Oʻzbekiston Respublikasi Prezidentining “Statistik, soliq, moliyaviy hisobotlarni, litsenziyalanadigan faoliyat turlarini va ruxsat berish tartib-taomillarini tubdan qisqartirish chora-tadbirlari toʻgʻrisida” 2012-yil 16-iyuldagi PF–4453-sonli Farmoniga muvofiq:

1. Oʻzbekiston Respublikasi Prezidentining ayrim hujjatlariga 1-ilovaga muvofiq oʻzgartish va qoʻshimchalar kiritilsin.

2. Oʻzbekiston Respublikasi Prezidentining ayrim hujjatlari 2-ilovaga muvofiq oʻz kuchini yoʻqotgan deb hisoblansin

3. Mazkur Farmonning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

1. Oʻzbekiston Respublikasi Prezidentining 1999-yil 26-fevraldagi PF–2240-sonli Farmoni bilan tasdiqlangan Oʻzbekiston Respublikasida pasport tizimi toʻgʻrisidagi nizomning 31-bandidagi “haftasiga ikki marta” va “bir kun ichida” soʻzlari “har haftada” soʻzlari bilan almashtirilsin.

2. Oʻzbekiston Respublikasi Prezidentining “Oʻzbekiston Respublikasi energetikasida iqtisodiy islohotlarni chuqurlashtirish toʻgʻrisida” 2001-yil 22-fevraldagi PF–2812-sonli Farmoni 6-bandining beshinchi xatboshi chiqarib tashlansin.

3. Oʻzbekiston Respublikasi Prezidentining “Tadbirkorlik subyektlari tomonidan taqdim etiladigan hisobot tizimini takomillashtirish va uni noqonuniy talab etganlik uchun javobgarlikni kuchaytirish toʻgʻrisida” 2005-yil 15-iyundagi PQ–100-sonli qarori 6-bandining ikkinchi xatboshi quyidagi tahrirda bayon etilsin:

“buxgalterlik balansidan iborat moliyaviy hisobot — 1-shaklni va moliyaviy natijalar toʻgʻrisidagi hisobot — 2-shaklni — har yili;”.

4. Oʻzbekiston Respublikasi Prezidentining 2006-yil 24-maydagi PQ–357-sonli qarori bilan tasdiqlangan Tadbirkorlik subyektlarini davlat roʻyxatiga olish va hisobga qoʻyishning xabardor qilish tartibi toʻgʻrisidagi nizomda:

a) 10-bandining beshinchi xatboshi, 12-bandining beshinchi xatboshi va 13-bandining toʻrtinchi xatboshidagi “uch” soʻzlari “ikki” soʻzlari bilan almashtirilsin;

b) 26-bandning:

birinchi xatboshidagi “mazkur Nizomga 4-ilovada koʻrsatilgan shaklda muhr va shtamp tayyorlashga ruxsatnoma rasmiylashtiradi” soʻzlari “roʻyxatdan oʻtkazuvchi organ oʻz muhrini muhr va shtamp eskiziga bosish yoʻli bilan tasdiqlaydi hamda muhrlar va shtamplarni roʻyxatga olish kitobiga shu toʻgʻrisidagi tegishli yozuvni qayd etadi” soʻzlari bilan almashtirilsin;

ikkinchi xatboshidagi “muhr va shtamp tayyorlashga ruxsatnoma rasmiylashtirishi” soʻzlari “keyinchalik tasdiqlanishi” soʻzlari bilan almashtirilsin;

v) 27-bandda “tayyorlashga ruxsatnoma rasmiylashtirish” soʻzlari “eskizini tasdiqlash” soʻzlari bilan almashtirilsin;

g) 28-bandning:

ikkinchi xatboshi quyidagi tahrirda bayon etilsin:

“tadbirkorlik subyektlari — yuridik shaxslarga — mazkur Nizomning 6-ilovasida koʻrsatilgan shaklda yuridik shaxsning davlat roʻyxatidan oʻtkazilganligi haqidagi guvohnomani, “roʻyxatdan oʻtkazilgan” belgisi qoʻyilgan taʼsis hujjatlarini hamda roʻyxatdan oʻtkazuvchi organning muhri bilan tasdiqlangan muhr va shtamp eskizini beradi;

uchinchi xatboshidagi “muhr va shtamp tayyorlashga ruxsatnomani muhr va shtamp eskizi bilan” soʻzlari “roʻyxatdan oʻtkazuvchi organning muhri bilan tasdiqlangan muhr va shtamp eskizi” soʻzlari bilan almashtirilsin;

d) 30-bandning:

ikkinchi va uchinchi xatboshi quyidagi tahrirda bayon etilsin:

