Oʻzbekiston Respublikasi Hukumati va Niderlandiya Qirolligi Hukumati,

iqtisodiy aloqalarini yanada rivojlantirish va soliq masalalarida hamkorlikni kengaytirish istagida,

soliqlarni toʻlashdan qochish va bosh tortish yoʻli bilan soliqqa tortilmaslik hamda soliq solinishini kamaytirish imkoniyatini (jumladan, uchinchi mamlakatlar rezidentlarining bilvosita manfaatlari uchun mazkur Konvensiya tomonidan taqdim etiladigan imtiyozlar berilishiga yoʻl ochadigan imkoniyatlarni) yaratmaslik uchun Oʻzbekiston Respublikasi bilan Niderlandiya Qirolligi oʻrtasidagi daromad va foyda soliqlariga nisbatan ikki yoqlama soliq solishni bartaraf qilish, soliqlarni toʻlashdan qochish va bosh tortishni oldini olish toʻgʻrisida Konvensiya tuzish maqsadida,

quyidagilar toʻgʻrisida kelishib oldilar:

Bu Konvensiya Ahdlashuvchi Davlatlarning biri yoki har ikkalasining rezidenti boʻlgan shaxslarga nisbatan qoʻllaniladi.

1. Ushbu Konvensiya Ahdlashuvchi Davlatlardan birining yoki uning siyosiy yoxud maʼmuriy-hududiy boʻlinmalari yoki mahalliy hokimiyat organlari nomidan undirilayotgan daromad va kapital soliqlariga nisbatan, ularni undirish uslubidan qatʼi nazar, tatbiq etiladi.

2. Daromad va kapital soliqlariga, umumiy daromaddan, umumiy kapitaldan yoki daromad yoxud kapitalning bir qismidan, shu jumladan koʻchar va koʻchmas mulkni musodara qilishdan olingan daromadlardan hamda korxonalar tomonidan toʻlanadigan ish haqi yoki mukofotlarning umumiy miqdoridan, shuningdek kapital qiymatini oʻsishidan olinadigan soliqlar taalluqlidir.

3. Ushbu Konvensiya qoʻllaniladigan amaldagi soliqlar, xususan quyidagilardir:

a) Oʻzbekistonda:

i. yuridik shaxslardan olinadigan foyda soligʻi;

ii. jismoniy shaxslardan olinadigan daromad soligʻi;

iii. mol-mulk soligʻi;

(bundan keyingi oʻrinlarda “Oʻzbekiston soliqlari” deb nomlanadi).

b) Niderlandiyada:

i. daromad soligʻi;

ii. ish haqidan olinadigan soliq;

iii. tabiiy resurslarni ekspluatatsiya qilish asosida olingan sof foydadagi hukumat ulushini oʻz ichiga oluvchi foydali qazilmalar qazib olish toʻgʻrisidagi Qonunga (de Mijnbouwwet) muvofiq undiriladigan korporativ soliq (de vennootschapsbelasting);

iv. dividend soligʻi;

(bundan keyingi oʻrinlarda “Niderlandiya soliqlari” deb nomlanadi).

4. Ushbu Konvensiya imzolangan sanadan soʻng undiriladigan soliqlarga qoʻshimcha yoki mavjudlari oʻrniga kiritilgan har qanday bir xil yoki mohiyati boʻyicha oʻxshash soliqlarga nisbatan ham ushbu Konvensiya qoʻllaniladi. Ahdlashuvchi Davlatlarning vakolatli organlari oʻzlarining tegishli soliq qonunchiligiga kiritilgan barcha muhim oʻzgarishlar toʻgʻrisida bir-birlarini xabardor qilib turadilar.

1. Ushbu Konvensiya maqsadlari uchun, agar matn mazmunidan oʻzga maʼno chiqmasa:

a) “Ahdlashuvchi Davlatlardan biri” atamasi matnga bogʻliq ravishda Niderlandiya Qirolligi (Niderlandiya)ni yoki Oʻzbekiston Respublikasi (Oʻzbekiston)ni anglatadi; “Ahdlashuvchi Davlatlar” atamasi, Niderlandiya Qirolligini va Oʻzbekiston Respublikasini anglatadi;

b) “Niderlandiya” atamasi, Niderlandiya Qirolligining Evropada joylashgan qismini, jumladan Niderlandlar xalqaro huquqqa muvofiq dengiz osti tabiiy resurslarini va uning tagzamin va tutash suvlarini, shuningdek ularning tabiiy resurslarini ishlab chiqishga doir yurisdiksiya yoki suveren huquqlarini amalga oshiradigan uning hududiy dengizini va hududiy dengizdan tashqari boʻlgan har qanday tumanni anglatadi;

c) “Oʻzbekiston” atamasi Oʻzbekiston Respublikasini, jumladan xalqaro huquqqa muvofiq Oʻzbekiston qonunlari boʻyicha hudud sifatida belgilangan yoki belgilanishi mumkin boʻlgan doirada tuproq va uning tabiiy resurslariga boʻlgan Oʻzbekiston huquqini amalga oshirishi mumkin boʻlgan har qanday tumanni anglatadi;

d) “shaxs” atamasi jismoniy shaxsni, kompaniya yoki shaxslarning har qanday boshqa birlashmasini oʻz ichiga oladi;

e) “kompaniya” atamasi har qanday korporativ birlashmani va soliqqa tortish maqsadlarida korporativ birlashma sifatida qaraladigan har qanday tashkilotni anglatadi;

f) “Ahdlashuvchi Davlatlardan birining korxonasi” va “boshqa Ahdlashuvchi Davlat korxonasi” atamalari tegishlicha bir Ahdlashuvchi Davlat rezidenti boshqaruvi ostida ish yuritayotgan korxonani va boshqa Ahdlashuvchi Davlatning rezidenti boshqaruvi ostida ish yuritayotgan korxonani anglatadi;

g) “xalqaro tashish” atamasi Davlatlardan birida amaldagi rahbar organiga ega boʻlgan korxona tomonidan foydalaniladigan dengiz, havo kemasida yoki temir yoʻl transporti orqali har qanday tashishni anglatadi, dengiz, havo kemasi yoki temir yoʻl transporti vositalarining boshqa Davlatdagi punktlar oʻrtasidagina foydalanilishi bundan mustasnodir;

h) “milliy shaxs” atamasi:

(i) Ahdlashuvchi Davlatlardan birining millati yoki fuqaroligiga ega boʻlgan har qanday jismoniy shaxsni anglatadi,

(ii) Ahdlashuvchi Davlatlardan birida amaldagi qonunlariga muvofiq oʻz maqomini olgan har qanday yuridik shaxsni, shirkat va assotsiatsiyani anglatadi;

i) “vakolatli organ” atamasi:

(i) Niderlandiyada — Moliya vaziri yoki uning tegishli tarzda vakolat berilgan vakilini anglatadi;

(ii) Oʻzbekistonda — Davlat soliq qoʻmitasining Raisi yoki uning tegishli tarzda vakolat berilgan vakilini anglatadi.

2. Ushbu Konvensiya Ahdlashuvchi Davlatlardan biri tomonidan istalgan vaqtda qoʻllanilganda, unda belgilanmagan har qanday atama, agar matn mazmunidan boshqa maʼno kelib chiqmasa, u, ushbu Konvensiya tatbiq etiladigan soliqlarga nisbatan shu Davlatning belgilangan qonunlarida belgilangan maʼnoga ega boʻladi, ana shu Davlatning soliq qonunlariga muvofiq tatbiq etiladigan har qanday maʼno shu Davlatning boshqa qonunlariga binoan ushbu atamaga berilgan maʼnodan ustunlik qiladi.

1. “Ahdlashuvchi Davlatning rezidenti” atamasi ushbu Konvensiyaning maqsadlari uchun mazkur Davlatning qonunchiligi boʻyicha unda oʻzining yashash joyi, rezidensiyasi, boshqaruvi joylashgan joyiga koʻra yoki shunga oʻxshash xususiyat kasb etuvchi har qanday boshqa mezoni asosida soliqqa tortilishi kerak boʻlgan har qanday shaxsni anglatadi, shu jumladan mazkur Davlat va uning har qanday siyosiy yoki maʼmuriy-hududiy boʻlinmasini yoxud mahalliy hokimiyat organini qamrab oladi.

2. Jismoniy shaxsdan boshqa shaxs soliqqa tortilishi mumkin:

a) Niderlandiyada, agar shaxs korporativ soligʻi maqsadlari uchun Niderlandiya rezidenti boʻlsa;

b) Oʻzbekistonda, agar shaxs yuridik shaxslardan olinadigan foyda soligʻi maqsadlari uchun Oʻzbekiston rezidenti boʻlsa,

ushbu shaxs tomonidan olingan foyda mazkur Davlat soliq qonunchiligiga koʻra shaxsning foydasi sifatida eʼtirof etilsa va bunday foyda uning mulkdorlari, aʼzolari va ishtirokchilarining foydasi hisoblanmasa.

3. 1 va 2-bandlarning qoidalariga qaramasdan “Ahdlashuvchi Davlatning rezidenti” atamasi ushbu Davlatdagi manbalardan olingan foydasi yoki u yerdagi mol-mulki uchun soliqqa tortilishi mumkin boʻlgan har qanday shaxsni qamrab olmaydi.

4. 1-band qoidalariga muvofiq shaxs ikkala Ahdlashuvchi Davlatning rezidenti boʻlgan hollarda uning maqomi quyidagi tarzda aniqlanadi:

a) mazkur shaxs faqatgina doimiy uyi mavjud boʻlgan Davlatning rezidenti hisoblanadi; agar u har ikkala Davlatda doimiy uyga ega boʻlsa, u faqatgina shaxsiy va iqtisodiy aloqalari chuqurroq boʻlgan (hayotiy manfaatlar markazi) Davlatning rezidenti hisoblanadi;

b) agar shaxsning hayotiy manfaatlar markazi joylashgan Davlatni aniqlab boʻlmasa yoki Davlatlardan hech birida doimiy uyi boʻlmasa, u odatda yashaydigan Davlatning rezidenti hisoblanadi;

c) agar shaxs odatda har ikki Davlatda ham yashasa yoki ularning hech birida odatda yashamasa, u faqatgina fuqarosi hisoblangan Davlatning rezidenti hisoblanadi;

d) agar shaxs har ikkala Davlatning fuqarosi boʻlsa yoki hech birining fuqarosi boʻlmasa, unda Ahdlashuvchi Davlatlarning vakolatli organlari bu masalani oʻzaro kelishuv yoʻli bilan hal qiladilar.

5. 1-bandning qoidalariga muvofiq jismoniy shaxs boʻlmagan shaxs har ikkala Ahdlashuvchi Davlatning rezidenti boʻlgan hollarda, u faqatgina oʻzining samarali boshqaruv organi joylashgan Davlatning rezidenti hisoblanadi.

1. Ushbu Konvensiya maqsadlari uchun “doimiy muassasa” atamasi, korxonaning tadbirkorlik faoliyatini toʻliq yoki qisman amalga .oshiradigan doimiy faoliyat joyini anglatadi.

2. “Doimiy muassasa” atamasi, asosan quyidagilarni oʻz ichiga oladi:

a) boshqaruv joyi;

b) filial;

c) ofis;

d) fabrika;

e) ustaxona; va

f) shaxta, neft yoki gaz qudugʻi, karyer yoki tabiiy resurslar qazib olinadigan har qanday boshqa joy.

3. Qurilish maydonchasi, montaj yoki yigʻuv obyekti, faqat shunday holdaki, agar ularning faoliyati 12 oydan koʻproq davom etsagina doimiy muassasa tashkil qiladi.

