Respublikada oʻtkazilayotgan sud-huquq islohotlari va uning natijalari boʻyicha qonunchilikka kiritilgan oʻzgartirish va qoʻshimchalar hamda “Sudlar toʻgʻrisida”gi Qonunning 17 va 47-moddalariga asosan Oʻzbekiston Respublikasi Oliy sudi va Oliy xoʻjalik sudi qoʻshma Plenumi qaror qiladi:

I. Oʻzbekiston Respublikasi Oliy sudi va Oliy xoʻjalik sudi qoʻshma Plenumlari tomonidan qabul qilingan quyidagi qoʻshma qarorlarga oʻzgartirish va qoʻshimchalar kiritilsin:

1. Oʻzbekiston Respublikasi Oliy sudi va Oliy xoʻjalik sudi qoʻshma Plenumining 1996-yil 20-dekabrdagi “Sud hokimiyati toʻgʻrisida”gi 1 /60-sonli qarori:

a) 2-bandining uchinchi xatboshisi chiqarilsin;

b) 6-bandidagi “9-moddasiga” soʻzlari “10-moddasiga” soʻzlari bilan almashtirilsin;

v) 10-bandi quyidagi tahrirda bayon etilsin:

““Sudlar toʻgʻrisida”gi Qonunning 11-moddasiga muvofiq, umumiy yurisdiksiya sudlarini moddiy-texnika va moliyaviy jihatdan taʼminlash hamda ularning faoliyati uchun zarur sharoitlar yaratish Oʻzbekiston Respublikasi Adliya vazirligi huzuridagi nizomi belgilangan tartibda tasdiqlanadigan maxsus vakolatli organ tomonidan, xoʻjalik sudlariga nisbatan esa bunday faoliyat Oʻzbekiston Respublikasi Oliy xoʻjalik sudi tomonidan amalga oshiriladi”.

2. Oʻzbekiston Respublikasi Oliy sudi va Oliy xoʻjalik sudi qoʻshma Plenumining 2000-yil 28-apreldagi “Tadbirkorlik faoliyati bilan bogʻliq qonunchilikni qoʻllash sud amaliyoti toʻgʻrisida”gi 2/84-sonli qarori:

a) kirish qismining beshinchi xatboshisidagi “16” raqami “17” raqamiga, “46” raqami “47” raqamiga oʻzgartirilsin;

b) 2-bandi quyidagi tahrirda bayon etilsin:

“Sudlarga tushuntirilsinki, qonunlarga zid boʻlgan idoraviy meʼyoriy hujjatlar, nizom va koʻrsatmalar nizolarni hal qilishda tatbiq etilishi va ayblovning asosiga qoʻyilishi mumkin emas”;

v) 4-bandining beshinchi xatboshisi quyidagi tahrirda bayon etilsin:

“Sudlar nazarda tutishlari lozimki, “Tadbirkorlik faoliyati erkinligining kafolatlari toʻgʻrisida”gi 2000-yil 25-maydagi Qonunning 39-moddasida tadbirkorlik subyektlari faoliyatini tekshirish cheklangan, yaʼni ushbu Qonun talabiga koʻra, tadbirkorlik subyektlarining faoliyatini tekshirish nazorat qiluvchi organlar tomonidan qonun hujjatlariga muvofiq rejali tartibda, nazorat qiluvchi organlar faoliyatini muvofiqlash-tirish boʻyicha maxsus vakolatli organning qaroriga binoan yiliga koʻpi bilan bir marta amalga oshirilishi mumkin”;

g) 5-bandi quyidagi tahrirda bayon etilsin:

“Tadbirkorlik faoliyati erkinligining kafolatlari toʻgʻrisida”gi 2000-yil 25-maydagi Qonunning 18-moddasida tadbirkorlik faoliyati erkinligining konstitutsiyaviy kafolatlari belgilangan. Chunonchi, tadbirkorlar oʻz huquq va erkinliklarini sud orqali himoya qilishlari, davlat organlari, jamoat birlashmalarining gʻayriqonuniy qarorlari, mansabdor shaxslarning harakat (harakatsizlik)lari ustidan sudga shikoyat qilishlari mumkin. Bunday shikoyatlarni koʻrishda sudlar Oʻzbekiston Respublikasi Oliy sudi Plenumining 1996-yil 19-iyuldagi “Fuqarolarning huquqlarini va erkinliklarini buzadigan xatti-harakatlar va qarorlar ustidan keltirilgan shikoyatlarni sudlarda koʻrish amaliyoti toʻgʻrisida”gi 18-sonli qaroriga amal qilmoqlari zarur”;

d) 18-bandi “Oʻzbekiston Respublikasining” soʻzlaridan soʻng “ayrim qonun hujjatlariga oʻzgartishlar va qoʻshimchalar kiritish toʻgʻrisidagi” soʻzlari bilan toʻldirilsin.