Oʻzbekiston Respublikasi Prezidentining “Oʻzulgurjisavdoinvest” uyushmasi tuzilmasini isloh qilish va faoliyat samaradorligini oshirish toʻgʻrisida” 2011-yil 30-martdagi PQ-1514-son qarorini hamda Vazirlar Mahkamasining “Isteʼmol tovarlari bilan ulgurji va chakana savdoni tashkil etishni takomillashtirishga doir qoʻshimcha chora-tadbirlar toʻgʻrisida” 2011-yil 30-martdagi 94-son qarorini bajarish yuzasidan Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

1. Vazirlar Mahkamasining “Faoliyatning ayrim turlarini litsenziyalash toʻgʻrisida”gi Oʻzbekiston Respublikasi Qonunini amalga oshirish chora-tadbirlari toʻgʻrisida” 2002-yil 28-iyundagi 236-son qaroriga (Oʻzbekiston Respublikasi QT, 2002-y., 6-son, 36-modda) 1-ilovaning “Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalari” boʻlimining ikkinchi xatboshidagi hamda “Tumanlar (shaharlar) hokimliklari” boʻlimidagi “Respublika ixtisoslashtirilgan ulgurji baza-kontoralari” va “shuningdek viloyatlar “Matlubotsavdo” aksiyadorlik kompaniyalari” soʻzlari chiqarib tashlansin.

2. Vazirlar Mahkamasining 2006-yil 20-fevraldagi 27-son qarori (Oʻzbekiston Respublikasi QT, 2006-y., 2-son, 11-modda) bilan tasdiqlangan Davlat axborot resurslari hamda ularni shakllantirish, ulardan foydalanish va ularni qoʻllab-quvvatlash uchun masʼul boʻlgan davlat organlari roʻyxatining 100-pozitsiyasi “Davlat axborot resurslari nomi” ustunining matni quyidagi tahrirda bayon qilinsin:

“Ulgurji savdo faoliyatini amalga oshirish huquqi uchun berilgan litsenziyalar reyestri, Ulgurji savdo korxonalari uyushmasiga kiruvchi hududiy bazalar tomonidan amalga oshiriladigan faoliyatdan tashqari”.

3. Vazirlar Mahkamasining “Isteʼmol tovarlari ulgurji savdosi tizimini takomillashtirish chora-tadbirlari toʻgʻrisida” 2006-yil 27-martdagi 52-son qarorida (Oʻzbekiston Respublikasi QT, 2006-y., 3-son, 24-modda):

a) 1-band oʻz kuchini yoʻqotgan deb hisoblansin;

b) 2-bandda:

ikkinchi xatboshi quyidagi tahrirda bayon qilinsin:

“Ulgurji savdo korxonalari uyushmasiga kiruvchi hududiy (viloyat, viloyatlararo va tumanlararo) bazalarni roʻyxatdan oʻtkazish, shuningdek ular tomonidan ulgurji savdoni amalga oshirish tartibi toʻgʻrisidagi nizom 1-ilovaga muvofiq”;

uchinchi xatboshidagi “Respublika ixtisoslashtirilgan ulgurji baza-kontoralari” hamda “shuningdek viloyatlar “Matlubotsavdo” aksiyadorlik kompaniyalarining” soʻzlari chiqarib tashlansin;

v) 3-band oʻz kuchini yoʻqotgan deb hisoblansin;

g) 4-band quyidagi tahrirda bayon qilinsin:

“4. Belgilansinki, Ulgurji savdo korxonalari uyushmasiga kiruvchi hududiy bazalarning yoʻqotishlardan va nolikvid tovarlar narxini pasaytirishdan koʻrgan zararlari faqat bazalarning oʻz daromadlari hisobiga qoplanadi”;

d) 5-banddagi “Respublika ixtisoslashtirilgan ulgurji baza-kontoralariga” soʻzlari chiqarib tashlansin;

e) 6-band quyidagi tahrirda bayon qilinsin:

“6. Oʻzbekiston Respublikasi Adliya vazirligi belgilangan tartibda:

Ulgurji savdo korxonalari uyushmasiga kiruvchi hududiy (viloyat, viloyatlararo va tumanlararo) bazalarni roʻyxatdan oʻtkazsin;

Ulgurji savdo korxonalari uyushmasiga kiruvchi koʻrsatib oʻtilgan hududiy bazalarga qonun hujjatlari talablariga rioya qilishni hisobga olgan holda isteʼmol tovarlari ulgurji savdosini amalga oshirishga litsenziyalar bersin”;

j) 1-ilovada:

ilovaning nomi quyidagi tahrirda bayon qilinsin:

I boʻlimning nomi quyidagi tahrirda bayon qilinsin:

1-banddagi “Respublika ixtisoslashtirilgan ulgurji baza-kontoralarini” va “hududiy (viloyat, viloyatlararo va tumanlararo) bazalarni” soʻzlari “Ulgurji savdo korxonalari uyushmasiga kiruvchi hududiy (viloyat, viloyatlararo va tumanlararo) bazalarni” soʻzlari bilan almashtirilsin;

2-bandning birinchi xatboshidagi “Respublika ixtisoslashtirilgan ulgurji baza-kontoralari” soʻzlari chiqarib tashlansin;

3-banddagi “Respublika ixtisoslashtirilgan ulgurji baza-kontoralari va” soʻzlari chiqarib tashlansin;

7-band oʻz kuchini yoʻqotgan deb hisoblansin;

z) 2-ilovada:

ilova nomidagi “Respublika ixtisoslashtirilgan ulgurji baza-kontoralari” hamda “shuningdek “Matlubotsavdo” aksiyadorlik kompaniyalarining” soʻzlari chiqarib tashlansin;

1-band quyidagi tahrirda bayon qilinsin:

“1. Ushbu Nizom Ulgurji savdo korxonalari uyushmasiga kiruvchi hududiy (viloyat, viloyatlararo va tumanlararo) bazalarning isteʼmol tovarlari ulgurji savdosini amalga oshirish faoliyatini litsenziyalash tartibini belgilaydi”;

2-bandning toʻrtinchi va beshinchi xatboshi chiqarib tashlansin;

7-bandning oltinchi xatboshidagi “yoki “Matlubotsavdo” viloyat aksiyadorlik kompaniyalari” soʻzlari chiqarib tashlansin.

16-bandda:

birinchi va ikkinchi xatboshi chiqarib tashlansin;

uchinchi xatboshi birinchi xatboshi deb hisoblansin;

ilovadagi “AA №000/00*” soʻzlari, shuningdek unga izoh chiqarib tashlansin.