O‘zbekiston Respublikasining “Arxiv ishi to‘g‘risida”gi Qonuniga (O‘zbekiston Respublikasi qonun hujjatlari to‘plami, 2010-y., 24-25-son, 192-modda) va Vazirlar Mahkamasining 2004-yil 3-fevraldagi 49-son qarori (O‘zbekiston Respublikasi qonun hujjatlari to‘plami, 2004-y., 5-son, 53-modda) bilan tasdiqlangan O‘zbekiston Respublikasi Vazirlar Mahkamasi huzuridagi “O‘zarxiv” agentligi to‘g‘risidagi nizomga muvofiq buyuraman:
1. Arxiv hujjatlari davlat arxivlariga topshirilishi lozim bo‘lgan korxonalar, muassasalar va tashkilotlarning ro‘yxatini tuzish tartibi to‘g‘risidagi nizom ilovaga muvofiq tasdiqlansin.
2. Ushbu buyruq O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.
Mazkur Nizom O‘zbekiston Respublikasining “Arxiv ishi to‘g‘risida”gi Qonuniga (O‘zbekiston Respublikasi qonun hujjatlari to‘plami, 2010-y., 24-25-son, 192-modda) muvofiq arxiv hujjatlari davlat arxivlariga topshirilishi lozim bo‘lgan korxonalar, muassasalar va tashkilotlarning ro‘yxatini tuzish va yuritish tartibini belgilaydi.
1. Arxiv hujjatlari davlat arxiviga topshirilishi lozim bo‘lgan korxonalar, muassasalar va tashkilotlar ro‘yxatiga kiritilgan korxonalar, muassasalar va tashkilotlar (bundan buyon matnda tashkilotlar deb yuritiladi) davlat arxivlarining asosiy jamlash manbalari hisoblanadi.
Ekspert-tekshiruv komissiyasi (ETK) — davlat arxivlari, hududiy arxiv ishi boshqarmalarida boshqaruv (ish yuritish), ilmiy-texnika va boshqa maxsus hujjatlar qimmatliligi ekspertizasini tashkil etish va hujjatlarni arxivlarga saqlash uchun topshirishga tayyorlash bo‘yicha uslubiy va amaliy ishlarni o‘tkazish hamda davlat arxivlarining jamlash manbai bo‘lgan tashkilot, muassasa, korxonalarning Markaziy ekspert komissiyalari (MEK) va ekspert komissiyalari (EK) faoliyatiga rahbarlik qilish va uni muvofiqlashtirish uchun tuziladigan doimiy faoliyat yurituvchi komissiya;
Oldingi tahrirga qarang.
Markaziy ekspert-tekshirish komissiyasi (METK) — uslubiy va amaliy ishlarni olib borish uchun, shuningdek O‘zbekiston Respublikasi Milliy arxiv fondi hujjatlarini doimiy saqlovchi vazirliklar, idoralar, tarmoq davlat fondlari va tashkilotlarining MEKlariga rahbarlik qilish va ularning faoliyatini muvofiqlashtirish uchun O‘zbekiston Respublikasi Adliya vazirligi huzuridagi “O‘zarxiv” agentligi (bundan buyon matnda “O‘zarxiv” agentligi deb yuritiladi) qoshida ish olib boradigan doimiy faoliyat ko‘rsatuvchi komissiya;
(3-bandning beshinchi xatboshisi O‘zbekiston Respublikasi adliya vazirining 2023-yil 30-oktabrdagi 16-mh-sonli buyrug‘i (ro‘yxat raqami 3469, 31.10.2023-y.) tahririda — Qonunchilik ma’lumotlari milliy bazasi, 03.11.2023-y., 10/23/3469/0824-son)
Ekspert-tekshirish uslubiy komissiyasi (ETUK) — hujjatlarning qimmatliligini aniqlash ekspertizasini o‘tkazishning ilmiy-uslubiy va amaliy masalalarini ko‘rib chiqish, shu jumladan boshqaruv (ish yuritish), ilmiy-texnika va boshqa maxsus hujjatlarni arxivda saqlashga topshirish uchun tayyorlash bo‘yicha uslubiy va amaliy ishlarni olib boruvchi, shuningdek tashkilotlarning EK va MEKlarining faoliyatini tashkiliy-uslubiy jihatdan boshqarishni amalga oshiruvchi markaziy davlat arxivlarida tuziladigan doimiy faoliyat ko‘rsatuvchi komissiya.
yuqori turuvchi tashkilot fondidagi reja-hisobot va axborot-tahliliy hujjatlarining takroriylik darajasi va axborotning to‘liq aks ettirilishi.