4. Ushbu moddaning avvalgi qoidalariga qaramay, “doimiy muassasa” atamasi quyidagilarni oʻz ichiga olmaydi:

a) inshootlardan shu korxonaga tegishli boʻlgan tovar yoki buyumlarni faqat saqlash, namoyish qilish yoki yetkazib berish maqsadlarida foydalanish;

b) shu korxonaga tegishli boʻlgan tovar yoki buyumlar zaxirasini faqat saqlash, namoyish qilish yoki yetkazib berish maqsadlarida ushlab turilishi;

c) shu korxonaga tegishli tovar yoki buyumlar zaxirasini boshqa korxona tomonidan faqat qayta ishlash maqsadlarida ushlab turilishi;

d) doimiy faoliyat joyining faqat tovar yoki buyumlar sotib olish yoki ushbu korxona uchun axborot yigʻish ushlab turilishi;

e) doimiy faoliyat joyining ushbu korxona uchun faqat boshqa har qanday tayyorgarlik yoki yordamchi tusdagi faoliyatni amalga oshirish yoʻlida ushlab turilishi;

f) doimiy faoliyat joyining (a) - (e) kichik bandlarida eslatib oʻtilgan faoliyat turlarining har qanday uygʻunlashuvi uchungina bunday doimiy faoliyat oyining faoliyati ana shu uygʻunlashuv natijasi, tayyorgarlik hamda yordamchi tusda boʻlgan taqdirda saqlab turilishi

5. 1- va 2-bandlarning qoidalariga qaramay, agar 6-band tatbiq etiladigan mustaqil maqomli agentdan oʻzga boʻlgan shaxs Davlatlardan birida korxonasi nomidan ish yuritsa va odatda korxona nomidan shartnomalar tuzish vakolatiga ega boʻlsa va odatda shu vakolatni amalga oshirsa, bunda bu korxona ana shu Davlatda ana shu korxona uchun ushbu shaxs tomonidan koʻrsatilgan har qanday faoliyatga nisbatan doimiy muassasaga ega, deb hisoblanadi, agar, faqat ushbu shaxsning faoliyati 4-bandda eslatib oʻtilgan faoliyat turlari bilan cheklanib qolmasa, agar faoliyat doimiy faoliyat joyi orqali amalga oshirilsa, shu bandning qoidalariga binoan bu doimiy faoliyat joyidan doimiy muassasa hosil qilmaydi.

6. Korxona, Davlatlardan birida broker, komissioner yoki boshqa har qanday mustaqil maqomli agent orqali ana shu Davlatda tadbirkorlik faoliyatini amalga oshirsagina, shu shaxslar oʻzlarining odatdagi faoliyati doirasida harakat qilishlari sharti bilan doimiy muassasaga ega deb, qaralmaydi.

7. Ahdlashuvchi Davlatlardan birining rezidenti boʻlgan kompaniya boshqa Davlatning rezidenti boʻlgan kompaniyani nazorat qilsa yoki nazorat qilinsa yoki ana shu boshqa Davlatda tijorat faoliyatini (doimiy muassasa orqali yoki boshqa tarzda) amalga oshirayotgan boʻlsa, bu hol oʻz-oʻzidan bu kompaniyalardan hech birini boshqasi uchun doimiy muassasaga aylantirmaydi.

1. Ahdlashuvchi Davlatlardan birining rezidenti tomonidan boshqa Davlatda joylashgan koʻchmas mulkdan (jumladan, qishloq yoki oʻrmon xoʻjaligidan olinadigan daromadlar) oladigan daromadi ana shu boshqa Davlatda soliqqa tortilishi mumkin.

2. “Koʻchmas mulk” atamasi koʻrib chiqilayotgan mulk joylashgan Davlat qonunchiligi boʻyicha belgilangan maʼnoga egadir, har qanday holda ham ushbu atama huquqi yer ustidagi mulkchilikka taalluqli umumiy qonunchilikning qoidalari bilan belgilangan koʻchmas mulkka tegishli boʻlgan mulkni, chorva, qishloq va oʻrmon xoʻjaligiga tegishli vositalarni, koʻchmas mulk uzufruktini va minerallar, manbalar va boshqa tabiiy resurslarning qatlamlarini qazish uchun tovon sifatida toʻlanadigan oʻzgaruvchan yoki qayd etilgan toʻlovlar huquqini yoki minerallar, manbalar va boshqa tabiiy resurslar qatlamlarini qazish huquqini oʻz ichiga oladi; dengiz, daryo, havo kemalari, temir yoʻl transporti vositalari koʻchmas mulk sifatida qaralmaydi.

3. 1-band qoidalari koʻchmas mulkdan toʻgʻridan toʻgʻrifoydalanish, ijaraga berish yoki har qanday boshqa shaklda foydalanishdan olingan daromadga nisbatan qoʻllaniladi.

4. 1- va 3-band qoidalari, shuningdek korxonaning koʻchmas mulkdan olgan daromadlariga va mustaqil shaxsiy xizmatlarni amalga oshirishda foydalaniladigan koʻchmas mulkdan olgan daromadlariga ham qoʻllaniladi.

1. Ahdlashuvchi Davlatlardan birining korxonasini foydasi faqat ana shu Davlatda soliqqa tortiladi, agar, faqat korxona oʻz tadbirkorlik faoliyatini boshqa Davlatda u yerda joylashgan doimiy muassasa orqali amalga oshirmayotgan boʻlsa. Agar korxona oʻz faoliyatini yuqorida aytilganidek amalga oshirayotgan boʻlsa, korxonaning foydasi boshqa Ahdlashuvchi Davlatda soliqqa tortilishi mumkin, faqat doimiy muassasaga tegishli boʻlgan qismigina soliqqa ortiladi;

2. 3-band qoidalariga muvofiq agar Davlatlardan birining korxonasi boshqa Davlatda u yerda joylashgan doimiy muassasa orqali tadbirkorlik faoliyatini amalga oshirayotgan boʻlsa, har bir Ahdlashuvchi Davlatda bunday doimiy muassasaga foyda u alohida va mustaqil korxona sifatida xuddi shunday yoki shunga oʻxshash faoliyatni xuddi shunday yoki shunga oʻxshash shartlar asosida amalga oshirib doimiy muassasa hisoblangan korxonadan mutlaqo mustaqil ravishda ish koʻrib olishi mumkin boʻlgan foyda kabi oʻtkaziladi.

3. Doimiy muassasa foydasini aniqlashda, ushbu doimiy muassasa faoliyati maqsadlari uchun sarflangan, jumladan doimiy muassasa joylashgan Davlatda yoki har qanday boshqa yerdagi faoliyat maqsadlari uchun sarflangan boshqaruv va umumiy maʼmuriy xarajatlarni chegirib tashlashga yoʻl qoʻyiladi.

4. Ahdlashuvchi Davlatlardan birida doimiy muassasaga tegishli boʻlgan foydani korxona oladigan umumiy foyda miqdorini uning turli boʻlinmalariga proporsional taqsimlash asosida aniqlash odatdagi amaliyot ekanligiga qaramay, 2-banddagi hech bir narsa, odatda qabul qilinganidek, bu Davlatga shunday taqsimlash asosida soliq solinadigan foydani aniqlashga xalaqit bermaydi. Biroq taqsimlashning tanlangan usuli shunday boʻlishi lozimki, natija ushbu moddada mavjud boʻlgan tamoyillarga muvofiq kelishi lozim.

5. Doimiy muassasa tomonidan korxona uchun tovar yoki buyumlarning xarid qilishigagina asoslanib doimiy muassasaga biron-bir foyda hisoblanmaydi.

6. Avvalgi bandlar maqsadlari uchun doimiy muassasaga taalluqli boʻlgan foyda, agar boshqasi uchun salmoqli va yetarli sabablar boʻlmasa, har yili bir xil uslubda aniqlanadi.

7. Agar foyda ushbu Konvensiyaning boshqa moddalari bilan bogʻliq boʻlmagan daromad turlarini qamrab oladigan boʻlsa, unda bu moddalarning qoidalariga ushbu modda qoidalari taʼsir etmaydi.

1. Xalqaro yuk tashishlarda dengiz, havo yoki temir yoʻl transporti vositalarini ekspluatatsiya qilishdan olingan foydaga faqat korxonaning haqiqiy rahbar organi joylashgan Davlatlardan biridagina soliq solinadi.

2. Ushbu modda maqsadlari uchun, xalqaro yuk tashishlarda dengiz va havo kemalarini ekspluatatsiya qilishdan olingan foyda xalqaro yuk tashishlarda foydalaniladigan dengiz va havo kemalarini ekipajsiz fraxtalash asosida olinadigan foydani oʻz ichiga oladi, agar bu foyda 1-band tadbiq etiladigan foydalarga nisbatan tasodifiy boʻlsa.

3. 1-band qoidalari, shuningdek transport vositalarini ekspluatatsiya qilish boʻyicha pulda, qoʻshma faoliyatda yoki xalqaro tashkilotda ishtirok etishdan olinadigan foydaga ham etiladi.

1. Agar:

a) Ahdlashuvchi Davlatlardan birining korxonasi boshqa Ahdlashuvchi Davlat korxonasini boshqarishda, nazorat qilishda yoki uning kapitalida bevosita yoki bilvosita ishtirok etsa,

yoki

b) oʻsha shaxs bir Ahdlashuvchi Davlat korxonasini va boshqa Davlat korxonasini boshqarishda, nazorat qilishda yoki uning kapitalida bevosita yoki bilvosita ishtirok etsa,

va har qanday holatda korxona oʻrtasida ularning tijorat va moliyaviy munosabatlarida mutlaqo mustaqil boʻlgan korxonalar oʻrtasida boʻladigandan farqli sharoitlar vujudga keltirilsa, unda ularning biriga hisoblanishi mumkin boʻlgan har qanday foyda, ammo shunday sharoitlar natijasida unga hisoblanmagan foyda ana shu korxona foydasiga kiritilishi mumkin, va tegishlicha soliqqa tortiladi. Biroq shunday tushuniladiki, agar birlashgan korxonalar bitim tuzsalar, bu bitim xarajatlarni ulush sifatida taqsimlash toʻgʻrisidagi bitim yoki boshqaruv, umumiy-maʼmuriy, texnik yoki tijorat xarajatlarini, ilmiy tadqiqot xarajatlarini va boshqa shunga oʻxshash xarajatlarni taqsimlash uchun yoki shu asosdagi umumiy xizmat koʻrsatish toʻgʻrisidagi bitim kabi boʻlsa, bunda bu yuqorida taʼkidlangan sharoit boʻla olmaydi.

2. Qachonki, Davlat shu Davlat korxonasi foydasiga boshqa Ahdlashuvchi Davlat korxonasi boʻyicha ana shu boshqa Davlatda soliqqa tortiladigan foydani — shuningdek soliqlarni kiritsa, va shu tariqa kiritilgan foyda, agar ikkala korxona oʻrtasida vujudga keltirilgan munosabatlar ikki mustaqil korxona oʻrtasidagi munosabatlar kabi boʻlganida birinchi eslatilgan Davlat korxonasiga hisoblanadigan — foyda boʻlsa, u holda ana shu boshqa Davlat shu Davlatga tegishli foydadan olinadigan soliq miqdoriga zarur tuzatishlar kiritadi. Bunday tuzatishlarni belgilashda ushbu Konvensiyaning boshqa qoidalariga tegishlicha eʼtiborni qaratishi kerak va Davlatlardan birining vakolatli organlari, bu zarur boʻlsa, oʻzaro maslahatlashishlarni boshlashlari lozim.