“yuridik shaxslar boʻyicha — davlat statistika organlari va davlat soliq xizmati organlariga;

yakka tartibdagi tadbirkorlar va yuridik shaxs boʻlmasdan tashkil etilgan dehqon xoʻjaliklari boʻyicha — davlat soliq xizmati organlariga”;

beshinchi xatboshidagi “roʻyxatdan oʻtkazuvchi organ tomonidan ichki ishlar organlariga yoʻq qilish uchun rasman taqdim etiladi” soʻzlari “roʻyxatdan oʻtkazuvchi organ tomonidan qonunchilikda belgilangan tartibda yoʻq qilinadi” soʻzlari bilan almashtirilsin;

oltinchi xatboshi chiqarib tashlansin;

e) 33-bandning oltinchi xatboshidagi “uch” soʻzi “ikki” soʻzi bilan almashtirilsin;

j) 34-bandning beshinchi xatboshidagi “muhr va shtamplarni tayyorlashga ruxsatnomalarni rasmiylashtirish” soʻzlari “muhr va shtamp eskizini tasdiqlash” soʻzlari bilan almashtirilsin;

z) Nizomning 2-ilovasida:

“Harakatlar” ustunining 4-bosqichidagi “Tayyorlashga ruxsatnoma rasmiylashtiradi” soʻzlari “eskizini tasdiqlaydi” soʻzlari bilan almashtirilsin;

“Harakatlar” ustuni 8-bosqichidagi “3. Muhr va shtampni yoʻq qilishni amalga oshiradi” soʻzlari chiqarib tashlansin;

i) 2a-ilovaning “Harakat:” ustuni 3-bosqichidagi “tayyorlashga ruxsatnomani rasmiylashtiradi” soʻzlari “eskizini tasdiqlaydi” soʻzlari bilan almashtirilsin;

k) Nizomning 4-ilovasi oʻz kuchini yoʻqotgan deb hisoblansin.

5. Oʻzbekiston Respublikasi Prezidentining “Rangli metall parchalari, chiqindilarini yigʻish, tayyorlash va qayta ishlash tizimini takomillashtirish toʻgʻrisida” 2006-yil 18-iyuldagi PQ–419-sonli qarorining 8-bandidagi “har chorak” soʻzlari chiqarib tashlansin.

6. Oʻzbekiston Respublikasi Prezidentining 2007-yil 16-martdagi PQ–605-sonli qarori bilan tasdiqlangan Alkogolli mahsulotlar bilan chakana savdo qilish huquqini beradigan ruxsat guvohnomasini berish tartibi toʻgʻrisidagi nizomning 14-bandi quyidagi tahrirdagi ikkinchi xatboshi bilan toʻldirilsin:

“Ruxsat guvohnomasini berish toʻgʻrisidagi arizani takroran koʻrib chiqishda, mazkur guvohnomani berishni rad etish toʻgʻrisidagi qarorda avval koʻrsatilmagan yangi asoslar boʻyicha ruxsat guvohnomasini berishni rad etishga yoʻl qoʻyilmaydi”.

7. Oʻzbekiston Respublikasi Prezidentining 2007-yil 4-apreldagi PQ–615-sonli qarori bilan tasdiqlangan Auditorlik tashkilotlari toʻgʻrisidagi nizomning 21-bandi oʻn yettinchi xatboshidagi “yarim yilda” soʻzi “bir yilda” soʻzi bilan almashtirilsin.

8. Oʻzbekiston Respublikasi Prezidentining 2007-yil 10-apreldagi PQ–618-sonli qarori bilan tasdiqlangan Sugʻurta bozorining professional qatnashchilari toʻgʻrisidagi nizomning 45-bandi quyidagi tahrirda bayon etilsin:

“45. Sugʻurta bozorining sugʻurtalovchilarini va boshqa professional qatnashchilarini qayta tashkil etish va tugatish qonun hujjatlarida belgilangan tartibda amalga oshiriladi.

Sugʻurtalovchilarni qayta tashkil etish Oʻzbekiston Respublikasi Moliya vazirligining ruxsati bilan amalga oshiriladi”.