5. Davlat arxivlarining asosiy jamlash manbalari bo‘lgan tashkilotlar “O‘zarxiv” agentligi, uning Qoraqalpog‘iston Respublikasi, viloyatlar va Toshkent shahridagi arxiv ishi bo‘yicha hududiy boshqarmalari, shuningdek ularga bo‘ysunuvchi davlat arxivlari tomonidan aniqlanadi.
Davlat arxivlarining asosiy jamlash manbalari hisoblangan tashkilotlar O‘zbekiston Respublikasi Milliy arxiv fondining (bundan buyon matnda MAF deb yuritiladi) davlatga tegishli qismi tarkibiga kiritilgan arxiv hujjatlarini idoraviy arxivlarda vaqtincha saqlash muddatlari o‘tgach belgilangan tartibda davlat arxivlariga topshiradi.
ilgari davlat mulki egaligida bo‘lgan, mulkchilik shaklini o‘zgartirgunga qadar ular faoliyatida shakllanib, MAFning davlatga tegishli qismi tarkibiga kiritilgan arxiv hujjatlarini vaqtincha saqlovini amalga oshirayotgan tashkilotlar;
hujjatlari MAFning davlatga tegishli bo‘lmagan qismi tarkibiga kiritilgan, o‘z hujjatlarini shartnoma asosida davlat arxiviga doimiy saqlashga topshirgan siyosiy partiyalar, kasaba uyushmalari, diniy tashkilotlar hamda boshqa nodavlat notijorat tashkilotlari;
mulkchilik shaklini o‘zgartirgan MAFning davlatga tegishli qismi tarkibiga kiritilgan arxiv hujjatlarini vaqtincha saqlovini amalga oshirayotgan tashkilotlar.
tashkilotni davlat arxivining asosiy jamlash manbalari tarkibiga kiritish to‘g‘risidagi masalani hal etish.
8. Davlat arxivlarining rasmiy so‘rovi asosida statistika organlari har yili 20-dekabrgacha davlat arxivining jamlash zonasi miqyosidagi faoliyat ko‘rsatayotgan va tugatilgan tashkilotlar to‘g‘risidagi statistik ma’lumotlarni taqdim etib boradi.
Bunda davlat arxivlarining asosiy jamlash manbalari tarkibi statistik ma’lumotlar asosida shakllantirilib boriladi.
9. Davlat arxivlarining asosiy jamlash manbalari tarkibini sifatli shakllantirishda tashkilot tomonidan bajariladigan vazifa va funksiyalarni tahlil qilish tashkilotga yuboriladigan davlat arxivlarining rasmiy so‘rovi asosida amalga oshiriladi.
10. Tashkilotning vazifa va funksiyalarini sifatli tahlil qilish uchun axborot hajmi yetarli bo‘lmagan taqdirda, tashkilot rahbariyati bilan kelishilgan holda tashkilot faoliyatida shakllanadigan hujjatlarning tarkibi, yig‘majildlar nomenklaturasi va ish yuritish bo‘yicha yo‘riqnomalardan kelib chiqib qo‘shimcha ravishda tahlil qilinadi.
11. Davlat yoki xo‘jalik boshqaruvi organi tizimiga tegishli bo‘lgan bir turdagi tashkilotlar aniqlanganda quyidagilar amalga oshiriladi:
arxivning jamlash zonasida joylashgan boshqaruv organi tizimidagi barcha tashkilotlar tarmog‘ini va ularning bo‘ysunuvini tahlil qilish;
davlat arxivlarining asosiy jamlash manbalari ro‘yxatida mavjud bo‘lgan hamda MAFning davlatga tegishli qismi tarkibiga kiritilgan arxiv hujjatlari saqlovini amalga oshirayotgan tashkilotlardagi o‘zgarishlarni (mulkchilikning boshqa shakliga o‘tish, qayta tashkil etilish, tugatilish va boshqalar) aniqlash.