1. Ahdlashuvchi Davlatlardan birining rezidenti boʻlgan kompaniya tomonidan boshqa Ahdlashuvchi Davlat rezidentiga toʻlanadigan dividendlar ana shu boshqa Davlatda soliqqa tortilishi mumkin.

2. Biroq, bunday dividendlar, shuningdek ularni toʻlayotgan kompaniya rezident boʻlgan Davlatlardan birida, shu Davlatning qonunlariga muvofiq ham soliqqa tortilishi mumkin, ammo dividendlarni haqiqiy egasi boshqa Davlatning rezidenti boʻlsa, bunda shunday tarzda olinadigan soliq miqdori quyidagilardan oshmaydi:

a) agar dividendlarning haqiqiy egasi boʻlgan kompaniya dividendlar toʻlayotgan kompaniya kapitalining kamida 25 foizini bevosita nazorat qilsa, dividendlar yalpi miqdorining 5 foizidan;

b) boshqa barcha hollarda dividendlar yalpi miqdorining 15 foizidan.

Ahdlashuvchi Davlatlardan birining vakolatli organlari oʻzaro bitimga muvofiq ushbu bandning etish sohasini aniqlaydilar.

Bu band dividendlardan toʻlaydigan kompaniya foydasini soliqqa tortishga taalluqli emas.

3. “Dividendlar” atamasi, ushbu moddada qoʻllanilganida, aksiyalardan, aksiyalardan “foydalanish” yoki huquqlardan “foydalanish”, togʻ-kon sanoati aksiyalaridan foydalanish huquqi, taʼsischilar aksiyalaridan yoki qarz talablaridan olinadigan daromad kabi foydada ishtirok etishdagi boshqa huquqlardan foydalanishdan olinadigan daromadlarni, shuningdek foydani taqsimlovchi kompaniya rezidenti boʻlgan Davlatning qonunlariga muvofiq, aksiyalardan olinadigan daromad kabi xuddi shunday soliq boshqaruviga taalluqli boʻlgan boshqa korporativ huquqlardan olinadigan daromadlarni anglatadi.

4. Agar dividendlarning haqiqiy egasi Davlatlardan birining rezidenti boʻlgani xolda, dividendlar toʻlayotgan kompaniya rezidenti boʻlgan boshqa Ahdlashuvchi Davlatda unda joylashgan doimiy muassasa orqali faoliyatini amalga oshirsa yoki ushbu boshqa Davlatda u yerda joylashgan doimiy bazadan mustaqil shaxsiy xizmatlar koʻrsatsa va dividendlar toʻlanadigan xolding aslida shu doimiy muassasa yoki doimiy baza bilan bogʻliq boʻlsa, ushbu moddaning 1- va 2-bandlari qoidalari qoʻllanilmaydi. Bunday holda, sharoitga qarab 7- yoki 14-moddalarning qoidalari qoʻllaniladi.

5. Agar Ahdlashuvchi Davlatlardan birining rezidenti boʻlgan kompaniya boshqa Ahdlashuvchi Davlatda foyda yoki daromad olayotgan boʻlsa, shu boshqa Davlat kompaniya toʻlayotgan dividendlarni soliqqa tortmasligi mumkin, qachonki dividendlar ana shu boshqa Davlat rezidentiga toʻlanadigan yoki qachonki, dividendlar toʻlanadigan xolding shu boshqa Davlatda joylashgan doimiy muassasa yoki doimiy baza bilan haqiqatda bogʻliq boʻlgan hollar bundan mustasnodir, shuningdek kompaniyaning taqsimlanmagan foydasi hatto toʻlanayotgan dividendlar yoki taqsimlanmagan foyda ana shu boshqa Davlatda toʻla yoki qisman hosil boʻlgan foyda yoki daromaddan tashkil topgan boʻlsa ham kompaniyaning taqsimlanmagan foydasi soliqqa tortishga duchor qilinmaydi.

1. Ahdlashuvchi Davlatlarning birida hosil boʻladigan va boshqa Ahdlashuvchi Davlatning rezidentiga toʻlanadigan foizlar, agar bu rezident foizlarining haqiqiy egasi boʻlsa, ana shu boshqa Davlatda soliqqa tortilishi mumkin.

2. Biroq, bunday foizlar, shuningdek ular hosil boʻladigan oʻsha Ahdlashuvchi Davlatda shu Davlatning qonunlariga muvofiq ham soliqqa tortilishi mumkin, ammo, agar foizlarning haqiqiy egasi boshqa Davlatning rezidenti boʻlsa, bunday holda soliq foizlar yalpi miqdorining 10 foizidan oshmasligi kerak. Ahdlashuvchi Davlatlardan birining vakolatli organlari oʻzaro bitimga muvofiq, bu bandni qoʻllash usulini belgilaydilar.

3. “Foizlar” atamasi ushbu moddada qoʻllanilganda ipoteka taʼminotidan va qarzdorning foydalarida ishtirok etish huquqidan, va xususan hukumat qimmatbaho qogʻozlaridan olinadigan daromad va obligatsiya yoki qarz majburiyatlaridan olinadigan daromaddan, jumladan ana shu qimmatbaho qogʻozlar, obligatsiya yoki qarz majburiyatlari boʻyicha olinadigan mukofot va yutuqlardan qatʼi nazar, har qanday turdagi qarz majburiyatlaridan olinadigan daromadni anglatadi. Toʻlov muddati choʻzib yuborilganligi uchun qoʻllaniladigan jarimalar ushbu modda uchun foizlar sifatida qaralmaydi.

4. Agar foizlarning haqiqiy egasi Ahdlashuvchi Davlatlardan birining rezidenti boʻla turib foizlar hosil boʻlayotgan boshqa Ahdlashuvchi Davlatda u yerda joylashgan doimiy muassasa orqali tijorat faoliyati olib borayotgan boʻlsa, yoki ushbu boshqa Davlatda joylashgan doimiy baza orqali mustaqil shaxsiy xizmatlar koʻrsatayotgan boʻlsa va foizlar toʻlanayotgan qarz majburiyatlari shunday doimiy muassasa yoki doimiy baza bilan haqiqatdan ham bogʻliq boʻlsa, 1- va 2-band qoidalari qoʻllanilmaydi. Bunday holda vaziyatga qarab 7- yoki 14-moddalarning qoidalari qoʻllaniladi.

5. Foizlar Ahdlashuvchi Davlatlardan birida hosil boʻlgan deb hisoblanadi, qachonki, toʻlovchi ana shu Davlatning rezidenti boʻlsa. Biroq, qachonki, foizlarni toʻlovchi shaxs Davlatlardan birining rezidenti boʻladimi yoki yoʻqmi, Davlatlardan birida doimiy muassasa yoki doimiy bazaga ega boʻlib, shu tufayli foizlarni toʻlashga nisbatan qarz vujudga kelgan boʻlsa va shunday qarzlar shunday doimiy muassasa yoki doimiy baza tomonidan toʻlanayotgan boʻlsa, bunday holda foizlar, doimiy muassasa yoki doimiy baza joylashgan Davlatda vujudga kelgan, deb hisoblanadi.

6. Agar toʻlovchi bilan amalda foizlar olish huquqiga ega boʻlgan shaxs oʻrtasidagi, yoki ular ikkalasi va qandaydir boshqa shaxs oʻrtasidagi alohida munosabatlar oqibatida qarz talablariga nisbatan toʻlanadigan foizlar miqdori toʻlovchi bilan amalda foizlar olish huquqiga ega boʻlgan shaxs oʻrtasida kelishilishi mumkin boʻlgan miqdordan ortiq boʻlsa, bunday munosabatlar yoʻq boʻlgan ushbu modda qoidalari faqat oxirgi eslatilgan miqdorga nisbatan qoʻllaniladi. Bunday holda toʻlovning ortiqcha qismi ushbu Konvensiyaning boshqa qoidalarini inobatga olgan holda, har bir Davlat qonunchiligiga muvofiq, avvalgidek soliqqa tortiladi.

1. Ahdlashuvchi Davlatlarning birida hosil boʻladigan va boshqa Ahdlashuvchi Davlatning rezidentiga toʻlanadigan royaltilar, agar bu rezident royaltining haqiqiy egasi boʻlsa, ana shu boshqa Davlatda soliqqa tortilishi mumkin.

2. Biroq, bunday royaltilar, shuningdek ular hosil boʻlgan oʻsha Ahdlashuvchi Davlatda va shu Davlat qonunlariga muvofiq ham soliqqa tortilishi mumkin, ammo agar royaltining haqiqiy egasi boshqa Ahdlashuvchi Davlat rezidenti boʻlsa, soliq royaltilar yalpi miqdorining 10 foizidan oshib ketmasligi lozim. Davlatlarning vakolatli organlari oʻzaro bitimga muvofiq ushbu bandning qoʻllash usulini belgilaydilar.

3. “Royalti” atamasidan ushbu moddada foydalanilganda adabiyot, sanʼat yoki fan asarlariga, shu jumladan kinofilmlarga har qanday patent, savdo belgisi, dizayn yoki andoza, reja, maxfiy formula yoki jarayonga, yoxud sanoat, tijorat yoki ilmiy tajribaga nisbatan axborotga — boʻlgan har qanday mualliflik huquqidan foydalanishi yoki foydalanish huquqi uchun tovon sifatida olinadigan har qanday turdagi toʻlovlarni bildiradi.

4. Agar royaltining haqiqiy egasi Ahdlashuvchi Davlatlardan birining rezidenti boʻla turib royalti hosil boʻlayotgan boshqa Ahdlashuvchi Davlatda u yerda joylashgan doimiy muassasa orqali tijorat faoliyati olib borayotgan boʻlsa, yoki ushbu boshqa Davlatda joylashgan doimiy baza orqali mustaqil shaxsiy xizmatlar koʻrsatayotgan boʻlsa va royalti toʻlanayotgan huquq yoki mulk amalda shunday doimiy muassasa yoki doimiy bazaga haqiqatdan bogʻliq boʻlsa, 1- va 2-bandlarning qoidalari qoʻllanilmaydi. Bunday holda, 7-modda yoki 14-moddalarning qoidalari vaziyatga qarab qoʻllaniladi.

5. Royalti Ahdlashuvchi Davlatlardan birida paydo boʻlgan deb, hisoblanadi, agar toʻlovchi ana shu Davlatning rezidenti boʻlsa. Biroq, royaltini toʻlovchi shaxs Ahdlashuvchi Davlatlardan birining rezidenti boʻladimi yoki yoʻqmi, Davlatlarning birida royaltini toʻlash majburiyati zimmasiga tushgan doimiy muassasaga yoki doimiy bazaga ega boʻlsa va bu doimiy muassasa yoki baza toʻlov boʻyicha jarimalarni qoplasa, bunda bunday royaltilar doimiy muassasa yoki doimiy baza joylashgan oʻsha Davlatda hosil boʻlgan, deb hisoblanadi.

6. Agar toʻlovchi bilan amalda royalti olish huquqiga ega shaxs oʻrtasidagi, yoki ularning ikkalasi va boshqa biron-bir shaxs oʻrtasidagi alohida munosabatlar oqibatida royaltidan foydalanishga, foydalanish huquqiga yoki axborot uchun toʻlanadigan royaltining miqdori, toʻlovchi va amalda shu daromadlar huquqiga ega shaxs oʻrtasida kelishilishi mumkin boʻlgan miqdordan oshiq boʻlsa, bunday munosabatlar yoʻq boʻlgan, ushbu modda qoidalari faqat oxirgi eslatilgan miqdorga nisbatan qoʻllaniladi. Bunday holda, toʻlovning ortiqcha qismi ushbu Konvensiyaning boshqa qoidalarini inobatga olib, har bir Ahdlashuvchi Davlat qonunchiligiga muvofiq avvalgidek soliqqa tortiladi.

