Oʻzbekiston Respublikasi Prezidentining 2006-yil 29-avgustdagi PQ-456-son “Paxta tolasini sotish va uning uchun hisob-kitob qilish mexanizmini tartibga solish toʻgʻrisida”gi (Oʻzbekiston Respublikasi qonun hujjatlari toʻplami, 2006-y., 36-son, 359-modda) va 2008-yil 21-apreldagi PQ-842-son “Shaxsiy yordamchi, dehqon va fermer xoʻjaliklarida chorva mollar koʻpaytirishni ragʻbatlantirishni kuchaytirish hamda chorvachilik mahsulotlari ishlab chiqarishni kengaytirish borasidagi qoʻshimcha chora-tadbirlar toʻgʻrisida”gi (Oʻzbekiston Respublikasi qonun hujjatlari toʻplami, 2008-y., 17-son, 130-modda) qarorlariga muvofiq Oʻzbekiston Respublikasi Iqtisodiyot vazirligi, Qishloq va suv xoʻjaligi vazirligi, Tashqi iqtisodiy aloqalar, investitsiyalar va savdo vazirligi va Moliya vazirligi qaror qiladi:

1. Oʻzbekiston Respublikasi Makroiqtisodiyot va statistika vazirligi, Qishloq va suv xoʻjaligi vazirligi, Tashqi iqtisodiy aloqalar agentligi va Moliya vazirligining 2002-yil 5-dekabrdagi 6-0/8, 202, EG-01/01-4902, 136 –son “Xoʻjalik tomonidan ular ixtiyorida qoldiriladigan paxta tolasi va boshqa paxta mahsulotlarini sotish tartibi toʻgʻrisida nizomni tasdiqlash haqida”gi qarori (roʻyxat raqami 1193, 2002-yil 5-dekabr) (Oʻzbekiston Respublikasi qonun hujjatlari toʻplami, 2002-y., 23-24 son) oʻz kuchini yoʻqotgan deb topilsin.

2. Ushbu qaror “Oʻzpaxtasanoat” uyushmasi va Oʻzbekiston fermer xoʻjaliklari uyushmasi bilan kelishilgan.

3. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.