12. Muayyan bir tashkilotning tizim tashkilotlari hujjatlari tarkibi va mazmunini tahlil qilish davlat arxivining jamlash zonasida joylashgan mazkur tashkilot tizimining yuqori turuvchi tashkilotidan boshlanadi.
Bir turdagi bir nechta tashkilotdan bazaviy tashkilotlar sifatida davlat arxivining jamlash zonasidagi bir yoki bir nechtasi tanlab olinadi.
13. Muayyan bir tashkilotni yoki alohida tashkilotlar guruhini davlat arxivlarining asosiy jamlash manbalari tarkibiga kiritishni o‘rganish natijalari quyidagilar aks ettirilgan ma’lumotnomada rasmiylashtiriladi:
ushbu tashkilot faoliyatida aks ettiriladigan mintaqaning (respublika, viloyat, tuman, shahar) iqtisodiy, ilmiy, ijtimoiy, madaniy, ijtimoiy-siyosiy hayotiga xos bo‘lgan tomonlari;
hujjatlarini qabul qilish belgilangan bir tashkilot yoki alohida tashkilotlar guruhining davlat arxivlarining asosiy jamlash manbalari tarkibiga kiritilishi maqsadga muvofiqligi to‘g‘risida xulosa.
14. Davlat arxivlarida hujjatlarni jamlash uchun tashkilotlarning hujjatlari quyidagi turlar bo‘yicha qabul qilinadi:
to‘liq qabul qilish — tashkilotlardan doimiy saqlanadigan hujjatlarning butun jamlanmasi qabul qilinadi;
turi bo‘yicha tanlanma qabul qilish — har bir tashkilotdan muayyan turdagi hujjatlarning alohida toifasi qabul qilinadi;
guruh bo‘yicha tanlanma qabul qilish — muayyan turdagi alohida, maxsus tanlangan tashkilotlardan doimiy saqlanadigan hujjatlarning to‘liq jamlanmasi qabul qilinadi.
15. To‘liq qabul qilishning jamlash manbalariga ilmiy-tarixiy va madaniy-siyosiy ahamiyatga ega bo‘lgan va doimiy saqlanadigan arxiv hujjatlariga ega tashkilotlar kiradi.
16. Turi bo‘yicha tanlanma qabul qilishning jamlash manbalariga davlat arxiviga alohida hujjatlari kelib tushadigan va asosiy rejali-hisobot va axborot-tahliliy hujjatlari yuqori turuvchi yoki boshqa tashkilotlar fondlari tarkibida bo‘lib, aynan shu davlat arxiviga kelib tushadigan tashkilotlar kiradi. Agar ushbu tashkilotlar yagona davlat arxivining jamlash zonasiga kirmasa, turi bo‘yicha tanlanma qabul qilish to‘liq qabul qilishga almashtiriladi.
17. Guruh bo‘yicha tanlanma qabul qilishning jamlash manbalariga faoliyatida bir turdagi axborotni saqlovchi, tarkibi bo‘yicha o‘xshash hujjatlar majmuasini paydo qilgan tashkilotlar kiradi. Bu holda bir turdagi tashkilotlar guruhidan tarixiy ahamiyati muhimroq bo‘lgan, guruhdagi tashkilotlardan faoliyat miqyosi, joylashgan joyi yoki boshqa xususiyatlari bilan ajralib turuvchi tashkilotlar tanlab olinadi.
18. Davlat hokimiyati va boshqaruvi organlari, fuqarolarning o‘zini o‘zi boshqarish organlari, davlat tashkilotlari, ilmiy-tadqiqot tashkilotlari davlat arxivining asosiy jamlash manbalari tarkibiga so‘zsiz kiritiladi.
