Oʻzbekiston Respublikasining “Veterinariya toʻgʻrisida”gi Qonuni talablarini bajarish maqsadida Oʻzbekiston Respublikasi Vazirlar Mahkamasining 2007-yil 21-dekabrdagi 03-38-144-sonli Bayoniga muvofiq buyuraman:

1. “Bars tomchilarini hayvonlarning koʻz kasalliklarini oldini olish va davolashda ishlatish boʻyicha Qoʻllanma” ilovaga muvofiq tasdiqlansin.

2. Mazkur hujjat Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab 10 kun oʻtgandan keyin kuchga kiradi.

3. Mazkur Qoʻllanma tasdiqlanishi munosabati bilan Oʻzbekiston Respublikasi Davlat veterinariya bosh boshqarmasi tomonidan 2007-yil 14-sentabrda tasdiqlangan “Bars tomchilarini hayvonlarning koʻz kasalliklarini oldini olish va davolashda ishlatish boʻyicha Qoʻllanma” oʻz kuchini yoʻqotgan deb hisoblansin.

4. Mazkur buyruqning ijrosini nazorat qilishni oʻz zimmamda qoldiraman.

1. Bars koʻz tomchilari (Guttae ophtalmicae Bars) — it, mushuk va quyonlarning konʼyunktivit, keratit, keratokonʼyuktivit va blefarit kasalliklarini oldini olish va davolash uchun dori vositasi.

2. Preparat tarkibiga taʼsir etuvchi 0,25 % li levomitsetin (xloramfenikol Levo) va 0,02 % li furatsilin, shuningdek benzalkoniya xlorid va distirlangan suv yordamchi komponentlar kiradi.

3. Bars koʻz tomchilari sariq-yashil rangda tiniq suyuqlikdan iborat boʻladi.

4. Preparat polimer flakon-tomchilarda va alyumindan qopqoqlangan rezina probkali 5, 10, 15 va 20 ml idishlarga qadoqlanib ishlab chiqariladi. Har bir qadoqni ishlab chiqaruvchi korxona nomi, uning tovar belgisi va manzili, preparat nomi, taʼsir etuvchi moddaning nomi, tarkibi, qadoqdagi preparat soni, qoʻllash usuli, seriya raqami, ishlab chiqarilgan sanasi, yaroqlilik muddati, saqlash shartlari, TSh koʻrsatkichlari, “Hayvonlar uchun” “Sterillangan” yozuvi va qoʻllash usuli koʻrsatilgan holda qadoqlanadi.Preparatni (B roʻyxati boʻyicha) ishlab chiqarilgan qadoqda, quruq, yorugʻlikdan saqlangan, oziq-ovqat va em mahsulotlaridan alohida, 12—15°S gacha boʻlgan haroratda saqlanadi. Yaroqlilik muddati preparatni saqlash qoidalariga rioya qilgan holda, ishlab chiqilgan kundan boshlab 1 yil.

5. Bars koʻz tomchilari antibakterial va yalligʻlanishga qarshi ishlash xususiyatlariga ega.

6. Preparat tarkibiga kiruvchi levomitsetin koʻpgina gramm musbat va gramm manfiy mikroblarga, ayrim yirik viruslarga, bakteriyalar shtammlariga, penitsillin, streptomitsin va sulfanilamidlarga taʼsir etadi.

7. Furatsilin patoggen gramm musbat va gramm manfiy mikroorganizmlar bakteriostatik va bakteritsid taʼsiriga ega. It va mushuklar uchun Azinoks preparati va embrion zaharlanishiga, teratogen va sensibilik taʼsir etmaydi.

8. Bars koʻz tomchilari organizmga taʼsir etishda kam zararli moddalar toifasiga kiradi (zararligi boʻyicha 4 klass GOST 12.1.007-76), tavsiya etilgan dozalarda qoʻllanilganda taʼsirchanlik, rezorbtiv-toksik va sensibilizatsiya koʻrsatmaydi.

9. Koʻz tomchilari Bars itlarga, mushuklarga va quyonlarning oʻtkir va surunkali konʼyunktivit, keratit, keratokonʼyunktivit va blefaritlarda, shuningdek koʻz jarohatlarida va boshqa narsalar taʼsiridagi infeksiyalarni oldini olish va davolashda tavsiya etiladi.

10. Davolashdan oldin koʻzning shilliq, yiring, shilliq-yiring ekssudatlaridan tozalanadi. Soʻng 1-2 tomchi preparat bir kunda 4 mahal 7—14 kun davomida konʼyunktivit boʻshligʻiga beriladi. Zaruriyat boʻlganda davolash jarayoni qaytariladi.

Kasallikni oldini olish maqsadida preparat boʻktirilgan salfetka bilan koʻz tozalanadi.

Travmadan keyingi kasalliklarni oldini olish uchun konʼyunktival boʻshliqqa 3-4 tomchi dori tomiziladi, soʻng marliliy salfetka bilan tozalanadi.

11. Qoʻllanma preparat qoʻllanish qoidalariga rioya qilgan holda hech qanday asoratlar kuzatilmaydi. Preparatning aktiv komponentlariga taʼsiri hayvonlarda individual kuzatilishida preparat qoʻllanishi toʻxtatiladi.

12. Preparat tarkibiga kiruvchi komponentlar taʼsiri hayvonlarda kuzatilganda preparat qoʻllash toʻxtatiladi.

13. Hayvonlarda Bars koʻz tomchilari preparat qoʻllanilganda asoratlar sezilganida preparatning ayni shu seriyasi qoʻllanishi toʻxtatiladi.

14. Preparat bilan ishlaganda umumiy veterinariya preparatlari bilan ishlash qoidalariga, shaxsiy gigiyena va texnik xavfsizliklariga rioya qilish kerak.

15. Bars koʻz tomchilari yaroqlilik muddati tugaganida qoʻllash mumkin emas.

16. Bars koʻz tomchilari bolalardan uzoqroq joyda saqlash kerak.

17. Qoʻllash usuli talablariga toʻgʻri kelmagan holda preparat berilishi toʻxtatiladi va Toshkent sh. 100178 A. Yunusov koʻchasi, 1 a uy, telefon raqami 228-76-14, 229-30-47. E-mail: uzgnkl@rambler.ru. joylashgan Oʻzbekiston davlat veterinariya preparatlari ilmiy-nazorat laboratoriyasiga xabar beriladi. Shu bilan birgalikda qadogʻi buzilmagan, laboratoriya bilan oldindan kelishilgan holda maʼlum miqdordagi preparat yuboriladi.