Oʻzbekiston Respublikasining “Veterinariya toʻgʻrisida”gi Qonuni talablarini bajarish maqsadida Oʻzbekiston Respublikasi Vazirlar Mahkamasining 2007-yil 21-dekabrdagi 03-38-144-sonli Bayoniga muvofiq buyuraman:

1. “Siprovet koʻz tomchilarini it va mushuklarning koʻz kasalliklarida qoʻllash boʻyicha Qoʻllanma” ilovaga muvofiq tasdiqlansin.

2. Mazkur hujjat Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab 10 kun oʻtgandan keyin kuchga kiradi.

3. Mazkur Qoʻllanma tasdiqlanishi munosabati bilan Oʻzbekiston Respublikasi Davlat veterinariya bosh boshqarmasi tomonidan 2007-yil 14-sentabrda tasdiqlangan “Siprovet koʻz tomchilarini it va mushuklarning koʻz kasalliklarida qoʻllash boʻyicha Qoʻllanma” oʻz kuchini yoʻqotgan deb hisoblansin.

4. Mazkur buyruqning ijrosini nazorat qilishni oʻz zimmamda qoldiraman.

1. Siprovet koʻz tomchilari (Guttae ophthalmicae Ciprovet) — it va mushuklarning koʻz kasalliklarini oldini olish va davolash uchun antibakterial dori vositasi.

2. Dori vositasi oʻz tarkibida taʼsir etuvchi modda tsiprofloksatsin gidroxlorid (0,45 %) va qoʻshimcha komponentlar: benzalkoniya xlorid, trilon B va inyeksiya uchun suv.

3 Bars koʻz tomchilari rangsizdan och sariq rangli suyuqlikdan iborat boʻladi.

4. Siprovet koʻz tomchilarini 1, 5, 10 ml polietilen yoki shisha flakonlarda karton qutilarda ishlab chiqariladi.

Har bir qadoqni ishlab chiqaruvchi korxona nomi, uning tovar belgisi va manzili, preparat nomi, taʼsir etuvchi moddaning nomi, tarkibi, qadoqdagi preparat soni, qoʻllash usuli, seriya raqami, ishlab chiqarilgan sanasi, yaroqlilik muddati, saqlash shartlari, TSh koʻrsatkichlari, “Hayvonlar uchun”, “Sterillangan” yozuvi va qoʻllash usuli koʻrsatilgan holda qadoqlanadi.

Preparat ishlab chiqarilgan korxona qadogʻida, yorugʻlikdan saqlagan holda, oziq-ovqat va em mahsulotlaridan alohida, harorat 5°S dan 25°S boʻlgan joyda saqlansin.

Preparat saqlanish muddati ishlab chiqarilgan kundan boshlab 2 yil.

Yaroqlilik muddati tugagan Siprovet koʻz tomchilarini ishlatish mumkin emas.

5. Siprovet koʻz tomchilari bakteriotsid va shamollashni oldini olish xususiyatlariga ega.

Preparat tarkibiga kiruvchi Siprofloksatsin gidroxlorid koʻpgina gram musbat va gram manfiy mikroorganizmlar, shuningdek xlamidiyalar, mikoplazmoz, har xil shtammdagi mikroorganizmlarga va boshqalarga taʼsir etadi.

Siproflaksatsin taʼsir etish mexanizmi DNK-girazlarning ingibirlanishi, bakteriyalarning kletkalarini buzishiga olib keladi.

Siprofloksatsin tezda R-plazmalarda paydo boʻladi, shuning uchun mikroorganizmlarning tezda koʻnikishiga olib kelmaydi.

Preparat instillatsiya qilinganida koʻz toʻqimalariga tez soʻriladi va davolash xususiyatlari yanada oshadi.

6. Siprovet koʻz tomchilari organizmga taʼsiri boʻyicha kam zararli moddalarga kiradi(GOST 12.1.007-76 boʻyicha 4 klass zararliligi).

7. Siprovet koʻz tomchilari it va mushuklarning quyidagi oftalmologik kasalliklarida qoʻllash tavsiya etiladi:

oʻtkir va surunkali konʼyuktivit, keratokonyuktivit, keratit, koʻz yaralari, yiringli iridotsiklit, blefaritlarda; kasalliklar tushishini oldini olish.

koʻzni travmadan soʻng yuqumli, koʻz jarrohligidan oldin va keyin.

8. Siprovet koʻz tomchilari zararlangan koʻzga mushuklarga 1 tomchi, itlarga 1-2 tomchi 7—14 kun davomida klinik davolanguncha tomiziladi.

Yiring va shilliqli-yiringlarda kasal koʻzlar tsiprovet koʻz tomchilari 3-4 tomchi boʻktirilgan sterillangan dokali tompon bilan tozalaniladi. Shundan soʻng 1-2 tomchi tomizilib qoʻllanma asosida davolaniladi.

Zaruriyat tugʻilganda davolash kursi takrorlanadi.

9. Qoʻllanma asosida preparat qoʻllanilganda hech qanday yomon asoratlar kuzatilmaydi.

10. Hayvonning tsiprofloksatsin preparatiga sezuvchanligi oshganida preparat qoʻllanishi toʻxtatiladi.

11. Siprovet koʻz tomchilari 7 kunlikdan kam boʻlgan hayvonlarda qoʻllanilmaydi.

12. Siprovet koʻz tomchilari bilan ishlaganda dori vositalari bilan ishlash qoidalariga rioya qilgan holda ishlash kerak.

13. Preparatni bolalardan yiroqroq joyda saqlash kerak.

14. Qoʻllash usuli talablariga toʻgʻri kelmagan holda preparat berilishi toʻxtatiladi va Toshkent sh. 100178 A.Yunusov koʻchasi, 1a uy, telefon raqami 228-76-14, 229-30-47. E-mail: uzgnkl@rambler.ru. joylashgan Oʻzbekiston davlat veterinariya preparatlari ilmiy-nazorat laboratoriyasiga xabar beriladi. Shu bilan birgalikda qadogʻi buzilmagan, laboratoriya bilan oldindan kelishilgan holda maʼlum miqdordagi preparat yuboriladi.