Davlat arxivlarining asosiy jamlash manbalari tarkibiga tarmoqning muhim ishlab chiqarish — sanoat va ijtimoiy funksiyalarini bajaradigan tashkilotlar (mazkur hududning iqtisodiyotini belgilovchi zavodlar, fabrikalar, ta’lim muassasalari) kiradi, bundan MAFning hujjatlarini doimiy saqlovchi vazirliklar, idoralar, tarmoq davlat fondlari va tashkilotlari mustasno.
19. Tashkilot tarkibidagi tuzilmalarning (alohida yuridik shaxs maqomiga ega bo‘lmagan tarkibiy bo‘linmalar, direktorlar kengashi, vakillar yig‘ilishi va h. k.) hujjatlari davlat arxivlariga ular faoliyat ko‘rsatayotgan tashkilot fondi tarkibida topshiriladi.
20. Tashkilotlarni davlat arxivlarining asosiy jamlash manbalari tarkibiga kiritish to‘g‘risidagi masala tegishli ETK (ETUK)larda ko‘rib chiqiladi.
ETK (ETUK)da tashkilotni jamlash manbaiga kiritish masalasini ko‘rib chiqish uchun tegishli davlat arxivi tomonidan quyidagi hujjatlar taqdim etiladi:
hujjatli fond tashkil etuvchi tashkilot va arxiv fondining tarixi bo‘yicha ma’lumotlar aks ettirilgan tarixiy ma’lumotnoma, tashkilot hujjatlarining tarkibi va mazmuni haqida qisqacha tavsifnoma va arxiv ilmiy-ma’lumotnoma apparati tizimi;
tashkilotni davlat arxivining asosiy jamlash manbalari tarkibiga kiritish to‘g‘risidagi ma’lumotnoma.
21. Tashkilotni davlat arxivlarining asosiy jamlash manbalari tarkibiga kiritish to‘g‘risidagi ma’lumotnoma 3 nusxada tuziladi: birinchi nusxa tashkilotning davlat arxivi tomonidan yuritiladigan kuzatuv yig‘majildga joylashtiriladi, ikkinchi nusxa arxiv ishi bo‘yicha tegishli hududiy boshqarmaning ETK (O‘zbekiston Respublikasining Markaziy davlat arxivida — ETUK) ish yuritishida foydalanish uchun olib qo‘yiladi, uchinchi nusxa tashkilot rahbariga ETK (ETUK)ning tashkilotni davlat arxivining asosiy jamlash manbalari ro‘yxatiga kiritish to‘g‘risidagi qaroridan ko‘chirma bilan birgalikda yuboriladi.
22. ETK (ETUK)ning ma’qullash to‘g‘risidagi qarori mazkur tashkilotni davlat arxivining asosiy jamlash manbalari ro‘yxatiga kiritilishiga asos bo‘lib xizmat qiladi.
23. Davlat arxivlarining asosiy jamlash manbalari ro‘yxatini tuzish quyidagilarga muvofiq amalga oshiriladi:
har bir turdagi tashkilot, shuningdek u yoki bu turdagi muayyan tashkilotning faoliyati xususiyatlari;
24. Davlat arxivlarining asosiy jamlash manbalari ro‘yxati har bir arxivda mazkur Nizomning ilovasida keltirilgan shaklga muvofiq tuziladi.
25. Davlat arxivlarining jamlash manbalari bo‘lgan barcha tarmoq tashkilotlarini qamrab olish maqsadida ma’lum bir yo‘nalish bo‘yicha faoliyat ko‘rsatayotgan nodavlat tashkilotlari ham davlat arxivlarining asosiy jamlash manbalari ro‘yxatiga kiritiladi.
26. Davlat arxivi tomonidan asosiy jamlash manbalari ro‘yxati bilan bir qatorda davlat arxivini jamlash manbalarining qo‘shimcha va ehtimoliy ro‘yxatlari ham tuziladi.
27. Davlat arxivlarini jamlash manbalarining qo‘shimcha ro‘yxatiga arxiv hujjatlari shartnoma bo‘yicha vaqtincha yoki depozitar saqlash uchun davlat arxiviga topshirilgan tashkilotlar kiritiladi.