1. Ahdlashuvchi Davlatlardan birining rezidenti 6-moddada aniqlab berilgan va boshqa Ahdlashuvchi Davlatda joylashgan koʻchmas mulkni musodara qilishdan oladigan daromadlari ana shu boshqa Davlatda soliqqa tortilishi mumkin.

2. Ahdlashuvchi Davlatlardan birining korxonasini boshqa Ahdlashuvchi Davlatda ega boʻlgan doimiy muassasasi tijorat mulkining bir qismini tashkil etuvchi koʻchar mulkni begonalashtirishdan olgan yoki Ahdlashuvchi Davlatlardan birining rezidenti boshqa Davlatda mustaqil shaxsiy xizmatlarni amalga oshirishida bemalol foydalanishi mumkin boʻlgan doimiy bazaga taalluqli koʻchar mulkni musodara qilishdan olgan daromadlari, unga shu doimiy muassasani (alohida yoki korxona bilan birgalikda) yoki shunday doimiy bazani musodara qilishdan olgan daromadini qoʻshgan holda, ana oʻsha boshqa Davlatda soliqqa tortilishi mumkin.

3. Xalqaro tashishlarda foydalaniladigan dengiz, havo kemalari yoki temir yoʻl transporti vositalarini begonalashtirishdan yoki shunday dengiz, havo kemalari yoki temir yoʻl transporti vositalaridan foydalanishga taalluqli boʻlgan koʻchar mulkni begonalashtirishdan olinadigan daromadlari faqat korxonaning amaldagi rahbar organi joylashgan oʻsha Davlatda soliqqa tortiladi.

4. 1-, 2- va 3-bandlarda sanab oʻtilmagan har qanday boshqa mulkni begonalashtirishdan olinadigan daromadlar faqat mulkni begonalashtiruvchi shaxs rezident boʻlgan oʻsha Davlatda soliqqa tortilishi mumkin.

5. 4-band qoidalari Ahdlashuvchi Davlatlardan har birining oʻz qonunchiligiga binoan kapitali toʻliq yoki qisman aksiyalarga boʻlingan va ana shu Davlatning qonunchiligi boʻyicha shu Davlatning rezidenti boʻlgan kompaniyada ega boʻlgan aksiyalarini yoki huquqlaridan “foydalanish”ni begonalashtirilishi asosida boshqa Ahdlashuvchi Davlat rezidenti hisoblangan va begonalashtirishdan oldingi soʻnggi oʻn yil mobaynida birinchi eslatilgan Davlat rezidenti boʻlgan jismoniy shaxs tomonidan olinadigan daromadlarni soliqqa tortish huquqiga daxl qilmaydi.

1. Ahdlashuvchi Davlatlardan birining rezidenti boʻlgan jismoniy shaxsning kasb xizmatlarini koʻrsatish yoki boshqa mustaqil turdagi faoliyatlardan olgan daromadi faqat ana shu Davlatda soliqqa tortiladi, u boshqa Davlatda oʻzi uchun muntazam qulay boʻlgan faoliyatni amalga oshirish uchun doimiy bazaga ega boʻlgan hol esa bundan mustasnodir. Agar u bunday doimiy bazaga ega boʻlsa, unda daromad boshqa Davlatda faqat shu doimiy bazaga taalluqli boʻlgan qismida soliqqa tortilishi mumkin.

2. “Kasb xizmatlari” iborasi asosan mustaqil ilmiy, adabiy, artistlik, maʼrifiy yoki oʻqituvchilik faoliyatlarini, shuningdek shifokorlar, yuristlar, muhandislar, meʼmorlar, stomatologlar va buxgalterlarning mustaqil faoliyatini ham qamrab oladi.

1. Ushbu Konvensiyaning 16-, 18-, 19- va 20-moddalari qoidalarini hisobga olib, Ahdlashuvchi Davlatlardan birining rezidenti yollanma ish boʻyicha oladigan maoshi, ish haqi va shunga oʻxshash boshqa taqdirlash haqlari, agar yollanma ish boshqa Ahdlashuvchi Davlatda amalga oshirilmayotgan boʻlsa, faqat mana shu Davlatda soliqqa tortiladi. Agar yollanma ish shu tariqa bajarilayotgan boʻlsa, unda shu munosabat bilan olingan taqdirlash haqlari ana oʻsha boshqa Davlatda soliqqa tortilishi mumkin.

2. 1-band qoidalariga qaramay, Ahdlashuvchi Davlatlardan birining rezidenti boshqa Ahdlashuvchi Davlatda amalga oshiradigan yollanma ish boʻyicha oladigan taqdirlash haqlari faqat birinchi eslatilgan Davlatda soliqqa tortiladi, agar:

a) oluvchi, boshqa Ahdlashuvchi Davlatda koʻrib chiqilayotgan moliyaviy yilda boshlanadigan yoki tugaydigan har qanday 12 oylik davr doirasida jami 183 kundan oshmaydigan davr yoki davrlar mobaynida boʻlib tursa; va

b) taqdirlash haqlari boshqa Davlat rezidenti boʻlmagan yollovchi tomonidan yoki yollovchi nomidan toʻlansa, va

s) taqdirlash haqlari boʻyicha xarajatlarni yollovchi boshqa Davlatda ega boʻlgan muassasa yoki doimiy baza oʻz zimmasiga olmasa.

3. Ushbu moddaning avvalgi qoidalariga qaramay, Davlatlardan birining rezidenti xalqaro yuk tashishlarda foydalaniladigan dengiz, havo kemalari bortida yoki temir yoʻl transporti vositalarida amalga oshiriladigan yollanma ish boʻyicha olinadigan haqlari, faqat ana shu Davlatda soliqqa tortiladi.

Ahdlashuvchi Davlatlardan birining rezidenti tomonidan boshqa Ahdlashuvchi Davlat rezidenti boʻlgan kompaniyaning direktorlar Kengashi, yoki kompaniyaning shunga oʻxshash organining aʼzosi sifatida oladigan direktorlar gonorarlari va boshqa shunga oʻxshash toʻlovlar ana oʻsha boshqa Davlatda soliqqa tortilishi mumkin.

1. 14- va 15-moddalarning qoidalariga qaramay, Ahdlashuvchi Davlatlardan birining rezidenti tomonidan boshqa Davlatda teatr, kino, radio yoki televideniya artisti, yoki musiqachi kabi sanʼat xodimi sifatida, yoki sportchi sifatida uning shaxsiy faoliyatidan olinadigan Daromadlar ana shu boshqa Davlatda soliqqa tortilishi mumkin.

2. Agar sanʼat xodimi yoki sportchi tomonidan amalga oshirilayotgan shaxsiy faoliyatga nisbatan boʻlgan daromadlar sanʼat xodimi yoki sportchining oʻziga emas boshqa shaxsga yozilsa, ushbu daromad 7-, 14- va 15-moddalarning qoidalariga qaramay, sanʼat xodimi yoki sportchining shunday faoliyati amalga oshirilayotgan oʻsha Davlatda soliqqa tortilishi mumkin.

3. Bu moddaning 1- va 2-bandlari qoidalariga qaramay, ushbu moddaning 1-bandida aniqlangan faoliyatdan olinadigan daromad shu faoliyat amalga oshirilayotgan oʻsha Davlatda soliqdan ozod etiladi, agar, faqat sanʼat xodimi, musiqachi yoki sportchining ana shu Davlatga tashrif buyurishi toʻlaligicha yoki asosan ana shu boshqa Davlatning ijtimoiy jamgʻarmalaridan yoki uning siyosiy yoxud maʼmuriy hududiy boʻlinmalari yoki mahalliy hokimiyat organlari tomonidan mablagʻ bilan taʼminlanayotgan boʻlsa, yoki bu faoliyat Davlatlar oʻrtasidagi madaniy yoki sport bitimlari boʻyicha amalga oshirilayotgan boʻlsa.

1. 19-moddaning 2-bandi qoidalarini hisobga olgan holda, Davlatlardan birining rezidentiga toʻlanadigan nafaqalar va yollash boʻyicha avvalgi ish va yillik renta bilan bogʻliq boʻlgan shunga oʻxshash haqlari faqat ana shu Davlatda soliqqa tortiladi.

2. Biroq, shunga oʻxshash haqlari davriy tusga ega boʻlmasa va boshqa Davlatdagi yollash boʻyicha avvalgi ish munosabati bilan toʻlansa, yoki agar yillik renta oʻrniga umumiy summa toʻlansa, bu haqlari yoki umumiy summa ular vujudga kelgan oʻsha Ahdlashuvchi Davlatda soliqqa tortilishi mumkin.

3. Ahdlashuvchi Davlatlardan birining ijtimoiy himoya qilish tizimi qoidalariga muvofiq boshqa Davlat rezidentiga toʻlangan har qanday nafaqa va boshqa toʻlovlar birinchi eslatib oʻtilgan Davlatda soliqqa tortilishi mumkin.

4. “Yillik renta” atamasi, pul yoki moddiy boyliklar koʻrinishida koʻrsatilgan oʻxshash xizmatlar uchun tovon sifatida toʻlanadigan shunday toʻlovlarni nazarda tutuvchi majburiyat asosida umrbod yoki belgilangan vaqt davri mobaynida davriy toʻlanadigan belgilangan summani anglatadi.

1. a) Ahdlashuvchi Davlatlardan birining siyosiy yoki maʼmuriy-hududiy boʻlinmasi yoki mahalliy hokimiyat organi tomonidan shu Davlatga yoki uning siyosiy yoki maʼmuriy-hududiy boʻlinmalariga yoxud mahalliy hokimiyat organiga koʻrsatgan xizmatlari uchun jismoniy shaxsga toʻlanadigan pensiyadan tashqari maosh, ish haqi va boshqa shunga oʻxshash haqlari faqat ana shu Davlatda soliqqa tortiladi.

b) Biroq, bunday maosh, ish haqi va boshqa shunga oʻxshash haqlari boshqa Ahdlashuvchi Davlatda soliqqa tortilishi mumkin, agar xizmatlar ana shu Davlatda koʻrsatilayotgan boʻlsa va jismoniy shaxs shu Davlatning rezidenti boʻlib,

(i) ana shu Davlatning milliy shaxsi boʻlsa, yoki

(ii) faqat shu xizmatni amalga oshirish maqsadida shu Davlat rezidenti boʻlgan boʻlmasa.

2. a) Ahdlashuvchi Davlatlardan biri tomonidan yoki uning siyosiy boʻlinmasi yoki mahalliy hokimiyat organi yoki ular tomonidan tashkil etilgan jamgʻarmalar tomonidan ana shu Davlatga yoki va uning siyosiy yoki maʼmuriy-hududiy yoxud mahalliy hokimiyat organlariga koʻrsatgan xizmatlariga nisbatan har qanday jismoniy shaxsga toʻlanadigan har qanday pensiya faqat ana shu Davlatda soliqqa tortiladi.

b) biroq, bunday pensiya faqat boshqa Ahdlashuvchi Davlatda soliqqa tortiladi, agar jismoniy shaxs ana shu Davlatning rezidenti va milliy shaxsi boʻlsa.

3. 15-, 16-, 17- va 18-moddalarning qoidalari Ahdlashuvchi Davlatlardan biri tomonidan yoki uning siyosiy yoki maʼmuriy-hududiy boʻlinmasi yoxud mahalliy hokimiyat organi tomonidan amalga oshiriladigan tadbirkorlik faoliyati munosabati bilan koʻrsatiladigan xizmatlarga nisbatan toʻlanadigan maosh, ish haqi va shunga oʻxshash boshqa haqlariga nisbatan qoʻllaniladi.

