Oʻzbekiston Respublikasi Vazirlar Mahkamasining 2004-yil 26-fevraldagi 90-son qarori (Oʻzbekiston Respublikasi Hukumati qarorlari toʻplami, 2004-y., 2-son, 17-modda) bilan tasdiqlangan Oʻzbekiston Respublikasi Parvozlar xavfsizligini nazorat qilish davlat inspeksiyasi toʻgʻrisidagi nizomga muvofiq buyuraman:

1. Oʻzbekiston Respublikasi Parvozlar xavfsizligini nazorat qilish davlat inspeksiyasi boshligʻining 2007-yil 12-sentabrdagi 141-son “Oʻzbekiston Respublikasi samoviy hududida “Fuqaro va eksperimental aviatsiyasining parvoz qilish qoidalarini” (OʻzR AQ-91) tasdiqlash toʻgʻrisida”gi buyrugʻiga (roʻyxat raqami 1723, 2007-yil 29-sentabr) (Oʻzbekiston Respublikasi qonun hujjatlari toʻplami, 2007-y, 41-42-son, 420-modda) ilovaga muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

1. Buyruqda:

a) buyruqning nomi quyidagi tahrirda bayon etilsin:

“Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalarini (OʻzR AQ-91) tasdiqlash toʻgʻrisida”;

b) 1-band quyidagi tahrirda bayon etilsin:

“1. Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalari (OʻzR AQ-91) ilovaga muvofiq tasdiqlansin.”.

2. Qoidalarda:

a) qoidalarning nomi quyidagi tahrirda bayon etilsin:

“Oʻzbekiston Respublikasi samoviy hududida fuqaro va eksperimental aviatsiyasining parvoz qilish aviatsiya qoidalari (OʻzR AQ-91)”;

b) muqaddima quyidagi tahrirda bayon etilsin:

“Mazkur Qoidalar Oʻzbekiston Respublikasining Havo kodeksi (Oʻzbekiston Respublikasi Oliy Kengashining Axborotnomasi, 1993-yil, 6-son, 247-modda), Oʻzbekiston Respublikasi Vazirlar Mahkamasining 2012-yil 18-apreldagi 114-son qarori bilan tasdiqlangan Oʻzbekiston Respublikasi samoviy hududidan foydalanish toʻgʻrisidagi nizom, Xalqaro standartlarga (Xalqaro FAsi toʻgʻrisidagi Konvensiyaga 2, 6-ilovalar, 1944-y.) muvofiq Oʻzbekiston Respublikasi samoviy hududida fuqaro va eksperimental aviatsiyasi parvoz qilish aviatsiya qoidalarini qoʻllash tartibini belgilaydi.”;

v) 3-band “yoʻnalishlar va aerodromlar” degan soʻzlardan keyin “eksperimental aviatsiya aerodromlari va hamkorlikda foydalanish (joylashish) aerodromlari” degan soʻzlar bilan toʻldirilsin;

g) 53-banddagi “1997-yil 12-dekabrda 549-son qarori bilan tasdiqlangan Oʻzbekiston Respublikasi samoviy hududidan foydalanish toʻgʻrisidagi nizom” degan soʻzlar “2012-yil 18-apreldagi 114-son qarori bilan tasdiqlangan Oʻzbekiston Respublikasi samoviy hududidan foydalanish toʻgʻrisidagi nizom” degan soʻzlar bilan almashtirilsin;

d) 143-banddagi “1997-yil 12-dekabrda 549-son qarori bilan tasdiqlangan Oʻzbekiston Respublikasi samoviy hududidan foydalanish toʻgʻrisidagi nizomda” degan soʻzlar “2012-yil 18-apreldagi 114-son qarori bilan tasdiqlangan Oʻzbekiston Respublikasi samoviy hududidan foydalanish toʻgʻrisidagi nizomda” degan soʻzlar bilan almashtirilsin;

e) 155-band quyidagi tahrirda bayon etilsin:

“155. Havo transporti qatnoviga xizmat koʻrsatish Oʻzbekiston Respublikasining Havo kodeksi, Oʻzbekiston Respublikasi Vazirlar Mahkamasining 2012-yil 18-apreldagi 114-son qarori bilan tasdiqlangan Oʻzbekiston Respublikasi samoviy hududidan foydalanish toʻgʻrisidagi nizom, Oʻzbekiston Respublikasining Fuqaro aviatsiyasida havo transporti qatnoviga xizmat koʻrsatish Aviatsiya qoidalari (Oʻz R AQ-71) (roʻyxat raqami 2194, 2011-yil 10-fevral), (Oʻzbekiston Respublikasi qonun hujjatlari toʻplami 2011-y., 6-son, 55-modda) va ushbu Qoidalar talablariga muvofiq tashkil etiladi.”;

j) 157-band quyidagi tahrirda bayon etilsin:

“157. Quyidagilar HXXK ning vazifalari boʻlib hisoblanadi:

a) nazorat qilinadigan samoviy hududdagi HKlarning oʻzaro toʻqnashuvini oldini olish;

b) manyovrlash maydonida HKlari bilan ushbu maydonda mavjud boʻlgan toʻsiqlar oʻrtasidagi toʻqnashuvlarni oldini olish;

v) havo transporti qatnovi oqimini tezlashtirish va bir maromda tartibga solish;

g) parvozlarning amalga oshirilishi xavfsizligini va samaradorligini taʼminlash uchun zarur boʻlgan konsultatsiya va maʼlumotlarni taqdim etish;

d) qidiruv-qutqaruv xizmatlari yordamiga muhtoj boʻlgan HKlari toʻgʻrisida tegishli tashkilotlarga xabar berish, bunday tashkilotlarga zarur yordam koʻrsatish.”;

z) 179-banddagi “FAsida aeronavigatsiya”ga (Oʻzbekiston Respublikasi AQ-93) (AQ AN FA-2003)” degan soʻzlar “Fuqaro aviatsiyasidagi aeronavigatsiya”ga (Adliya vazirligining 2011-yil 8-noyabrdagi 24/14-11046/6-son xulosasi bilan texnik hujjat deb topilgan)” degan soʻzlar bilan almashtirilsin;

i) 202-banddagi “(Oʻzbekiston Respublikasi AQ-153) va Oʻzbekiston Respublikasining Aviatsiya qoidalari “Oʻzbekiston Respublikasi FAsi havo transporti harakatini tashkil qilish va unga xizmat koʻrsatish” (Oʻzbekiston Respublikasi AQ-71)” degan soʻzlar “(OʻzR AQ-153) (Adliya vazirligining 2010-yil 21-iyuldagi 6-24/23-6084/6-son xulosasi bilan texnik hujjat deb topilgan)” degan soʻzlar bilan almashtirilsin;

k) 295-bandning “a” kichik bandidagi “6000 metr va undan past boʻlgan eshelondagi” degan soʻzlar “6100 metrdan past (eshelon raqami 200)” degan soʻzlar bilan almashtirilsin;

l) 342-band oʻz kuchini yoʻqotgan deb topilsin;

m) 374-bandning “a” kichik bandidagi “30 km boʻlishi kerak” degan soʻzlar “kamida 30 km, HHB avtomatlashtirilgan tizimi yoki avtomatlashtirilgan ish joylaridan foydalanganda — kamida 20 km” degan soʻzlar bilan almashtirilsin;

n) 375, 376 va 377-bandlar quyidagi tahrirda bayon etilsin:

“375. UPQ boʻyicha parvozlarda radiolokatsion nazorat qoʻllanilganda boʻylama eshelonlashning minimal intervallari quyidagicha boʻlishi lozim:

a) bitta eshelonda (balandlikda) bitta yoʻnalishda ketayotgan havo kemalari oʻrtasida;

rayon dispetcherlik xizmatida (HXXK yoʻnalishlarida va ulardan tashqari yoʻnalishlarda) kamida 30 km, HHB avtomatlashtirilgan tizimi yoki avtomatlashtirilgan ish joylaridan foydalanilganda — kamida 20 km;

yaqinlashish dispetcherlik xizmatida (aerodrom hududida (yaqinlashish zonasida)) — kamida 20 km, HHB avtomatlashtirilgan tizimi yoki avtomatlashtirilgan ish joylaridan foydalanilganda — kamida 10 km;