28. Hujjatlari MAF tarkibiga kiritilishi mumkin bo‘lgan, biroq bu bo‘yicha hali bitimga erishilmagan tashkilotlar davlat arxivlarining jamlash manbalari ehtimoliy ro‘yxatiga kiritilishi mumkin.
29. Davlat arxivining asosiy jamlash manbalari ro‘yxatlari loyihasi va tashkilotni davlat arxivining asosiy jamlash manbalari tarkibiga kiritish to‘g‘risidagi ma’lumotnoma uni asoslaydigan hujjat bilan birgalikda arxiv ishi bo‘yicha tegishli hududiy boshqarmalarga ETKda ko‘rib chiqish uchun taqdim etiladi.
30. O‘zbekiston Respublikasi markaziy davlat arxivlarining asosiy jamlash manbalari ro‘yxatlari ETUKda ko‘rib chiqilib ma’qullangandan keyin, “O‘zarxiv” agentligining METKsiga taqdim etiladi.
31. Tegishli davlat arxivlarining asosiy jamlash manbalari tarkibi va hujjatlarni qabul qilish turi masalalari bo‘yicha kelishmovchiliklar tegishli ETK (METK) yig‘ilishlarida ovozga qo‘yish orqali ko‘pchilik ovozi bilan hal etiladi.
32. Zarur hollarda munozarali masalalarni qo‘shimcha ravishda o‘rganib chiqish uchun ETK (METK) majlisida takroriy ko‘rib chiqish to‘g‘risida qaror qabul qilinadi.
Munozarali masalalar tegishli ETK (METK) yig‘ilishlarida hal etilmagan taqdirda, arxiv ishi bo‘yicha tegishli hududiy boshqarma boshlig‘i (“O‘zarxiv” agentligi bosh direktori) yakuniy qarorni qabul qiladi.
33. Davlat arxivlarining asosiy jamlash manbalari ro‘yxati loyihasining kelishilishi to‘g‘risidagi ETK (METK) qarori ETK (METK) majlisi bayonnomasida qayd etiladi va tasdiqlash uchun arxiv ishi bo‘yicha tegishli hududiy boshqarma boshlig‘iga (“O‘zarxiv” agentligi bosh direktoriga) taqdim etiladi.
Ro‘yxatning oxirida, pastki chap burchagida “Arxiv ishi boshqaruv organining ETK (METK) bilan kelishilgan” degan shtamp qo‘yiladi va rahbar tomonidan tasdiqlanib, bayonnomaning raqami va sanasi ko‘rsatiladi.
34. Arxiv ishi boshqaruv organi ETK (METK)ning davlat arxivlarining asosiy jamlash manbalari ro‘yxatini kelishish to‘g‘risidagi qarori arxiv ishi bo‘yicha hududiy boshqarma rahbari (O‘zbekiston Respublikasi markaziy davlat arxivlarida — direktori) tomonidan tasdiqlash uchun asos bo‘lib xizmat qiladi.
35. Davlat arxivlarining asosiy jamlash manbalari ro‘yxatlarini aniqlashtirish bo‘yicha ishlar davlat arxivlari tomonidan muntazam, biroq yiliga kamida bir marta olib boriladi hamda davlat arxivlarining joriy ish rejalarida qayd etiladi.
36. Davlat arxivlarining tegishli xodimlari tashkilotlar bilan bog‘liq o‘zgarishlarni (tashkilotlarning tugatilishi yoki qayta tashkil etilishi, davlat tashkilotlarining mulkchilikning nodavlat shakliga o‘tishi) muntazam kuzatib boradilar va arxivlarning asosiy jamlash manbalari ro‘yxatlariga tegishli o‘zgartirish va aniqliklar kiritadilar.
Bunda ETK (METK) tomonidan davlat arxivlarining asosiy jamlash manbalari ro‘yxatiga kiritiladigan o‘zgartirish va aniqliklar ushbu ro‘yxatni tuzish tartibiga muvofiq amalga oshiriladi.
