Oʻzbekiston Respublikasi Hukumati va Braziliya Federativ Respublikasi Hukumati, bundan buyon “Tomonlar” deb ataluvchilar,

Qishloq xoʻjaligi sohasida hamkorlikni rivojlantirish orqali ikkala mamlakat oʻrtasidagi mavjud doʻstona aloqalarni mustahkamlash istagida,

Ikkala davlatning milliy iqtisodiyotini rivojlanishida qishloq xoʻjaligining muhimligini tan olib,

Bundan buyon ham qishloq xoʻjaligi savdosini va qishloq xoʻjaligiga investitsiyalarni jalb etish maqsadida,

Tomonlar davlatlarining mavjud qonun va qoidalariga muvofiq,

quyidagilar toʻgʻrisida kelishib oldilar:

1. Tomonlar qishloq xoʻjaligining barcha sohalarni, ayniqsa, quyidagi sohalarni, biroq ular bilan cheklanmagan holda rivojlantirishni ragʻbatlantiradilar: chorvachilik va chorva sogʻligʻini muhofaza qilish, biologik yonilgʻi uchun xomashyo ishlab chiqarish, sut mahsulotlarini ishlab chiqarish, bogʻdorchilik, oziq-ovqat mahsulotlari xavfsizligi, qishloq xoʻjaligini boshqarish, yer resurslarini boshqarish, genetika va biotexnologiyalar, ishlov berish hamda hosildan keyingi texnologiyalar va qishloq xoʻjaligi mashinalari, shuningdek oʻsimlikshunoslik va zootexnika, shu jumladan, kasalliklarga qarshi kurash, karantin, zararkunandalar ustidan nazorat zararkunandalar paydo boʻlish xavfini tahlili chorva oʻsimlik mahsulotlari va qishloq xoʻjaligi ishlab chiqarishi vositalarini xalqaro tashishlarda inspeksiya tartibotlari boʻyicha hamkorlik.

2. Tomonlar ushbu moddaning 1-bandida koʻrsatilgan sohalardagi hamkorlikni ilmiy, texnikaviy hamda mazkur Bitimning II-moddasida sanab oʻtilgan hamkorlikning boshqa shakllari orqali rivojlantiradilar.

1. Mazkur Bitimning hamkorlik shakllari quyidagilardan iborat:

(a) davlat ichki tartib-qoidalariga muvofiq, jumladan, ikkala mamlakatning xalqaro shartnomalar boʻyicha majburiyatlari va boshqa tegishli qonunlariga muvofiq sanitariya va fitosanitariya protokollariga qatʼiy rioya qilgan holda genetik materiallar va genetik texnologiyalarni takomillashtirish boʻyicha almashinuv;

(b) qishloq xoʻjalik fani va texnologiyalarini, jumladan biologik yonilgʻi texnologiyalari va xomashyo materiallarini ishlab chiqishni almashish va rivojlantirish;

(v) mutaxassislar, olimlar va stajorlar bilan almashinish hamda oʻquv safarlari, seminarlar va boshqa kasbiy oʻquvni oʻtkazish;

(g) texnikaviy koʻmaklashuvni oʻz ichiga olgan loyihalarni birgalikda ishlab chiqish;

(d) ilmiy-texnikaviy axborot, hujjatlar va nashrlar bilan almashinuvni qamrab olgan birgalikda tadqiqot hamda qishloq xoʻjaligi sohasida birgalikda tadqiqotlarni chuqurlashtirish va rivojlantirish;

(e) hosil yigʻimidan avvalgi va keyingi vositalarni va qishloq xoʻjaligi infratuzilmasini rivojlantirishda hamkorlik qilish;

(j) qishloq xoʻjaligi va muhofazasi bilan bogʻliq masalalar boʻyicha oʻquv kurslari, simpoziumlar, seminarlar, anjuman va konferensiyalar tashkil qilish;

(z) savdo yarmarkalari, savdoni ragʻbatlantiruvchi tadbirlarni va maxsus koʻrgazmalarni uyushtirish hamda savdo vakolatxonalarini tashkil qilishni qamrab olgan bozor iqtisodiyotiga koʻmaklashuvchi strategik faoliyatni amalga oshirish;

(i) qoʻshma korxonalar, investitsiyalar, marketing va hamkorlikning boshqa maqbul shakllarini ragʻbatlantirish;

(k) Tomonlarning oʻzaro kelishuvi boʻyicha hamkorlikning har qanday boshqa shakli.

2. Tomonlar qishloq xoʻjaligi sohasida bozorning rivojlanishiga koʻmaklashish boʻyicha xususiy tadbirkorlar sektori ishtirokini, tadbirkorlikni rivojlantirish, qoʻshma korxonalar va boshqa ishbilarmonlik faoliyatlarini ragʻbatlantiradi va qoʻllab-quvvatlaydilar.

3. Tomonlar qishloq xoʻjalik savdosi va texnologiyasini olgʻa surishga kelishdilar hamda mavjud ikki tomonlama va koʻp tomonlama shartnomalari boʻyicha oʻzlarining tegishli majburiyatlariga daxl qilmagan xolda muhim mahsulotlar ayniqsa, chorva va goʻsht mahsulotlari importi va eksporti uchun qulay sharoit yaratadilar.

