chiqarish orqali dastlabki deklaratsiyalash huquqi beriladi.
(1-band O‘zbekiston Respublikasi Davlat bojxona qo‘mitasining 2018-yil 31-maydagi 01-02/12-42-sonli qaroriga (ro‘yxat raqami 2418-4, 18.06.2018-y.) asosan xatboshi bilan to‘ldirilgan — Qonun hujjatlari ma’lumotlari milliy bazasi, 19.06.2018-y., 10/18/2418-4/1365-son)
2. Quyidagi tovarlarning bojxona rasmiylashtiruvi jarayonida DBDning qo‘llanilishiga yo‘l qo‘yilmaydi:
v) vakolatli organlarning ruxsatnomasi talab qilinadigan (muvofiqlik, gigiyena, veterinariya sertifikatlari va karantin ruxsatnomasi bundan mustasno).
(2-bandning “v” kichik bandi O‘zbekiston Respublikasi Davlat bojxona qo‘mitasining 2014-yil 14-noyabrdagi 01-02/12-24-sonli qarori (ro‘yxat raqami 2418-2, 24.11.2014-y.) tahririda — O‘R QHT, 2014-y., 48-son, 573-modda)
3. Tovarlarning dastlabki bojxona rasmiylashtiruvi bojxona postida ikki bosqichda amalga oshiriladi:
birinchi bosqichda DBD bojxona yuk deklaratsiyasi (keyingi o‘rinlarda — BYuD deb yuritiladi) blanklarida yoki elektron BYuD shaklida rasmiylashtiriladi hamda bojxona postining mansabdor shaxsi tomonidan “BOJXONA NAZORATIDAGI YUK” to‘rtburchak shtampi qo‘yilib, nazoratga olinadi. Bunda DBDda ko‘rsatilgan tovarlarning to‘liq miqdori uchun bojxona to‘lovlari to‘lanadi;
ikkinchi bosqichda tovarlar import bojxona rejimi asosida tovarga nisbatan vakolatga ega bo‘lgan shaxsning to‘la ixtiyoriga beriladi. Bunda bojxona postining mansabdor shaxsi tomonidan DBDga “YUK CNIQARISNGA RUXSAT BERILDI” to‘rtburchak shtampi qo‘yiladi.
4. Tovarlarni dastlabki bojxona deklaratsiyalashda bojxona organlariga tovarlarni rasmiylashtiruvi davomida taqdim qilinadigan hujjatlar ro‘yxatiga asosan (muvofiqlik, gigiyena, veterinariya sertifikati va karantin ruxsatnomasi bundan mustasno) bojxona postiga hujjatlarning deklarant tomonidan tasdiqlangan nusxalari hamda ushbu hujjatlardagi ma’lumotlarning elektron ko‘rinishi taqdim etiladi.
(4-bandning birinchi xatboshisi O‘zbekiston Respublikasi Davlat bojxona qo‘mitasining 2014-yil 14-noyabrdagi 01-02/12-24-sonli qarori (ro‘yxat raqami 2418-2, 24.11.2014-y.) tahririda — O‘R QHT, 2014-y., 48-son, 573-modda)
Hujjatlar bojxona postiga “Tovarlarni elektron deklaratsiyalash” avtomatlashtirilgan axborot tizimi orqali vakolatli organlar va bojxona rasmiylashtiruvi mutaxassisi tomonidan elektron raqamli imzo bilan tasdiqlangan holda elektron ko‘rinishda ham taqdim etilishi mumkin.
5. DBDda tovarlarni O‘zbekiston Respublikasi bojxona hududiga olib kirilishidan va (yoki) bojxona postiga taqdim etilishidan oldin deklarantga ma’lum bo‘lmagan ma’lumotlar aks ettirilmasligi mumkin.
DBD Bojxona yuk deklaratsiyasini to‘ldirish tartibi to‘g‘risidagi yo‘riqnomaning (ro‘yxat raqami 2773, 2016-yil 6-aprel) 5-bobi Tovarlarni erkin muomalaga chiqarish (import) bojxona rejimiga joylashtirishda BYuDni to‘ldirish talablariga muvofiq to‘ldiriladi. Bunda DBDning 1-grafasi 1-bo‘lmasida “PR” harfli belgi ko‘rsatiladi.
(5-bandning ikkinchi xatboshisi O‘zbekiston Respublikasi Davlat bojxona qo‘mitasining 2018-yil 31-maydagi 01-02/12-42-sonli qarori (ro‘yxat raqami 2418-4, 18.06.2018-y.) tahririda — Qonun hujjatlari ma’lumotlari milliy bazasi, 19.06.2018-y., 10/18/2418-4/1365-son)
6. Agarda DBDda ko‘rsatilgan tovarlar deklaratsiyani qabul qilgan bojxona postiga deklaratsiya qabul qilingan kundan e’tiboran o‘ttiz kalendar kuni ichida taqdim etilmasa, u topshirilmagan deb hisoblanadi. Bunday hollarda DBD bekor qilinadi.
(6-band O‘zbekiston Respublikasi Davlat bojxona qo‘mitasining 2013-yil 22-iyundagi 01-02/12-11-sonli qarori (ro‘yxat raqami 2418-1, 27.06.2013-y.) tahririda — O‘R QHT, 2013-y., 26-son, 347-modda)
7. Tovarlar import bojxona rejimi asosida tovarga nisbatan vakolatga ega bo‘lgan shaxsning to‘la ixtiyoriga berilishidan avval bojxona postiga qonun hujjatlariga muvofiq gigiyena, muvofiqlik, veterinariya sertifikatlari va karantin ruxsatnomasi taqdim qilinadi va belgilangan tartibda bojxona nazoratidan o‘tkaziladi.