37. Davlat arxivining asosiy jamlash manbalari ro‘yxati har yili yanvar oyida reja asosida hamda ushbu ro‘yxatga tashkilotlar tarkibining jiddiy o‘zgarishiga olib keluvchi muhim o‘zgarishlar kiritilgan taqdirda qayta ko‘rib chiqiladi.
Oldingi tahrirga qarang.
38. Mazkur Nizomning buzilishida aybdor bo‘lgan shaxslar qonunchilik hujjatlarida belgilangan tartibda javobgar bo‘ladi.
(38-band O‘zbekiston Respublikasi adliya vazirining 2021-yil 28-iyuldagi 16-mh-sonli buyrug‘i (ro‘yxat raqami 3313, 28.07.2021-y.) tahririda — Qonunchilik ma’lumotlari milliy bazasi, 28.07.2021-y., 10/21/3313/0724-son)
Arxiv hujjatlari davlat arxivlariga topshirilishi lozim bo‘lgan korxonalar, muassasalar va tashkilotlarning ro‘yxatini tuzish tartibi to‘g‘risida nizomga
ILOVA
ILOVA
_________________________________________________________________________ | ||||||
(davlat arxivining nomi) | ||||||
T/r | Tashkilot indeksi** | Tashkilot nomi | Mulkchilik shakli (davlat, nodavlat) | Hujjatlarni qabul qilish shakli: to‘liq — 1, tanlanma: turi bo‘yicha — 2.1, guruhi bo‘yicha — 2.2 | Qabul qilinayotgan hujjatning turi | Izohlar*** |
1. | 2. | 3. | 4. | 5. | 6. | 7. |
1. Davlat organlari | ||||||
1.1. | ||||||
1.2. | ||||||
2. Iqtisodiyot. Statistika | ||||||
2.1. | ||||||
2.2. | ||||||
3. Sanoat | ||||||
3.1. | ||||||
3.2. | ||||||
4. Qishloq, o‘rmon, suv xo‘jaligi | ||||||
4.1. | ||||||
4.2. | ||||||
5. Qurilish. Arxitektura | ||||||
5.1. | ||||||
5.2. | ||||||
6. Transport | ||||||
6.1. | ||||||
6.2. | ||||||
7. Aloqa. Radiouzatish. Televideniye | ||||||
7.1. | ||||||
7.2. | ||||||
8. Savdo. Umumiy ovqatlanish | ||||||
8.1. | ||||||
8.2. | ||||||
9. Ta’minot. Tayyorlov. Sotish | ||||||
9.1. | ||||||
9.2. | ||||||
10. Moliyalashtirish. Kreditlash. Davlat sug‘urtasi | ||||||
10.1. | ||||||
10.2. | ||||||
11. Uy-joy kommunal xo‘jaligi, maishiy xizmat ko‘rsatish | ||||||
11.1. | ||||||
11.2. | ||||||
12. Ta’lim. Kadrlar tayyorlash | ||||||
12.1. | ||||||
12.2. | ||||||
13. Fan | ||||||
13.1. | ||||||
13.2. | ||||||
14. Madaniyat. San’at. Matbuot. Madaniy-ommaviy ishlar | ||||||
14.1. | ||||||
14.2. | ||||||
15. Sog‘liqni saqlash. Jismoniy tarbiya. Sport. Ijtimoiy ta’minot | ||||||
15.1. | ||||||
15.2. | ||||||
16. Adliya. Sud. Prokuratura | ||||||
16.1. | ||||||
16.2. | ||||||
17. Jamoat tashkilotlari | ||||||
17.1. | ||||||
17.2. | ||||||
18. Boshqa sohalar | ||||||
18.1 | ||||||
18.2. | ||||||
Ro‘yxatdagi jami tashkilotlar | Shu jumladan mulkchilik turi bo‘yicha: davlat, nodavlat | Shu jumladan qabul qilish shakllari bo‘yicha: 1, 2.1, 2.2 | ||||
01.01.20__ y. holatiga jami | ETK kotibi imzosi |