Viloyatda Oʻzbekiston Respublikasi Mudofaa vazirligining harbiy taʼlim muassasalariga nomzodlar tanlash ishlari Oʻzbekiston Respublikasining 2002-yil 12-dekabrdagi “Umumiy harbiy majburiyat va harbiy xizmat toʻgʻrisida”gi Qonuni, Oʻzbekiston Respublikasi Prezidentining 2005-yil 19-apreldagi 2193-sonli Farmoyishi hamda Toshkent viloyati hokimining 2008-yil 19-noyabrdagi 257-sonli qarori talablari asosida harbiy taʼlim muassasalariga nomzodlar tanlash Mudofaa vazirligining reja-topshirigʻi boʻyicha 210 nafar oʻrniga, 318 nafar nomzod tanlab olindi va shulardan 126 nafar nomzod saralab olinib, Harbiy taʼlim muassasalariga tavsiyalar berildi.

Test sinovlaridan samarali oʻtgan yoshlardan 24 nafari kursantlar safiga qabul qilindi.

Bu borada viloyatdagi Olmaliq, Bekobod, Chirchiq, Yangiyoʻl shaharlarida, Ohangaron, Zangiota, Toshkent, Chinoz hamda Yangiyoʻl tumanlarida bu muhim tadbir yetarli darajada tashkil etilmasdan harbiy taʼlim muassasalariga nomzodlar tanlash rejasi bajarilmadi.

2010-yilda Oʻzbekiston Respublikasi Mudofaa vazirligining harbiy taʼlim muassasalariga kirish uchun nomzodlar tanlash ishlarini yuqori saviyada tashkil etish va oʻtkazish maqsadida qaror qilaman:

1. Oʻzbekiston Respublikasi Mudofaa vazirligining harbiy taʼlim muassasalariga nomzodlar tanlash ishlari joriy yilning 25-fevraligacha boʻlgan muddatda amalga oshirilsin.

2. Belgilansinki, bilim yurtiga oʻqishga kirish istagini bildirgan shaxslar oʻqishga kirish yilning 1-fevraliga qadar yashash joyidagi shahar (tuman) mudofaa ishlari boshliqlari nomiga ariza beradilar, 25-fevralgacha shahar (tuman) hayʼati tomonidan nomzodlarni tanlash tadbirlari olib boriladi, shahar (tuman) Mudofaa boʻlimlari tanlagan nomzodlarning shaxsiy hujjatlarini 2010-yilning 1-martiga qadar viloyat Mudofaa ishlari boshqarmasiga taqdim etsinlar.

3. Oʻzbekiston Respublikasi Mudofaa vazirligining harbiy taʼlim muassasalariga nomzodlar tanlash boʻyicha viloyat tanlov komissiyasi tarkibi 1-ilovaga*, Oʻzbekiston Respublikasi Mudofaa vazirligining harbiy taʼlim muassasalariga nomzodlar tanlash boʻyicha chora-tadbirlar rejasi 2-ilovaga* muvofiq tasdiqlansin.

4. Viloyat Sogʻliqni saqlash boshqarmasi (A.Axmedov)ga:

viloyat, shahar va tuman tibbiy komissiyalarini zarur tibbiy asbob-uskuna va jihozlar bilan taʼminlash;

tibbiy koʻrikdan oʻtkazuvchi shifokor mutaxassislar bilan uslubiy mashgʻulotlar oʻtkazish;

viloyat Mudofaa ishlari boshqarmasi (F.Akramov) bilan hamkorlikda 2010-yil 1-apreligacha tanlangan nomzodlarni Oʻzbekiston Respublikasi Vazirlar Mahkamasining 2003-yil 21-fevraldagi “Oʻzbekiston Respublikasi Qurolli Kuchlarga tanlab olingan nomzodlarni tibbiy koʻrikdan oʻtkazish toʻgʻrisida”gi 95-son farmoyishi talablari asosida tibbiy koʻrikdan oʻtkazish;

2010-yil 25-yanvarga qadar harbiy taʼlim kirish istagini bildirgan barcha nomzodlarning shahar va tuman Mudofaa ishlari boʻlimlariga F-25U va F-025-1U shakllardagi tibbiy xulosalarni taqdim etish vazifalari yuklatilsin.

5. Viloyat oʻrta maxsus, kasb-hunar taʼlimi (X. Ibragimov), Xalq taʼlimi (A. Qayumov) boshqarmalari:

harbiy taʼlim muassasalariga oʻqishga kirish istagini bildirgan yoshlarga tegishli hujjatlarning berilishini;

harbiy oʻquv yurtlariga kiruvchi nomzodlar bilan sinovlarga kiritilgan aniq fanlar boʻyicha qoʻshimcha ravishda mashgʻulotlar oʻtkazishni tashkil etsinlar.

6. Viloyat Mudofaa ishlari boshqarmasi (F. Akramov):

viloyat Madaniyat va sport ishlari boshqarmasi (B.Axmedov), shahar va tuman hokimliklari, Mudofaa ishlari boʻlimlari bilan hamkorlikda 2010-yilning yanvar-fevral oylarida viloyatning barcha shahar va tumanlarida harbiy taʼlim muassasalariga oʻqishga kirish uchun tanlab olingan nomzodlarning jismoniy tayyorgarligini meʼyoriy talablar asosida koʻrikdan oʻtkazilishini:

“Kamolot” yoshlar ijtimoiy harakati viloyat Kengashi bilan hamkorlikda joylarda “Shunqorlar” harbiy sport musobaqalarini tashkil etish boʻyicha chora-tadbirlar ishlab chiqsin va tasdiqlasin.

7. Viloyat hokimining yordamchisi (S. Qurbonqulov)

oʻquv yili davomida taʼlim muassasalarida harbiy-vatanparvarlik mavzularida kino va videofilmlar namoyishini tashkil etsin.

Viloyat hamda mahalliy ommaviy axborot vositalari orqali harbiy taʼlim muassasalariga nomzodlarni tanlash davrida yoshlarni harbiy kasbga yoʻnaltirish, yoshlar orasida targʻibot ishlarini tashkil etish masalalariga bagʻishlangan tadbirlarni matbuot sahifalarida yoritib borish choralarini koʻrsin.

8. Mazkur qaror ijrosini nazorat qilish viloyat hokimining oʻrinbosari (S. Abdullayev) zimmasiga yuklatilsin.