1. Ahdlashuvchi Davlatlardan birining rezidenti boʻlgan va boshqa Davlatda eng koʻpi bilan ikki yil mobaynida oʻsha boshqa Davlatdagi universitet, kollej yoki taʼlim berish yoxud ilmiy tadqiqot faoliyati boʻyicha boshqa muassasalarda taʼlim berish yoki ilmiy tadqiqot olib borish maqsadida turgan professor yoki oʻqituvchining olgan toʻlovlari, faqat birinchi eslatib oʻtilgan Davlatda soliqqa tortiladi.

2. Bu modda tadqiqot faoliyatidan olinadigan daromadga etilmaydi, agar bunday faoliyat jamoat manfaati yoʻlida emas, balki birinchi navbatda muayyan shaxs yoki shaxslarning xususiy foydasi uchun olib borilayotgan boʻlsa.

Ahdlashuvchi Davlatlardan biriga kelgunga qadar bevosita boshqa Ahdlashuvchi Davlatning rezidenti hisoblanib turgan yoki boʻlgan va birinchi eslatilgan Davlatda faqatgina oʻqish yoki maʼlumot olish maqsadidagina yashab turgan talaba yoki stajyorning yashashi, oʻqishi va maʼlumot olishi uchun moʻljallangan toʻlovlar, agarda bunday toʻlovlar shu Davlat hududidan tashqaridagi manbalardan paydo boʻlgan holatda mana shu Davlatda soliqqa tortilmaydi.

1. Ahdlashuvchi Davlatlardan birining rezidenti ushbu Konvensiyaning oldingi moddalari bilan bogʻliq boʻlmagan daromad turlari, daromadlarning qayerda paydo boʻlishidan qatʼi nazar, faqat ana shu Davlatda soliqqa tortiladi.

2. 1-band qoidalari 6-moddaning 2-bandida belgilangan koʻchmas mulkdan olingan daromad deb hisoblanmaydigan daromadga nisbatan qoʻllanilmaydi agarda bunday daromadni oluvchi Ahdlashuvchi Davlatlardan birining rezidenti boʻla turib boshqa Ahdlashuvchi Davlatda joylashgan doimiy muassasa orqali faoliyatini amalga oshirayotgan boʻlsa yoki u yerda joylashgan doimiy bazadan mustaqil shaxsiy xizmatlarni amalga oshirayotgan boʻlsa va daromad toʻlanadigan huquq yoki mulk haqiqatdan ham bunday doimiy muassasa yoki baza bilan bogʻlangan boʻlsa. Bu holatda, vaziyatga qarab 7-modda yoki 14-moddalarning qoidalari qoʻllaniladi.

1. 6-moddada aytib oʻtilgan koʻchmas mulkdan iborat boʻlgan, Davlatlardan birining rezidentiga tegishli boʻlgan va boshqa Ahdlashuvchi Davlatda joylashgan kapital ana shu boshqa Davlatda soliqqa tortilishi mumkin.

2. Koʻchar mulkdan iborat boʻlib bir Ahdlashuvchi Davlat korxonasining boshqa Ahdlashuvchi Davlatda ega boʻlgan doimiy muassasasi tijorat mulkining bir qismini tashkil etgan yoki Ahdlashuvchi Davlatlardan birining boshqa Ahdlashuvchi Davlatda mustaqil shaxsiy xizmatlar koʻrsatish maqsadida unga qulay boʻlgan doimiy bazaga tegishli koʻchar mulkdan iborat boʻlgan kapital ana shu boshqa Davlatda soliqqa tortilishi mumkin.

3. Xalqaro yuk tashishlarda foydalaniladigan dengiz, havo kemalari va temir yoʻl transporti tarzidagi va shunday dengiz, /havo kemalari va temir yoʻl transportini ekspluatatsiya qilish bilan bogʻliq boʻlgan koʻchar mulkdan iborat kapital faqat korxonaning haqiqiy rahbar organi joylashgan Ahdlashuvchi Davlatda soliqqa tortiladi.

4. Ahdlashuvchi Davlatlardan birining rezidenti kapitalining boshqa barcha elementlari, faqat shu Davlatda soliqqa tortiladi.

1. Niderlandiya oʻz rezidentlaridan soliq undirishda soliqqa tortiladigan bazaga ushbu Konvensiya qoidalariga muvofiq Oʻzbekistonda soliqqa tortilishlari mumkin boʻlgan daromad turlari yoki kapitalni kiritishi mumkin.

2. Biroq, Niderlandiyaning rezidenti ushbu Konvensiyaning 6-moddasi, 7-moddasi, 10-moddaning 4-bandi, 11-moddaning 4-bandi, 12-moddaning 4-bandi, 13-maddaning 1- va 2-bandlari, 14-modda, 15-moddaning 1-bandi, 18-moddaning 3-bandi, 19-moddaning 1-bandi (a-kichik bandi) va 2-bandi (a-kichik bandi) va 22-moddaning 2-bandiga muvofiq, faqat Oʻzbekistonda soliqqa tortilishi mumkin boʻlgan va 1-bandda aytib oʻtilgan bazaga kiritiladigan daromad olsa yoki mulkka egalik qilsa, Niderlandiya oʻz soligʻini kamaytirishga ruxsat etish yoʻli bilan daromadlarning bunday turlarini soliqqa tortishdan ozod qiladi. Bunday kamaytirish Niderlandiya qonunining ikki yoqlama soliqqa tortilishini bartaraf qilish qoidalariga muvofiq hisoblanadi. Bu maqsad uchun u ana shu qoidalarga muvofiq niderland soligʻidan ozod qilinadigan yuqorida aytib oʻtilgan daromad turlari daromadlar umumiy miqdoriga kiritilgan deb, hisoblanadi.

3. Bundan keyin, Niderlandlar ushbu Konvensiya 10-moddasining 2-bandiga, 11-moddaning 2-bandiga, 12-moddaning 2-bandiga, 13-moddaning 5-bandiga, 16-moddaga, 17-moddaga va 18-moddaning 2-bandiga, 23-moddaning 1- va 2-bandlariga muvofiq, Oʻzbekistonda daromadlar yoki kapitalning u turlari qay darajada 1-bandda aytilgan bazaga kiritilgan boʻlsa, oʻsha darajada soliqqa tortilgan daromadlar va kapital turlaridan shu tariqa hisoblab chiqilgan niderland soligʻidan chegirmaga ruxsat etadi. Bu chegirma Oʻzbekistonda daromadlarning bu turlari yoki kapitalga nisbatan toʻlangan soliqqa teng boʻladi, lekin u ruxsat etilgan kamaytirish miqdoridan oshib ketmasligi kerak, basharti shu tariqa kiritilgan daromad turlari yoki kapital ikki yoqlama soliqqa tortishni bartaraf qilish toʻgʻrisidagi Niderlandiya qonunlari qoidalariga muvofiq niderland soligʻidan ozod boʻladigan daromad yoki kapitalning birdan-bir turlari hisoblansagina shunday boʻlishi mumkin.

4. 2-bandning qoidalariga qaramay, Niderlandiya ushbu Konvensiyaning 7-moddasiga, 10-moddaning 4-bandiga, 11-moddaning 4-bandiga, 12-moddaning 4-bandiga, 14-modda va 22-moddaning 2-bandiga muvofiq, Oʻzbekistonda 1-bandda eslatib oʻtilgan tarzda bazaga kiritilgan daromad va kapital turlaridan Oʻzbekistonda olinadigan soliq qachonki, agar Niderlandiya ikki yoqlama soliqqa tortilishini bartaraf qilish toʻgʻrisidagi Niderlandiya qonuni qoidalariga muvofiq bu daromadlardan boshqa mamlakatda toʻlangan soliq niderland soligʻidan chegirib tashlashga ruxsat etadi. Bu chegirmani hisoblash uchun ushbu moddaning 3-bandi qoidalari tegishlicha qoʻllanadi.

5. Oʻzbekistonda ikki yoqlama soliqqa tortish quyidagicha bartaraf etiladi:

a) agar Oʻzbekiston rezidenti ushbu Konvensiya qoidalariga muvofiq Niderlandiyada soliqqa tortilishi mumkin boʻlgan daromad yoki kapitalga ega boʻlsa, Oʻzbekiston quyidagilarga ruxsat etishi mumkin:

(i) bu rezidentning daromadiga solinadigan soliqdan Niderlandiyada toʻlangan daromad soligʻiga teng miqdorni chegirib tashlashga;

(ii) bu rezidentning kapitaliga solinadigan soliqdan Niderlandiyada toʻlangan kapital soligʻiga teng miqdorni chegirib tashlashga.

Bunday chegirmalar har qanday holatda, Niderlandiyada sharoitga qarab soliqqa tortilishi mumkin boʻlgan daromad yoki kapitalga tegishli boʻlgan chegirmani hisoblab chiqilgunga qadar boʻlgan daromad yoki kapital soligʻi qismidan oshib ketmasligi lozim.

b) Qachonki, ushbu Konvensiyaning qandaydir qoidasiga muvofiq, Oʻzbekiston rezidenti ega boʻlgan daromad yoki kapital Oʻzbekistondagi soliqqa tortishdan chiqarib tashlanganda, Oʻzbekiston shu rezidentning daromadi yoki kapitalining qolgan qismidan olinadigan soliq hisoblashda daromad yoki kapitalni soliqqa tortishdan chiqarib tashlangan miqdorini hisobga olishi mumkin.

1. Ushbu Konvensiyaning boshqa qoidalariga qaramasdan, agar barcha tegishli faktlar va shartlarni hisobga olgan holda, har qanday kelishuv yoki bitimning asosiy maqsadlaridan biri mazkur Konvensiya doirasida imtiyoz olish boʻlib va bevosita yoki bilvosita bunday imtiyozni olinishiga olib kelgan deb xulosa qilishga asos boʻlsa, bunday daromad va foyda predmetiga nisbatan ushbu imtiyozlar taqdim qilinmaydi, basharti bunday shartlarda ushbu imtiyozlarning berilishi mazkur Konvensiya tegishli qoidalarining obyekti va maqsadiga muvofiq deb topilmasa.

2. Shaxsga ushbu Konvensiya doirasida imtiyoz berish 1-bandga koʻra rad etilgan hollarda, Ahdlashuvchi Davlat vakolatli organi bunday imtiyoz aksincha taqdim etilishi lozim deb hisoblasa, u bunday shaxsga daromad yoki foydaning maxsus qismlariga nisbatan imtiyoz yoki turlicha imtiyozlarga ega kabi munosabatda boʻladi, basharti bunday vakolatli organ ushbu shaxsning soʻrovnomasiga koʻra va barcha tegishli faktlar va shartlarni oʻrganib chiqqanidan soʻng 1-bandda koʻrsatib oʻtilgan kelishuv yoki bitim mavjud boʻlmagan taqdirda bunday imtiyozlar taqdim etilardi deb topsa.

3. Ahdlashuvchi Davlatning vakolatli organi 1 yoki 2-bandga muvofiq imtiyoz berishni rad etishdan oldin ikkinchi Ahdlashuvchi Davlatning vakolatli organi bilan maslahatlashadi.

1. Bu moddaning qoidalari, ushbu Konvensiyaning boshqa har qanday qoidalariga qaramay qoʻllaniladi. Biroq bu modda, agar shaxsning offshorlik faoliyati bu shaxs uchun 5-moddaning qoidalariga muvofiq doimiy muassasa tashkil etsa, yoki 14-moddaning qoidalariga muvofiq doimiy baza hosil qilsa, ushbu holatlarga tadbiq etilmaydi.