9. Oʻzbekiston Respublikasi Prezidentining 2007-yil 27-apreldagi PQ–630-sonli qarori bilan tasdiqlangan Tadbirkorlik subyektlarini ixtiyoriy tugatish va ularning faoliyatini toʻxtatish tartibi toʻgʻrisidagi nizomning:

a) 1-bandida:

toʻrtinchi xatboshi chiqarib tashlansin;

beshinchi va oltinchi xatboshilar tegishli ravishda toʻrtinchi va beshinchi xatboshilar deb hisoblansin;

b) 18-bandidagi “ichki ishlar” soʻzi chiqarib tashlansin;

v) 19-bandi oʻz kuchini yoʻqotgan deb hisoblansin;

g) 36-bandining uchinchi xatboshi quyidagi tahrirda bayon etilsin:

“tugatilgan korxonaning muhr va shtamplarini yoʻq qiladi”;

d) 44-bandidagi “ichki ishlar” soʻzlari chiqarib tashlansin;

e) 45-bandi oʻz kuchini yoʻqotgan deb hisoblansin;

j) 51-bandining uchinchi xatboshi quyidagi tahrirda bayon etilsin:

“tugatilgan korxonaning muhr va shtamplarini yoʻq qiladi”;

z) 58-bandining uchinchi xatboshi quyidagi tahrirda bayon etilsin:

“faoliyatini toʻxtatgan tadbirkorlik subyekti — jismoniy shaxsning (mavjud boʻlsa) muhr va shtamplarini yoʻq qiladi”.

10. Oʻzbekiston Respublikasi Prezidentining 2007-yil 7-iyundagi PQ–649-sonli qarori bilan tasdiqlangan Yer qaʼri uchastkalaridan foydalanish huquqini berish tartibi va shartlari toʻgʻrisidagi nizomning:

a) 21-bandi quyidagi tahrirda bayon etilsin:

“21. Foydali qazilmalarni kavlab olish bilan bogʻliq boʻlmagan yer qaʼri uchastkasidan foydalanish huquqini beradigan litsenziya faqat Davlat ekologiya ekspertizasining ijobiy xulosasi mavjud boʻlgan taqdirdagina berilishi mumkin.

Chiqindilarni saqlash va koʻmib tashlash maqsadida yer osti inshootlarini qurish va ulardan foydalanishga yer qaʼri uchastkasidan foydalanish huquqini beradigan litsenziyani berish uchun shuningdek, foydalanishga beriladigan yer qaʼri uchastkalari boʻyicha geologik materiallarni davlat ekspertizasidan oʻtkazish natijalariga koʻra Oʻzbekiston Respublikasi Vazirlar Mahkamasi huzuridagi foydali qazilmalar zaxiralari Davlat komissiyasining (keyingi oʻrinlarda — Oʻzbekiston Respublikasi Vazirlar Mahkamasi huzuridagi ZDK deb yuritiladi) ijobiy xulosasi ham mavjud boʻlishi zarur”;

b) 117-bandi:

quyidagi mazmundagi beshinchi xatboshi bilan toʻldirilsin:

“Yer qaʼri uchastkalaridan foydalanish huquqidan voz kechish takroran kelishib olinishida, mazkur kelishuvni rad etish toʻgʻrisidagi qarorda avval koʻrsatilmagan yangi asoslar boʻyicha yer qaʼri uchastkasidan foydalanish huquqidan voz kechishning kelishib olinishini rad etishga yoʻl qoʻyilmaydi”;

beshinchi xatboshi oltinchi xatboshi deb hisoblansin.

11. Oʻzbekiston Respublikasi Prezidentining 2008-yil 24-apreldagi PQ–843-sonli qarori bilan tasdiqlangan Baholovchi . tashkilotlar va baholovchilar toʻgʻrisidagi nizomning 25-bandi oʻn beshinchi xatboshidagi “yarim yilda bir marta” soʻzlari “bir yilda bir marotaba” soʻzlari bilan almashtirilsin.

1. Oʻzbekiston Respublikasi Prezidentining “Respublikada veksel muomalasini tartibga solish borasidagi chora-tadbirlar toʻgʻrisida” 1997-yil 19-martdagi PF–1738-sonli Farmoni.

2. Oʻzbekiston Respublikasi Prezidentining “Tadbirkorlik faoliyati yuritish uchun ruxsatnoma turlarini qisqartirish va ularni berish tartib-qoidalarini soddalashtirish toʻgʻrisida” 2005-yil 21-sentabrdagi PQ–186-sonli qarori 1-ilovasining 5 va 6-bandlari hamda 2-ilovasining 5 va 6-bandlari.

3. Oʻzbekiston Respublikasi Prezidentining “2008/2009 oʻquv yilida Oʻzbekiston Respublikasining oliy taʼlim muassasalariga qabul toʻgʻrisida” 2008-yil 19-maydagi PQ–868-sonli qarorining 5-bandi.*