LexUZ sharhi
Mazkur qaror O‘zbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qo‘mitasi, Mehnat va aholini ijtimoiy muhofaza qilish vazirligi va Moliya vazirligining 2013-yil 21-yanvardagi 1, 4-q/q, 7-sonli “Vazirlar Mahkamasining 2009-yil 18-avgustdagi 233-son qarori bilan tasdiqlangan budjet mablag‘lari hisobiga fundamental, amaliy tadqiqotlar va innovatsion ishlarning ilmiy-texnika dasturlarini amalga oshirishda qatnashuvchi ilmiy-tadqiqot muassasalari ilmiy va rahbar xodimlarining bazaviy lavozim maoshlari miqdorlariga o‘zgartirishlar kiritish to‘g‘risida”gi qaroriga (ro‘yxat raqami 2423, 05.02.2013-y.) asosan o‘z kuchini yo‘qotgan.
O‘zbekiston Respublikasi Prezidentining 2012-yil 5-iyuldagi PF-4450-son “Ish haqi, pensiyalar, stipendiyalar va ijtimoiy nafaqalar miqdorini oshirish to‘g‘risida”gi Farmoni (O‘zbekiston Respublikasi qonun hujjatlari to‘plami, 2012-y., 28-son, 308-modda) hamda O‘zbekiston Respublikasi Vazirlar Mahkamasining 2009-yil 18-avgustdagi 233-son “Ilmiy xodimlar mehnatini yanada rag‘batlantirish chora-tadbirlari to‘g‘risida”gi qarorini (O‘zbekiston Respublikasi qonun hujjatlari to‘plami, 2009-y., 34-son, 370-modda) bajarish maqsadida O‘zbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qo‘mitasi, Mehnat va aholini ijtimoiy muhofaza qilish vazirligi hamda Moliya vazirligi qaror qiladi:
1. Vazirlar Mahkamasining 2009-yil 18-avgustdagi 233-son qarori bilan tasdiqlangan Budjet mablag‘lari hisobiga fundamental, amaliy tadqiqotlar va innovatsion ishlarning ilmiy-texnika dasturlarini amalga oshirishda qatnashuvchi ilmiy-tadqiqot muassasalari ilmiy va rahbar xodimlarining bazaviy lavozim maoshlari miqdorlariga o‘zgartirishlar kiritilib, ilovaga muvofiq tasdiqlansin.
2. Budjet mablag‘lari hisobiga fundamental, amaliy tadqiqotlar va innovatsion ishlarning ilmiy-texnika dasturlarini amalga oshirishda qatnashuvchi ilmiy-tadqiqot va ta’lim muassasalari 2012-yil 1-avgustdan ilmiy va rahbar xodimlarning bazaviy lavozim maoshlari miqdorlari o‘zgarganligini hisobga olib ish haqlarini qayta hisoblab to‘lanishini ta’minlasinlar.
3. O‘zbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qo‘mitasi, Mehnat va aholini ijtimoiy muhofaza qilish vazirligi va Moliya vazirligining 2011-yil 21-dekabrdagi 9, 80, 85-son “Vazirlar Mahkamasining 2009-yil 18-avgustdagi 233-son qarori bilan tasdiqlangan Budjet mablag‘lari hisobiga fundamental, amaliy tadqiqotlar va innovatsion ishlarning ilmiy-texnika dasturlarini amalga oshirishda qatnashuvchi ilmiy-tadqiqot muassasalari ilmiy va rahbar xodimlarining bazaviy lavozim maoshlari miqdorini o‘zgartirish to‘g‘risida”gi (ro‘yxat raqami 2308, 2012-yil 4-yanvar) (O‘zbekiston Respublikasi qonun hujjatlar to‘plami, 2012-y., 1-son, 10-modda) qarori o‘z kuchini yo‘qotgan deb hisoblansin.
4. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgach kuchga kiradi.
O‘zbekiston Respublikasi Vazirlar Mahkamasi huzuridagi Fan va texnologiyalarni rivojlantirishni muvofiqlashtirish qo‘mitasi, Mehnat va aholini ijtimoiy muhofaza qilish vazirligi hamda Moliya vazirligining 2012-yil 21-avgustdagi 8, 48, 60-son qaroriga
ILOVA
ILOVA
T/r | Lavozimlarning nomi | Bazaviy lavozim |
1. | Institut direktori | |
professor | 1118449 | |
fan doktori | 1073010 | |
fan nomzodi | 1027819 | |
2. | Direktorning ilmiy ishlar bo‘yicha o‘rinbosari, institut va boshqa ilmiy muassasalar filialining direktori | |
professor | 1027819 | |
fan doktori | 991302 | |
fan nomzodi | 946953 | |
3. | Institutning ilmiy kotibi, Ilmiy-tadqiqot laboratoriyasi (bo‘limi) mudiri | |
fan doktori yoki professor | 991302 | |
katta ilmiy xodim yoki dotsent ilmiy unvoniga ega bo‘lgan fan nomzodi | 946953 | |
ilmiy unvonga ega bo‘lmagan fan nomzodi | 910682 | |
4. | Filial va boshqa ilmiy muassasalar direktorining ilmiy ishlar bo‘yicha o‘rinbosari | |
fan doktori yoki professor | 946953 | |
katta ilmiy xodim yoki dotsent ilmiy unvoniga ega bo‘lgan fan nomzodi | 910682 | |
ilmiy unvonga ega bo‘lmagan fan nomzodi | 874208 | |
5. | Bosh ilmiy xodim | |
professor ilmiy unvoniga ega bo‘lgan fan doktori | 946953 | |
katta ilmiy xodim yoki dotsent ilmiy unvoniga ega bo‘lgan fan doktori | 910682 | |
ilmiy unvonga ega bo‘lmagan fan doktori | 874208 | |
6. | Etakchi ilmiy xodim | |
ilmiy unvonga ega bo‘lgan fan doktori | 910682 | |
ilmiy unvonga ega bo‘lmagan fan doktori | 874208 | |
ilmiy unvonga ega bo‘lgan fan nomzodi | 831064 | |
7. | Katta ilmiy xodim | |
ilmiy unvonga ega bo‘lgan fan nomzodi | 831064 | |
ilmiy unvonga ega bo‘lmagan fan nomzodi | 788412 | |
ilmiy darajaga ega bo‘lmagan | 746709 | |
8. | Kichik ilmiy xodim | |
fan nomzodi | 788412 | |
ilmiy darajaga ega bo‘lmagan (2 yildan ortiq ilmiy faoliyat tajribasiga ega bo‘lgan) | 746709 | |
ilmiy darajaga ega bo‘lmagan (2 yilgacha ilmiy faoliyat tajribasiga ega bo‘lgan) | 705353 | |
9. | Tajriba orttiruvchi tadqiqotchi | 622340 |