2. Bu moddada “offshorlik faoliyati” atamasi offshorning Ahdlashuvchi Davlatlardan birida joylashgan dengiz tubi va uning tagzamini va ularning tabiiy resurslarini tadqiq etish yoki foydalanish bilan bogʻliq holda amalga oshirayotgan faoliyatini anglatadi.

3. Shu moddaning 4-bandiga muvofiq boshqa Ahdlashuvchi Davlatda offshorlik faoliyatini amalga oshirayotgan Ahdlashuvchi Davlatlardan birining korxonasi bu faoliyatga nisbatan ana oʻsha boshqa Davlatda, unda joylashgan doimiy vakolatxona orqali tadbirkorlik faoliyatini amalga oshirayotgan korxona sifatida qaraladi, qachonki bunday offshorlik faoliyati boshqa Davlatda har qanday oʻn ikki oylik davrda jami oʻttiz kundan oshmaydigan davr yoki davrlar mobaynida amalga oshiriladigan boʻlsa bundan mustasnodir.

Bu bandning maqsadlari uchun:

a) boshqa Ahdlashuvchi Davlatda offshorlik faoliyatini amalga oshiruvchi korxona boshqa korxona bilan birlashgan boʻlsa va bu boshqa korxona oʻsha loyihaning bir qismi sifatida birinchi eslatib oʻtilgan korxona tomonidan amalga oshirilib kelgan va amalga oshirilayotgan faoliyatga oʻxshash offshorlik faoliyatini bajarishni davom ettirib kelsa, har ikkala korxona birgalikda amalga oshirayotgan yuqorida eslatib oʻtilgan faoliyat 30 kundan oshsa, u holda har bir korxona oʻn ikki oylik davrda 30 kundan oshiq faoliyatni shu davr mobaynida amalga oshiruvchi korxona deb, qaralishi lozim;

b) agar korxonalardan biri boshqa korxona kapitalining hech boʻlmaganda uchdan bir qismiga bevosita yoki bilvosita egalik qilsa yoki shaxs har ikkala korxona kapitalining hech boʻlmaganda uchdan bir qismiga bevosita yoki bilvosita ega boʻlsa, korxona boshqa korxona bilan birlashgan deb, hisoblanadi.

4. Biroq, ushbu moddaning 3-bandi uchun “offshorlik faoliyati” atamasi, quyidagilarni qamrab olmaydi:

a) 5-moddaning 4-bandida eslatib oʻtilgan faoliyat turlaridan bittasini yoki har qanday kombinatsiyasini;

b) asosan ana shu maqsadlar uchun moʻljallangan dengiz kemalari amalga oshiradigan kemani shatakka olish yoki shvartovka qilish va shunday dengiz kemalari amalga oshiradigan boshqa har qanday faoliyat;

c) yuk tashishlar doirasida dengiz yoki havo kemalarida yuk yoki odamlarni tashish.

5. Ahdlashuvchi Davlatlardan birining boshqa Ahdlashuvchi Davlatda mustaqil tarzdagi xizmatlar yoki boshqa faoliyat turlarini oʻzida mujassam etuvchi offshorlik faoliyatini amalga oshiradigan rezidenti, agarda bunday offshorlik faoliyati 30 kun yoki undan ham koʻproq davr mobaynida uzluksiz amalga oshirilayotgan boʻlsa, boshqa Ahdlashuvchi Davlatda joylashgan doimiy bazada shunday faoliyatni amalga oshiruvchi deb, hisoblanadi.

6. Ahdlashuvchi Davlatlardan birining rezidenti tomonidan offshorlik faoliyati bilan bogʻliq yollanib ishlash boʻyicha boshqa Ahdlashuvchi Davlatdagi doimiy vakolatxona orqali amalga oshiradigan faoliyatidan olingan maosh, ish haqi va boshqa shunga oʻxshash haqlarining ana oʻsha boshqa Davlatda, oʻsha boshqa Davlatning offshor zonasidagi yollanib ishlash bilan bogʻliq qismida soliqqa tortilishi mumkin.

7. 7-moddaga va 14-moddaga binoan, shu moddaning 3-bandi va 5-bandiga, shuningdek shu moddaning 6-bandiga tegishlicha bogʻliq boʻlgan, Oʻzbekistonda soliqqa tortilishi mumkin boʻlgan daromadlardan Oʻzbekistonda soliq olinganligini hujjatlar asosida isbotlab berilgan, Niderlandiya ularning soligʻini kamaytirishga ruxsat etadi, bu soliq 24-moddaning 2-bandida bayon etilgan qoidalarga muvofiq hisoblab chiqiladi.

1. Ahdlashuvchi Davlatlardan birining milliy shaxslari, boshqa Ahdlashuvchi Davlatda, ana shu boshqa Davlat fuqarolariga nisbatan ayni bir xil sharoitlarda solinadigan yoki solinishi mumkin boʻlgandan ortiq har qanday soliq yoki unga aloqador majburiyatlarga, soliq solishdan koʻra mushkulroq yoki unga aloqador holatlarga duchor qilinmaydilar. Bu qoida 1-modda qoidalaridan qatʼi nazar, shuningdek bir yoki har ikkala Ahdlashuvchi Davlatning rezidentlari boʻlmagan jismoniy shaxslarga nisbatan ham qoʻllaniladi.

2. Ahdlashuvchi Davlatlardan birining korxonasi boshqa Davlatda ega boʻlgan doimiy muassasasini soliqqa tortish ushbu boshqa Davlatda aynan shunday faoliyatni amalga oshiruvchi ana shu boshqa Davlat korxonalarini soliqqa tortishdan koʻra yomonroq boʻlmaydi. Ushbu qoida bir Davlatni boshqa Davlat rezidentiga soliq solish oʻz rezidentlariga ularning fuqarolik mavqei yoki oilaviy sharoiti asosida beradigan har qanday shaxsiy soliq imtiyozlari, kamaytirish va chegirmalar berishga majburlovchi tarzda talqin qilinmasligi lozim.

3. Ushbu Konvensiya 9-moddasining 1-bandi, 11-moddasining 6-bandi yoki 12-moddasining 4-bandi qoʻllaniladigan hollardan tashqari, Davlatlardan birining korxonasi boshqa Ahdlashuvchi Davlat rezidentiga toʻlaydigan foizlar, royaltilar va boshqa qarz toʻlovlari bunday korxonaning soliqqa tortiladigan daromadini aniqlash maqsadida bunday toʻlovlar birinchi eslatilgan Davlat rezidentiga toʻlangan boʻlganida qoʻllaniladigan shunday shartlar asosida chegirib tashlanadi. Davlatlardan birining korxonasi boshqa Ahdlashuvchi Davlat rezidentiga boʻlgan har qanday qarzlari, bunday korxonaning soliq solinadigan kapitalini aniqlash maqsadlari uchun birinchi eslatib oʻtilgan Davlat rezidentiga toʻlanadigan qarzlari kabi shartlar bilan chegirib tashlanishi lozim.

4. Ahdlashuvchi Davlatlardan birining korxonalari kapitali toʻliq yoki qisman boshqa Davlatning bir yoki bir necha rezidentlariga tegishli boʻlsa, yoki ular tomonidan bevosita yoki bilvosita nazorat qilinsa, birinchi eslatilgan Davlatda, birinchi eslatilgan Davlatning shunday korxonalariga solinadigan har qanday soliq yoki unga aloqador holatlar, boshqa yoki soliqqa tortishdan koʻra mushkulroq holatlarga duchor qilinmaydi.

5. Ushbu modda qoidalari 2-modda qoidalariga qaramay, har qanday turdagi soliqlarga nisbatan qoʻllaniladi.

1. Agar shaxs bir yoki har ikkala Ahdlashuvchi Davlatning harakati unga ushbu Konvensiya qoidalariga muvofiq kelmaydigan soliq solinishiga olib keladi yoki olib kelishi mumkin, deb hisoblasa, u ushbu Davlatlarning ichki qonunchiligida nazarda tutilgan himoya vositalaridan qatʼi nazar, oʻz arizasini oʻzi rezident boʻlgan Davlatning vakolatli organiga, yoki agarda uning holati ushbu Konvensiyaning 26-moddasi 1-bandiga muvofiq kelsa, oʻzi milliy shaxsi boʻlgan Ahdlashuvchi Davlatga taqdim etishi mumkin. Bu ariza ushbu Konvensiya qoidalariga nomuvofiq soliq solinishiga olib keluvchi harakatlar toʻgʻrisida birinchi bor bildirilgan vaqtdan boshlab uch yil mobaynida berilishi kerak.

2. Vakolatli organ uning arizasini asosli deb topsa va uning oʻzi qoniqtiradigan qarorga kela olmasa, masalani ushbu Konvensiyaga muvofiq kelmaydigan soliqqa tortilishdan qochish boshqa Davlatning vakolatli organi bilan oʻzaro kelishib hal etishga harakat qiladi. Erishilgan har qanday kelishuv Ahdlashuvchi Davlatlar ichki qonunlarida har qanday vaqtincha cheklashlarga qaramay bajariladi.

3. Ahdlashuvchi Davlatlarning vakolatli organlari ushbu Konvensiyani talqin qilish yoki qoʻllashda yuzaga keladigan har qanday qiyinchilik yoki ikkilanishlarni oʻzaro kelishuv asosida hal qilishga harakat qiladilar. Ular Konvensiyada nazarda tutilmagan holatlarda ham ikki tomonlama soliq solinishiga yoʻl qoʻymaslik bir-birlari bilan maslahatlashishlari mumkin.

4. Ahdlashuvchi Davlatlarning vakolatli organlari oldingi bandlarni tushunishda hamfikrlikka erishish bir-birlari bilan bevosita aloqada boʻlib turishlari mumkin.

5. Konvensiyani talqin qilish yoki qoʻllanishida munozarali masalalar yoki ikkilanishlar paydo boʻlganida ular Davlatlarning vakolatli organlari tomonidan oʻzaro kelishuv tartiblari boʻyicha shu moddaning oldingi bandlariga muvofiq ushbu masala paydo boʻlganidan keyin ikki yil muddat ichida hal etilmagan, har bir Ahdlashuvchi Davlatning iltimosiga binoan, arbitraj sudida koʻrib chiqish uchun berilishi, lekin faqat bu moddaning 1- va 4-bandlarida koʻrsatib oʻtilgan choralar toʻliq koʻrib boʻlingandan keyin va jalb qilingan soliq toʻlovchi yoki soliq toʻlovchilar arbitraj sudining qarori bilan cheklanib qolishga yozma rozilik bildirishlari sharti bilan berilishi mumkin. Arbitraj organining qarori har ikkala Ahdlashuvchi Davlat uchun va koʻrib chiqilayotgan holat taalluqli boʻlgan soliq toʻlovchi yoki soliq toʻlovchilar uchun majburiydir.

Bu band har ikkala Davlatning vakolatli organlari arbitrajning yuqorida eslatib oʻtilgan xalqaro qabul qilgan tartiblarini oʻzaro bitim boʻyicha taʼsis etganlaridan soʻng qoʻllaniladi.

1. Ahdlashuvchi Davlatlarning vakolatli organlari mazkur Konvensiya qoidalarini amalga oshirish yoki Ahdlashuvchi Davlatlar yoki ularning siyosiy va maʼmuriy hududiy boʻlinmalari yoki mahalliy hokimiyat organlari foydasiga soliq solinishi bilan bogʻliq mazkur Konvensiyaga zid boʻlmagan tarzda undiriladigan har qanday tur va tavsifdagi soliqlarga oid milliy qonunchilikni tatbiq etish yoki uni qoʻllashga aloqador axborotni almashadilar. Axborot almashinuvi 1 va 2-moddalar bilan cheklanmaydi.

