Oʻzbekiston Respublikasining “Veterinariya toʻgʻrisida”gi Qonuni talablarini bajarish maqsadida Oʻzbekiston Respublikasi Vazirlar Mahkamasining 2007-yil 21-dekabrdagi 03-38-144-sonli bayoniga muvofiq buyuraman:

1. “10 % li kalsiy xlorid inyeksion eritmasini veterinariyada qoʻllash boʻyicha Qoʻllanma” ilovaga muvofiq tasdiqlansin.

2. Mazkur hujjat Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab 10 kun oʻtgandan keyin kuchga kiradi.

3. Mazkur Qoʻllanma tasdiqlanishi munosabati bilan Oʻzbekiston Respublikasi Davlat veterinariya bosh boshqarmasi tomonidan 2007-yil 17-avgustda tasdiqlangan “10 % li kalsiy xlorid inyeksion eritmasini veterinariyada qoʻllash boʻyicha Qoʻllanma” oʻz kuchini yoʻqotgan deb hisoblansin.

4. Mazkur buyruqning ijrosini nazorat qilishni oʻz zimmamda qoldiraman.

1. 10% li kalsiy xlorid eritmasi 10ml li flakonlarga yoki 100, 200 va 400 ml li qon va qon oʻrnini bosadigan moddalarga moʻljallangan shisha butilkalarga qadoqlangan rangsiz, tiniq suyuqlikdan iborat.

2. Butilkalarda TSh 64-15368831-06:2007 ning 1.4.1 bandi talablariga muvofiq ravishda etiketka boʻlishi kerak. Preparat oʻrab joylashtirilgan gofrirlangan karton yashiklarda TSh 64-15368831-06:2007 ning 1.4.2 bandi talablariga muvofiq ravishda etiketka boʻlishi kerak.

3. Shikastlangan flakonlar va butilkalardan foydalanish ruxsat etilmaydi.

4. Dorivor preparatning yaroqlilik muddati saqlash shartlariga rioya qilingan taqdirda (plyus 25°S gacha haroratda) ishlab chiqarilgan kundan boshlab besh yil.

5. Kalsiy xloridning rezorbtiv taʼsiri yurak qisqarishlarinint tezlashuvi va sekinlashuvida namoyon boʻladi. Qonning quyulish xususiyati sezilarli oshadi. Qon tomirlari devorlari zichlanib, shu bilan ularning alohidaligi kuchayadi, kalsiy xlorid shishlarning rivojlanishini oldini oladi. Kalsiy xlorid markaziy asab tizimi qoʻzgʻalishini bosadi. Simpatik innervatsiyaning kuchli taʼsiri, retikuloendotelial tizimning faollashuvi va leykotsitlarning fagotsitar funksiyasining kuchayishi hisobiga preparat yalligʻlanishga qarshi taʼsir qiladi. Kalsiy xlorid oʻrtacha davolash dozalarida qon tomiri orqali yuborilsa diurezni koʻtaradi.

6. 10% li kalsiy xlorid eritmasidan yalligʻlanish shishlari, abort (nasl tushishi)ni oldini olish, bachadon va tugʻish yoʻllari yalligʻlanishida, shuningdek ushlanib qolingan yoʻldoshni ajratib tushirishda; taʼsirchan davolash vositasida tetaiiyada, spazmofiliyada, osteopatiyaning turli shakllarida, allergik holatlarda va jigarning zaharlanib zararlanishida, eshak emi va bezgak kasalliklarida, septikopiyemiya va sigirlardagi tugʻish parezida, ichki qon ketishida qon toʻxtatuvchi sifatida foydalaniladi.

Preparat hayvonlarga quyidagi dozalarda (g larda) qon tomiri orqali yuboriladi:

otlarga: 5,0—30,0;

yirik shoxli mollarga: 10,0—40,0;

mayda shoxli mollarga: 1,0—15,0.

7. Hayvonlar veterinar vrachning doimiy kuzatuvida boʻlishi kerak.

8. Agar preparat tomir orqali quyilayotganda eritmaning bir qismi perivaskulyar fazoga tushsa, ushbu joylarda yalligʻlanish boshlanib, qattiq, uzoq ketmaydigan shishlar paydo buladi. Salbiy taʼsirni kamaytirish uchun kalsiy xlorid inyeksiyasi kiritilgan joyning atrofidagi bir nechta joydan katta miqdorda natriy xlorid izotonik eritmasi yoki kam miqdordagi (5—15 ml) 10% li natriy sulfat eritmasi kiritiladi. Natriy sulfat ziyod boʻlib ketsa, u ham yalligʻlantirishi mumkin.

9. Preparat hayvonlarga kiritilgandan soʻng, yirik shoxli mollar goʻshti va sutini, qoʻyning goʻshtini 7 kun davomida isteʼmol qilish ruxsat etilmaydi.

10. Preparat qoʻllanilayotgan paytda dorivor veterinariya preparatlari bilan ishlashning shaxsiy gigiyena va texnika xavfsizligi qoidalariga rioya qilish kerak.

11. Preparat ushbu Qoʻllanma talablariga muvofiq kelmagan taqdirda, uning qoʻllanilishi toʻxtatilib, bu haqida Oʻzbekiston veterinariya preparatlari davlat ilmiy nazorat laboratoriyasiga quyidagi manzil boʻyicha murojaat qilinadi: 100178, Toshkent sh., A.Yunusov koʻchasi, 1a uy. Tel./faks: 228-76-14, 229-30-47. E-mail: uzgnkl@rambler.ru. Bir vaqtning oʻzida laboratoriyaga preparatning laboratoriya bilan kelishilgan miqdordagi ochilmagan oʻramlari va preparatning qoʻllanmaga muvofiq kelmasligining toʻliq tavsifi joʻnatiladi.