aerodrom dispetcherlik xizmatida (uchish va qoʻnish zonasida) 136 tonna va undan ortiq uchish ogʻirligiga ega boʻlgan havo kemalaridan keyin hamma boshqa havo kemalari uchun — 10 km. Boshqa barcha holatlarda — 5 km;

b) havo kemalari orasida boshqa havo kemasi band qilib turgan qarama-qarshi eshelonni (balandlikni) kesib oʻtish chogʻida:

rayon dispetcherlik xizmatida (yoʻnalishlarda va yoʻnalishlardan tashqari) kesib oʻtish chogʻida kamida 30 km 10 kilometrli yonlama intervalga rioya etgan holda, HHB avtomatlashtirilgan tizimi yoki avtomatlashtirilgan ish joylaridan foydalanilganda — kamida 30 km, XK ajrashish vaqtida oʻrnatilgan vertikal eshelonlar intervallarini taʼminlash sharti bilan;

yaqinlashishga dispetcherlik xizmatida (aerodrom, yaqinlashish zonasida) — kamida 30 km, HHB avtomatlashtirilgan tizimi yoki avtomatlashtirilgan ish joylaridan foydalanilganda — kamida 20 km, XK XK ajrashish vaqtida oʻrnatilgan vertikal eshelonlar intervallarini taʼminlash sharti bilan;

aerodrom dispetcherlik xizmatida (uchish va qoʻnish zonasida) kamida 20 km, HHB avtomatlashtirilgan tizimi yoki avtomatlashtirilgan ish joylaridan foydalanilganda — kamida 30 km — kamida 15 km, XK ajrashish vaqtida oʻrnatilgan vertikal eshelonlar intervallarini taʼminlash sharti bilan;

v) havo kemalari orasida boshqa havo kemasi band qilib turgan yoʻldosh eshelonni (balandlikni) kesib oʻtish chogʻida;

rayon dispetcherlik xizmatida (HXXK yoʻnalishlarida va ulardan tashqari yoʻnalishlarda) va yaqinlashish dispetcherlik xizmatida (aerodrom, yaqinlashish zonasida) — kamida 20 km, HHB avtomatlashtirilgan tizimi yoki avtomatlashtirilgan ish joylaridan foydalanilganda — kamida 10 km kesib oʻtish chogʻida;

aerodrom dispetcherlik xizmatda (uchish va qoʻnish zonasida) kamida 10 km kesib oʻtish chogʻida;

g) bitta eshelonda (balandlikda) kesishadigan yoʻnalishlar boʻylab ketayotgan havo kemalari oʻrtasida (kesishish burchaklari 45°dan 135°gacha va 225°dan 315°gacha boʻlganda), shuningdek kesishish (balandlik) boshqa havo kemasi bilan band boʻlgan eshelonni kesib oʻtishda;

rayon dispetcherlik xizmatida (HXXK yoʻnalishlarida va ulardan tashqari yoʻnalishlarda) — kamida 40 km, HHB avtomatlashtirilgan tizimi yoki avtomatlashtirilgan ish joylaridan foydalanilganda — kamida 30 km;

yaqinlashish dispetcherlik xizmatida (aerodrom, yaqinlashish zonasida) — kamida 30 km, HHB avtomatlashtirilgan tizimi yoki avtomatlashtirilgan ish joylaridan foydalanilganda — kamida 20 km;

aerodrom dispetcherlik xizmatida (uchish va qoʻnish zonasida) kamida — 10 km.

376. UPQ boʻyicha parvozlarda radiolokatsion nazorat usuli qoʻllanilmaganda havo kemalari oʻrtasida minimal vaqt intervallari quyidagicha boʻlishi lozim:

a) bitta yoʻnalishda va bitta eshelonda (balandlikda) boʻlganda:

rayon dispetcherlik xizmatida (HXXK yoʻnalishlarida va ulardan tashqari yoʻnalishlarda), yaqinlashish dispetcherlik xizmatida (aerodrom, yaqinlashish zonasida) — 10 daqiqa;

aerodrom dispetcherlik xizmatida (uchish va qoʻnish zonasida) qoʻnishni boshlash boʻyicha manevr bajarilayotganda — 3 daqiqa;

b) boshqa havo kemasi bilan band yoʻldosh yoki qarama-qarshi eshelonni (balandlikni) kesib oʻtish chogʻida kamida 10 daqiqa.