2. Ahdlashuvchi Davlatlar biri tomonidan mazkur moddaning 1-bandiga muvofiq olingan har qanday axborot ushbu Davlatning milliy qonunchiligiga muvofiq olingan axborot singari maxfiy hisoblanadi hamda faqat mazkur moddaning 1-bandida qayd etilgan soliqlarni baholash yoki undirish, majburiy undirish yoki sud taʼqibi yoki ushbu soliqlarga nisbatan daʼvolar boʻyicha qarorlar qabul qilish yoxud yuqoridagilarni nazorat qilish bilan shugʻullanuvchi shaxslar yoki organlargagina (jumladan, sudlar va maʼmuriy organlarga) oshkor etilishi mumkin. Bunday shaxslar yoki organlar axborotlardan faqat koʻrsatilgan maqsadlardagina foydalanadilar. Ular bunday axborotni ochiq sud majlisida yoki sud qarorlarida oshkor etishlari mumkin. Yuqoridagilardan qatʼiy nazar, Ahdlashuvchi Davlat tomonidan olingan axborot boshqa maqsadlarda foydalanilishi mumkin, basharti bunday axborot har ikkala Davlatning qonunchiligiga muvofiq boshqa maqsadlarda foydalanishga ruxsat etilgan boʻlsa hamda axborotni taqdim etuvchi Davlat vakolatli organining bunday foydalanishga roziligi mavjud boʻlsa.

3. Ahdlashuvchi Davlatlar 27-moddaning 5-bandi qoidalariga muvofiq taʼsis etilgan hakamlik (arbitraj) organiga arbitraj jarayonlarini bajarish uchun zarur boʻlgan shunday axborotni oshkor qilishlari mumkin. Arbitraj organining aʼzolari ularga taqdim qilingan har qanday axborotga nisbatan ushbu moddaning 2-bandida tavsiflangan oshkor etishga oid cheklovlarga rioya qilishlari lozim.

4. Hech qanday holatda yuqoridagi bandlar qoidalari Ahdlashuvchi Davlatlarga quyidagi majburiyatlarni yuklaydigan tarzda talqin qilinmasligi lozim:

a) u yoki bu Ahdlashuvchi Davlatning qonunchiligi va maʼmuriy amaliyotiga zid boʻlgan maʼmuriy choralar qoʻllash;

b) u yoki bu Ahdlashuvchi Davlatning qonunchiligi yoki maʼmuriy amaliyotiga muvofiq olinishi mumkin boʻlmagan axborotni taqdim qilish;

c) har qanday savdo, tadbirkorlik, sanoat, tijorat yoki kasb sirini yoxud savdo jarayonini oshkor qiluvchi yoxud oshkor etilishi jamoat tartibiga (ordre public) xilof boʻlgan axborotni taqdim qilish.

5. Agar axborot Ahdlashuvchi Davlat tomonidan ushbu modda qoidalariga muvofiq soʻralgan boʻlsa, boshqa Ahdlashuvchi Davlat oʻz soliq maqsadlari uchun bunday axborotga ehtiyoj mavjud boʻlmasa ham soʻralayotgan axborotni yigʻish boʻyicha oʻzining imkoniyatlaridan foydalanishi lozim. Avvalgi jumlada nazarda tutilgan majburiyat 4-band qoidalariga muvofiq cheklanishi mumkin, biroq hech qanday holatda, bunday cheklovlar faqatgina ichki manfaatlar mavjud emasligi sababli axborot taqdim etishni rad qilish uchun Ahdlashuvchi Davlatga ijozat beradigan tarzda talqin qilinmasligi lozim.

6. 4-band qoidalari hech qanday holatda bunday axborot faqatgina bank, boshqa moliya tashkiloti, nominal saqlovchi yoxud agent yoki ishonchli boshqaruvchi sifatida ishtirok etayotgan shaxsning ixtiyorida ekanligi yoki bunday axborot biror bir shaxsning mulkiy huquqlariga taalluqli ekanligi sababli Ahdlashuvchi Davlatga axborot taqdim qilishni rad etishga ruxsat sifatida talqin qilinishi mumkin emas.

1. Ahdlashuvchi Davlatlar oʻzlariga tegishli soliq daʼvolarini undirishda bir-birlariga yordam koʻrsatadilar. Bunday yordam Konvensiyaning 1 va 2-moddalari bilan cheklanmaydi. Ahdlashuvchi Davlatlarning vakolatli organlari mazkur moddani qoʻllash tartibini oʻzaro kelishuv yoʻli bilan belgilaydilar.

2. Mazkur moddada qoʻllanilgan “soliq daʼvosi” atamasi Ahdlashuvchi Davlatlar yoki ularning siyosiy yoki maʼmuriy hududiy boʻlinmalari yoki mahalliy hokimiyat organlari foydasiga undiriladigan mazkur Konvensiyaga yoki Ahdlashuvchi Davlatlar ishtirokchisi boʻlgan istalgan boshqa hujjatga zid boʻlmagan tarzda har qanday tur va tavsifdagi soliqlar sifatida toʻlanishi lozim boʻlgan mablagʻni, shuningdek, bunday soliqlarga tegishli foizlar, maʼmuriy jarimalar hamda ushbu mablagʻni undirish yoki undirilishini taʼminlash boʻyicha xarajatlarni anglatadi.

3. Basharti Ahdlashuvchi Davlatlardan biriga taalluqli soliq daʼvosi ushbu Davlatning qonunchiligiga muvofiq undirilishi mumkin boʻlsa va ushbu Davlatning qonunchiligiga koʻra ayni shu paytda undirilishiga toʻsqinlik qila olmaydigan shaxs tomonidan toʻlanishi lozim boʻlsa, bu holda ushbu Davlatning vakolatli organlari soʻrovnomasiga binoan bunday daʼvo majburiyati ikkinchi Ahdlashuvchi Davlatning vakolatli organlari tomonidan undiruv uchun qabul qilinadi. Bunday soliq daʼvosi ikkinchi Davlat tomonidan, ayni mazkur Davlatga taalluqli soliq daʼvosi kabi, uning oʻz soliqlarini undirishi uchun qoʻllanadigan oʻzining qonunchiligi qoidalariga muvofiq undirib olinadi.

4. Agar Ahdlashuvchi Davlatlarning biriga taalluqli soliq daʼvosi uni undirish uchun ushbu Davlat qonunchiligiga muvofiq undirishni taʼminlash choralarini koʻrishni taqozo qiladigan majburiyat hisoblansa, bunday soliq daʼvosi ushbu Davlat vakolatli organlarining soʻrovnomasi bilan ikkinchi Ahdlashuvchi Davlat vakolatli organlari tomonidan taʼminot choralarini koʻrish maqsadida qabul qilinishi lozim. Mazkur ikkinchi Davlat bunday soliq daʼvolariga nisbatan, hattoki ushbu soliq daʼvosi, bunday choralarni qoʻllash paytida birinchi koʻrsatilgan Davlatda soliq talabini ijro etishning imkoni boʻlmasa yoki uni ijrosiga toʻsqinlik qilishga haqli shaxs tarafidan toʻlanilishi lozim boʻlgan holatda ikkinchi Davlatga taalluqli boʻlganidek, oʻz qonunchiligi qoidalariga muvofiq daʼvoni taʼminlash choralarini koʻrishi lozim.

5. 3 va 4-bandlarning qoidalaridan qatʼiy nazar, Ahdlashuvchi Davlatlardan birining qonunchiligiga muvofiq, soliq daʼvolariga nisbatan shunday daʼvoning xususiyatiga koʻra qoʻllanishi mumkin boʻlgan vaqt cheklovlari taqdim etilgan va ustuvorlik ushbu Davlat tomonidan 3 va 4-bandlarda nazarda tutilgan maqsadlar uchun qabul qilinayotgan soliq daʼvosiga nisbatan qoʻllanilmaydi. Shuningdek, Ahdlashuvchi Davlatlarning biri tomonidan 3 va 4-bandlarda nazarda tutilgan maqsadlar uchun qabul qilinayotgan soliq daʼvosiga nisbatan ushbu Davlatda boshqa Ahdlashuvchi Davlatning qonunchiligiga muvofiq ustuvorlikka ega emas.

6. Ahdlashuvchi Davlatlarning biriga taalluqli soliq daʼvosining mavjudligi, haqiqiyligi yoki miqdorini aniqlash boʻyicha tartibotlar ikkinchi Ahdlashuvchi Davlatning sud yoxud maʼmuriy organlari muhokamasiga olib chiqilmaydi.

7. Ahdlashuvchi Davlatlardan biri 3 va 4-bandlarga muvofiq soʻrovnoma yuborganidan soʻng ikkinchi Ahdlashuvchi Davlat tegishli soliq daʼvosi summasini undirib birinchi Ahdlashuvchi Davlatga oʻtkazguniga qadar boʻlgan hollarda, soliq daʼvosi:

a) soʻrovnoma 3-bandga muvofiq yuborilganda — birinchi aytilgan Davlatga taalluqli, ushbu Davlatning qonunchiligiga muvofiq undirilishi hamda shu paytda ushbu Davlatning qonunchiligiga koʻra uni undirilishiga toʻsqinlik qila olmaydigan shaxs tomonidan toʻlab berilishi lozim soliq daʼvosi hisoblanmay qolsa, yoki;

b) soʻrovnoma 4-bandga muvofiq yuborilganda — koʻrsatilgan birinchi Davlatga taalluqli, uni undirish uchun ushbu Davlat oʻz qonunchiligiga muvofiq taʼminot choralarini koʻrishi mumkin soliq daʼvosi hisoblanmay qolsa, bu holda birinchi Davlatning vakolatli organi bu haqda darhol ikkinchi Davlatning vakolatli organini xabardor qiladi va birinchi Davlat ikkinchi Davlatning ixtiyori boʻyicha oʻz soʻrovnomasini toʻxtatadi yoki chaqirtirib oladi.

8. Ushbu moddaning qoidalari hech bir holatda Ahdlashuvchi Davlat zimmasiga quyidagi majburiyatlarni yuklanishi sifatida talqin qilinishi mumkin emas:

a) u yoki bu Ahdlashuvchi Davlatning qonunchiligi va maʼmuriy amaliyotiga zid boʻlgan maʼmuriy choralarni koʻrish;

b) jamoat tartibiga (ordre public) zid boʻlgan choralarni koʻrish;

c) yordam koʻrsatish, basharti boshqa Ahdlashuvchi Davlat mavjud boʻlgan holat boʻyicha oʻz qonunchiligi yoki maʼmuriy amaliyotida mavjud boʻlgan undirish yoki undiruvni taʼminlashga doir barcha oqilona choralarni koʻrmagan boʻlsa;

d) koʻmaklashayotgan Davlat zimmasiga tushayotgan maʼmuriy sarf-xarajatlar undiruv natijasida ikkinchi Ahdlashuvchi Davlat olishi mumkin boʻlgan foydaga nomutanosib boʻlgan holatlarda koʻmaklashish.

Ushbu Konvensiyaning hech bir qoidasi diplomatik vakolatxona xodimlari va konsullik muassasalari xizmatchilarining xalqaro huquqning umumiy normalariga yoki maxsus bitim qoidalariga muvofiq belgilab qoʻyilgan soliq imtiyozlariga daxl qilmaydi.

