Oʻzbekiston Respublikasining “Qimmatli qogʻozlar bozori toʻgʻrisida”gi Qonuni (Oʻzbekiston Respublikasi qonun hujjatlari toʻplami, 2008-y., 29-30-son, 278-modda) va Oʻzbekiston Respublikasi Vazirlar Mahkamasining 1996-yil 30-martdagi 126-son qarori bilan tasdiqlangan Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi toʻgʻrisidagi nizomga (Oʻzbekiston Respublikasi Hukumatining qarorlari toʻplami, 1996-y., 3-son, 11-modda) muvofiq buyuraman:

1. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bosh direktorining 2009-yil 16-iyuldagi 2009-40-son buyrugʻi bilan tasdiqlangan Qimmatli qogʻozlar emissiyasi va emissiyaviy qimmatli qogʻozlar chiqarilishlarini davlat roʻyxatidan oʻtkazish qoidalariga (roʻyxat raqami 2000, 2009-yil 30-avgust) (Oʻzbekiston Respublikasi qonun hujjatlari toʻplami, 2009-y., 36-son, 394-modda) ilovaga muvofiq oʻzgartirish va qoʻshimchalar kiritilsin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

1. 22-band quyidagi tahrirda bayon qilinsin:

“22. Obligatsiyalar faqat tijorat banklari, shuningdek ochiq aksiyadorlik jamiyatlari tomonidan quyidagi shartlarga rioya etgan holda chiqarilishi mumkin:

a) auditorlik tashkilotining xulosasi bilan tasdiqlangan oʻz kapitalining obligatsiyalar chiqarish toʻgʻrisida qaror qabul qilingan sanadagi miqdori doirasida;

b) oxirgi uch yil mobaynida rentabellik, toʻlovga qobiliyatlilik, moliyaviy barqarorlik va likvidlilikning auditorlik tashkiloti xulosalari bilan tasdiqlangan ijobiy koʻrsatkichlariga ega boʻlgan;

v) mustaqil reyting bahosini olgan;

g) investorlarga tegishli mablagʻlarning emitentlar tomonidan toʻlanishi boʻyicha toʻlov agentlari vazifasini bajaruvchi tijorat banklari ishtirokida;

d) ustav kapitalini qonun hujjatlarida belgilangan eng kam miqdordan kam boʻlmagan miqdorda shakllantirgan;

e) kamida uch yildan beri faoliyat yuritayotgan.

Mazkur bandning “b” kichik bandi talablari tijorat banklariga tatbiq qilinmaydi.

Tijorat banklari — ochiq aksiyadorlik jamiyatlari tomonidan ustav bilan belgilangan bank ustav kapitali miqdori doirasida obligatsiyalar chiqarilgan taqdirda qaror qabul qilingan sanadagi auditorlik tashkilotining oʻz kapitali miqdoriga doir xulosasining mavjudligi talab qilinmaydi”.

2. 24-band “chiqarilgan” degan soʻzdan keyin “va soʻndirilmagan (bekor qilinmagan)” degan soʻzlar bilan toʻldirilsin.

3. 40-band quyidagi mazmundagi xatboshi bilan toʻldirilsin:

“Emitentning oxirgi yil uchun moliyaviy hisobotining auditor tomonidan tekshiruvi tugaguniga qadar emitent risolani oxirgi tugallangan yil uchun auditorlik xulosasi nusxasini ilova qilmagan holda taqdim etishga haqli”.

4. Quyidagi mazmundagi 45¹-band bilan toʻldirilsin:

“45¹. Qimmatli qogʻozlar chiqarish va (yoki) ilgari roʻyxatdan oʻtkazilgan qimmatli qogʻozlar chiqarilishiga oʻzgartirishlar kiritishga doir hujjatlarni tayyorlash uchun emitent investitsiya maslahatchisini jalb qilishi mumkin.

Emitent tomonidan investitsiya maslahatchisi jalb qilingan taqdirda mazkur Qoidalarga muvofiq qimmatli qogʻozlar chiqarilishini davlat roʻyxatidan oʻtkazish uchun taqdim etiladigan qimmatli qogʻozlar chiqarilishi toʻgʻrisidagi qaror, risola va ilgari roʻyxatdan oʻtkazilgan qimmatli qogʻozlar chiqarilishiga oʻzgartirishlar matni investitsiya maslahatchisi rahbarining imzosi va asosiy muhri bilan tasdiqlanadi.

Investitsiya maslahatchisi emitentga mazkur Qoidalarda nazarda tutilgan hujjatlarni tayyorlashga doir xizmatlar koʻrsatadi va davlat roʻyxatidan oʻtkazish rad etilgan taqdirda ular oʻrtasida tuzilgan shartnoma va qonun hujjatlariga muvofiq emitent oldida javobgar boʻladi”.

5. 58-band quyidagi mazmundagi xatboshi bilan toʻldirilsin:

“Qimmatli qogʻozlar chiqarilishining davlat roʻyxatidan oʻtkazilishi roʻyxatdan oʻtkazuvchi organ markaziy apparati tomonidan amalga oshirilgan emitent hujjatlari, shuningdek keyingi qimmatli qogʻozlar chiqarilishlarining davlat roʻyxatidan oʻtkazilishini amalga oshirish, ilgari roʻyxatdan oʻtkazilgan qimmatli qogʻozlar chiqarilishiga oʻzgartirishlar kiritish va ushbu emitentlar qimmatli qogʻozlari chiqarilishlarini YaDRdan chiqarib tashlash roʻyxatdan oʻtkazuvchi organ markaziy apparati rahbarining buyrugʻi bilan roʻyxatdan oʻtkazuvchi organning emitent yuridik shaxs sifatida davlat roʻyxatidan oʻtkazilgan joydagi hududiy boshqarmalariga berilishi mumkin”.

6. 85-band quyidagi mazmundagi “d” kichik bandi bilan toʻldirilsin:

“d) jamiyat ustav kapitalini kamaytirish maqsadida aksiyalar umumiy soni qisqartirilganda”.

7. Qoidalarning 1, 1a, 2, 2a va 2b-ilovalari “Muhr Sana” degan soʻzlardan keyin quyidagi mazmundagi satrlar bilan toʻldirilsin:

8. Qoidalarning 9 va 10-ilovalari quyidagi mazmundagi satrlar bilan toʻldirilsin:

9. Mazkur oʻzgartirish va qoʻshimchalar Oʻzbekiston Respublikasi Davlat mulkini boshqarish davlat qoʻmitasi va Oʻzbekiston Respublikasi Markaziy banki bilan kelishilgan.