377. UPQ boʻyicha parvozlarda radiolokatsion nazorat usuli qoʻllanilmaganda, bitta eshelonda (balandlikda) kesishadigan yoʻnalishlar boʻylab ketayotgan havo kemalari oʻrtasida (kesishish burchaklari 45°dan 135°gacha va 225°dan 315°gacha boʻlganda), boshqa XK yoʻnalishini kesib oʻtish chogʻida minimal vaqt intervali kamida 10 daqiqa boʻlishi lozim.”;

o) 379 va 380-bandlar quyidagi tahrirda bayon etilsin:

“379. VPQ boʻyicha bitta balandlikdagi parvozlarda yonlama eshelonlashning minimal intervallari:

a) oldinda ketayotgan havo kemasini quvib oʻtishda — 500 metr;

b) qarama-qarshi kelayotgan havo kemasi parvozida kamida — 2 km;

v) quyi eshelondan past MHY boʻyicha parvozlardagi ajratilgan yoʻnalishlarda — 5 km.

380. UPQ boʻyicha parvozlarda, radiolokatsion nazorat qoʻllanilganda yonlama eshelonlashtirishning minimal intervallari quyidagicha boʻlishi lozim:

a) yoʻldosh havo kemasi bilan band boʻlgan eshelonni (balandlikni) kesib oʻtish chogʻida:

rayon dispetcherlik xizmatida (havo trassalarida, zonal navigatsiya yoʻnalishlarda, MHY va ulardan tashqari yoʻnalishlarda) va yaqinlashish dispetcherlik xizmatida (aerodrom (yaqinlashish zonasida) — kamida 10 km kesib oʻtish chogʻida;

aerodrom dispetcherlik xizmati (uchish va qoʻnish zonasida) kamida 10 km, HHB avtomatlashtirilgan tizimi yoki avtomatlashtirilgan uskunalar kompleksidan foydalanilganda — kamida 5 km;

b) boshqa havo kemasi band qilib turgan qarama-qarshi eshelonni (balandlikni) kesib oʻtish chogʻida:

rayon dispetcherlik xizmatida (havo trassalarida, zonal navigatsiya yoʻnalishlarda, MHY va ulardan tashqari yoʻnalishlarda) kamida — 10 km, 30 kilometrli boʻylama intervalga rioya etgan holda, HHB avtomatlashtirilgan tizimi yoki avtomatlashtirilgan uskunalar kompleksidan foydalanilganda — kamida 10 km kesib oʻtish chogʻida;

yaqinlashish dispetcherlik xizmatida (aerodrom (yaqinlashish zonasida) va aerodrom dispetcherlik xizmati (uchish va qoʻnish zonasida) kamida 10 km kesib oʻtish chogʻida;

v) parallel havo trassalarining oʻqlari oʻrtasida masofa kamida 50 km boʻlishi lozim.”;

p) 414-band quyidagi tahrirda bayon etilsin:

“414. Oʻzbekiston Respublikasining chegara oldi polosasining samoviy hududiga quruqlik va suv ustida joylashgan Oʻzbekiston Respublikasi Davlat chegarasiga tutashgan kengligi 25 km boʻlgan samoviy hudud kiradi.”;

r) 418-band quyidagi tahrirda bayon etilsin:

“418. Chegara oldi polosa samoviy hududida parvozlarni amalga oshirishda belgilangan yoʻnalishdan chetga chiqishga yoʻl qoʻyilmaydi, parvoz xavfsizligini taʼminlash xollari bundan mustasno. Agar havo kemasi HXXK yoʻnalishidan yoki koʻzda tutilgan yoʻnalishdan bilmagan holda chetga chiqib ketsa, HXXK organlari Oʻzbekiston Respublikasi Davlat chegaralarini buzish holatini oldini olish uchun zarur choralarni koʻrishlari va eng yaqin havo hujumidan mudofaa organini darhol xabardor qilishlari lozim.”;

s) 449-band quyidagi tahrirda bayon etilsin:

“449. Havo kemasining sahnida chekish man etiladi.”;

t) 451-band quyidagi tahrirda bayon etilsin:

“451. Uchish va qoʻnish paytida yoʻlovchilar saloni va avariya chiqish joylari orasida joylashgan pardalar ochilgan va mahkamlangan holatda boʻlishi shart.”;

u) 518-bandning birinchi xatboshi quyidagi tahrirda bayon etilsin:

“HXXK dispetcheri HK ekipajiga toifasiz minimum bilan aniq tizim boʻyicha va noaniq tizim boʻyicha qoʻnishga kirayotganda quyidagi hollarda oʻtish eshelonidan pasayishga ruxsat beradi:”;

f) 522-bandning “d” kichik bandi “ekipaj” soʻzidan keyin “QQBgacha” soʻzi bilan toʻldirilsin;

x) 829-band quyidagi tahrirda bayon etilsin:

“829. Oʻzbekiston Respublikasi Davlat chegarasini havo kemalarida kesib oʻtish quyidagicha amalga oshiradi:

a) aeronavigatsiya maʼlumotlari hujjatlarida koʻrsatilgan Oʻzbekiston Respublikasi Davlat chegarasini kesib oʻtish nuqtalaridan;

b) Hukumatlararo bitimlarida belgilangan havo koridorlari boʻyicha.”;

ts) 830-bandning “b” kichik bandining beshinchi xatboshisidagi “1997-yil 12-dekabrdagi 549-son qarori bilan tasdiqlangan Oʻzbekiston Respublikasi havo kengliklaridan foydalanish toʻgʻrisidagi nizom” degan soʻzlar “2012-yil 18-apreldagi 114-son qarori bilan tasdiqlangan Oʻzbekiston Respublikasi samoviy hududidan foydalanish toʻgʻrisidagi nizom” degan soʻzlar bilan almashtirilsin;

ch) 853-band quyidagi tahrirda bayon etilsin:

“853. Xalqaro parvozlar uchun ruxsatga ega uchuvchilar tarkibi umumiy va IKAO shkalasining 4 (toʻrtinchi)-darajasidan kam boʻlmagan aviatsiya ingliz tilini bilishi hamda tegishli sertifikatlarga ega boʻlishi shart.”;

sh) 876-band quyidagi tahrirda bayon etilsin:

“876. IKAO qoidalariga asosan xalqaro havo yoʻllarida eshelonlashning yarim aylana va kvadpant tizimi qoʻllaniladi. U yoki bu davlatda qoʻllanadigan eshelonlashning tizimi toʻgʻrisida maʼlumotlar davlat aeronavigatsiya axborotlari toʻplamida (AIP) eʼlon qilinadi.”;

e) 877-band quyidagi tahrirda bayon etilsin:

“877. Oʻzbekiston Respublikasi va boshqa qoʻshni davlatlar eshelonlash tizimi turlicha boʻlgan hollarda, qarama-qarshi havo kemalari oʻrtasida vertikal eshelonlashning intervallari majburiy taʼminlangan holda, Oʻzbekiston Respublikasining Davlat chegarasiga kamida 30 km qolganda eshelonlar almashtiriladi.”;

yu) 879 — 886-bandlar quyidagi tahrirda bayon etilsin:

“879. HK ekipaji Oʻzbekiston Respublikasi havo hududiga uchib kirishidan oldin Oʻzbekiston Respublikasi Davlat chegarasini kesib oʻtishdan kamida 10 daqiqa oldin HXXK organiga oʻzining pozivnoyini, ikkilamchi obzorga oid radiolokator javobgarining kodi, Oʻzbekiston Respublikasi chegaralarini kesib oʻtishning parvoz esheloni (balandlik) va hisoblangan vaqtini maʼlum qiladi.

880. Oʻzbekiston Respublikasi va chegaradosh davlatning HXXK organlari bilan toʻgʻridan-toʻgʻri erda aloqa kanallari mavjud boʻlgan taqdirda va boʻlmaganda Oʻzbekiston Respublikasi chegaralarini kesib oʻtishga ruxsat berish yoʻriqlari HXXK markazlari oʻrtasidagi bitimlarda koʻrsatiladi.

