LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
Ijtimoiy infratuzilmani yanada yaxshilash, sanoat salohiyatini, birinchi navbatda, kichik biznes va xususiy tadbirkorlik subyektlarini har tomonlama qo‘llab-quvvatlash hisobiga rivojlantirish, shu asosda Namangan viloyati aholisi uchun munosib shart-sharoitlar yaratish va turmush darajasini oshirish maqsadida Vazirlar Mahkamasi qaror qiladi:
1. O‘zbekiston Respublikasi Prezidentining 2011-yil 30-sentabrda Namangan viloyatida bo‘lgan vaqtdagi topshiriqlarini amalga oshirishga doir Tadbirlar rejasi (keyingi o‘rinlarda Tadbirlar rejasi deb ataladi) ilovaga muvofiq tasdiqlansin.
2. O‘zbekiston Respublikasi Iqtisodiyot vazirligi, Moliya vazirligi, Namangan viloyati hokimligi manfaatdor vazirliklar, idoralar va xo‘jalik birlashmalari bilan birgalikda:
Tadbirlar rejasining bajarilishi yuzasidan doimiy monitoring o‘rnatsinlar hamda muammoli masalalarni har oyda ko‘rib chiqsinlar, ularni hal etish yuzasidan zarur tezkor va amaliy chora-tadbirlar ko‘rsinlar.
bir hafta muddatda ushbu qarorni bajarish yuzasidan tegishli qaror qabul qilsin, unda bajarish muddatlari va bajarish uchun mas’ullarni ko‘rsatgan holda qarorni bajarishning kalendar jadvalini tasdiqlashni nazarda tutsin;
har oyda tadbirlarning bajarilishi muhokamasini tashkil etsin, O‘zbekiston Respublikasi Vazirlar Mahkamasiga tegishli axborot taqdim etsin.
4. Belgilab qo‘yilsinki, tegishli vazirliklar, davlat qo‘mitalari va idoralar hamda Namangan viloyati hokimligi rahbarlari Tadbirlar rejasining bajarilishi yuzasidan shaxsan javob beradilar.
5. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.
T/r | O‘zbekiston Respublikasi Prezidentining topshiriqlari | Mas’ul bajaruvchilar | Bajarish muddatlari |
1. | O‘zbekiston Respublikasi Davlat budjeti va homiylar mablag‘lari hisobiga Namangan viloyatining “Istiqlol” korxonasi uchun ilg‘or xalqaro tajribani hisobga olgan holda, namoyish zalini, zamonaviy dizayn bo‘yicha atelyeni, tajriba ishlab chiqarish sexini o‘z ichiga oluvchi Dizayn va modalar markazini tashkil etish. | Azimov R.S., Namangan viloyati hokimligi (Yusupov), “O‘zbekyengilsanoat” DAK (Xaydarov), Iqtisodiyot vazirligi (Turdiyev), Moliya vazirligi (Tursunov), Tashqi iqtisodiy aloqalar, investitsiyalar va savdo vazirligi (G‘ulomov) | 2012-yil IV chorak |
Ushbu maqsadlarda xorijiy mamlakatlar (Fransiya, Italiya, Germaniya)ga borgan holda dizayn va modalar markazlari ishlarini tashkil etish tajribasi va tizimini o‘rganish. | 2011-yil 30-dekabrgacha | ||
2. | Do‘stlik shoh ko‘chasi va Bobur ko‘chasida joylashgan ko‘p kvartirali uylar va ma’muriy binolarning tayanch qismini granit plitalar bilan qoplash tadbirlarini amalga oshirish. | Xo‘jayev B.A., “Davarxitektqurilish” qo‘mitasi (Toxtayev), Namangan viloyati hokimligi (Yusupov) | 2011-yil 10-noyabrgacha takliflar tayyorlash. 2012-yil II chorakda tadbirlarni amalga oshirish |
3. | Namangan shahridagi “Navbahor” markaziy sport stadionini rekonstruksiya qilishni tugallash. | Xo‘jayev B.A., Namangan viloyati hokimligi (Yusupov), O‘zbekiston futbol federatsiyasi (Usmanov) | 2012-yil IV chorak |
4. | Namangan viloyati hok�mligi bilan kelishgan holda shaharning markaziy va shoh ko‘chalarida joylashgan ma’muriy va turar joy binolarining fasadlarini qayta bo‘yash yuzasidan takliflar kiritish. | Xo‘jayev B.A., “Davarxitektqurilish” qo‘mitasi (Toxtayev) | 2012-yil 10-noyabrgacha |
5. | OTBning qarz mablag‘lari hisobiga Pungan-Namangan yo‘nalishi bo‘yicha 4R112 avtomobil yo‘lining 75 kilometrli uchastkasini harakatlanishni 4 polosaga o‘tkazishni nazarda tutgan holda rekonstruksiya qilish loyihasini amalga oshirish to‘g‘risidagi O‘zbekiston Respublikasi Prezidentining qarori loyihasini tayyorlash. | Azimov R.S., Xo‘jayev B.A., Moliya vazirligi (Tursunov), Respublika yo‘l jamg‘armasi (Shukurov), Iqtisodiyot vazirligi (Saidova), Tashqi iqtisodiy aloqalar, investitsiyalar va savdo vazirligi (G‘ulomov), “Davarxitektqurilish” qo‘mitasi (Toxtayev), Namangan viloyati hokimligi (Yusupov) | 2012-yil III chorak qurilishning boshlanishi — 2012-yil IV chorak |
6. | Do‘stlik shoh ko‘chasidan o‘tuvchi yo‘l o‘tkazgich to‘siqlarining dizaynini yaxshilash. | Xo‘jayev B.A., “Davarxitektqurilish” qo‘mitasi (Toxtayev), Respublika yo‘l jamg‘armasi (Shukurov), “O‘zavtoyo‘l” DAK (Abdullayev), Namangan viloyati hokimligi (Yusupov) | 2012-yil 1-yanvargacha |
7. | Xorijiy investor bilan birgalikda ipakchilik sanoatini rivojlantirish yuzasidan to‘liq siklga (tut ko‘chatlari ekishdan boshlab ipak gazlamalar ishlab chiqarishgacha) ega bo‘lgan yirik kompleks yaratish. | “O‘zbekyengilsanoat” DAK (Xaydarov), Namangan viloyati hokimligi (Yusupov), Iqtisodiyot vazirligi (Saidova), Tashqi iqtisodiy aloqalar, investitsiyalar va savdo vazirligi (G‘ulomov) | 2011 — 2013-yillar |
8. | Jamiyat hayotining turli sohalarida (san’at, adabiyot, sport, tadbirkorlik va boshqalarda) iqtidorli yoshlarni qo‘llab-quvvatlash chora-tadbirlari dasturini ishlab chiqish. | Aripov A.N., Namangan viloyati hokimligi (Yusupov), “Kamolot” yoshlar ijtimoiy hara�ati (G‘aniyev) | 2011-yil 10-noyabrgacha |