1. Ushbu Konvensiya toʻliq yoki har qanday zaruriy oʻzgartirishlari bilan Niderlandiya Qirolligining Evropada joylashmagan istalgan qismida Konvensiyada qoʻllaniladigan va ularga oʻxshash xususiyatga ega soliqlarga nisbatan tatbiq qilinadi. Agar mamlakat oʻz xususiyatiga koʻra ushbu Konvensiya etiladigan mamlakat singari soliqlar oladigan boʻlsa, har qanday shunday kengaytirishlar shunday sanadan va shunday oʻzgarishlar va shart-sharoitlarga muvofiq amal qiladi, shu jumladan diplomatik kanallar orqali beriladigan xabarnomalarda belgilanishi yoki kelishib olinishi mumkin boʻlgan amal qilishining toʻxtashi kabi shart-sharoitlarni oʻz ichiga oladi.

2. Boshqacha boʻlishi kelishib olinmas ekan, Konvensiyaning amal qilishini toʻxtatish shu moddaga muvofiq amalga oshirilgan Niderlandiya Qirolligining istalgan qismida Konvensiyani har qanday kengaytirishni toʻxtata olmaydi.

Ushbu Konvensiya Ahdlashuvchi Davlat hukumatlari ushbu Konvensiyaning kuchga kirishi uchun tegishli Davlat qonunchiligiga muvofiq talab qilinadigan protseduralarning bajarilganligi toʻgʻrisida bir-birlarini xabardor qiladigan xabarnomalarning oxirgisi olingan sanadan oʻttiz kun oʻtgandan soʻng kuchga kiradi va uning qoidalari Konvensiya kuchga kirgan yildan keyin keladigan taqvimiy yilning birinchi yanvaridan yoki shu sanadan keyin boshlanadigan soliq yillari va davrlari uchun qoʻllaniladi.

1. Ushbu Konvensiya Ahdlashuvchi Davlatlardan biri tomonidan uning amal qilishini toʻxtatmaguncha oʻz kuchida qoladi. Ahdlashuvchi Davlatlardan har biri diplomatik kanallar orqali amal qilishini toʻxtatish toʻgʻrisida xabar berish yoʻli bilan Konvensiya kuchga kirgan kundan keyin besh yil oʻtgach boshlanadigan har qanday taqvimiy yilning tugashidan olti oy oldin Konvensiyaning amal qilishini toʻxtatishi mumkin. Bunday holda, Konvensiyaning amal qilishi, amal qilishini toʻxtatish toʻgʻrisida xabarnoma berilgan taqvimiy yilning oxiridan boshlab, soliq solinadigan davrlar mobaynida toʻxtatiladi.

Tegishli tartibda vakolat berilgan quyida imzo chekuvchilar shunga guvohlik berib, ushbu Konvensiyani imzoladilar.

Gaaga shahrida 2001-yil 18-oktabrda ikki nusxada, har biri oʻzbek, niderland va ingliz tillarida tuzildi, bunda har uchala matn bir xil kuchga ega.

Ushbu Konvensiyaning oʻzbek va niderland tillaridagi matn qoidalarini talqin qilishda kelishmovchiliklar vujudga kelsa, ingliz tilidagi matn asos uchun qabul qilinadi.

Oʻzbekiston Respublikasi bilan Niderlandiya Qirolligi oʻrtasida daromad va foyda soliqlariga nisbatan ikki yoqlama soliqqa tortishni bartaraf qilish va soliqlarni toʻlashdan qochish va bosh tortishni oldini olish toʻgʻrisida Konvensiyaga muvofiq quyida imzo chekuvchilar quyidagi qoidalarni Konvensiyaning ajralmas qismi deb kelishib oldilar.

“Amaldagi rahbar organ” maʼnosi 3-modda 1-bandining d) kichik bandida, 4-moddaning 3-bandida, 8-moddaning 1-bandida, 13-moddaning 3-bandida va 23-moddaning 3-bandida ishlatilgan boʻlib, bunda hisobga olinishi lozim boʻlgan holatlarda haqiqatdan kompaniya qayerdan boshqarilayotgan va nazorat qilinayotgan boʻlsa, oʻsha joy va kompaniyani boshqarish siyosati masalalari yuzasidan yuqori darajada muhim qarorlar qabul qilinadigan joy, kompaniyaning iqtisodiy va funksional nuqtai nazardan boshqarishda asosiy rol oʻynaydigan joy va eng muhim buxgalterlik moliyaviy topshiriqlar amalga oshiriladigan joy tushuniladi.

Biror-bir Davlatda aniq yashash joyiga ega boʻlmagan kema bortida yashaydigan shaxs ushbu kema qaysi Ahdlashuvchi Davlatga kelib toʻxtasa, oʻsha Davlatning rezidenti hisoblanadi.

Tabiiy resurslarni tadqiq qilish va ularga boʻlgan huquqlardan foydalanishga Ahdlashuvchi Davlatda joylashgan dengiz tubi va tagzamin taalluqli boʻlgan koʻchmas mulk sifatida qaraladi va shunday huquqlar bu Davlatdagi doimiy muassasaning mulkiga taalluqli, deb hisoblanadi. Bundan tashqari yuqorida eslatib oʻtilgan huquqlar bunday qidiruv yoki foydalanish natijasida olinadigan aktivlarda ulush bilan qatnashish yoki ulardan foyda olish huquqlarini ham qamrab oladi.

7-moddaning 1- va 2-bandlariga nisbatan, qachonki Ahdlashuvchi Davlatlardan birining korxonasi boshqa Ahdlashuvchi Davlatda, unda joylashgan doimiy muassasasi orqali tovar yoki buyumlar sotishni va tadbirkorlik faoliyatini amalga oshirgan korxona daromadining toʻliq asosida emas, balki haqiqatdan ham doimiy muassasa faoliyatining shunday sotuvga yoki tadbirkorlik faoliyatini amalga oshirishga nisbatan taalluqli boʻlgan daromad qismi asosida belgilanadi. Xususan, korxona doimiy muassasaga ega boʻlgan taqdirda tadqiqotchilik faoliyati olib borishga, sanoat, tijorat yoki ilmiy asbob-uskunalarni yetkazib berish, oʻrnatishga yoki binolar qurishga yoki jamoat ishlari olib borishga shartnomalar tuzilsa bunday doimiy muassasaga tegishli boʻlgan foyda shartnomaning umumiy asosida emas, balki bu muassasa oʻzi joylashgan Davlatda haqiqatda amalga oshiradigan shartnomaning qismi asosida belgilanadi, agar soliq toʻlovchi doimiy muassasaning yuqorida koʻrsatib oʻtilgan ishlarni bajarish vaqtida amalga oshirgan qiymat va xarajatlar • haqidagi maʼlumotlarni soliq organiga taqdim etsa.

Koʻrsatilgan texnik xizmatlar uchun, shu jumladan, ilmiy, geologik yoki texnik tabiatni oʻrganish yoki maslahat yoki pudrat xizmatlari uchun haqi sifatida olingan toʻlovlar 7- yoki 14-modda qoidalari tadbiq etiladigan toʻlovlar hisoblanadi.

Konvensiyaning 10-moddasi 2-bandining a) kichik bandi qoidalariga qaramasdan, hozircha Niderlandiyadagi korporativ soliq toʻgʻrisidagi qonun qoidalariga muvofiq, undan keyingi kelgusidagi tuzatishlarga qaramay, Niderlandiya rezidenti hisoblangan kompaniyaning Oʻzbekiston rezidenti boʻlgan kompaniyadan oladigan dividendlariga niderland korporativ soligʻi solinmaydi, bu kichik bandda tadbiq etiladigan foiz nisbati nol stavkasigacha pasaytirilmaydi.

Qachonki, 10-, 11- yoki 12-moddalarning qoidalarida koʻzda tutilgan yuqoriroq stavka boʻyicha soliq olingan holda, ortiqcha olingan soliq qaytarib berish toʻgʻrisidagi arizalar Davlatning soliqni undirgan vakolatli organiga soliq undirilgan taqvimiy yildan soʻng uch yil davomida joʻnatilishi lozim.

Tushuniladiki, kompaniyaning (qisman) tugatilishi yoki kompaniya aksiyalarini sotib olinishi munosabati bilan olingan daromad kapitalning oʻsishidan olinadigan daromad sifatida emas, balki aksiyalardan olingan daromad sifatida qaraladi.

1. Ushbu Konvensiya 11-moddasining 2-bandi va 12-moddasining 2-bandi qoidalariga qaramay, agar va hozircha Niderlandiya oʻzining milliy qonunlariga muvofiq daromadlar manbaidan Oʻzbekiston rezidentiga toʻlangan foizlar yoki royaltiga soliq solmas ekan, ushbu Konvensiya 11-moddasining 2-bandida va 12-moddasining 2-bandida qarab chiqilgani kabi, foiz nisbati bunday holda nol stavkasigacha pasaytirilishi mumkin.

Niderlandiyaning “bestuurder or commissaris” kompaniyasi deganda aksiyadorlar yigʻilishlari yoki shunday kompaniyaning boshqa har qanday vakolatli organi tomonidan tayinlangan shaxslar tushuniladi va ular kompaniyani va tegishli ravishda boʻlinmalarni umumiy boshqarishda ishtirok etadilar.

Konvensiyaning 18-moddasi 1-bandi qoidalariga qaramay, Oʻzbekistonning vakolatli organi Niderlandiyaning vakolatli organiga Oʻzbekiston qonunchiligi boʻyicha bunday toʻlovlarga Oʻzbekiston soliq solishi mumkin, deb xabar bermaguncha, Niderlandiya oʻzining bunga taalluqli toʻlovlarga nisbatan milliy qonunlarini tadbiq etishi mumkin.

Tushuniladiki, 24-moddaning 3-bandida eslatib oʻtilgan, 23-moddaning 1-bandida aytib oʻtilgan kapital turlari chegirmalarini hisoblash maqsadlari uchun shu kapitalga uning garov bilan taʼminlangan qarz summasiga kamaytirilgan qiymat bahosini hisoblashda eʼtiborga olinadi, 23-moddaning 2-bandida aytib oʻtilgan kapital turlari esa uning doimiy muassasa yoki doimiy bazaga tegishli boʻlgan qarzlar qiymatiga kamaytirilgan qiymat bahosini hisoblashda eʼtiborga olinadi.

1. Ushbu Konvensiyaning imtiyozlari Gollandiyaning investitsiyalarni soliqdan ozod qilish institutiga (Vrijgestelde beleggingsinstelling) nisbatan qoʻllanilmaydi.

2. Mazkur moddaning 1-bandi qoidalariga qaramasdan, Ahdlashuvchi Davlatlarning vakolatli organlari Ahdlashuvchi Davlatlarning maxsus rejim subyekti hisoblangan rezidentiga nisbatan qaysi darajada Konvensiya imtiyozlarini taqdim qilmaslikni kelishish yoʻli bilan hal qiladilar.

Shu narsa nazarda tutiladiki, Orol dengizining “dengiz” sifatidagi maqomi xalqaro qonunlarga muvofiq, xalqaro miqyosda eʼtirof qilingan taqdirdagina 25-moddaning qoidalari amal qiladi.

Tegishli tarzda vakolat berilgan quyida imzo chekuvchilar shunga guvohlik berib, ushbu Konvensiyani imzoladilar.

Gaaga shahrida 2001-yil 18-oktabrda ikki nusxada, har biri oʻzbek, niderland va ingliz tillarida tuzildi, bunda har uchchala matn bir xil kuchga ega.

Ushbu Konvensiyaning oʻzbek va niderland tillaridagi matn qoidalarini talqin qilishda kelishmovchiliklar vujudga kelgan taqdirda, ingliz tilidagi matn asos uchun qabul qilinadi.

28 va 29-moddalarning qoidalarini qoʻllash uchun daromadlar bilan bogʻliq Niderlandiya tartiblari boʻyicha undiriladigan ulushlar va taqdim etiladigan imtiyozlar soliqlar sifatida koʻriladi.