Oʻzbekiston Respublikasi Vazirlar Mahkamasining 2010-yil 31-dekabrdagi 325-son “Oʻzbekiston Respublikasida avtomototransport vositalarini boshqarish huquqini berish, haydovchilarni tayyorlash va qayta tayyorlash tartibini takomillashtirish choralari toʻgʻrisida” 2006-yil 2-avgustdagi 156-son qaroriga oʻzgartirish va qoʻshimchalar kiritish haqida (Oʻzbekiston Respublikasi Prezidentining 2010-yil 19-avgustdagi PQ–1392-son qarori) qarori”ga (Oʻzbekiston Respublikasi qonun hujjatlari toʻplami, 2010-y., 52-son, 525-modda) muvofiq Oʻzbekiston avtomobil va daryo transporti agentligi, Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlim markazi va Ichki ishlar vazirligi qaror qiladilar:

1. Oʻzbekiston avtomobil va daryo transporti agentligi, Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlim markazi va Ichki ishlar vazirligining 2006-yil 27-dekabrdagi 6, 48/QB, 11-son “Oʻzbekiston Respublikasida avtomototransport vositalari haydovchilarini tayyorlash va qayta tayyorlash bilan shugʻullanuvchi oʻquv yurtlarini bitirgan haydovchilikka nomzodlarga beriladigan yagona namunadagi guvohnomani berish tartibi toʻgʻrisidagi nizomni tasdiqlash haqida”gi qaroriga (roʻyxat raqami 1652, 2007-yil 9-yanvar) (Oʻzbekiston Respublikasi qonun hujjatlari toʻplami, 2007-yil, 1-2-son, 18-modda) ilovaga muvofiq oʻzgartirish va qoʻshimchalar kiritilsin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

1.Qarorda:

a) nomida va 1-banddagi “oʻquv yurtlarini” degan soʻzlar “taʼlim muassasalarini” degan soʻzlar bilan almashtirilsin;

b) muqaddima “avtomototransport vositalarini” degan soʻzlardan keyin “va shahar elektr transporti vositalarini” degan soʻzlar bilan toʻldirilsin.

2. Nizomda:

a) nomida va 2-ilova grifidagi “oʻquv yurtlarini” degan soʻzlar “taʼlim muassasalarini” degan soʻzlar bilan almashtirilsin;

b) muqaddima “avtomototransport vositalarini” degan soʻzlardan keyin “va shahar elektr transporti vositalarini” degan soʻzlar bilan toʻldirilsin va “oʻquv yurtlarini” degan soʻzlar “taʼlim muassasalarini” degan soʻzlar bilan almashtirilsin;

v) 1-band “avtomototransport vositalari” degan soʻzlardan keyin “va shahar elektr transporti vositalarini” degan soʻzlar bilan toʻldirilsin;

g) 2-banddagi “oʻquv yurtlarining” va “oʻquv yurti” degan soʻzlar tegishlicha “taʼlim muassasalarining” va “taʼlim muassasasi” degan soʻzlar bilan almashtirilsin;

d) 3-banddagi “oʻquv yurtida” va “oʻquv yurti” degan soʻzlar tegishlicha “taʼlim muassasasida” va “taʼlim muassasasi” degan soʻzlar bilan almashtirilsin;

e) 4 va 7-bandlardagi “oʻquv yurti” degan soʻzlar “taʼlim muassasasi” degan soʻzlar bilan almashtirilsin;

j) 6-banddagi “oʻquv yurtlarga” degan soʻzlar “taʼlim muassasalarga” degan soʻzlar bilan almashtirilsin;

z) 8 va 9-bandlardagi “oʻquv yurtining” degan soʻzlar “taʼlim muassasasining” degan soʻzlar bilan almashtirilsin;

i) 12-banddagi “oʻquv yurtining” va “Oʻquv yurtining” degan soʻzlar tegishlicha “taʼlim muassasasining” va “Taʼlim muassasasining” degan soʻzlar bilan almashtirilsin;

k) 13-banddagi “oʻquv yurti” va “oʻquv yurtining” degan soʻzlar tegishlicha “taʼlim muassasasi” va “taʼlim muassasasining” degan soʻzlar bilan almashtirilsin;

l) 1-ilovada:

grifidagi “oʻquv yurtlarini” degan soʻzlar “taʼlim muassasalarini” degan soʻzlar bilan almashtirilsin;

“Oʼquv yurti(tashkiloti)ning nomi” va “Oʼquv yurti” degan soʻzlar tegishlicha “Taʼlim muassasasi (tashkiloti)ning nomi” va “Taʼlim muassasasi” degan soʻzlar bilan almashtirilsin.