LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Poli- va monokristall kremniy, fotoelementlar ishlab chiqarish uchun bazaviy mahsulot hisoblangan texnik kremniy ishlab chiqarishni tashkil etishni ta’minlash hamda respublika elektrotexnika sanoatini yanada rivojlantirish maqsadida Vazirlar Mahkamasi qaror qiladi:
1. “Uz-Kor Silicon” mas’uliyati cheklangan jamiyat qo‘shma korxonasi muassislari — O‘zbekiston Respublikasi Davlat geologiya va mineral resurslar qo‘mitasi hamda “NeoPLANT” kompaniyasining (Koreya Respublikasi), shuningdek “O‘zkimyosanoat” davlat-aksiyadorlik kompaniyasi va “Navoiyazot” ochiq aksiyadorlik jamiyatining “Uz-Kor Silicon” mas’uliyati cheklangan jamiyat qo‘shma korxonasi muassislari tarkibiga “Navoiyazot” ochiq aksiyadorlik jamiyati kirishi haqidagi taklifiga rozilik berilsin.
a) “Navoiyazot” ochiq aksiyadorlik jamiyati qo‘shma korxona muassislari tarkibiga kirishi munosabati bilan “Uz-Kor Silicon” mas’uliyati cheklangan jamiyatning ustav fondi miqdori 10,4 mln AQSh dollaridan 20,8 mln AQSh dollarigacha ko‘payishi, undan:
O‘zbekiston Respublikasi Davlat geologiya va mineral resurslar qo‘mitasining 5,2 mln AQSh dollari miqdoridagi ulushi (ustav fondidagi ulushning 25 foizi) — tarixiy xarajatlar va oldin amalga oshirilgan geologiya-qidiruv ishlari davomida olingan geologik, geofizik va boshqa axborot hisobiga shakllantirilganligi;
“NeoPLANT” kompaniyasining 10,4 mln AQSh dollari miqdoridagi ulushi (ustav fondidagi ulushning 50 foizi) — pul mablag‘lari, yangi texnologik asbob-uskunalar va jahon standartlariga javob beradigan zamonaviy litsenzion texnologiyalar hisobiga shakllantirilishi;
“Navoiyazot” ochiq aksiyadorlik jamiyatining 5,2 mln AQSh dollari miqdoridagi ulushi (ustav fondidagi ulushning 25 foizi) — tegishli muhandislik kommunikatsiyalari bilan birgalikda texnik kremniy ishlab chiqarish uchun binolar va inshootlar qurishga yo‘naltirilgan o‘z mablag‘lari hisobiga shakllantirilishi;
b) “Uz-Kor Silicon” mas’uliyati cheklangan jamiyat qo‘shma korxonasi doirasida bir yilda 12,0 ming tonna texnik kremniy ishlab chiqarish quvvatiga ega bo‘lgan qayta ishlovchi kompleks va 39,0 ming tonna kvars rudasi qazib oladigan kon qazish kompleksi qurilishini nazarda tutadigan “Navoiy viloyatida texnik kremniy ishlab chiqarishni tashkil etish (I bosqich)” investitsiya loyihasi amalga oshiriladi.
3. Asosiy texnik-iqtisodiy parametrlar bilan birgalikda “Navoiy viloyatida texnik kremniy ishlab chiqarishni tashkil etish (I bosqich)” investitsiya loyihasining texnik-iqtisodiy asoslanishi ilovaga* muvofiq tasdiqlansin.
a) umumiy qiymati 20,45 mln AQSh dollariga teng bo‘lgan “Navoiy viloyatida texnik kremniy ishlab chiqarishni tashkil etish (I bosqich)” investitsiya loyihasini moliyalashtirish:
“NeoPLANT” kompaniyasining 8,65 mln AQSh dollari summasidagi to‘g‘ridan to‘g‘ri xorijiy investitsiyalari;
“NeoPLANT” kompaniyasining asbob-uskunalar yetkazib berish uchun “Uz-Kor Silicon” mas’uliyati cheklangan jamiyat qo‘shma korxonasiga 2 yil muddatga beriladigan, yillik stavkasi qayta moliyalashtiruvchi bankning marjasi bilan birgalikda 8,0 foiz bo‘lgan 3,3 mln AQSh dollari summasidagi qarz mablag‘lari;
“Asaka” davlat-aksiyadorlik tijorat bankining “Uz-Kor Silicon” mas’uliyati cheklangan jamiyat qo‘shma korxonasiga 6 yil muddatga beriladigan, yillik stavkasi bankning 4,0 foiz marjasi bilan birgalikda 16 foiz bo‘lgan, qurilish-montaj ishlariga yo‘naltiriladigan 3,3 mln AQSh dollariga teng summadagi kredit mablag‘lari hisobiga amalga oshiriladi;
b) asosiy qarzni qaytarish, foizlar to‘lash, qarz va kredit mablag‘lariga xizmat ko‘rsatish bo‘yicha boshqa xarajatlar “Uz-Kor Silicon” mas’uliyati cheklangan jamiyat qo‘shma korxonasining o‘z mablag‘lari hisobiga amalga oshiriladi.
kon qazib olish kompleksi bo‘yicha — “GUMIN KO’MIR” mas’uliyati cheklangan jamiyatga bosh pudratchi funksiyasi yuklansin.
6. “Uz-Kor Silicon” mas’uliyati cheklangan jamiyat qo‘shma korxonasiga, istisno tariqasida, 2011-yil 31-dekabrgacha qurilish-montaj ishlarini loyiha-smeta hujjatlari parallel ishlab chiqilishi bilan birgalikda amalga oshirishga ruxsat berilsin.
7. O‘zbekiston Respublikasi Davlat arxitektura va qurilish qo‘mitasi loyiha-smeta hujjatlari ekspertizasi o‘tkazilishini belgilangan tartibda ta’minlasin va qurilish-montaj ishlari bajarilishi sifati ustidan davlat arxitektura-qurilish nazoratini o‘rnatsin.
8. O‘zbekiston Respublikasi Davlat geologiya va mineral resurslar qo‘mitasi manfaatdor vazirliklar va idoralar bilan birgalikda bir oy muddatda Vazirlar Mahkamasiga qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida taklif kiritsin.
9. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari G‘.I. Ibragimov zimmasiga yuklansin.