4. Yanada keng qiziqishni vujudga keltirish uchun mazkur Bitim har ikkala mamlakatning boshqa manfaatdor hukumat idoralarini, shuningdek ilmiy, ishbilarmon, akademik birlashmalarini va xususiy sektorni jalb qilish vakolatini beradi.

1. Tomonlar ushbu Bitim qoidalariga muvofiq hamkorlikning yuqorida koʻrsatilgan sohalarini amalga oshirish uchun muayyan loyiha shartlari toʻgʻrisida muzokaralar oʻtkazadilar.

2. Ushbu Bitimni jumladan, loyihalar va faoliyatning boshqa shakllarini amalga oshirilishi ikkala mamlakatning tegishli qonun va qoidalariga muvofiq amalga oshiriladi.

1. Tomonlar ushbu Bitimning amalga tatbiq etilishini taʼminlash maqsadida diplomatik kanallar orqali kelishgan holda ikkala Tomonning teng sonli vakillaridan tashkil topgan Qoʻshma ishchi guruhini tuzadilar. Yetakchi muvofiqlashtiruvchi va masʼul agentliklar sifatida quyidagilar belgilandi:

2. Qoʻshma ishchi guruhi ikkala mamlakat qishloq xoʻjaligini rivojlantirishni ragʻbatlantirish bilan bogʻliq tavsiyalar ishlab chiqadi va taqdim etadi. Shuningdek, mazkur Bitim doirasida loyihalarni rejalashtirish bajarish monitoringini amalga oshirish va baholash uchun masʼuldir.

3. Qoʻshma ishchi guruhi uchrashuvlarini har ikki (2) yilda navbatma-navbat bilan Oʻzbekistonda va Braziliyada qabul qiluvchi tomon vakili uchrashuvga raislik qilgan holda oʻtkazadi. Zarur xollarda Tomonlarning roziligi va diplomatik kanallar orqali kelishuviga koʻra oraliq uchrashuvlar tashkil etilishi mumkin.

Tomonlar, agar oʻzgacha kelishilmagan boʻlsa, ushbu Bitim doirasidagi faoliyatlari bogʻliq xarajatlar uchun masʼuldirlar.

1. Tomonlar ikkala mamlakatda amaldagi milliy qonunchilik va xalqaro bitimlarga muvofiq, ushbu Bitimning amalga tatbiq etilishi bilan bogʻliq intellektual mulk huquqlarini muhofaza qilish boʻyicha tegishli choralarni koʻradilar.

2. Ushbu Bitimga binoan olinishi mumkin boʻlgan va/yoki intellektual mulk huquqiga ega boʻlish, saqlab qolish va tijoratda foydalanish shartlari muayyan dasturlar, kontraktlar yoki ishchi rejalarida belgilanadi.

3. Muayyan dasturlar, kontraktlar yoki ishchi rejalarda, shuningdek nashr qilinishi yoki oshkor etilishi ushbu Bitimga binoan olingan intellektual mulk huquqlariga egalik qilish, foydalanish va tijoratda foydalanishni xavf ostiga qoʻyishi mumkin boʻlgan axborotning maxfiyligi xususidagi shartlar ham belgilanadi.

4. Muayyan dasturlar, kontraktlar yoki ishchi rejalarda, zarur hollarda, ushbu Bitimga binoan intellektual mulk masalalari boʻyicha nizolarni hal etishga doir tartib-qoidalar belgilanadi.

Ushbu Bitimni qoʻllash yoki talqin qilishda yuzaga keladigan har qanday kelishmovchiliklar Tomonlar oʻrtasida doʻstona maslahatlashuv yoki muzokaralar orqali hal etiladi.

Mazkur Bitim Tomonlardan birining boshqa Tomonni ushbu Bitimning kuchga kirishi uchun zarur boʻlgan davlat ichki protseduralarni bajarganligi toʻgʻrisida diplomatik kanallar orqali soʻnggi yozma xabarnomani olgan kundan boshlab kuchga kiradi.

Tomonlardan biri diplomatik kanallar orqali yozma ravishda ushbu Bitimga oʻzgartish yoki qoʻshimchalar kiritishni taklif etishi mumkin. Tomonlarning kelishuviga koʻra har qanday oʻzgartish yoki qoʻshimchalar Tomonlar tomonidan belgilagan sanada, ular mamlakatlarining ichki tartibotlarini inobatga olgan holda kuchga kiradi va ushbu Bitimning ajralmas qismi hisoblanadi.

1. Mazkur Bitim besh (5) yil muddat davomida amal qiladi va Tomonlardan biri boshqa Tomonga ushbu Bitim muddati tugashidan kamida olti (6) oy oldin uning bekor qilish niyati toʻgʻrisida yozma ravishda xabardor qilmasa, Bitim oʻz-oʻzidan navbatdagi besh yillik muddatga uzaytiriladi.

2. Ushbu Bitim amal qilishining toʻxtatilishi ushbu Memorandumga muvofiq amalga oshirilayotgan har qanday loyiha, kontrakt, kelishuv yoki faoliyatning amalga oshirish hamda tugatishga taʼsir qilmaydi.

Braziliya shahrida 2009-yilning 28-may kunida ikki asl nusxada har biri oʻzbek, portugal va ingliz tillarida tuzildi, barcha matnlar bir xil kuchga ega.

Ushbu Bitim qoidalarini talqin qilishda kelishmovchiliklar yuzaga kelgan holda ingliz tilidagi matn ustuvor hisoblanadi.