(7-band O‘zbekiston Respublikasi Davlat bojxona qo‘mitasining 2018-yil 31-maydagi 01-02/12-42-sonli qarori (ro‘yxat raqami 2418-4, 18.06.2018-y.) tahririda — Qonun hujjatlari ma’lumotlari milliy bazasi, 19.06.2018-y., 10/18/2418-4/1365-son)
8. Tovarlar bojxona nazoratidan o‘tkazilishidan oldin bojxona posti mansabdor shaxsi hujjatlar nusxalarida ko‘rsatilgan ma’lumotlarni asl hamda elektron hujjatlardagi ma’lumotlar bilan solishtiradi.
(8-band O‘zbekiston Respublikasi Davlat bojxona qo‘mitasining 2018-yil 31-maydagi 01-02/12-42-sonli qarori (ro‘yxat raqami 2418-4, 18.06.2018-y.) tahririda — Qonun hujjatlari ma’lumotlari milliy bazasi, 19.06.2018-y., 10/18/2418-4/1365-son)
9. Agarda taqdim qilingan hujjatlar (shu jumladan elektron ko‘rinishdagi) bilan asl hujjatlardagi ma’lumotlarda nomuvofiqliklar mavjud bo‘lsa yoki DBDda kerakli ma’lumotlar yetishmasa, deklarant tomonidan DBDga tegishli o‘zgartirishlar va qo‘shimchalar kiritiladi.
DBDga tuzatish kiritish (qayta rasmiylashtirish) tovarlar bojxona nazoratidan o‘tkazilgunga qadar bojxona posti tomonidan bir ish kuni mobaynida amalga oshiriladi.
(9-bandning ikkinchi xatboshisi O‘zbekiston Respublikasi Davlat bojxona qo‘mitasining 2018-yil 31-maydagi 01-02/12-42-sonli qarori (ro‘yxat raqami 2418-4, 18.06.2018-y.) tahririda — Qonun hujjatlari ma’lumotlari milliy bazasi, 19.06.2018-y., 10/18/2418-4/1365-son)
10. DBDni o‘zgartirish, unga qo‘shimcha kiritish, uni qayta rasmiylashtirish, qaytarib olish va bekor qilish Bojxona yuk deklaratsiyasini o‘zgartirish, unga qo‘shimcha kiritish, uni qayta rasmiylashtirish, qaytarib olish va bekor qilish tartibi to‘g‘risidagi nizom (ro‘yxat raqami 2784, 2016-yil 10-may) talablariga muvofiq amalga oshiriladi;
(10-bandning birinchi xatboshisi O‘zbekiston Respublikasi Davlat bojxona qo‘mitasining 2018-yil 31-maydagi 01-02/12-42-sonli qarori (ro‘yxat raqami 2418-4, 18.06.2018-y.) tahririda — Qonun hujjatlari ma’lumotlari milliy bazasi, 19.06.2018-y., 10/18/2418-4/1365-son)
DBD bekor qilinganidan so‘ng, yangi BYuD O‘zbekiston Respublikasi Bojxona kodeksining 261-moddasida belgilangan 15 kalendar kundan kechiktirmay taqdim etilishi shart.
(10-band O‘zbekiston Respublikasi Davlat bojxona qo‘mitasining 2016-yil 30-martdagi 01-02/12-18-sonli qarori (ro‘yxat raqami 2418-3, 12.04.2016-y.) tahririda — O‘R QHT, 2016-y., 15-son, 153-modda)
11. Taqdim etilgan DBDda ko‘rsatilgan tovarlar yetib kelgandan so‘ng, to‘liq BYuD taqdim etiladi. To‘liq BYuDni taqdim etish muddati DBD taqdim etilgan kundan e’tiboran o‘ttiz kalendar kundan oshib ketmasligi lozim.
(11-band O‘zbekiston Respublikasi Davlat bojxona qo‘mitasining 2018-yil 31-maydagi 01-02/12-42-sonli qarori (ro‘yxat raqami 2418-4, 18.06.2018-y.) tahririda — Qonun hujjatlari ma’lumotlari milliy bazasi, 19.06.2018-y., 10/18/2418-4/1365-son)
111. To‘liq BYuD Bojxona yuk deklaratsiyasini to‘ldirish tartibi to‘g‘risida”gi yo‘riqnoma (ro‘yxat raqami № 2773, 2016-yil 6-aprel) talablariga muvofiq quyidagi xususiyatlarni inobatga olgan holda to‘ldiriladi:
v) BYuDga aynan DBDga berilgan tartib raqam qo‘yiladi va ular bir-biridan ajralmas qismlar hisoblanadi.
(111-band O‘zbekiston Respublikasi Davlat bojxona qo‘mitasining 2018-yil 31-maydagi 01-02/12-42-sonli qaroriga (ro‘yxat raqami 2418-4, 18.06.2018-y.) asosan kiritilgan — Qonun hujjatlari ma’lumotlari milliy bazasi, 19.06.2018-y., 10/18/2418-4/1365-son)
12. Bojxona rasmiylashtiruvida taqdim etilgan hujjatlardagi ma’lumotlarning haqqoniyligi uchun deklarant javobgardir.
13. Mazkur Nizom talablari buzilishida aybdor bo‘lgan shaxslar, qonun hujjatlarida belgilangan tartibda javobgarlikka tortiladilar.