Oʻzbekiston Respublikasining “Veterinariya toʻgʻrisida”gi Qonuni talablarini bajarish maqsadida Oʻzbekiston Respublikasi Vazirlar Mahkamasining 2007-yil 21-dekabrdagi 03-38-144-sonli bayoniga muvofiq buyuraman:

1. “Hayvonlardagi endo — va ektoparazitlarga qarshi intermek (inyeksion eritma) preparatini qoʻllash boʻyicha Qoʻllanma” ilovaga muvofiq tasdiqlansin.

2. Mazkur hujjat Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab 10 kun oʻtgandan keyin kuchga kiradi.

3. Mazkur Qoʻllanma tasdiqlanishi munosabati bilan Oʻzbekiston Respublikasi Davlat veterinariya bosh boshqarmasi tomonidan 2007-yil 30-martda tasdiqlangan “Hayvonlardagi endo — va ektoparazitlarga qarshi intermek (inyeksion eritma) preparatini qoʻllash boʻyicha Qoʻllanma” oʻz kuchini yoʻqotgan deb hisoblansin.

4. Mazkur buyruqning ijrosini nazorat qilishni oʻz zimmamda qoldiraman.

1. Intermek (lntermek) — 1 ml tarkibida 10 mg ivermektin taʼsir etuvchi moddasi, qoʻshimcha moddalar va erituvchisi boʻlgan parazitlarga qarshi preparat.

2. Tashqi koʻrinishiga koʻra preparat kuchsiz oʻziga xos hidga ega boʻlgan, mexanik qoʻshilmalarsiz yopishqoq, rangsiz shaffof suyuqlikdir.

3. Preparat qahrabo rangli shisha flakonlarga 20, 50 va 100 ml dan qadoqlanadi.

4. Preparat quruq, yorugʻlikdan himoyalangan va bolalar qoʻli yetmaydigan joyda +10 °S dan +25 °S gacha haroratda saqlanadi.

Yaroqlilik muddati belgilangan saqlash shartlariga rioya qilinganda 2 yil.

5. Ivermektin oshqozon-ichak trakti va oʻpka nematodlarining lichinka va voyaga yetgan shakllari, teri osti, halqum, oshqozon soʻnalari, bitlari, qon soʻruvchilari va sarkoptoid kana lichinkalariga nisbatan keng koʻlamdagi parazitlarga qarshi taʼsirga ega.

Preparat tormozlanish neyromediatori boʻlgan gamma-aminomoyli kislota ajralib chiqishini kuchaytiradi, bu parazitlarda asab impulslarining qabul qilinishiga putur yetkazadi va oʻz navbatida ularni falajlik va halok boʻlishga olib keladi.

Teri ostiga yuborilganda preparat emlash joyidan tezda soʻrilib, hayvon aʼzo va toʻqimalariga tarqaladi, hamda 12—14 kun mobaynida parazitar taʼsirni taʼminlab beradi.

6. Preparat tavsiya etilgan dozalarda sensibillovchi, embriotoksik, teratogen va mutagen taʼsirlarga ega emas. Organizmdan asosan siydik va axlat orqali, sogʻin hayvonlarda esa sut orqali ajraladi. Preparat tashqi muhitda tez parchalanadi.

7. Preparat quyidagi kasalliklarda:

yirik shoxli mol, koʻy va echkilar, ot, choʻchqa, it, quyon va parrandalarda nematodlarning barcha voyaga yetgan turlari, shuningdek (III va IV bosqichdagi): Cooperia spp., Trichostrongylus spp., Ostertagia ostertagi, Haemonchus placei, H. Contortus, Bunostomum phlebotomum, Chabertia ovina, Nematodirus filicollis, N. Spathiger lichinkalari qoʻzgʻatgan oshqozon-ichak trakti nematodozlarida;

kavsh qaytaruvchi hayvonlar, otlar, choʻchqalarning oʻpka nematodozlarida, shuningdek III va IV bosqichdagi Dictyocaulus viviparous va D. Filarial lichinkalarida;

yirik shoxli mol telyaziozida (faqat voyaga yetgan bosqichdagi);

yirik shoxli mol parafilyariozi va stefanotelyariozida (faqat voyaga yetgan bosqichdagi);

yirik shoxli mol setariozida;

barcha turdagi hayvonlar qichimasida;

itlar, choʻchqa va yirik shoxli mol demodekozida;

barcha turdagi hayvonlarning teri parazitlarida (bit, burga, qon soʻruvchilar, iksod kanalari, qoʻy junxoʻri);

goʻsht pashshasi lichinkalarida;

yirik shoxli mol gipodermozida (lichinkalar migratsiyasi bosqichida);

otlar gastrofilezida;

qoʻylar estrozida (lichinkalarning hamma bosqichlaridagi) davolash va oldini olish maqsadida qoʻllaniladi.

8. Preparat faqat teri ostiga kurak sohasiga, choʻchqalarga — boʻyin sohasiga quyidagi dozalarda yuboriladi:

yirik shoxli mol, qoʻy, echki, ot, quyonlarga 10 kg tirik vaznga 0,2 ml dan bir marotaba;

choʻchqalarga 10 kg tirik vaznga 0,3 ml dan bir marta;

itlarga 10 kg tirik vaznga 0,2—0,4 ml dan bir marotaba qoʻllaniladi;

9. Yirik shoxli mol gipodermozida dastlabki kimyoviy terapiyani preparatning kamroq dozasida (har bir hayvonga 1,5-2,0 ml) oʻtkazish mumkin.

10. Qichima, demodekoz, xorioptoz, sifunkulatoz va knemidokoptozlarni davolashda, 8—10 kundan soʻng bir xil dozalarda takroran emlanadi.

11. Besh va undan ortiq ml preparatni qoʻllash zaruriyati tugʻilganda, doza ikkiga boʻlinadi va turli joylarga yuboriladi.

12. Preparat sogʻin sigirlarga va tugʻuruqqa 28 kun qolganda qoʻllanilmaydi. Barcha zotdagi mayda itlar va laychalarga, shuningdek holsizlangan hayvonlarga qoʻllash tavsiya etilmaydi.

13. Hayvonlarni soʻyishga preparat soʻnggi marta qoʻllanilgandan 28 kun oʻtgach ruxsat etiladi. Belgilantan muddatdan avval soʻyish zaruriyati paydo boʻlganda , goʻshtdan goʻshtxoʻr hayvonlarga yemish siftida yoki goʻsht suyak uni ishlab chiqarishda foydalaniladi.

14. Preparat bilan ishlaganda shaxsiy himoya vositalari: respirator, rezina qoʻlqoplar, maxsus kiyimdan foydalaniladi.

15. Preparat ushbu Qoʻllanma talablariga muvofiq kelmagan taqdirda, uning qoʻllanilishi toʻxtatilib, bu haqida Oʻzbekiston veterinariya preparatlari davlat ilmiy nazorat laboratoriyasiga quyidagi manzil boʻyicha murojaat qilinadi: 100178, Toshkent sh., A.Yunusov koʻchasi, 1a uy. Tel./faks: 228-76-14, 229-30-47. E-mail: uzgnkl@rambler.ru. Bir vaqtning oʻzida laboratoriyaga preparatning laboratoriya bilan kelishilgan miqdordagi ochilmagan oʻramlari va preparatning qoʻllanmaga muvofiq kelmasligining toʻliq tavsifi joʻnatiladi.