881. Xalqaro parvozlar amalga oshirilayotganda Oʻzbekiston Respublikasi Davlat chegarasini kesib oʻtish Oʻzbekiston Respublikasi Havo kodeksi talablariga muvofiq Oʻzbekiston Respublikasi parvozlar xavfsizligini nazorat qilish Davlat inspeksiyasi va Oʻzbekiston Respublikasi Tashqi ishlar vazirligi tomonidan berilgan ruxsatnomalar asosida amalga oshiriladi.

882. Oʻzbekiston Respublikasi Davlat chegarasini radioaloqasiz kesib oʻtish havo kemalariga man etiladi, radioaloqaning parvozda uzilib qolishi bundan mustasno. Agar havo kemasi ruxsat berilgan tranzit parvozini amalga oshirayotgan boʻlsa (davlatning qoʻnish amalga oshirilmaydigan parvoz) yoki parvozni oxirgi nuqtasi Oʻzbekiston Respublikasi hududida boʻlsa, unga tayinlangan aeroportgacha parvozi uchun yoki berilgan parvoz rejasiga muvofiq zaxiradagi aerodromga qoʻnishi uchun eng koʻp qulaylik berish tartibi taqdim etiladi.

883. Agar Oʻzbekiston Respublikasi Davlat chegarasini belgilanmagan havo koridorlari (Davlat chegarasini kesib oʻtish nuqtasi) orqali kesib oʻtish zarur boʻlsa Oʻzbekiston Respublikasi HXXK organlari qoʻshni davlatlarning HXXK organlari bilan Oʻzbekiston Respublikasi Davlat chegarasini kesib oʻtish sharoitlarini kelishib oladilar.

884. Avariya, tabiiy ofat, havo kemasining ekipaj aʼzolari yoki yoʻlovchilariga tez tibbiy yordam koʻrsatish, HK va yoʻlovchilarning xavfsizligini taʼminlash, ekipaj harakatlariga noqonuniy aralashuv kabi holatlarda Oʻzbekiston Respublikasi samoviy hududiga majburiy kirish Oʻzbekiston Respublikasi Davlat chegarasini kesib oʻtish tartibini buzish deb hisoblanmaydi.

885. Oʻzbekiston Respublikasi Davlat chegarasini kesib oʻtishga majbur boʻlgan holatlarda HK komandiri, bu haqda darhol HXXK organiga xabar berishi lozim hamda keyin ushbu organning koʻrsatmalariga muvofiq harakat qilishi lozim. Oʻzbekiston Respublikasi HXXK organi bu haqda samoviy hududdan foydalanish va boshqarish rayon markazining harbiy boʻlimini va havo mudofaasi qoʻshinlari organini darhol xabardor qiladi.

886. Agar xalqaro parvozni bajarayotgan havo kemasi, Oʻzbekiston Respublikasi Davlat chegarasini kesib oʻtgandan keyin parvozni davom ettira olmasa va havo kemasi ekipaji uchgan aerodromiga qaytishga qaror qilsa, Oʻzbekiston Respublikasi Davlat chegarasini qayta kesib oʻtish odatda kirib kelgan yoʻnalish boʻyicha bajariladi.”;

ya) 888-band quyidagi tahrirda bayon etilsin:

“888. Oʻzbekiston Respublikasi Davlat chegarasini yoki Oʻzbekiston Respublikasining samoviy hududidan foydalanish qoidalarini buzgan HK qoidabuzar HK deb topiladi va agar HXXK organlari talablariga boʻysunmasa majburan qoʻndiriladi.”;

oʻ) 993-bandning “b” kichik bandi oʻz kuchini yoʻqotgan deb topilsin;

q) 1006-band quyidagi tahrirda bayon etilsin:

“1006. Parvozlarni bajarishda, shuningdek tegishli sinov va oʻquv parvozlari uchun yoʻriqnomada nazarda tutilgan boʻlsa, ekipajning barcha aʼzolari va parvozda ishtirok etuvchi barcha shaxslar, xavfsizlik jihozlari bor parashyutlarga ega boʻlishlari shart.”.

3. Mazkur Qoidalar Oʻzbekiston Respublikasi Mudofaa vazirligi, Oʻzbekiston Respublikasi Vazirlar Mahkamasi huzuridagi gidrometeorologiya xizmati Markazi, “Oʻzbekiston havo yoʻllari” MAK bilan kelishilgan: