Oʻzbekiston Respublikasi Hukumati va Turkmaniston Hukumati, bundan keyin Tomonlar deb ataluvchilar,

xalqaro huquqning umumeʼtirof etilgan normalari va prinsiplariga amal qilib,

oʻzarolik asosida yashirin migratsiyaga qarshi kurash olib borish niyatida,

quyidagilar toʻgʻrisida ahdlashib oldilar:

1. Tomonlardan har biri boshqa Tomonning taqdimnomasiga koʻra topshirayotgan Tomon davlati hududiga kirish va boʻlish shartlariga rioya etmagan shaxslarni qabul qiluvchi Tomon davlati fuqaroligiga mansubligining dalil-isboti mavjud boʻlganda tegishli hujjatlarni rasmiylashtirish orqali qabul qiladi yoki topshiradi.

2. Topshirayotgan Tomon qabul qilinishi lozim boʻlgan shaxslarni topshirish uchun zarur yoʻl hujjatlarini kechiktirmasdan rasmiylashtiradi.

3. Topshirgan Tomon, agar keyingi tekshiruvlarga koʻra ushbu shaxslar ularni qabul qilish-topshirish paytida qabul qilgan Tomon davlatining fuqaroligiga ega boʻlmaganligi isbotlansa, fuqaroligi aniqlanmagan shaxslarni xuddi shunday shartlarda qabul qiladi.

1. Topshirayotgan Tomon taqdimnomasiga koʻra qabul qilayotgan Tomon topshirayotgan Tomon davlatiga kirish va boʻlish qoidalarini buzgan holda topshirayotgan Tomon davlati hududiga qabul qilayotgan Tomon davlati hududidan kirgan uchinchi davlatlar fuqarolari yoki fuqaroligi boʻlmagan shaxslarni qabul qiladi.

2. Ushbu moddaning 1-bandiga muvofiq shaxslarni qabul qilish-topshirish haqidagi majburiyatlar ushbu davlat hududiga shaxslar kirgan paytdan soʻng kirish davlatining tegishli idoralari tomonidan rasmiylashtirilgan kirish vizasi yoki yashash uchun haqiqiy ruxsatnomaga ega shaxslarga nisbatan qoʻllanilmaydi.

3. Tomonlar imkon qadar Tomonlar davlatlari hududida yashirin ravishda boʻlgan uchinchi davlatlar fuqarolarini ularning kelib chiqish davlatlariga joʻnatish uchun butun kuchlarini beradilar.

4. Agar topshirayotgan Tomon hududiga kelgan shaxs kirish yoki boʻlish shartlarini bajarmasa va agar bunday shaxs qabul qilayotgan Tomon bergan haqiqiy viza yoki yashash ruxsatnomasiga ega boʻlsa, bu shaxsni qabul qilayotgan Tomon qabul qilib olishi lozim.

1. Qabul qilayotgan Tomon shaxslarni qabul qilish va topshirish haqida soʻrovlarga har qanday sharoitda 30 (oʻttiz) sutka ichida javob beradi.

2. Qabul qilayotgan Tomon qabul qilish va topshirish haqidagi masalasi kelishib olingan shaxslarni har qanday sharoitda oʻttiz kundan koʻp boʻlmagan muddatda qabul qilib oladi. Bu muddat topshirayotgan Tomon soʻroviga koʻra shaxslarni oʻz vaqtida topshirishga xalal beruvchi shartlar mavjud boʻlganda uzaytirilishi mumkin.

3. 2-moddada koʻrsatilgan shaxslarni qabul qilish va topshirish toʻgʻrisidagi taqdimnoma topshirayotgan Tomon bunday shaxslarning qabul qilayotgan Tomon davlati hududiga kirishi va oʻz davlati hududida yashashi noqonuniy deb tan olgan sanadan boshlab, olti oy ichida koʻrib chiqilishi lozim.

1. Tomonlar, agar Tomonlardan biri buni iltimos qilsa, va agar shaxslarni qabul qilish va topshirish boshqa davlatlar hamda yetkazib berish moʻljallangan davlat tomonidan kafolatlansa, uchinchi davlatlar fuqarolari va fuqaroligi yoʻq shaxslarning oʻz davlatlari hududi orqali shaxslarni qabul qilish va topshirish uchun tranzit olib oʻtilishiga ruxsat beradilar.

2. Soʻralayotgan Tomon tranzit vizasini rasmiylashtirishi shart emas.

3. Berilgan biror ruxsatnomaga qaramasdan tranzit olib oʻtilishi tasdiqlangan shaxslar 1-moddaning 3-bandida koʻzda tutilgan shartlarda boshqa Tomonga qaytarilishi mumkin. Koʻrsatilgan shaxslar, agar ularning uchinchi davlat hududi orqali tranzit olib oʻtilishi yoki yetkazib berilishi moʻljallangan davlat tomonidan ularning qabul qilinishi kafolatlanmagan boʻlsa, va shuningdek joʻnatib yuborilgan shaxs keyingi tranzit davlat yoki yetkazib berilishi moʻljallangan davlatga yetib bormagani uchun shaxsan javobgar boʻlsa, boshqa Tomonga qaytarilishi mumkin.

4. Tomonlar oʻzlari kelib chiqqan davlatga bevosita qaytarilishi mumkin boʻlgan shaxslarga tranzit yoʻnalishini cheklashga intiladilar.

Agar ushbu Bitimni amalga oshirish uchun shaxsiy maʼlumotlar taqdim etilishi lozim boʻlsa, bunday axborot faqat quyidagilarga daxldor boʻlishi mumkin:

1) topshirilayotgan shaxs haqida va zarur holatlarda uning oila aʼzolari haqida maʼlumotlar (familiyasi, ismi, har qanday oldingi ismlari, boshqa ismlari, taxalluslari, tugʻilgan sanasi va joyi, jinsi, hozirgi va istagan boshqa fuqaroligi);

2) pasport yoki shaxsni tasdiqlovchi boshqa hujjat (shu jumladan, raqami, amal qilish muddati, berilgan sanasi, bergan organ, berilgan joyi va shu kabilar haqidagi axborot);

3) topshirilayotgan shaxslarni identifikatsiya qilish uchun zarur boshqa maʼlumotlar;

4) bekatlar va marshrutlar joylari;

5) Tomonlardan biri rasmiylashtirgan yashash ruxsatnomalari yoki vizalar.

1. Ushbu Bitimning 1 va 2-moddalarida eslatib oʻtilgan shaxslarni qabul qilayotgan Tomon chegarasigacha yetkazib qoʻyish xarajatlarini topshirayotgan Tomon qoplaydi.

2. Belgilangan davlat chegarasigacha tranzit olib oʻtish xarajatlari va zarur holatlarda qaytish xarajatlarini topshirayotgan Tomon toʻlaydi.

Tomonlar oʻrtasida ushbu Bitim qoʻllanilishi yoki talqin etilishi xususidagi har qanday bahslar maslahatlashuvlar va muzokaralar orqali hal etiladi.

Oʻzbekiston Respublikasi Ichki ishlar vazirligi va Turkmaniston Davlat migratsiya xizmati ushbu Bitimning ajralmas qismi hisoblangan alohida bayonnomani imzolaydilar hamda ushbu Bitim qoʻllanilishi uchun zarur shartlar, xususan, quyidagilar toʻgʻrisida kelishib oladilar:

1) oʻzaro aloqa qilish usuli;

2) qabul qilish-topshirish uchun zarur hujjatlar va maʼlumotlar;

3) ushbu Bitimni amalga oshirish uchun masʼul organlarning uchrashuvlari haqida kelishib olish;

4) shaxslarni qabul qilish va topshirish uchun davlat chegarasidan oʻtkazish xalqaro punktlar roʻyxati;

5) transportda tashish shartlari.

Ushbu Bitim Oʻzbekiston Respublikasi va Turkmaniston ishtirokchisi hisoblangan boshqa xalqaro shartnomalardan kelib chiqadigan huquq va majburiyatlarga daxldor emas.

Tomonlar oʻzaro kelishuvga koʻra ushbu Bitimga oʻzgartish va qoʻshimchalar kiritishlari mumkin, bunda ular ushbu Bitimning ajralmas qismi hisoblanadigan alohida bayonnomalar bilan rasmiylashtiriladi.

Ushbu Bitim Tomonlar uning kuchga kirishi uchun zarur boʻlgan davlat ichki protseduralarini bajarganliklari toʻgʻrisida oxirgi yozma xabarnoma olingan sanadan boshlab kuchga kiradi va Tomonlardan biri boshqa Tomonning uning harakatini toʻxtatish toʻgʻrisida xabarnomasini olgan kundan boshlab olti oy oʻtgandan soʻng oʻz kuchini tugatadi.

Toshkent shahrida 2009-yil 25-fevralda ikki nusxada, har biri oʻzbek, turkman va rus tillarida tuzildi, bunda barcha matnlar bir xil kuchga ega.

Ushbu Bitim qoidalarini talqin etishda kelishmovchiliklar yuzaga kelsa, rus tilidagi matn asos qilib olinadi.